Mai 新派泰式料理 (已結業)

上星期，我同一班朋友去食飯，ｄ嘢食好好味！７位食，大約每人＄１１０！好哋！因我哋叫了８樣食物！試吓南瓜海鮮！蛋綱金邊粉！雜錦拚盤！

Dinner with my gf. We had ordered 4 dishes and a soup. Quality of food was above average. Services of most of the waitresses were ok, except for the male manager who weared glasses.We have been waiting for one of the dishes for 40 min, and we told him to cancel it out simply because we had been full already and the dish still had not come so late. But that guy refused to do so and said "已經起鑊" and will come in few minutes. We were mad about it and argued with that guy. His attitude was so rude an

呢排成日都落雨, 而本人又係諾仕佛台做嘢, 所以一定唔會去太遠食LUNCH, 上星期同同事去呢間食LUNCH, 因為太大雨關係, 都好多人食! 我叫咗個唔記得叫咩名既魚飯, D汁酸酸甜甜咁, 配上D魚嚟食, 都幾好味呀! 下次可以再食過!

本人上星期五慕名到此餐廳, 以為可以飽嚐美食, 怎知不外如是。本人叫了鐵板蠔仔蛋–幾多蠔仔，算OK !! 四個人食就差不多。冬菇雞煲仔飯–個飯只係普普通通，又冇一般煲仔飯的豉油,好乾,稍嫌有d唔夠味。辣椒豆腐炒雜菜–幾辣，只是玉子豆腐, 冇乜菜，只得一些菜頭菜尾。燒鱔–很鯹, 唔好吃, 又貴。清炒南瓜苗-- 用魚露炒南瓜苗, 好咸, 南瓜苗好! 由於唔好食，我地都冇再叫甜品食，只係諗住坐多一陣傾下偈，d waitress 好煩,常問我們要唔要甜品,好似想趕客,。

由於本人係美麗華商場做野, 所以成日會去呢度食泰國野, 基本上諾士佛階平時lunch最旺就係呢間, 係尖沙咀, 約$40一餐lunch 都ok啦! 野食又好食, 試得過

尋晚我同男友兩個黎食飯，叫左:鐵板蠔仔蛋–好多蠔仔，熱辣辣食好正!! 但兩個人食就覺得份量太大串燒蝦–有兩串，每串三隻，本身已經有點辣辣地醬料，但仲有兩款汁跟(一款係酸酸甜甜辣汁，另外個款綠綠地色汁幾辣但十分正)蟹肉炒飯–個飯只係普普通通，稍嫌有d唔夠味辣椒豆腐炒雜菜–微辣，幾好味但菜太少，如果多番d菜會更好由於份量幾多，我地差d食唔哂，所以都冇再叫甜品食，只係諗住坐多一陣傾下偈，d waitress 好細心咁一壺熱水俾我地，值得一讚。

早幾日去MAI食晚飯,叫左冬蔭公,一個細拼盤,鐵板蠔仔蛋,蝦膏炒飯,甜品拼盤冬蔭公:正,一向鍾意飲,呢到D味道同o係泰國果D都好接近,D蝦都有4大隻細拼盤:蝦春卷,個look又得意,成7,8吋長,入口都ok 雞軟骨,味道ok,份量仲唔少 魚餅條,味道ok,有少少好似香茅gei味有2款汁跟,一個就普通酸酸甜甜,另一個就多左D好似梅子味,好fresh,不過D汁就偏淡鐵板蠔仔:好多蠔,但一上枱時D蛋就已經太熟,味道都OK,但2個人食就太漏,食唔哂,最好4個人食蝦膏炒飯:都幾好食甜品拼盤:有兩個Haagen-daz雪糕,幾粒士多啤梨,芒果糯米飯(加左士多啤梨汁煮,好好味)同南瓜布丁(失望!D南瓜唔甜,D布丁"粉雷雷"又冇乜味)PS.唔叫甜品gei話兩個人都已經好夠飽,個甜品仲要$100tim,不過埋單時,送左一份gift比我哋,入面有2張coupon同2粒椰子糖(應該係自己整,入面有花生粒,好好味,又唔太甜),仲有個瘦瘦哋gei waitress非常nice!兩人埋單$388

今日終於考完試放監啦! 所以特登扯埋媽咪同家姐黎食晚飯. 可能係平日啦, 八點零黎到都有好多吉檯.我地叫左1)鐵板蠔仔蛋-- 上檯時有"si""sa"聲, 蠔多蛋少, 黏住鐵板o既蠔仔燶燶地, 而且唔油, 趁熱食, 好好味! 我地三個都激讚!2)大蝦柚子沙律-- 呢個唔掂, little basil好好多. 除左數隻中蝦外, 就只係一大堆乾水o既中國柚肉, 勁唔抵. 而且個沙律無汁, 只係用豆瓣醬撈d大蝦, 唔夾!3)清炒南瓜苗-- 用魚露炒南瓜苗, 清清地, 幾好味!4)蝦膏通菜-- 蝦醬味唔係太濃, 但係通菜好老, 唔係好得.我地三人一致推介鐵板蠔仔蛋!

今日約0左朋友食飯, 本身諗住食同一層0既越南0野,不過因為冇訂位要坐bar 枱, 所以就去0左呢間喇....我地一行三人, 叫0左泰式春卷, 雞軟骨, 蠔仔蛋, 蝦膏炒飯同埋燒牛肉.春卷好好味, 又唔太油, 雞軟骨冇乜特別, 蠔仔蛋好多蠔, 落足料, 蝦膏炒飯冇乜蝦膏味, 幸好味道都唔錯.燒牛肉一般啦...之後仲叫0左兩個甜品:南瓜布甸同埋紅豆加綠茶雪糕,南瓜布甸好特別, 南瓜口感唔錯, 0的布甸好似豆腐咁品,正!! 而紅豆就好大粒, 冇乜特別咁..total 埋單$342, 價錢都算合理, 份量亦都ok..會再幫襯

今次係即興去試吓既,一去到有野飲送,味道都唔錯!叫左蛋網海鮮金邊粉,味道酸酸地,幾惹味!另外有炸釀雞翼,呢個就麻麻地啦!仲有個咖喱鴨,幾好食,D汁好好食,我地仲叫個薄餅點D汁黎食添,叫碗白飯都得架!而且價錢又唔貴,食得過

餐廳裡面吊左好多薄紗, 燈光少少暗, 橙橙紅紅咁, 又係屬於靚裝修的泰國菜. waitress都幾好人, 我去到睇唔到我已經到左ge朋友, 一支箭咁行到尾, 點知我朋友見到我想喊住我, 我都唔發覺咁一味行, 成堆waitress跟住幫手叫我, 可惜我都聽唔到, 去到盡頭搵唔到, 調頭先知全部人叫我, 勁樣衰~~ @_@ 後來我朋友比手信我, 個笑容好好的waitress就行過來話好靚ar, 感覺幾親切.講番食物, 我地2個人, 叫左4碟. 第一碟係泰式活蝦, 一碟有6隻, 隻蝦卷得好靚, 每隻蝦上面有一片生蒜片同一粒辣椒, 加埋dd醬汁一齊食. 蝦ok, 另外可能我用日本牡丹蝦同佢比, 就覺得佢冇咁鮮甜, 連辣椒食真係好辣. 之後再食我就飛走粒辣椒lu. 另一碟係海鮮辣粉絲. 都係用上幾多辣椒. 所以一食完碟蝦, 個口仲辣緊, 食佢都有d噴火~ 味道酸酸辣辣, 一般la.第3碟係炒通菜. 好似係馬拉盞炒. 幾好. 唔太咸.最後一碟係蛋包海鮮金邊粉. 賣相幾靚. 睇上去覺得會幾好味, 不過可能食ge時候已經凍左d, 所以普通la. 酸酸地, 覺得有少少似西炒飯. 我同朋友都冇飲野, 不過