Lobster Une (已搬遷) 新店位置

食物不達水準，超級唔掂。餐廳聲稱主打海鮮。叫了3樣嘢。1.龍蝦沙律 2.蒜香帶子意粉3.油封鴨腿，因為青口沽清。龍蝦沙律啲菜都算係新鮮嘅，味道可以接受。啲龍蝦🦞就碎濕濕。蒜香(假)帶子意粉，唔掂，$168。上枱後，我嚇咗一跳，嗰三粒黃色帶子，望一望，覺得好係凍肉店$20一盒有10粒嗰啲麵粉帶子，即係假帶子。咬了一口，果然係假嘅！！餐廳嗰位帶住圍裙嘅女士親口承認不是用真帶子，佢話啲客人反映用剌身帶子唔夠熟，太熟又好韌，聽完真係想call 海關，🔥火都嚟。從來未試過有餐廳提供呢啲帶子，簡直呃人。油封鴨腿，餐廳嗰位女士話，將鴨腿慢煮之後油浸2日後再炸，配菜係「分子料理」。聽完之後⋯⋯我真係唔識比反應，平日去糖水舖吃嘅爆珠，原來係呢間餐廳講嘅 .分.子.料.理⋯⋯🤔🤯7:30入餐廳，叫青口，賣晒，叫紅酒又話賣晒。叫帶子，唔係賣晒，不過仲衰，假嘅。

適逢今日係萬聖節, 秋風起氣溫非常舒服同熊嫂入去西貢搵食同行個圈可能因為難得氣溫有一丁點涼快, 今日西貢非常多人車位可以話係一位難求前排黎到西貢, 係一起果醬附近行過已經見到呢間新餐廳因為招牌就係大大隻龍蝦, 相當吸晴今日再次行過, 決定入去試一試, 希望尋覓到好食既龍蝦包可能因為係萬聖節, 餐廳除左有好多萬聖節裝飾外連服務同食物都打造出驚嚇效果, 真係以為去左哈囉喂入去坐低, 其他食評都有提及既類似老闆娘店員招呼收到餐牌, 老闆娘特別強調今日係萬聖節, 所以剩係做「龍蝦包套餐」本來我無乜所謂, 我都係打算食呢個。但驚嚇既係, 隔離枱坐低又可以叫小食同意粉???似乎每枱可以點既野食好取決於老闆娘既心情然而點完餐之後, 先係萬聖節既開始隨住時間一分一秒過去, 接近半小時後仍然無任何菜式黎過, 唔只我地, 其他枱既客人都差唔多情況之報老闆娘話因為兩個男同事尋晚玩得太夜, 未起到身番工, 所以都比唔到野食同飲品出黎之後接近滿座既餐廳, 所有食客開始踏上萬聖節既等待之旅, 到底下一秒會唔會有野食呢? 氣氛非常恐怖與此同時, 叔叔男店員突然由廚房走出黎話自己好熱, 將全間鋪既冷氣都開到好大, 之

牛魔王一家搵嘢食，見到有間裝修不錯新開張的小店（原來有兩層，樓上仲正），慶祝生日、節日都係個唔錯的選擇，我個人很喜歡樓上的舒適度。膽粗粗問吓有乜好介紹，因為門口主打龍蝦🦞但老闆娘很熱情地介紹咗話有其他主打牛扒，聽到有我至愛的斧頭扒，兩樣都想試，就入去試下。都有驚喜，比我預期好味和美觀，因為我對斧頭扒同擺碟都有啲要求。另外老闆娘和靚仔侍應好細心講解當天什麼新鮮同靚的食材和持飲。會再去試老闆娘的海洋山和靚酒🍾

間唔中都會去西貢玩，之後會搵間餐廳坐低食下野，hea下😀今日比我發現左呢間餐廳，一問之下原來係新開😮😮門口招牌有隻好大既龍蝦，朋友話今日想食西餐，咁就不如入去試下😏餐廳裝修好有特色，可以比人放鬆下，同朋友慢慢食下野傾下偈🙂嚟到依啲餐廳，咁梗係要嗌杯野慢慢飲吓先再叫野食啦😌餐廳waiter好主動同熱情咁介紹餐廳有咩食，同埋是日海鮮推介😊今日一行4人，我地嗌左全海鮮🤩🤩🤩🌟西式海鮮拼盤呢個西式海鮮拼盤好豐富，入邊有好多款唔同嘅海鮮，好新鮮，入邊嗰隻麵包蟹好正，同平時食嗰啲好唔同，蟹蓋好多膏，蟹膏好滑好軟林林😋🌟龍蝦春卷外層好脆，入邊有好多龍蝦肉，炸咗都唔會影響到龍蝦肉嘅口感，點埋佢配上既醬汁好match😛掛住食唔記得影相😉🌟火焰龍蝦pizza由於我本人好鍾意食芝士，老闆娘話呢個Pizza用咗幾款唔同嘅芝士，所以我好鍾意食，Pizza入邊仲有好多龍蝦肉🤩🌟香煎油封鴨外皮好香脆，仲可以鎖住鴨入邊嘅肉汁，鴨肉好滑，一d都唔鞋😌🌟慢煮牛扒呢個牛扒真係值得推介，平時唔鍾意係其他餐廳食牛扒,因為覺得啲牛扒煎到好鞋又冇味，但係依間餐廳係用慢煮整，可以鎖住牛扒嘅肉汁，我食咗好多舊😜😜🌟龍蝦飯因為已經食到好

去開西貢，見到一間新開的西餐廳，見招牌有隻龍蝦幾得意，一於試下，入到去有兩個後生仔來招呼，推介了海鲜拼盆，油封鴨脾和龍蝦飯，這裹也有cocktail, 我也叫一杯試試，原來就是剛才的後生仔調的，味道不錯，海鮮拼盆很鮮味，油封鴨脾有些份子料理幾特別。老闆娘又nice, 跟我們傾計，告知我樓上裝修很適合一班人包場，下次要叫朋友再來

落咗波喺西貢出街食晏，未諗到食乜之下路過見到新鋪，研究下menu後決定試新嘢。今次點咗$368（須加一）嘅二人餐，前菜3揀2嗌咗鮮果凱撒沙律🥗，略嫌沙律醬多咗少少，但整體味道搭救，菜好新鮮，今次生果用咗梨🍐，感覺好fresh；另一個前菜揀咗黃金蝦🍤，鹹蛋黃味濃，食落香口，推介！（另一個無揀嘅係炸軟殼蟹🦀）兩個主菜揀咗龍蝦包，第一啖咬落就知肉質新鮮，配五穀豬仔包非常香口；太太揀咗咖喱蟹肉包，揀另一隻牛乳厚切三文治包，麵包輕烤過先上，咖哩蟹肉味道夠濃。我哋一人試半份，建議先食龍蝦包🦞，再食濃味蟹肉包。（另一個無揀嘅係龍蝦薄餅🍕）飲品開頭唔知有得加錢轉啤酒、花茶之類，嘥咗，配啤酒應該幾爽。我哋叫咗凍檸茶、凍奶茶，屬正常發揮。跟餐甜品係cheese cake，我本身唔食叫餐廳唔使上，餐廳另外切咗一份蘋果俾我，太太揀咗Cranberry cheese cake話好味。老囉娘話有16:00~20:00嘅Happy Hour，酒精類飲品買一送一，個人嚟講有興趣試埋晚餐menu，但要吹雞先食得多嘢，因為選擇望落都唔少。餐廳主打海鮮、扒類，會返頭試埋dinner menu。P.S. 鍾意飲酒嘅西貢人去食

不錯的餐廳食物好好，水準很高，氣氛很好 Cocktail值得一試，員工親切，食野价錢中价，我同朋友飲左好多杯特式饮品，盡興而歸4;00-8:00 happyhour 有半价直落食埋野佢个红洒燴牛肋很不錯，真心分享

諗住新開支持下所以入去試下，無誠意到一個點。侍應哥哥拎咗張二人午餐套餐優惠俾我哋，我哋叫咗龍蝦包加龍蝦薄餅，軟殼蟹，生果配凱撒沙律跟凍咖啡。凍咖啡有怪味，連茶餐廳咖啡都唔合格。龍蝦包嘅龍蝦好唔新鮮，係個汁酸酸地加腥腥地。可能佢玩酸汁龍蝦，我唔識野。大佬呀，你間野係主打龍蝦，但係唔代表你可以擺啲唔新鮮嘅龍蝦俾客人。生果配凱撒沙律直情係屈機，睇傳單同相就知咩叫商品說明條例。後尾錢照俾但係真係唔想又屙又嘔。所以俾錢即走。

同朋友去西貢搵好嘢食, 被這間以lobsters 為主題的餐廳吸引,試吓佢$368二人套餐,果然有驚喜- 據老闆介紹龍蝦包每天新鮮送到的活龍蝦拆肉做, salad夠新鮮, 三百多元二人食包飲品包甜品,抵食好味!!! 已約好朋友下個週末試吓佢嘅晚餐, 期待中... 

我好少寫食評,除非真系好有驚喜! weekday 晚同老公去揾嘢食, 見開左新餐廳又有位就入去試下。個名叫做Lobster 好吸引,但原來又吾系淨系食lobster 喎。新鮮的面包蟹同平時雪硬的完全不同,仲有一大塊膏,系成個蟹蓋咁大塊嘅膏!!!大滿足! Pizza 上的龍虾都好有龍虾味! 加埋我咁大個人未見過咁大隻的青口!(可能因為太大隻所以有少少硬,不過味道一流! cocktail 有很多選擇, 最啱用來打卡! 招呼吾错,老闆娘會傾幾句,有兩個年輕的waiter 好落力。會再去試其他菜色。

見佢新開張 入去試下叫左個龍蝦包 差唔多成$200佢有兩塊面包 夾住塊生菜 仲有一pat有沙律醬既野好似一個三文治 或者你可以想像蛋沙律三文治加塊生菜總之無龍蝦味隔黎伴碟有幾塊薯片 食落去似係lays薯片 個薯片仲好食過個包仲叫左個鵝肝炒飯啲肉碎到都睇唔到咁濟 (#召喚梁國雄議員)食落去係得啲鹽既咸味 + 少量黑椒味我三生有幸食到粒肉 應該係外國腸仔黎心諗 我媽煮都好食過佢跟住跟餐送個甜品 Cheesecake嘩頂 係無芝士味 得少量甜味唔知自己食緊啲咩🙂我地係做完運動去食係幾肚餓既狀態入去食 跟住都唔覺得有任何一樣野係好食。

放假入西貢行下🌅，每間餐廳都大排長龍，一路行、一路行入咗巿場街，發現咗間新餐廳。門口有隻龍蝦🦞好得意，我地望咗望餐牌決定膽粗粗入去試試。一入門口，老闆娘好熱情咁為我地介紹招牌嘅海鮮拼盤🦪🍤，老闆娘話今日海鮮好新鮮，特別係龍蝦🦞同麵包蟹🦀。所以我地就叫咗老闆娘介紹嘅海鮮併盤同龍蝦，食物新鮮，仲非常鮮甜，一個字⋯⋯正！大家有時間可以行入啲，支持一下小店！話唔定有會有意外收穫😊如果無揸車，可以試吓佢地嘅Cocktail🍹🍸