M Square

营业中

休息中

難得放假，就算天陰陰落雨都無阻搵食決心！今次捉咗老細入西貢，目標係WM Hotel入面嘅 M Square！入到去真係有驚喜，完全唔似一般酒店Café咁正經～場內玩味十足，Snooker枱、足球機任玩，最過癮係有個模擬Driving Range，可以對住大屏幕打高球！細路實尖叫，大人都忍唔住手痕玩兩手，等位定食飽hea都唔怕悶，氣氛超輕鬆，啱晒一班Friend或者帶小朋友嚟放電！ 落住雨都要專登入西貢，就係為咗佢嘅 🍔 Maple Bacon Angus Burger (楓糖煙肉安格斯牛肉漢堡)！老實講，食完真係覺得「賺咗」！個安格斯牛肉Patty厚身得嚟勁Juicy，一啖咬落去，啲肉汁勁多，肉質靚冇得彈。靈魂所在絕對係塊楓糖煙肉 — 脆！到！不！得！了！😍 甜滋滋嘅楓糖香撞埋鹹香煙肉，神奇地一啲都唔油膩，夾埋個超鬆軟嘅漢堡包同新鮮生菜蕃茄，仲有至愛酸瓜🥒邪惡度爆燈但滿足感滿分，真心想Encore多個！ 另外試咗佢嘅 🦞 龍蝦尾封門柳（Turf & Surf)，擺盤靚仔。隻龍蝦尾好新鮮，肉質爽口彈牙，絕對唔係霉嗰種！封門柳就叫咗Medium，切開仲係靚仔粉紅色，鎖得住肉汁，咬落去有

趁住天氣好入左西貢M Square食野西貢真係有一種遠離煩囂既感覺由小巴落車開始沿途都有唔少準備出海玩或者悠閒散步既人去到WM Hotel 環境更舒適 仲見到一對新人喺個靚靚教堂行禮一入餐廳就見到桌球枱 點完食物就可以邊玩邊等除左桌球仲有足球機等多款消閒遊戲食物種類豐富 有PIZZA 漢堡 飯 意粉 甜品一家大細或者同朋友相聚都好適合Pulled Pork & Pineapple Pizza Handmade pizza 外脆內軟有嚼勁 呢度仲可以整到超薄Pizza 有手撕豬肉 菠蘿 紅洋蔥 芝士勁香安格斯牛肉肉醬闊麵包&溫泉蛋肉醬好香 將溫泉蛋同肉醬意粉攪拌再食好胃見到唔少人都有叫甜品 我地都叫左兩款Honeycomb Pancake 厚班戟蛋香味濃 鬆軟可口 加上香甜楓葉糖漿擺盤精美好啱打卡Cast Iron French Toast 兩件厚厚既法式多士淋上拖肥醬連熱辣辣既鍋上 雲尼嗱雪糕一冷一熱飲品揀左Chocolate Milkshake 同Mint Chocolate Milkshake奶昔香滑 朱古力味香甜

Weekend同Friend 入左西貢chill。強烈推薦位於WM Hotel的M Square餐廳。裡面空間寛敝，樓底好高，給人悠閑好chill的感覺。食物質素同樣唔錯，選擇亦好多。**Cajun Prawn Aioli Chips ($68) 蝦肉爽口彈牙，薯條外脆內軟，加上香濃香蒜蛋黃醬，令人一口接一口停不下來。**Burrata Chorizo Pizza ($228) 餅底屬於偏薄脆款，邊位微微焦香，帶有煙韌口感。西班牙香腸碎帶有微微辣味，與Burrata Cheese 完美融合，配埋蕃茄醬底，奶香濃厚卻不膩口。火箭菜與燈籠椒增添了辛香與爽脆感。**Hazelnut French Toast Box ($142) 甜品外型100分！外脆內軟的多士裡釀了滿滿榛子脆米，搭配香蕉、士多啤梨、朱古力片與雲尼拿雪糕，甜而不膩，特別適合甜點控。足夠3-4人用。**Mint Chocolate Milkshake ($68) 濃郁的朱古力和清新的薄荷完美融合，不會過甜，口感絲滑順口，好fresh ，夏日解暑一流**☕️Ice Latte ($54) 牛奶與咖啡比例恰當，整體口感順滑

想同媽咪同埋朋友慶祝母親節，但又想揀啲休閒少少又坐得舒服既餐廳，就諗到西貢間WM酒店有間餐廳唔錯🏖️。去到既時候發現樓底好高，而且枱同枱之間唔會太過迫～好舒服🧘🏻‍♀️Beetroot Salmon Sashimi Salad 🥗🐟✨紅菜頭汁三文魚配魚子醬三文魚被紅菜頭汁染色之後好鮮豔，好新鮮～配左魚子醬更加提高個鮮味，有好多塊三文魚Black Truffle Portobello Mushroom Linguine 🍄‍🟫🍝黑松露忌廉汁大蘑菇意粉呢個意粉超級creamy，蘑菇肥厚多汁，吸哂啲忌廉汁，意粉既硬度剛剛好😋Margherita 🍕小蕃茄，羅勒葉 ＆ mozzarella芝士一間餐廳整pizza整得好唔好食揀Margherita就岩啦～外皮香脆中間軟熟煙韌，蕃茄醬鮮味又唔過酸～Cast Iron French Toast 🍓法式多士，士多啤梨，拖肥醬，雲尼拿雪糕呢個份量足夠三人分享，個多士煎到有焦糖面～同埋吸哂啲雲尼拿雪糕～呢到真係好舒服～又適合同啲朋友傾計～唔會太過嘈吵

黃金周刻意避開市區人流，走入西貢吹海風。上次食過呢間太好食，今次再嚟encore試其他款式。Pesto Prawn Pizza $195﹕呢款Pizza色彩繽紛，非常吸睛。餅底舖滿綠色嘅意大利香草醬同埋芝士，醬汁本身係濃郁嘅香草香氣帶蒜味，加上大量mozzarella芝士絕對做到拉絲效果，蝦肉非常鮮甜，燒過嘅燈籠椒甜甜地，非常清新嘅海鮮風味Pizza。Pulled Pork Lasagna $165﹕賣相勁吸引，芝士焗到微焦，切開後可以見到一層層分明嘅餡料，非常豐富。千層麵夾住酸甜濃郁嘅番茄醬同芝士忌廉做基底。主角係慢煮嘅手撕豬肉，肉質嫩滑，味道甜甜的。配搭上微酸嘅酸椰菜，不論味道同口感都大大加分，層次更加豐富。Triple Cheese Chips $52﹕炸薯條金黃香脆新鮮熱辣，三重芝士有濃烈咸香cheddar cheese sauce，加上奶香味濃又夠拉絲嘅mozzarella，仲有仲咸香味parmesan，三重芝士醬各有特色，大愛。Banoffee Creme Brulee Pancake $139 呢款班戟真係空氣感十足，鬆軟綿密，淋上大量雲尼拿吉士醬，味道更加香甜，蛋味更加

今日放假，約同好友去西貢遊玩，順道去位於西貢惠民路28號洲至車奢選香港WM酒店地下低層A1號舖的<M Square>食午餐，環境舒適，餐廳設有多項遊戲活動間，如桌球及哥爾夫球。我哋點咗：🍴 Beetroot Salmon Sashimi Salad 紅菜頭汁三文魚配魚子醬、石榴珍珠、雜菜沙律 & 溫室青瓜 $188：份量不少，三文魚鮮甜美味，沙律菜新鮮好食。🍴Meat Lover Pizza 慢烤牛小排、手撕豬肉、雞柳、白菌 & mozzarellaç 芝士 $228：批底香脆可口，餡料豐富好味。🍴Honeycomb Butter Pancake 厚班戟、焦糖牛油、楓葉糖漿 & 水果 $130：新鮮出爐，賣相吸引，班戟鬆軟好味。

📍位於西貢wm hotel 入面西餐 M square 地方超大光猛空間，環境好似去咗渡假一樣 好 relax 🩷設有酒吧，可以一邊睇波一邊飲酒餐廳內設有桌球🎱及模擬高爾夫球⛳️玩唔係住客都可以入去食野 👍🏽📌燒雞配薯條雞肉唔會乾，皮脆好正，即叫即整，薯條都脆卜卜📌香蒜蜆肉意粉( 微辣 ) 小小辣吊住。好惹味。蜆赂好新鮮 📌 lobster taco 🌮 龍蝦肉好彈牙，醬汁配搭好好，沙律🥗菜好新鮮建議早啲去到，六點去都坐滿

餐廳位於WM酒店，交通非常方便，無需走進繁忙的西貢市中心，車子可泊進酒店，亦可泊到旁邊的賽馬會公眾停車場。反正只喜歡漫步海旁，這位置簡直一流。餐廳看來相當受歡迎，到達是星期五的四時許，以為這時段不會太多人，想不到竟全餐廳滿座，或許正值暑假吧！反而晚一點走了一群人，可以拍一下餐廳環境。室內超多免費娛樂消閒設施，怪不得那麼熱鬧。點了手撕豬肉、菠蘿、紅洋蔥pizza，餡料酸甜開胃。炸雞翼配蜜糖是拉差醬配青瓜酸忌廉，惹味香口。法式多士釀榛子脆米醬，配香蕉、朱古力片和雲呢拿雪糕。甜品控表示大滿足！！但份量真的太多了，縱然味道好、層次豐富，也未能清碟🙈拖肥雲呢拿奶昔，非常邪惡，卻非常美味。另點了嘉士伯0糖0酒精啤酒，味道一般。

🍽️西貢M Square人氣推介🍽️喺西貢Hea住歎返個Brunch，M Square餐廳環境舒適有格調，無論打卡定Chill住食嘢都一流！🍄Black Truffle Portobello Mushroom Linguine香濃黑松露配上大啡菇，每條意粉都掛滿醬汁超濃郁，香氣撲鼻，黑松露同啡菇係完美嘅配搭🍔Maple Bacon Cheeseburger With Fries招牌漢堡用上厚切煙肉加香濃芝士，仲有微甜楓糖點綴，牛肉漢堡牛肉味濃郁，鹹甜交融一啖咬落超滿足！薯條炸得金黃香脆🥞Pistachio American Pancake美式班戟鬆軟，面頭鋪滿開心果醬同粒粒士多啤梨配搭，夠清新又唔會太甜🥤Mint Chocolate Milkshake清新薄荷配香濃朱古力，飲落冰涼又解渴，博朱控會愛上！l

今天來西貢玩，晚餐時段經過看見m square環境不錯，就進入嘗試。我們分別點了青口，牛肉闊條麵，以及西冷牛扒🥩餐廳環境清靜, 座位闊落。而且服務員態度和服務也不錯。食物質素很好。最後還叫了一杯cocktail milkshake 口味獨特，對於很少飲酒的我，是新嘗試這間餐廳整體水平都不錯，值得推薦

來到西貢m square，當然要食晚餐啦～呢度嘅環境好舒服，啱晒同朋友過嚟慢慢傾偈食飯，現場仲有唔少玩樂設施例如：哥爾夫球、桌球等等，可以玩樂，大人小朋友都啱玩。今次同朋友來到點了一份pizza和牛排，等我分享吓啦！Pesto Prawn Pizza 呢個青醬大蝦pizza，青醬配上芝士好夾，最特別係呢度嘅Pizza底焗得好香口，真係好食Beef Sirloin 牛扒份量都唔錯，兩個人share都夠食，而且配菜仲係有薯蓉同蔬菜。個薯蓉真係幾好食🤤今日暑假仲推出咗Summer限定嘅milkshake 今次我哋點咗coco PB milkshake 呢個milkshake 係朱古力加花生醬味，估唔到兩者真係好夾，而且甜度唔會過甜，飲入口透心涼，真係啱晒夏天飲～📍M Square (西貢)西貢惠民路28號洲至奢選香港WM酒店地下低層A1號舖

放工後，我同朋友去西貢行，沿住海旁散步，見到WM hotel入面有間M Square西餐廳，係門外見到裏面有得玩桌球和大電視，就入去食晚餐。入到去，發現仲有遊戲機和足球機玩，好適合一家大细。 Margherita$169以薄脆餅底做基底，鋪上新鮮蕃茄、芳香的羅勒葉及濃郁的mozzarella芝士，口感清新，芝士味濃郁，簡單而經典，薄餅好有歐洲風味。 Kale Salad＄130配料豐富，有脆口燕麥、清甜青蘋果、甘甜紅菜頭，再加松子仁和南瓜籽點缀，帶來多層次口感，紅莓乾更加增添微酸口感，羽衣甘藍好搶眼，成碟都是，淋上清爽檸檬油醋汁，整體清新健康。 Calamari Squid Ink Pasta$169用墨魚汁製成黑色意粉，搭配魷魚圈和帶微辣的pommery芥末忌廉汁，再加上新鮮蕃茄沙沙粒，口味豐富，墨魚味濃厚。 Honeycomb Pancake$130厚班戟香軟，配上焦糖牛油和香甜楓葉糖漿，再用鮮甜芒果、士多啤梨、藍莓與提子配搭，滋味甜蜜。 四款菜式配料新鮮，無論主餐或甜品都甚具水準，非常美味。

唔好以為喺酒店dinner 一定好貴西貢WM入面嘅M square 我就覺得幾抵食weekend 特登搭車入西貢享受下假日vibe 日頭食雪糕行海傍夜晚就去M square chill歎dinner一開頭見到隔離檯拉絲嘅三重芝士薯條已經即刻order 先上得好快 又香又脆又熱芝士又正之後叫埋Carbonara 同埋Surf and Turf卡邦尼應該係用手工意粉唔係普通意粉 口感好特別surf and turf 叫咗medium well 不過呢度偏生~感覺係medium龍蝦肉好肥好鮮美 牛排汁好好食配菜薯蓉極度軟滑，我同我朋友近乎搶食哈哈人均hkd 300食到酒店dinner 真係唔錯

我今天在M Square的一間餐廳遇到了一次非常不愉快的經歷。當我走近門口時，經理完全沒有開口，就直接用手揮我走。我一時之間不明所以，便禮貌地問她是什麼意思，她只冷冷地說了一句「唔入得」。我再問「點解？」，她連一句話都懶得回，只是用手指了指門上的「No Dogs Allowed」標誌。我當下就說OK並離開，但整個過程她的態度極度無禮又冷漠。全程沒有一句解釋，沒有禮貌，甚至連一絲笑容都沒有。作為一名經理，這樣的不專業表現實在不能接受。遵守店鋪規則本來無可厚非，但每一位客人都應該被基本的尊重和清楚的溝通對待。我真心希望她的態度並不代表這家餐廳的價值觀，否則我絕對不會再踏入這間店。

最近去咗西貢嘅 M Square，呢間新派西式餐廳真係好有格調，環境靚得來又舒服，仲有桌球同遊戲機打，適合同朋友聚餐或者約會Mussels Pot 鮮茴香忌廉煮藍青口及烤多士，一上嚟就被呢個藍青口吸引！鮮茴香忌廉湯底香濃，藍青口新鮮到不得了，配上烤多士，真係一流！多士外脆內軟，沾埋湯汁食，簡直係人間美味。All Day Brekky 酸種麵包炒滑蛋英式香腸，煙肉炒蘑菇，呢個全日早餐盤真係好豐富！酸種麵包鬆軟，炒滑蛋做到剛剛好，英式香腸味道濃郁，煙肉炒蘑菇又香又滑，搭配埋一齊，實在係個完美嘅早午餐選擇。Tiramisu Pancake 提拉米蘇醬燕麥松子仁及咖啡糖漿，呢個甜品絕對係一大驚喜！煎餅鬆軟，提拉米蘇醬香醇，燕麥同松子仁嘅口感好特別，配上咖啡糖漿，食落去有層次感，真係唔會膩。Passion Fruit Milkshake，最後呢杯百香果奶昔，味道清新，甜度適中，飲完真係令人神清氣爽，係個消暑嘅好選擇。總結M Square 呢間餐廳無論係食物質素定係環境，都令人感到滿意。食物新鮮，搭配創意又好味，絕對值得一試！下次再想試更多菜式，已經迫不及待想再返嚟！