LeeLaksa

营业中

休息中

最近路過皇後大道中見到好似有間新開的新加坡餐廳，看樣子都幾正宗，今日放工決定同friend來試試。餐廳整體裝修幹凈整潔，是東南亞度假風，非常chill。我們見到餐牌選擇都很多，而且價錢都十分合理。海南雞飯拼白胡椒肉骨茶，第一次見到這次搭配，超級大滿足，肉骨茶最適合冬天吃，鮮味十足，海南雞肉質鮮嫩，配埋油飯更是一流。班蘭咖央多士非常邪惡，底面烘得脆脆的，整體不會太甜，而且只需要HKD28, 性價比很高，好似去到新加坡！馬拉盞通菜炒得香辣可口，雞肉串燒附送沙爹醬，香嫩之余又相當惹味。烤馬來蔥餅配咖喱令人驚喜，蔥餅烤得剛剛好，咖喱醬非常獨特，是香甜口感得，還配有小小洋蔥的味道，不會太鹹口，反而越食越香。 兩個人食到扶墻出最後也都是HKD300多少少，staff亦都好nice，整餐不僅美味正宗環境更是心曠神怡，仿佛去旅遊度假一般，真是令人愉快的一餐。

🍪【#上環】LeeLaksa💥酸辣愛好者之選 原個青檸喇沙💥.🍽 新加坡喇沙米線 Lee Laksa $82（3.5/5）🍪咖喱湯底濃郁，散發淡淡椰香。配上原個青檸同辣椒醬，可按喜好調味。我吱晒成個青檸啲汁落湯🤣，超開胃‼️🍪配料有紮實🦐蝦肉、🐟魚片、魚蛋、豆卜，另有🧅洋蔥、芽菜。米線煙韌彈牙，比較硬身。.✧Rich curry-flavored soup base with a slight note of 🥥coconut. Comes with a spoonful of 🌶️chili paste and one lime. I squeeze the most juice from the lime and the soup turns out super refreshing😍! ✧Toppings include firm shrimp, fish slice, fish ball, onions and bean sprout. Rice noodles are a bit chewy and tough😳. .香茅青檸荔枝梳打 (隨餐附送)Lemongrass and L

星期六放工後同同事食lunch，可以慢慢食傾吓計，所以搵搵間坐得舒舒服服嘅餐廳食飯。lunch好抵食包飲品😋🌟海南雞飯拼新加坡喇沙米線🌟呢個套餐冇得輸一個價錢幾個享受，又可以食海南雞又有喇沙米線食，正👍海南雞肉嫩滑，皮薄又冇乜肥膏，油飯返好正，有清香嘅油香味，味香但唔會好油，又唔會好黏口。喇沙米線雖然細細碗但係份量都多，香濃嘅蝦頭湯，滲出濃厚嘅椰醬香甜味，配料仲有蝦、魚片、豆卜、雞蛋，新鮮美味。😋🌟新加坡白胡椒肉骨茶配油飯🌟肉骨茶重點在於湯底，白胡椒味重，清香嘅大蒜味，有少許辣，豬肚湯入味，排骨肉，肉質較為軟嫩。配埋切件脆口油炸鬼，適合點湯，非常飽滿👍🌟參峇醬燒豬頸肉🌟豬頸肉爽口腍滑，油脂均勻，食落有燒烤的味道😋😋😋，參峇醬味道有獨特嘅鹹香辣味，令呢個菜式做得更加出色。🌟香茅青檸荔枝梳打🌟（小甜）平時飲嘢鍾意走甜，今次都忍唔住叫咗少甜試吓，青檸荔枝味道較出，輕輕的香茅梳打，清甜解渴，連飲品都唔馬虎👍👍👍

假日時間又是朋友聚會好時機， 朋友星期六都要返半日， 每次約這位朋友也會指定要來這 星加坡菜餐廳， 等他放工後，剛好是下午茶時段， cp值極高套餐不用加錢 也可選擇啤酒。檳城蝦面常常來這裏也是吃 喇沙麵， 跟住選擇檳城蝦麵別有風味， 湯底較清爽，而且滲著鮮味的蝦味， 豆腐卜吸收了湯底精華， 特別好吃。 面底是油面和米粉， 加上糖心蛋和鮮蝦， 十分滿足。招牌海南雞飯每次來都會吃海南雞飯今次也不例外， 下午茶時段真的好抵吃， 分量和午餐時段的一樣， 價錢平很多。 雞肉點上三色醬料 是最吸引的， 油飯煙韌而鹹香度十足， 配上清爽的冬瓜湯。馬拉盞炒通菜朋友每次吃飯也會點菜類 ， 飲食均衡是件好事 。香香辣辣的醬料， 配上爽口翠綠的通菜， 份量比想像中多， 炒得惹味香口。參峇醬燒豬頸肉豬頸肉燒至金黃色， 肥瘦均勻 質地爽嫩， 配搭特別醬汁 味道酸酸甜甜的， 本來以為會很鹹， 但原來味道平衡得很好，很適合香港人口味。

這家主打星加玻、馬來西亞一帶的地道菜餚，餐廳門面的霓虹燈耀眼，遠處已經可以看到此家，內裡裝修具星馬風味，食物選擇種類多，款款都味道鮮明，十分惹味😋新加坡喇沙｜$82｜8/10湯底濃厚，富有椰香味且帶濃濃辣味，蝦肉彈牙，特別喜歡碗中的流心蛋🤤用料正宗李派海南雞飯拼白胡椒肉骨茶｜$118｜7.5/10海南雞肉質相當嫩滑，肉骨茶入口胡椒味濃烈，肉骨肉質香軟🥰十分暖胃斑蘭咖吔多士｜$28｜7/10多士沒有搽上平時食開的濃濃咖央醬，反而用上了一大塊牛油代替，吸引力有點下降🙈烤馬來蔥餅配咖喱｜$56｜8.5/10咖喱汁香辣，醬汁非常濃郁💯蔥餅烤得十分香口，每啖食落都香酥十足，餅身雖帶有油份，但徒手進食都不會感覺油淋淋

想食海南雞飯又想飲正宗南洋咖啡的話，可以試下食呢間餐廳。呢到lunch hour都要等一等位，都幾多OL黎醫肚架。最推介係海南雞飯，份量很多，又有湯，包埋餐飲，凍飲都無加錢。set都係$88， 我覺得上環黎講算抵食

位於角落頭既新加坡餐廳~ 👧🏻海南雞飯 $68配有油飯+湯，仲有基本既3色醬，海南雞啖啖肉！份量亦足夠， 👧🏻新加坡喇沙 $62湯底濃郁，唔會太辣，就算食唔到辣既你都可以一試，甜甜地岩哂我，米線質感軟滑，唔會硬身，最後我仲將剩餘既湯底淋海南腫既油飯一齊食，超正，會想再encore~ 👧🏻參峇醬燒豬頸肉 $65一大碟，口感好爽，油香味剛剛好，唔會太油膩 👧🏻香矛青檸荔枝梳打 +$20配上1條香矛，清爽 👧🏻青檸紅茶 +$20有青檸，食完濃味野最岩飲呢個茶~

週末晚上去咗屋企附近的「LeeLaksa」吃晚餐，係一間主打新加坡喇沙的餐廳。當日6pm前去到，仲有下午茶餐供應，款式眾多，價錢經濟實惠新加坡喇沙除了摻摻或油麵，可轉配米粉或米線。湯底椰香味比較重，米粉好掛湯！配料有鮮蝦肉、魚片、雞蛋、豆卜、魚蛋、芽菜等等，份量充足，每款配料都好好食李派海南雞飯拼白胡椒肉骨茶雞肉望落去好肥美，皮光肉滑，雞肉味濃，沾上三色醬料食用更添美味！黃油飯粒粒分明，充滿雞油香！白胡椒肉骨茶清甜不油膩，胡椒味突出，仲有唔少豬肉馬拉盞炒通菜新鮮翠綠通菜加入馬拉盞爆炒，口感爽脆，鹹香滋味椰青原個新鮮椰青，非常清甜，冰凍透心涼

/Lee Laksa🇭🇰/➖➖➖<下午茶幾抵食✨必試喇沙>➖➖➖最近成日有舖喇沙癮天氣凍番特別想食暖胃嘅粉麵✨喇沙係我嘅comfort food 之一👍🏻👍🏻近近地就去左屋企附近嘅店撞正下午茶都算幾抵食 包野飲正餐小食都好吸引 $300內都食到四人嘅份量其實之前食過都覺得好味😆今次二訪就試埋蝦麵、巴東牛肉飯同小食✨➖➖➖1️⃣檳城蝦麵 $66 大大碗 配料有啲似喇沙係多左啲豬肉😆湯底黎講相對較喇沙清 不過都唔錯食完唔會口渴👍🏻配料仲有蝦、豆卜、蛋等用左油麵同摻摻🫣份量多 夠飽肚 但湯底黎講都係覺得喇沙更出色✨➖➖➖2️⃣ 巴東牛肉配米飯 $56同樣份量十足～ 特別係米飯😂巴東牛肉抆得幾軟腍 辣味幾突出 不過都有青瓜番茄伴碟係略嫌米飯較乾➖➖➖3️⃣ 牛油果五色米紙卷（素）$56 會當係小食share 剛好👍🏻米紙卷皮晶瑩通透 幾煙韌 厚度適中💫不過就唔太覺牛油果粒➖➖➖4️⃣ 串焼拼盤（雞肉.大蝦) $68 就好似串燒山咁✨ 其實原先有埋魷魚鬚不過無晒貨得番兩款☺️較推薦雞肉 唔會好乾 都幾惹味➖➖➖飲品:香茅橙茶 / 香茅青檸荔技梳打/馬來拉茶/吉仔話梅水 全部包晒👍🏻☺️ 椰青另加$2

對於喇沙湯底，鍾情濃郁微辣,而Leelaska就唔係依種，比較淡味，雖然各方面都平衡，唔會過重椰奶味又唔會太咸，但就滿足唔到重口味既食客。黍到先知係米線而唔係慘慘的確有啲失望(后來知道可以轉做慘慘）但係同平時食既米線有唔同，唔會只為時間耐而淋吱吱，係有小小煙煙韌韌口感。下午茶價錢連加一包一杯飲品，$70左右，餸菜/配料好多，有魚蛋魚片豆卜蝦質素中規中矩。另外係檳城蝦麵，反而依碗係慘慘，幻米粉加粗麵，好得意既係粗麵出面比出邊嘅粗身啲，唔係好索到啲湯汁。餸菜分別係有多左豬腩片。。好多其他食店嘅蝦麵都會有少少腥味，依度嘅下面就冇呢一方面嘅問題。雖然唔係係香港食過最好食既laksa, 但係用心既程度係會令我再回頭。唔至係價錢方面，侍應既禮貌態度都令人好舒服。依家戴口罩已經係必須，但係廚房員工連衛生頭套都會戴，真心好欣賞依種衛生意識。

同同事食lunch， 佢話呢間好食🤔 不過自己覺得平日午餐嚟講有啲貴 🌟星加坡喇沙 (油麵) $82喇沙可以揀轉油麵米線定係金邊粉， 我揀左轉油麵， 第一次上餐嘅時候上錯咗畀我🥲喇沙好足料 有好多材料 有三四隻蝦 四個豆卜 魚蛋 半隻蛋 炸洋蔥配咗蝦子油同埋青檸湯底好濃好正宗 食得勁飽 🌟香茅青檸荔枝梳打 跟餐$0跟餐有幾款特飲揀 呢個好好味😍😍好解渴 甜度適中 荔枝味係同水果嗰隻香味好似 唔會好假 仲有支香茅插咗喺度😂推介🌟海南雞飯拼新加坡喇沙米線 $108 桔仔話梅水(凍) 跟餐$0 同事呢個餐貴20蚊但係有齊曬兩樣嘢見到隻雞份量都唔少 部位靚碗喇沙都有番咁上下分量而且仲有跟油飯😂😂😂 嚇親大食嘅男士一定飽……

雖然平時真係好忙，但係對於食我真係有啲要求㗎！就算食快餐都唔想Hea 😄呢間餐廳我嚟過好多次，上菜快，而且食物都有質素👍🏻接兩個寶寶去補習班返嚟，呢度就係我哋嘅晚飯好去處李派海南雞飯拼白胡椒肉骨茶～寶寶至愛呢度嘅海南雞飯，無骨、雞肉夠滑，好方便食。白胡椒肉骨茶就係my favourite，湯頭甘甜，重重嘅胡椒味，飲幾啖即刻覺得個人成身暖晒，連條排骨都俾我食晒。炒通菜(蝦頭膏)唔食得辣就可以叫呢款，醬汁有蒜蓉香，配搭通菜，好惹味。大人小朋友都啱食。熱情果芒果沙冰～即叫即打，沙冰幼滑，入口酸酸甜甜，真心正！

上環嘅一間頗有名氣嘅新加坡菜最出名嘅都算係喇沙 ⭐️新加坡喇沙米線 有蝦，魚蛋，魚片，半隻蛋、較多豆卜湯底好濃郁好惹味，好正宗嘅新加坡咖喱，味道唔會好辣，而且椰奶味較重 配上嘅米線滑嘟嘟 軟身而且掛湯！有另上青檸同辣醬，唔夠辣可以自己再加辣醬 👍🏻⭐️檳城和牛蝦麵摻摻首先飲淡湯 蝦嘅鮮味好濃厚 鮮味都夠香甜，食完唔算好口渴 ，摻摻麵底係米粉加油麵，米粉幾掛湯，但油麵比較林 蝦麵都可以加埋和牛，肉味就更突出，牛肉片好嫩滑 生牛肉用湯浸熟 吸晒湯嘅味道 ⭐️和牛牛丸出乎意料地有驚喜，中間仲有粒粒牛筋嘅質感，有咬口之餘和牛味仲特別濃郁👍🏻🥥椰青 好清甜 椰子肉都可以食 🍹熱情果沙冰唔算好甜 有少少熱情果嘅酸味 幾開胃同清新 座位幾舒服 店員服務態度都幾好 食飽仲可以行吓古董街

～性價比絕對高，本身海南雞飯都要九十幾，只係加$20就有碗細喇沙，唔好以為細細碗，其實非常足料，材料有鮮蝦芽菜魚蛋糖心蛋，濃香嘅椰汁白咖喱味湯，有齊喇沙嘅精髓。海南雞飯有三款醬料，甜醬油、蒜蓉和辣汁，雞件嫩滑有汁無雪味，難怪幾乎每枱都有order。斑蘭咖央多士～外層嘅多士香脆，有麥味，入口夠Juicy！參峇醬燒豬頸肉～參峇醬味道甜甜辣辣，有啲似泰式辣醬，更多咗一份清新嘅薄荷葉香味，豬頸肉份量十足，燒得啱啱好，令人忍唔住食多幾件😄

已經第2次食，仲要係專登過海食，突然想食喇沙就第一時間就諗起呢間🤤😋新加坡喇沙米線 $82湯頭入口好香濃，辣度適中，係非常順口既辣味，奶香味同鮮甜味亦夠濃郁，米線煙煙韌靭，口感一流，掛湯力亦好高，會不知不覺一啖接一啖咁食哂成碗，入面配料亦唔馬虎，魚蛋彈牙，魚肉含量好高，味道魚香超夠，蝦仲好貼心咁剝哂殼，新鮮爽彈，好有咬口，豆卜亦索哂湯既精華，味道惹味到爆炸，最驚喜係有半個糖心蛋，成個食入口，蛋漿四散係成個口腔❤️，整體超級出色，必食推介海南雞飯拼新加坡喇沙米線 $108海南雞非常嫩滑可口，就咁睇色澤都好靚，雞皮爽滑，雞肉肉身食起黎嫩滑仲好有彈性，仲去哂骨，食落超滿足，配上雞油飯和獨特醬料，真係滋味無窮，配雞飯既3色蘸料有薑茸、辣椒醬同黑豉油，黑豉油質地比較濃稠帶甜味，辣椒醬就偏酸辣醒胃，薑茸就有鹹鮮既雞油香，各有特式馬拉盞炒通菜 $72炒得非常惹味，但又唔會太鹹，份量亦夠多馬来拉茶（凍）茶香同奶香都足夠濃郁南洋咖啡(凍）咖啡香味濃郁偏甜