M3 Italian (已結業)

其實已經食過好幾次M3既水準中等至中上有時整得幾好食有時整得好普通水準時好時壞不過勝在價錢夠親民但只限午市晚市價錢貴好多所以一直都冇試過我會比較推薦大家食A-E因為睇到隔離食扒類望落同平時快餐店或者茶餐廳🍴冇太大分別，吾太吸引羅宋湯吾係罐頭湯飲咗好多料會唔會太過味精不過我都係想飲忌廉湯多啲之前試過飲忌廉蘑菇湯，南瓜🎃忌廉湯味道都吾錯香草忌廉煙三文魚意大利飯唔知係咪因為香草落咗入忌廉入面所以望落去係綠色意大利飯夠煙韌，雖然係意大利飯但係都粒粒分明，幾有咬口有好香嘅忌廉味同淡淡香草味班入面已經加咗煙三文魚碎加上切左玫瑰花形狀嘅煙三文魚🍣成個飯望落更加吸引和牛漢堡 伴 牛油果醬 配 炸薯條🍟和牛漢堡塊和牛真係好夠厚食落都好juicy,不過肉味欠奉炸薯條唔夠熱食落都幾硬又唔鬆脆不過牛油果醬就幾好食之前食過炸魚柳漢堡 配炸薯角味道就好過今日食嘅好多

這間餐廳我哋已經食咗好多年㗎啦！不過通常都是食中午，每次嚟都是食扒餐 今次都唔例外前菜可跟餐湯或沙律餐湯 - 忌廉甘筍湯， 味道濃郁質感比較厚。前菜 - 沙律，新鮮蔬菜蕃茄仔配上醬汁酸酸地幾醒胃。主菜嚟喇烤美國肉眼扒 伴 燒洋蔥 & 紅酒燒汁 $95(跟意大利粉)當點餐時侍應沒有問我哋牛扒要幾成熟，不過食落都沒有過熟 肉質嫩滑有牛味又夠大塊，意粉用橄欖油煮過食落煙煙韌韌。另一款主菜烤美國豬扒 伴 燒洋蔥 & 燒蒜汁 $78 (跟薯蓉)豬扒有兩塊幾厚身，兩面煎得香咬落肉質唔韌而薯蓉打得幼滑。蕃茄牛肉醬蘑菇扁意粉 $60這個意粉比較遜色食落頗咸，唔知係唔係師傅落得太多鹽定係佢哋這款菜式係咁咸熱咖啡 跟餐加 $3

呢間鋪既位置唔係好就腳，但係我有bb時要不時去威爾斯親王醫院，做完檢查就會想食佢，醫院行過去好近，而且附近我最喜歡就係呢間西餐廳。好多時早上檢查完十一點零去度仲未開鋪，等到開門入去暫時未係好多人。佢既lunch set都好抵食，幾十蚊有湯有主菜，選擇種類都ok, 今次叫左個漢堡同素菜長通粉。佢個包既肉都算有肉汁，薯條係薯角都幾好味，無得同專做漢堡既鋪頭比但都算ok. 長通粉味道偏淡，但食落感覺好fresh好健康！走個時已經坐滿同有好多人等位了！

星期日晚同朋友聚餐，定位有Asia Miles送，抵！坐低點餐後，立刻送上熱辣辣麵包，點上黑醋橄欖油，好食！我哋叫咗三個主菜，加$50就成為套餐，有湯有小食同甜品送，已經好抵！後來上菜的，是甘筍忌廉湯，好飲，熱辣辣！然後，再上菜嘅係Pizza，薄薄的餅底配上濃厚芝士，好香好食！然後仲有意大利飯，份量足，好味道！我哋都叫左ribs, 好好味醬汁與肉好夾！最後上菜嘅係幾款甜品，值得一推嘅係New York cheese cake!這是值得一推的好餐廳！

今晚因為同朋友聚舊，就揀間靚d, 坐得舒服既餐廳好耐之前食過一次 都已經唔記得左有咩食環境暗暗地 係幾好feel 既服務員有不時主動加水 禮貌幾好由於跟餐（多個湯，salad 同甜品）要加$60, 所以都係放棄左就咁叫個意粉算朋友a揀左個溫泉蛋卡邦尼，確實既名忘了買相還好d 煙肉都幾多意粉既軟硬度適中！味道幾濃 如果鍾意蒜味 唔抗拒既朋友係可以揀呢個既但相反 唔好蒜既朋友就唔好揀la因為蒜味係好重既咸度適中我就揀左個龍蝦汁大蝦意粉意粉軟硬度 適中味道稍咸 龍蝦汁有點苦鵝肝意大利飯好咸 食唔到好多個鵝肝就不過不失 唔會有腥味

無誠意煮好D既餐廳南瓜湯湯淡而無味法國蠔求其洗 雖然只係二百幾半打蠔味就唔會好高要求 但係六隻都得海水味明顯洗果個無心機沙律都ok 主菜乳豬同烤海鮮就中伏乳豬烤到似蒸咁煲湯豬肉加一塊擦子膠質地既皮海鮮有蝦青口魷魚帶子魚幾乎食唔出有無調味佢有一碗甜過糖水既醬 入唔到口果種低級海鮮就唔好咁煮啦 又唔鮮甜又冇味另外意粉又係調味出事一餐飯飲左五六杯水左右個場半滿 但係都要舉好耐手人先有人望到係好耐果種 甜品都好伏 超重口味濃縮糖水 超級伏全晚最好既就係擺盤 幾靚仔但係一放入口就知出事為影相而去我會比八分為食物而去我連一分都比唔出手因為佢四周既餐廳最部好過佢好多包括茶餐廳

在2015年 小妹出第1個食評就是呢間沙田圍M3 ITALIAN 從溫當年既食評 回憶依舊有留意開佢地既FB知道餐廳已轉了dinner set 於是便在2019年初與老公黎試下 試下味道是否保持水準係食之前 除了從溫自己寫過既食評 當然都有睇其他人既食評 呢次我反係focus人地寫既劣評 見到1個劣評寫於2018年的平安夜 文字上看得出他對餐廳的不滿 加入來第1個食評就是寫這裡的劣食 先不討論筆者對食物既要求 因為口味人人不同我著眼既是佢寫。。。點解無鋪大腿既餐布提供。。。點解冇水揀 。。。還說已經唔用5-6千蚊既餐廳比較 2個人用了5百幾蚊食完還要懷疑人生這樣識食的筆者。。。從文字上似乎。。。露餡了果位食評家我好想認識下佢我呢d 家庭主婦見識少 真係未食過5-6千蚊既西餐 但人均消費過千元既西餐就食唔少 亦未必會有sparkling/mineral/still water提供 有都是要付費的 唔會要求d細店有得供應 講返食物 2個人叫左3個set當慶祝新一年既來臨 寓意三三不盡 生生不息嘛Carbonara 忌廉汁適中唔會太濃 意粉軟硬度剛好 羊架叫 medium 出品是做到5成效果

簿餅足料好重芝士好味，叫左個青口肉大大粒好滑，D汁好正不過冇叫蒜容包可惜，西班牙黑毛豬胺好好味，配個辣辣地既醬汁幾野味又開胃，餐廳裝修唔錯年幾前來過有D唔同左，應該裝修過，但最緊要食物ok下次會再來

記得去年為了慶祝朋友生日而在Open Rice 見過呢間餐廳的評語，多是讚賞，今日約了朋友在沙田區晚飯，特來一試。M3 Italian 在馬鞍山線沙田圍站附近，行5分鐘便到，很方便。店內裝修簡潔，因星期一的關係，只有幾枱客，環境變得清靜，方便傾計。餐牌選擇合理，可先選一主菜，然後加$50便可有「升級超值套餐」，套餐有湯，前菜及甜品。它亦有其他前菜（如黑松露薯條丶紐西蘭托托蜆）供選擇，價錢個個不同。我們叫了一客帕爾瑪火腿蜜桃薄餅（$118）及烤西班牙黑毛豬鞍扒伴燒新薯及布冧醬（$198），另要了一個「升級超值套餐」。始終2個人，食量又不大，無謂浪費。首先上枱的是餐湯及麵包，是日餐湯是青豆忌廉湯，賣相專業，湯頭香滑，有清香的青豆及雞味，濃稠度適中，好味！👍🏻👍🏻👍🏻 香草麵包外脆內軟，熱辣辣的，送湯一流。最開心的是餐廳提供橄欖油及黑醋，配合意大利餐的格調。之後上枱的是升級套餐內的前菜，蒜蓉牛油焗紐西蘭青口，青口雖然細，但有香濃的蒜蓉及海鮮味，青口底還墊有香滑薯蓉，是一很好的開胃菜。伴碟沙律菜新鮮，抵讚。👍🏻👍🏻👍🏻之後主菜上場，一見已知有水準。這個成吋厚的黑毛豬鞍，伴有鬼佬豆苗、黃瓜丶青瓜

3-1-2019 (Thur)晏晝,同上司KK食farewell兼生日飯,揀o左我o係17年o黎過o既呢間(o個個食評: https://www.openrice.com/zh/hongkong/review/%E5%94%94%E9%8C%AF-e2781104),睇完menu,我揀o左$128.00o既黑松露海鮮意大利飯,揀飲湯. 其餘7位,有5位要$92.00o既烤美國西冷扒伴秋葵車厘茄及紅酒燒汁,2位要$88.00o既烤紐西蘭羊西冷伴秋葵車厘茄及乾蔥黑醋汁.落單時,要西冷扒o既同事叫埋食幾多成熟,侍應竟然答冇得揀,全部清一色7成熟.是日餐湯係羅宋湯,酸味比較微弱,雜菜切成約1立方厘米,全部都夠腍.我o既黑松露海鮮意大利飯最快到o黎,海鮮有青口,蝦,帶子同魷魚圈,黑松露味道唔太濃,o岩初試黑松露o既朋友;帶子太熟,熟到肉質o鞋o左;其他海鮮都冇乜問題,只係淡o左啲;意大利飯腍,唔係中間仍有啲硬o個種;汁就o岩o岩好掛到上啲飯到,唔多唔少.食烤美國西冷扒伴秋葵車厘茄及紅酒燒汁o既同事唔食秋葵車厘茄同車厘茄,俾晒我食, 秋葵共有3條.最後加$2.00要熱檸水,呢個正常冇問題.環境:原

20190111晚同朋友一齊晚餐。用open rice 網上訂位，七點到已經可入座，一家三口連一個朋友，叫左一個pizza + 一個意粉。餐前先享用麵包🥯+餐湯。麵包好軟熟，如果熱少少更好。海鮮pizza 同意粉都保持水準，加$50蚊有餐湯同青口+甜品。青口雖然得三件，但味道不錯，下面配薯仔，配合得幾好。甜點叫左木槺蛋糕，細細件三個人分剛剛好，M3既甜品永遠係錦上添花，口感好軟熟，甜道適中下次多人先叫下扒食。

過年後第二日先有時間約埋三五好友聚會，一月二日來訪M3意大利餐廳，裝修過後好舒適，枱大張左，無已前咁逼逼夾夾，環境唔錯，轉左新餐牌，有驚喜喎，而家平易近人左，加$50已經有齊頭盤餐湯甜品，絶對抵讚，味道如一，本人認為超值得很！意粉係我喜歡的軟硬度，pizza係非常之簿味道好濃郁，意大利飯係正中軟硬度，在沙田區真係唔錯真係忍唔住出個食評，有讚亦都有彈，服務員質素有待改善，有陣時要客人話比服務員聽要加水和換碟，希望改善一下吧，但是總括來講係開心嘅！

本人跟屋企人三人於十二月二十九日到M3花園城分店晚餐，我們點了西冷牛扒，羊架和燒春雞，首先跟的餐湯跟開水一樣淡而無味，前菜青口有沙，係個沙律像樣一點，跟住主菜就災難喇，基本上三個主菜都是冇味，小女的西冷牛扒更煎到像柴皮一樣，連跟的醬汁也是淡而無味，小弟記得上次到這裏晚餐不是這樣的，可以用去了另一間餐廳形容也不為過，價錢仲要吾係平，接近八百元，用這個價錢吃一餐連大快水準都不如的晚餐，真係不知所謂，我們一家決定冇下次

聖誕節諗咗好耐去邊食聖誕大餐！最後都係決定落樓下食m3就算先叫左杯Riesling白酒，一如既往好！先黎左個大蝦墨魚飯，係好夠味既意大利飯，唔會太罪惡感！仲要左個羊架！5成熟啱啱好好味，仲要讚埋個薯蓉！好濃厚牛油味！果然係m3!!!

對食物沒有太高要求，但呢間簡直離譜，完全唔知食乜，我不跟五六千的餐廳比較，但五百幾蚊，食完真喺懷疑人生。從未試過由頭踩到尾，未計個waitress唔識severe ，唔識食完換一隻新碟俾客人；無餐布俾客人放大腿；無水俾客人揀。前菜：西蘭花湯（溝水、無味）沙律（個菜有水，啲菜唔爽口）‼️FAILED 小食：薯條 ‼️FAILED 你唔用新鮮的薯仔炸都算，可以用大量的鹽淹蓋雪藏味，炸太lon 、太硬、無薯仔味。主菜：素食磨菇意大利飯（意大利飯竟然是白米、有少量珍珠米）‼️FAILED 味道同食盤菜無分別、汁好咸 食完不停飲水喺咪當食客傻的嗎？？我朋友的主菜：羊架。 ‼️FAILED 無薄荷醬 okay fineeee ，但廚師對羊架好有信心，可以連醬汁都溝水，羊架五成熟，可以見唔到血。甜品：Cheese cake 🍰 ‼️FAILED 蛋糕似冰箱攞出，要我好用力先切到一舊。#劣食排行榜第一名