影片
以上资料只供参考，请与餐厅确认详情
相关文章
今天屋企人同我慶祝生日，他們特意準備了Luna cheesecake. 這芝士蛋糕上層是綠茶味，下一層是原味。芝士蛋糕的質地十分幼滑, 口感creamy。上層的綠茶芝士,味道甜甜地， 綠茶味濃郁，有回甘味。而當中夾雜紅豆粒粒，令這綠茶芝士蛋糕更添口感,甜味更多層次，多一點曰本風味。而下層的原味芝士蛋糕，芝味濃，有奶香，十分軟滑，質素同文華的芝士餅有得fight! 正！
继续阅读
我第一次食Luna cheese cake係5年前既事 一食就成日久不久會好掛住佢不過價錢唔算平所以只好每次經過都望下懷緬佢既味道同口感男朋友同屋企人都知道我大愛luna既cheese cake逢生日都會買我一個滿足我既慾望今年都不離外又係Luna cheesecake慶祝我既生日太幸福了！因為而家愈來愈多口味除左原味 仲有綠茶 玫瑰等等男朋友唔肯定我會唔會想試新口味佢去到揀都揀左一段時間最後都係穩穩陣陣揀左我既大愛原！味！不過而家做promotion 買夠$200送一個細既綠茶蛋糕男朋友為了令我有個完美生日專登+$30買左個生日蠟燭 湊夠$200講翻個原味蛋糕先我之咁中意Luna cheese cake係因為佢既芝士味好香好重食落又唔會好濟我係一食就停唔到因為食左唔會濟又好味食既時候有幾種食法既1. 放冰箱 食前既半小時攞出黎 等佢半溶就食 口感會好似雪糕2. 放係普通雪櫃 口感會比較似平時既cheesecake 不過 Luna cheesecake一定比其他cheesecake更creamy更好味兩種食法我都試過 都係好正！另外想講下綠茶味今次係我第一次食原來佢唔係成個都係綠茶佢係一半綠茶一半芝士蛋糕所以佢唔會太濃反而係有綠茶味得黎又有啲清香既芝士味 都唔錯不過我唔係特別好綠茶蛋糕所以都係鍾情原味多啲快啲到出年生日就好了
继续阅读
呢d月份係各地櫻花盛開的季節，櫻花產物源源不絕地流岀市面。媽媽經過Luna，就買咗Luna季節性限定的"日本櫻花忌廉蛋卷"令我地雖然身處香港，同樣可以感受到櫻花的魅力。
继续阅读
今日老公買左呢個蛋糕同我慶祝生日!是我最喜歡的芝士蛋糕這個牌子之前吃過一次!已經愛上!北海道原味芝士蛋糕用一個木盒盛載完全不怕會被壓到變形!包裝亦非常高貴!簡單的外形, 可以自己外加生日裝飾/蠟燭!味道方面麻...芝士味道非常很濃郁香醇!買回來是先雪藏在冰格如果想要像雪糕一般的口感放在雪櫃下格..解凍2-3小時就可以!如果想芝士味更濃和軟身一點便要解凍約5-6小時呢!兩種不同口感不同感覺!同樣美味!雖然價錢比較貴一點!但的確是物有所值的!
继续阅读
由於買嗰陣盒抹茶大福職員係由冰箱度拎出嚟，所以買完就即刻閃返屋企，免得大福逗留室溫太耐會出水。返到屋企我就即刻放返盒大福入雪櫃，食之前從雪櫃拎出嚟室溫慳慳佢，流心效果會更佳！一盒有8件大福，每件都有透明紙包住。估唔到雪住嘅日本大福，糯米外皮都可以咁軟綿煙韌 中間心的抹茶牛奶忌廉亦好濃郁creamy 再加上全粒大福都沾上宇治抹茶粉，由外到內都嚐到濃濃嘅抹茶味 尼個係我暫時食過最好味嘅抹茶大福喔！
继续阅读