影片
电话号码
98255987
营业时间
今日营业
12:00 - 02:00
星期一至日
12:00 - 02:00
*For Drink only 22:00-02:00
以上资料只供参考，请与餐厅确认详情
有关奖赏计划
优惠
估唔到屯门都有间咁高质嘅酒吧餐厅！最近同男朋友去咗屯门嘅Lumos有现场乐队表演 🎤 好有气氛🎵 甜品可以写字 非常适合情侣拍拖/庆祝生日 🎂❤️ 而且呢度嘅cocktail卖相好精致 食物有水准 吧台有格调✨我哋首先叫咗两杯Cocktail🍸🍹两杯都又靓又好饮！♡ Lumos！阿拉丁神灯，卖相好靓😆而且仲识着灯！入口有少少似杨枝甘露 椰子奶泡味道香浓♡ Why Not Tuen Mun烟雾效果打卡一流 用咗桂花乌龙酿制过嘅Gin做base 再配上柚子味好清新 甜甜地好易入口 好岩适合女仔饮～♡澳洲”谷饲"黑安格斯肉眼扒我哋叫咗五成熟 煮得啱啱好 我同男朋友都觉得好好食！ 配埋薯蓉好Perfect😚♡西班牙连骨猪扒猪扒好Juicy肥瘦适中，而且好软腍～ 仲有好多薯条添🤤♡虎虾扁意粉意粉卖相好吸引 个人好钟意佢扁意粉嘅口感质地好弹牙 虎虾都好大只♡朱古力心太软 甜品可以预先订枱嘅时候写字✍🏻❤️ 心太软朱古力味好浓🥰 甜度适中
继续阅读
好多朋友都不约而同介绍屯门呢间西餐，终于订咗位，打电话去订位，感觉好似好高级嘅西餐厅。当日去到服务都好好，八点去到已经满座。侍应递上餐牌，饮品餐牌好有特色，非常精美。枱与枱之间略嫌距离太近，我全程都听到隔离枱两位女仕的工作情况．．但无奈所有二人枱都好近，若果坐卡位可能会好D..所有食物都几好，价钱合理。但最好系现场live band, 非常有大角咀lost star餐厅的感觉。由于全晚满坐，侍应有点应付不下。我先生的牛扒已上，但红酒仍在bar 枱。我提示几次先拎到红酒。而且，茄汁都是叫咗两次，吃完薯条才到。若果可以改进服务，才配得上订枱时的高级感觉
继续阅读
第一次帮衬，之前walk in 爆晒，今次open rice订位。午餐main course +$20有半buffet好抵食，职员有礼主动收碟。沙律菜新鲜，都有好几款。炸烧卖同薯条意外几好食，有汤有面包，前菜小食都有两款，叫咗南瓜饭同牛扒两人share，饮品有几款，冰红茶够浓仲要无糖（可另加糖浆），另有果汁热茶咖啡，甜品都有四款细细件可以食多几款。有新鲜生果，两个人连加一$315，价钱对得住个质素，会再帮衬。
继续阅读
见介绍中午半自助餐，book咗寻日去试，记得要book位，平日都好爆，walk-in室内完全冇位，室外两张枱咁热冇人会位。主菜加$20自助吧，叫咗最贵两款餐，牛扒好好食，个人喜好，我哋通常食七成熟，但好多餐厅一系就整得太生、一系就整得太熟，但佢就啱啱好，啲肉又完全唔韧，猪柳正常冇乜特别，反而底嘅薯蓉磨菇炒菠菜好好味。自助餐啲嘢食全部都几好食，个汤都唔错，蛋沙律同薯仔好正，甜品唔多款但款款都几有质，反而最差就系个免费饮品，冻柠檬茶还正常，个橙汁同埋𠮶个咩西柚茶….可能沟得太多水好淡完全冇味，后尾同佢反映跟住个橙汁再加过就正常好多啦！我哋认为下次再试可以食啲平啲嘅餐，咁个性价比就会高好多。冇任何优惠，自己book位去，唔知点解个食评成日都唔俾出。
继续阅读
之前嚟过一次食午餐，有semi lunch 可以慢慢食，之前坐嘅位舒服，所以星期日谂住嚟食晚餐。订咗6点，提早嚟到，门口waitress 话可以提早入坐，讲左用餐时间1.5小时，如果无人等可以继续坐。 讲完话转头攞水比我哋。 跟住陆续都有客人入嚟，我哋坐左一阵想叫野食，waitress 话等等，跟住见有另一个侍应行过，佢帮我哋落单。 之后我再提佢攞杯水嚟，眼见都有3-4 个侍应企系度但个个都系周围望⋯环境系有情调既·先上餐包，个香草牛油几好味.叫左杯Mocktail - Violet , 几好饮，见到个bar tender 好有心机整.叫左个德州鸡锤，炸得好香，仲好juicy .叫左个ribeye, medium rare, 望落几靓，但都好多肥膏，同埋有啲韧，食唔哂⋯.澳洲和牛竹炭汉堡 - 呢个好食，和牛同酱汁好夹，足料西红花海鲜意大利饭 - 呢碟饭卖相精致，但海鲜质素真系唔可以要求😅 粒元贝煎到半熟，但食落质感唔新鲜😓餐厅环境系舒服，cozy 既，但waiter 嘅服务态度真系麻麻，食完一个𩠌会收碟系好正常，食食下和牛汉堡𠮶碟，食完个汉堡包，仲有大半份沙律菜同少量薯条，个侍应行埋嚟问可唔可以收？ 我哋都呆左，话仲未食完。 之后有位著西装嘅侍应问我地使唔使叫甜品，我话唔使 （呢度甜品选择唔多，同埋见佢哋嘅态度已经觉得够，如果要食甜品会出去另一间食） 点知佢转头就话可唔可以埋左张单佢 😨门口有人等 （有两个人） 我哋再一次呆左，咁好啦，唯有埋单，当时只系6:35 pm⋯ 我哋觉得应该去茶餐厅食算了～我哋都想多啲留港消费，我都知餐厅租金贵、人工贵，成本高，但餐饮业，除了味道，食物质素，服务态度真系好重要❗️ 经过今晚呢餐，我唔会再嚟了
继续阅读