Layback Cafe & Bar (已結業)

與友人一齊試佢搵到嘅餐廳，來到門口唔係好認到，以為行錯左，先發現係門口個名甩左個L。就算係黃店，食完呢次都冇下次。原因1: 落完單等左45分鐘都未有野食，我與友人已飢腸轆轆。期間職員說再多5分鐘便上菜，但等了差不多多15-20分鐘。（懷疑職員掛住招呼其他客人同處理露台風扇，不夠人手從廚房端出食物）原因2:餐廳提供的餐具上有污漬，並不衛生，像是有灰塵或鏽跡，要用紙巾擦拭原因3:進食期間有蚊蟲飛至友人的番茄醬中和我的麵包上，並在我們之間不斷遊走，十分影響進食體驗原因4:露台非禁煙區，其他顧客食煙搞到我地焗住食二手煙至於食物尚可，不過不失。軟殼蟹牛油果漢堡的軟殼蟹不會有油呃味，味道不錯，性價比一般，同一價錢在其他累近餐廳會有更好體驗。

Layback Cafe & Bar - 週末Chill一Chill看到餐廳名字就知道這是一間非常chill的咖啡廳，室內佈置相當有心思，加入了不同的元素，而且更提供室外的位置，吹著緩緩舒適的微風。日本極上和牛粒配喜瑪拉雅山岩鹽牛味濃郁的日本黃牛粒，五成的熟度，肉質軟腍，油脂平均，配上岩鹽後味道更出。英式炸魚配黑松露薯條超粗切的黑松露薯條，脆皮的外皮，內裏軟綿綿的薯條，炸魚有底味，但炸皮略嫌不夠脆。煙三文魚蟹籽卡邦尼扁意粉超精緻的一道菜，用煙三文魚砌成一朵玫瑰花，而蟹籽的數量超乎想像，完完全全覆蓋整個意粉，卡邦尼醬汁也夠Creamy。焦糖朱古力冰沙超幸福的一杯冰沙特飲，朱古力味非常濃郁，焦糖味略為不夠。青蘋果日本靜岡縣綠茶超清新清爽的青蘋果綠茶，半甜甜度剛剛好。

尖沙咀區有很多 cafe, 但屬於香港人香港精神既，大家點都要多多支持啦！餐廳有室內和露天座，室內黃燈幾warm幾舒服！而家秋天坐室外更有 feeling. Menu有好以款都想試下，就要左 Parma Ham with melon, 色澤油潤既Parma Ham幾吸引，咸咸香香夠哂味道，再配上豐富果香既蜜瓜，咸香配鮮甜！層次好豐富，而且非常開胃。香蒜白酒蘆筍日本和牛扁意粉，和牛粒嫩淋唔乾身！充滿住肉汁，好嫩又夠牛香！意粉質地 q彈，吸哂醬汁味道，夠哂入味！而且份量都唔細，好夠食！爆芝炸魚漢堡配薯條，麵包為bagle, 麵包麵非常軟熟！ 內層有炸魚，脆漿唔會過厚亦都非常香脆，爆芝感覺超正！芝士既 creamy好到位，薯條夠脆，有d松露做topping, 味道更香濃！Oreo朱古力沙冰，賣相好靚仔，而且都幾大杯！味道香濃，濃濃朱古力味但唔會死甜！甜道剛好，唔會膩。

芝士煙肉焗有機大蘑菇 $68芝士煙肉既咸香配以大啡菇，切開之後非常多汁，所有材料都好配合，作為前菜好值得一試。自家製南瓜汁天婦羅蝦什菌意大利飯 $128南瓜汁香濃程度係濃湯一樣，每粒飯都有南瓜既香味，而天婦羅炸得好好，炸衣薄脆唔油膩。牛油果軟殻蟹漢堡配薯條 $138軟殼蟹厚肉，加上牛油果平衡返令熱氣感下降，最特別之處係個包，唔係一般漢堡包，而係用上貝果，配以千島醬汁好正。蘋果蜜桃鮮打綠茶 $50好清新，水果跟茶味十分夾。

一出電梯，搵五到入口🤣細心d睇，先發現呢個就係門口！Layback cafe😅⋯⋯我地揀左香蒜白酒露筍日本和牛粒燴扁意粉，小食拼盤同綠茶紅豆千層蛋糕和牛粒煮得剛剛好，肉質尚算嫩，而我最愛露筍，軟度適中，而且充滿了蒜香味🤓小食拼盤，包括天婦羅炸蝦、一口芝士、炸蠔、炸紫薯餅、菠蘿雞翼。炸物是剛剛炸起，食落仲係好熱，而炸物唔會好油，當中，一口芝士，炸紫薯好味，好足料。綠茶紅豆千層蛋糕。榛子咖啡☕️！

今日去了尖沙咀！我朋友帶子我去一間好神秘的西餐廳！在尖沙咀的加連威老道的嘉威大廈4樓！不是我朋友帶我去我都唔識路！一內餐廳地方好溫馨！我們點了2個set dinner 餐湯～西蘭花忌廉湯味道不錯，滑滑的食不出來是西蘭花！香蒜白酒露荀日本和牛粒燴扁意粉好香蒜味！露荀鮮嫩！牛肉好香口！意粉好爽口彈牙！明太子炸軟殼蟹忌廉扁意粉👍🏻👍🏻👍🏻👍🏻明太子醬好好味！炸軟殼蟹好香脆！扁意粉好好味！飲品芒果沙冰好好味有芒果粒粒牛油果咖啡👍🏻👍🏻👍🏻👍🏻好特別！牛油果的油香嫩滑！和咖啡好配！

食物質素非常高小食試左薯條雞亦同焗菇勁正！尤其是雞亦 炸得剛好 三文魚卡邦尼意粉一流三文魚勁大塊 加左一大pat靚蟹籽味道提升左個汁夠濃惹味 環境不算寬敞但乾淨企理但上菜速度係非常之慢 如果唔趕時間都值得同朋友傾下計慢慢等美食

💛食物方面：叫左個水牛芝士番茄沙律，芝士同番茄份量一比一好足🥰芝士尼個食物本身膩d，但夾埋酸酸甜甜既番茄一d都唔會膩，仲好開胃覺得個炸魚burger值得一試，好少食到惹味既炸魚，唔係得d炸皮同油味，佢又少少辣，外脆內軟🥰同m記果d差太遠！💛環境：分左室內同室外，今次坐室外，室外見到上層有舊香港電影張國榮既海報，配上昏暗既燈光同埋露天環境，好有韓國閣樓酒吧既feel，又不失香港風情💛服務態度都好，推薦大家支持下良心食店

意想不到在旺區尖沙咀也找到黃店的身影！小店座落在尖東的嘉威大廈樓上，以文宣認友這餐廳戶外的座位比戶內還多，坐外面還可以好好享受戶外的風景，在秋意正盛的時間正好可以選的餐點大都是CＡＦＥ有的東西，很簡單，不會有選擇困難症首先上台的抹茶鮮奶就已經令人滿意，口感CＲＥＡＭＹ，甜度適中，帶微澀香，平衡得很賣相非常吸引的ＯＲＥＯ朱古力沙冰，口感濃厚，那片ＯＲＥＯ餅加上沙冰非常甜香好吃又爽脆，在乍涼還暖的時候吃，正！黑松露雜菌忌廉芝士意大利飯＄１２８非常重奶香的意大利飯，口感夠煙韌，再加上芝士的咸香，一流！不到５分鐘就ＫＯ了！日本和牛配喜馬拉雅山岩鹽＄１２８好吃！夠肥美又不會過熟，三分—五分熟都好吃，不過略略不夠鹽份呢~非常豐富的全日早餐，清新的有沙律，車厘茄，茄汁豆味道較濃的有炒滑蛋，巴馬火腿，煙三文魚，再加多士，是一份滿特別的全日早餐呢~不會很多肉，但就用上比較矜貴的材料

尖沙咀有間有露台嘅cafe🌸店裡細細的滿滿花花裝飾，環境十分寧靜，傾計傾生意都好適合😏唔洗排隊，晏就喺1點開門😉我地就1點上到去🙊嘢食都幾快上齊🤪🍛黑松露忌廉芝士意大利飯 $128拉得起絲超creamy嘅意大利飯🧀意大利飯濕潤粒粒分明，仲有什菌沙律菜同車厘茄作配料，🍔牛油果軟殼蟹漢堡配薯條 $138超大隻軟殼蟹🤩面頭有舊厚厚牛油果🥑呢個喺可以安全地切開一半嘅burger!🍔一人一半，個半隻軟殼蟹脆卜卜，裡面好多膏🙊蕃茄同菜都好大份夠哂fresh，切開仲可以完完整整，唔會溶晒😂🍗Chill小食拼盤 $118🧀炸一口芝士，入口即溶🥔炸紫薯餅，淡淡天然紫薯味😋🍤天婦羅蝦，都幾大份，超哂脆卜卜🦪炸蠔，唔腥夠炸！🍍菠蘿釀雞翼🍗呢個不得了‼️喺雞翼仔入面放菠蘿，啖啖肉之餘又有菠蘿啲清新甜味😳😳☕️幸靈茶 $58有蘋果、柑橘、檸檬草、金盞花 效果去腫增消化，呢款花茶黃色，味道較淡，飲完口腔會有少少甘味😛☕️加勒比微風 $58洛神花，草莓，山莓，葡萄乾效果改善睡眠，呢款花茶紅色較靚🙊味道都較香甜甜哋

🔸明太子炸軟殼蟹忌廉扁意粉 $138🔸香蒜白酒露荀日本和牛粒燴扁意粉 $138🔸芝士煙肉焗有機大蘑菇 $68🔸蘋果蜜桃鮮打綠茶 $40🔸玫瑰朱古力奶 $36-近嚟尖沙咀都開咗好多樓上cafe，好似呢間良心小店，主打高質嘅西餐，食物同飲品都高水準啊！先叫咗份小食做starter，焗大啡菇非常出色，焗得好juicy之餘配埋芝士同煙肉，配搭非常完美。之後主食叫咗兩個扁意粉，軟殼蟹炸得好酥脆，配搭少少咸香嘅明太子忌廉汁真係唔錯；另一份點咗和牛粒意粉有白酒香氣加胡椒調味，比較清新冇咁膩。飲品都唔輸蝕㗎，玫瑰朱古力奶真係有玫瑰花香味，又唔會搶咗朱古力味，兩者配合得好好；而蘋果蜜桃茶就更驚喜地唔係好假嘅濃縮果汁味，而係好fresh嘅果茶，夏天飲啱晒！

鬧市望到夜空既餐廳～黎到尖東，想搵間可以chill下，不坊試下係加連威老道既Layback Cafe&bar。餐廳係嘉威大廈4樓，餐廳環境分左室內同室外，今次上到室內就滿曬座，唯有坐室外。室外可以望到尖沙咀既夜景，好chill，適合一班frd飲下酒chill下。座位算比較緊湊，坐低一陣就諗好叫咩野食了～🔻香蒜白酒露荀和牛粒燴扁意粉味道：7.5/10價錢：$138份量都好夠，露荀嫩口，而和牛粒煮得岩岩好，而意粉亦夠曬入味🔻牛油果軟殼蟹漢堡拼薯條味道：7/10價錢：$138餐廳唔係提供一般既漢堡，而係bagel漢堡！好特別！牛油果食落去夠淋，而且充滿住牛油果個種fresh既感覺～軟殼蟹炸得剛剛好，炸粉唔會太厚，食落去淡淡肉～好一個special match另外我地仲叫左一杯牛奶咖啡同士多啤梨飲品～地址：Layback Cafe & Bar (尖沙咀)尖沙咀加連威老道41號C-D嘉威大厦4樓B室

餐廳：Layback Cafe & Bar (尖沙咀)地址：尖沙咀加連威老道41號C-D嘉威大厦4樓B室週末去咗尖沙咀嘉威大厦4樓呢間樓上黃店Cafe @laybackcafe 食lunch聚舊🍴，下晝1點開門，所以趁一開門就去食野，咁就唔洗等位😆，過咗兩點半打後直頭坐爆哂成場🙈自家製南瓜汁天婦羅蝦什菌意大利飯 $128先將甜蜜蜜嘅南瓜蓉整成汁🎃，加上什菌撈勻到意大利飯🇮🇹，creamy嘅質感食落唔膩，有淡淡南瓜同忌廉香，加上酥脆嘅天婦羅蝦🍤，擺放係飯上好靚😻，打卡一流📸CHILL小食拼盤 $118呢個小食拼盤有3件紫薯餅、2件炸天婦羅蝦🍤、2串菠蘿釀雞翼、4件炸一口芝士🧀，同2件吉列生蠔🦪，我想講呢度嘅炸物真係頂晒班😎！就算影完相再食都依然咁鬆脆，最重要係唔油膩，生蠔外脆內多汁、芝士入面依然流心、紫薯好足料，認真下次一定會再叫👍🏼日本極上和牛粒配喜馬拉雅山岩鹽 $128呢度嘅和牛粒就相對普通🐂，份量亦唔算太多，不過煎香咗再加上喜馬拉雅山岩鹽，鹹香、肥瘦適中，食下一舊又一舊😆抹茶紅豆千層蛋糕雖然抹茶就唔係流心，不過抹茶味都算突出🍵，除咗面頭有抹茶粉之外，每一層之間都有抹茶醬，中間亦夾雜

星期日夜晚同男朋黎左呢間cafe食晚餐，結果好有驚喜。意式經典水牛芝士番茄沙律食落好清新，番茄新鮮，同水牛芝士好夾，開胃既一道菜式。糯米釀雞翼有四隻，外皮卜卜脆，包住軟熟既糯米，帶有少少辣，好惹味。自家製南瓜汁天婦羅蝦什菌意大利飯南瓜味好出，夠晒入味，意大利飯軟硬適中，天婦羅蝦炸皮唔厚，炸得香脆，美味可口。黑松露什菌忌廉芝士意大利飯都好出色，十分creamy但又唔膩，黑松露味亦好濃郁，加埋芝士，好邪惡。飲品叫左蘋果啤梨鮮打綠茶同熱鹹檸檬蜂蜜。

呢度裝潢比較小清新有格調，食煙既仲可以去戶外區用膳，餐廳整體佈局好chill～最緊要野食簡單好味😋香蒜白酒露荀日本和牛粒燴扁意粉🥩🍝 $138嫩口和牛粒有黑椒香蒜同白酒加持，仲有露荀中和油膩感，成碟野無得輸～明太子炸軟殼蟹忌廉扁意粉🦀🍝 $138炸軟殼蟹係好有誠意，有膏又唔油，用扁意粉更掛到汁同明太子，首選推薦菜～青蘋果蜜桃沙冰🍏🍑 $58smoothies飲左兩杯都無失手，主要唔會太甜，飲曬杯甜野都唔會口渴，青蘋果同桃清清甜甜仲有薄荷葉點綴吊左下味，飲得過～榛子朱古力沙冰🍫🍧 $56兩隻味都出，唔會搶對方味，最重要唔會太甜，咁先可以飲到佢原本既香，仲有忌廉同餅乾🍪係top~