Little Prince

营业中

休息中

我見呢度好多人都話呢間Cafe嘅服務態度好差，坦白講入到去就自己嗌嘢食，都冇乜特別話服務唔服務。今次我只係誤打誤撞，約咗去朋友度，經過見到呢間Cafe諗住入去飲杯嘢啦，點知見到個Tea set都幾吸引喎，於是就叫咗個Tea食下，估唔到下午茶30幾蚊嚟講，佢都真係算係高質下！本身對於牛角包來講，都唔會有啲咩特別期待，點知呢一個火腿芝士牛角包，真係焗到外脆內鬆軟，牛油味香濃，食完之後覺得呢30幾蚊真係好抵，雖然個包唔會話好大個但係就味道取勝！香蕉朱古力忌廉班cake，本身呢個配搭都唔會覆㗎啦，佢嘅班cake煎得偏薄，配上焦糖香蕉同朱古力醬，都係幾唔錯嘅選擇，雖然我個人依然比較鍾意食厚身嘅班cake，但係都算係唔錯啦。兩個餐都會送熱飲，凍飲加$3 ，如果要特飲就再加$9 ，以Cafe來講真係算係超值之選。

今時今日香港地甘嘅服務態度 我杯野未飲嗮即刻收 紙巾都收埋 我心唸使唔使你媽媽返工應該心累 宜家仲被你搞到惹火你媽媽麻煩店員見到幫我inform 你老闆 我話完距黎 叫距醒小小建議唔好吃 攞錢買難受食物正常味道態度就非常嘅差有乜理由甘樣趕客 你阿媽返工已經受氣 宜家仲黎受你氣。你親家檯檯都係甘被你趕。你阿媽知唔知乜野叫尊重。食物一般 又唔係出色點解你仲甘樣趕客 你點做生意睇黎一定要幫你宣傳下 如此生意方法 我想問你幾時走

甚小出post嘅我，今次真係忍吾住！呢間小店第三次幫襯，唔明點解個收銀員態度咁差，原來佢係老闆娘！嘩，佢嗰種服務態度簡直不知所謂，一副不可一世的樣子，找逐掉銀紙，食得慢啲，又係噉喺你身邊執嘢，想催你走。問多一條問題，極之不耐煩樣子，令到你都怕咗佢。之後同返我公司啲同事提起呢件事，原來已經有好多同事中招，都話呢個女人嘅服務態度極差，而小店更不停轉員工，好似都話頂唔順呢位老闆娘。坦白講，葵興呢度大把嘢食，真係唔需要再幫襯佢，貼錢買難受。

📍 𝗟𝗶𝘁𝘁𝗹𝗲 𝗣𝗿𝗶𝗻𝗰𝗲｜葵興喺葵興返工嘅朋友一定有食過KCC地下嘅Little Prince🥳雖然位置唔起眼 但係午飯時間好多人喺度排隊😆喺OpenRice度見到過呢間餐廳 大家嘅評價都係話餐廳員工態度麻麻地🤨所以都有心理準備先去食😂態度就真係…大家都係唔好揀繁忙時間去食啦✨香辣蒜片蜆肉意粉套餐 💰$𝟱𝟱+𝟯意粉份量好足🍝女仔或者食量比較細嘅人可以嗌少意粉 蒜味好重而且意粉有少少辣味 都係新鮮蒜頭個種辣🌶平時食開五小辣嘅我 都可以handle到😂鍾意食蒜香意粉嘅朋友真係唔好錯過🥹新鮮蒜頭炒香嘅味道真係冇得輸✨蜆肉份量都夠多 仲唔會有沙唔會有腥味👍🏻意粉入邊有紅蘿蔔絲 出奇地都幾好食 唔鍾意食紅蘿蔔嘅我都覺得OK接受到😋(嗌凍嘢飲要加$3 正常即磨咖啡味道)𝙏𝙖𝙨𝙩𝙞𝙣𝙚𝙨𝙨:𝟴/𝟭𝟬𝘾𝙋 𝙍𝙖𝙩𝙞𝙤:𝟴/𝟭𝟬蘑菇湯💰+$𝟲值得一試！蘑菇味好重😭入邊仲有一粒粒嘅口感🍔鍾意飲蘑菇湯嘅朋友仔一定要試吓✨𝙏𝙖𝙨𝙩𝙞𝙣𝙚𝙨𝙨:𝟴/𝟭𝟬𝘾𝙋 𝙍𝙖𝙩𝙞𝙤:𝟴/𝟭𝟬#fffoodiehk_葵興#fffoodiehk_西式#fffoodiehk_意粉📍𝗟𝗶𝘁𝘁𝗹𝗲 𝗣𝗿𝗶𝗻𝗰𝗲 (葵涌)葵涌葵昌

係商場見到餐廳張相靚靚仔仔 唔知食咩好就入左呢間餐廳 我嗌左麻辣牛肉意粉 一黎到個樣靚靚仔仔 但係一入口 係la喉 超咸🥲 懷疑麻辣醬落太太太太多 好彩攞左杯水 真係變左湯意粉先好d🫠我唔知真係自己嗌錯野定咩 見隔離枱都正正常常🥲跟住到杯熱mocha 食完個咁咸既意粉再飲啖mocha 我以為自己味蕾有事 再飲一啖 果下我真係驚自己糖尿🥲🥲🥲 甜到呢 又要溝水先正常 食呢餐要配杯水溝啖佢🥲🥲 最後成杯水用晒 唔會再黎🫠🫠

我同同事中午食lunch, 明白中午多人，我地兩個坐長枱中間，我地都快食，唔係阻人做生意的人。有新一枱客入座坐我地隔離，收銀個女人同對方講，‘好逼呀呵？都冇辦法架啦’，再望向我地。這是我遇過前所未有最惡劣的服務態度，趕客，極差的體驗，以後不會再幫襯！

少有地去葵興呢邊食lunch，又去試下cafe🫢lunch time時間外面有人等緊位，但因為我一個人食，所以就好快有得入，坐bar位都幾有feel。🌟煙三文魚、煙肉、忌廉白汁意粉 (5分滿分，推薦指數: 🌕🌕🌕🌗)一嚟到覺得賣相幾唔錯🙌🏼食落味道都濃郁好夠味。但食真啲就覺得，佢嘅煙三文魚咸味過重，令佢有啲蓋過煙三文魚本身嘅味，加上煙肉本身咸，所以整體味道都係偏咸。呢個建議重口味嘅人一試。同埋份量可以再多啲會更好～ 總括嚟講，呢度食物味道正常，今次我亦無感受到服務有特別差嘅地方，係打工仔放lunch嘅選擇名單之內🙌🏼但就唔使專程入嚟打卡啦😉

我在葵涌區工作多年 間中都會幫襯呢間意粉因為佢味道ok有時外賣有時堂食堂食：佢地見你食完會即刻收碟 杯都收埋可能出面多人等 而且店舖環境其實都逼逼地感覺其實麻麻地 通常堂食 食半小時已經好長時間外賣：今日落去叫外賣我手上拎住11個 5元 （總共$55）想叫個肉丸意粉（$55）到收錢時帶眼鏡個女職員話唔收散銀但我見佢只貼出唔收$0.1 $0.5 的硬幣無寫$5都唔可以於是我問該位女職員 話你地無告示寫唔可以然後女職員即時大聲地講：政府話超過$20唔收然後我問可以用其他付款方法嗎該女職員答無我就好無奈地離開我翻查政府網頁我只係搵到超過$100既硬幣可以唔收而唔係該女職員講「政府話$20唔收」我希望店鋪可以貼返 政府宣布左任何散銀如超過$20唔收呢啲字眼以免誤會發生

對客語氣態度極差，老闆娘堅持要堂食客人出示實體針卡，用pdf app都唔得，政府都無要求人比實體針卡啦，抵佢入面一個客人都冇。老闆娘態度咁趕客，大家唔洗再幫襯！我都唔會再幫襯。

Life@KCC有好多新餐廳 今日嚟嘅呢間裝飾幾企理 可以嚟呢度嘆茶chill吓🫖 今日嚟嘅時間係下午茶 唔算好多人 所以都坐得幾舒服 店員亦好好服務煙三文魚烚蛋牛角包望到已經好開心🥳 因為好鍾意食煙三文魚🤪 烚蛋切開一片片 方便食用 牛角包焗到外脆內軟🥐 法蘭克福腸珍寶熱狗賣相幾好😗 面頭唔係茄汁同芥末 而係千島醬 同條腸仔味道好夾 腸仔唔會太鹹 份量都足夠☺️飲品熱咖啡 熱奶茶☕️ 兩杯我地都嗌咗多奶 等唔駛咁澀 飲落口都幾好 都係cafe嘅正常發揮🥰整體嚟講 環境舒適 食物味道中上 加上店員好服務 所以都會有下次嘅😺

Was invited to this lovely cafe/restaurant by a friend because of it's good value!A full meal with drink can be less than $40! Of course , it depends on which drink you order , but still a great price!I ordered B9 - continental breakfast with bacon and egg- as well as a cup of hot almond mocha.It was served nicely. The french scrambled was cooked just how I liked it ! The almond taste was quite strong from my mocha , really tasty !Overall , I would recommend this place for sure!Hope to try their

葵興站呢頭雖然望落都幾多餐廳，但係間間都係小店，有時喺呢邊做嘢lunch time同同事都好難搵位。呢間小王子我哋都幫襯過好幾次，諗唔到食咩都會食佢，佢主打賣意粉，一個餐牌大概有七、八款口味。我哋都幾鍾意食佢啲特別嘅口味，的確係幾好食同幾創新🤪我大家預咗lunch time由於人多，侍應甚至乎老闆娘嘅態度都唔係好好🥴有時仲會催你走🤧🔸檳城叻沙蝦意粉🍝👍🏻👍🏻🔸冬蔭公鳳尾蝦意粉🍝👍🏻🔸麻辣牛肉忌廉意粉🍝👍🏻👍🏻呢三個口味都係我會encore既😛都係出面好少見既意粉味道，佢個味都做得幾出。叻沙味會有蝦又有蟹棒，唔係個啲cheap cheap蟹柳喎，仲加左蒜片，好惹味！麻辣牛肉係堅會麻既😂個忌廉汁都夠creamy又多牛肉，好好味😛另外食個鹹蛋黃鮮蝦意粉，呢個就麻麻哋，個汁比較稀🤔本身都包杯熱飲，加錢可以轉特色咖啡或鮮奶，都有拉花既👍🏻📍#LittlePrince (#葵涌美食)葵涌葵昌路72-76號活@KCC地下G05號舖

如果大家唔介意響15分鐘之內一定要食晒你嗌嘅意粉同埋嘢飲嘅話 你可以選擇呢一間餐廳。話說我響15分鐘之內已經完成我嘅意粉 然後淨係未飲完杯熱檸水 坐咗喺度。該名疑似店主嘅女士走過來同我講 叫我盡快離開，當時我手裡仲有杯熱辣辣嘅嘢飲。隔咗3分鐘佢又行過嚟，叫我即刻離開。我俾咗張單佢睇 證明我其實坐咗喺度只係20分鐘 而且杯嘢飲都仲未飲晒。然後佢當住所有嘅客人面前大聲話：我哋呢一度冇話可以比客人坐幾耐！所以你揀呢間餐廳，請務必接受到咁嘅服務態度同埋坐喺度要極速完成你嘅午膳！

今日1200入去食，一個人坐了一張2人桌。15分鐘後，話有人等位，(但我碟意粉到左5分鐘咋)要我搬去一張已坐滿3人(佢哋識，傾緊計)的4人桌，中間完全無隔板，但3唔識7，點坐低食，所以我就拒絕左，打算讓一步，話俾多10分鐘我食完個意粉。但一分鐘後，個收銀員就走來逼我走，話有人等位。我再次拒絕但她已拎起我碟意粉。我俾錢來食飯，點解要冒險？店舖無安排合適防疫措施就亂要人搭枱？佢哋是直接拎起我的食物去了4人桌，個感覺好無禮貌，佢亦覺得我是西客，一直唔好意思/對唔住都無。個收銀接觸完錢又直接接觸食物，好唔衛生

認真第一次食完之後嬲傻🤬係open rice見到話餐廳服務態度極差😑本身都半信半疑但食完之後真係完全明白😫個陣我岩岩食完最後一啖放低餐具🍴個店員唔夠一秒就收咗我個碟🤯我同我個fd完全反應唔到😶問都唔問就直接收真係第一次😡仲要個戴眼鏡老闆娘勁冇禮貌🥴同隔離個女仔快啲食完讓個位出嚟🤷🏻‍♀️真係趕客咁😵‍💫成間餐廳剩係得一個後生女仔係有禮貌🤓其他都係服務態度極差🤬呢間餐廳已經被black list😌🔺煙三文魚煙肉白汁忌廉意粉🍝 $58煙三文魚都頗多🐟煙肉正常,但個人覺得忌廉汁唔夠😕而意粉好淋🤥本身食完之後都覺得OK😗但食完之後冇幾耐就極度口渴😵‍💫飲極水都唔夠🤧都唔知落咗幾多味精🤷🏻‍♀️🔺朱古力咖啡☕️ (午餐加$8)咖啡係正常嘅😙唔係好苦😝但個拉花好似有d整衰咗🤭飲完都係解唔到渴😳