Mamaday (已結業)

又係一間生日飯精選地方🥰🥰銅鑼灣Mamaday cafe 😚而家食過三次都覺得好好味💃🏻嘢食個名好有創意，每一個名都好有心思咁樣去改😊都幾好笑🤭•美利堅合眾國草飼牛扒 $168•可能會失望溫泉蛋明太子意大利扁麵 $118 •點解個個都叫軟殼蟹比薩㗎？ $138 •黑到爆炸魷魚圈墨魚滑墨汁燉飯 $128 (食完呢個成排牙都變咗黑色）所有食物嘅份量都唔算好細而且價錢非常親民🌸推介💃🏻💃🏻💃🏻💃🏻💃🏻

今次叫咗軟殼蟹pizza，炸花枝圈墨魚汁意大利飯同蟹肉意粉。Pizza薄得嚟脆口，略嫌軟殼蟹有啲少，另外意粉都幾多料，每一啖都會食到蟹肉，而墨魚汁飯都有驚喜，食到唔停口，但份量都幾多最後係食唔晒嘅😂。雖然食物質素同味道都幾好，但價錢較貴，性價比唔算好高，不過都值得再嚟👅

【美國街頭藝術感💛 人氣多國菜咖啡店！】推薦程度：●●●●●抵食程度：●●◐○○———🍳 唔好抱咁大期望蒲燒鰻魚蛋包飯｜$126相信大家對呢間餐廳都唔陌生？無論邊間分店都咁有特色同風格，偏向玩味嘅美國街頭藝術，亦有啲pop art嘅味道。大至環境，細至menu、餐紙，都用心設計過。環境好chill，適合同朋友聚餐傾偈，亦好啱嚟打卡影相！鰻魚係有誠意地熱上，肉質介乎淋同嚼口，比較爛溶溶嘅更好食🌟 起身傳統嘅日式蛋包飯，佢哋嘅蛋皮係更細滑，似滑蛋蓋飯，口質更creamy。整體唔錯🌟

疫情期間有的鬱悶， 出開街search openrice見到，就過咗嚟銅鑼灣呢間熱門餐廳朝聖。order左5樣野，分別係滑蛋鳗魚飯， 芝士薯條，微辣雞翼， 豆腐咖啡同心太軟。滑蛋鰻魚飯: 落咗啲木魚，其實味道還可以，不過冇乜特別芝士薯條:好好味，好濃好足料微辣雞翼:都幾惹味，好香口豆腐咖啡:好特別， 豆腐雪糕出奇地同咖啡原來都幾夾心太軟:都係水準之作，好濃嘅朱古力溶岩配上焦糖雪糕。總括嚟講呢間餐廳相當有質素。

_____好味指數：🌟🌟🌟🌟🌟抵食指數：🤑🤑🤑🤑Mamaday相信大家都有聽過，最近禁晚市堂食就諗住午餐要食返好啲平衡，然後就諗起呢間餐廳啦～佢哋嘅嘢飲嘢食除咗好味仲好有心思，每次睇佢哋嘅菜單都好佩服店主嘅創意，真係非常推薦大家一試✨✅唔好抱咁大期望蒲燒鰻魚蛋包飯成個飯份量好多，鰻魚好厚肉又無骨，香口又入味😋蛋係採用日本雞蛋，蛋香味濃郁，口感滑溜🥚飯煮得好綿，飯粒圓潤粒粒分明🍚加埋鰻魚汁、紫菜碎同木魚絲令整體質感層次提升，非常好味❇️ 豆腐豆腐豆腐咖啡 $56每次嚟都必定會點！咖啡香濃帶淡淡苦澀，飲得出係用靚嘅咖啡豆☕️而入面仲加入豆腐花去增加甜度，如果唔夠旁邊仲有糖漿供自行調味🍯而豆腐雪糕係成杯野嘅精粹，香甜嘅豆腐味加上綿滑嘅口感，每一啖都係滿足🍨雪糕慢慢溶喺咖啡入邊亦令到成杯咖啡味道更豐富，十分推薦！

要食Mamaday真係要預約，之前都試過walkin要等好耐，今次醒目book定位，餐廳亦安排得好好，上到去即時可以入座。所有擺設裝修都好特別，就連紙巾都印哂圖案，周圍都係唔同既影相打卡位。菠菜菠菜全部都是菠菜忌廉燉飯 $118非常多菜既一款燉飯，旁邊係炸左既玉子豆腐，口感好特別，配合返飯一齊食又脆又軟，飯中間加上松子及菇菌，食哂都唔會覺得女飽滯。可能會失望溫泉蛋明太子扁麵 $118食過Mamaday既都知出名個餐牌係古靈精怪，講就可能會失望，但食落就有驚喜，明太子既汁配上意粉相當好食，加上溫泉蛋，撈埋食更香濃。薯薯薯薯薯......條 $45叫左份原味薯條，薯條新鮮炸起，熱辣辣，同埋份量都非常多，細份都差啲食唔哂，同朋友Share就至啱，除左原味，仲有明太子同芝士粉味。

「唔好除口罩」😑😑嗄，唔除點樣食嘢？朋友仔話食物未到，口罩唔可以除㗎，比人發現會罰錢🧐🧐環顧四周，真係個個都好守規矩，淨係得「佢」唔聽話，個罩戴「高」咗😝講返呢間cafe , menu 好複雜，睇來睇去都唔知叫乜，有選擇困難症嘅人唔好去try

入到嚟餐廳既氣氛好好，裝修好有 vintage 風好有特色既cafe🤩今次叫左三款野食，menu 上面既菜名每樣好搞笑，玩味十足，好有創意，落單果時都覺得好好笑。點解個個都叫軟殼蟹比薩架(仲要有菠蘿) Pizza 上面既軟殼蟹都幾大，而 pizza 底條薄批， 咬落好脆，脆到似食緊餅乾既感覺，而且千島醬配埋菠蘿同軟殼蟹，可以話條我最鍾意既組合。😍求其是但乜都炸啲啦而炸野方面,我覺得佢個名改得好岩,真係咩都有啲,樣樣都可以試下！而且炸得脆，又唔會太油太燶，好香口!！🤤🤤可能會失望溫泉蛋明太子意大利扁麵意粉都唔錯,一啲都冇失望，明太子汁好濃味 會想再食🤩

個個朋友仔都推介 上個星期終於有時間試下同朋友3個人去 大約排左75分鐘終於到我地好彩入到去好快可以order, 食物都好快到食物質素都好好 值得一去最正都最後個甜品 焦糖脆脆窩夫未試過咁正既甜品 下次會再食!

朋友介紹E間叫Mamaday嘅Cafe，聽個名都覺得幾有趣，今日咁啱經開銅鑼灣又有時間，就walk in入去食個lunch先！😎一入左幢大廈已經俾梯間好多搞笑嘅畫作吸引咗，入到餐廳就見到好有特色嘅裝修設計，打卡方面先拎一分！坐底一翻開佢個餐牌，就比佢搞笑無喱頭嘅菜式名逗趣！😂唔好抱咁大期望蒲燒鰻魚蛋包飯🐟🍳🍚🤣見到個菜式名咁直接，就決定試一試佢先！一送上就俾佢個賣相吸引住🤩一大條蒲燒鰻魚鋪係個蛋包飯上面，有大量嘅木魚絲作為伴碟，好有日式嘅風味！香滑鰻魚肉連埋厚厚嘅滑蛋，再加埋暖笠笠嘅汁飯一啖入口，味道同口感都好正！好邪惡嘅咸蛋牛油果蟹肉比薩🦀🥚🥑🍕真係形容得好貼切！咸蛋黃味嘅菜式真係好邪惡，但又好吸引人！🤤每一口都有啖啖嘅咸蛋黃，再配埋切咗粒嘅健康美食牛油果，口感十足。每一塊切好咗嘅pizza都有一個精緻嘅小蟹鉗，可以品嘗入面嘅蟹肉，真係食到lam lam脷👅見到咁趣致盞鬼嘅餐牌同裝修，又食到好味打卡又靚嘅食物，今日真係好滿足！

Mamaday Unagi Omurice 唔好抱咁大期望蒲燒鰻魚蛋包飯Sweet Potato Waffles >Homemade Mashed Sweet Potato | Ice-cream | Cheese Milk Foam 紫薯窩夫>自家製紫薯醬 | 紫薯 | 雪糕 | 奶蓋Tofu Tofu Tofu Coffee>Single Shot with Soy Milk | Tofu Ice-cream | Silken Tofu豆腐豆腐豆腐咖啡Dirty >Espresso with Milk咦污糟呀你 (常溫)講真呢間餐廳啲嘢食好味一啲都唔麻麻地，蒲燒鰻魚個汁同魚okay好味，個蛋整到好嫩滑，海量木魚片大大塊咁喺到喐喐貢好香夠提味，配珍珠飯一絕！窩夫個質地內軟外脆有蛋香，中間煙煙韌，果啲紫薯醬香甜到一個點，我同朋友講真係想舐乾淨隻碟！我杯豆腐咖啡都幾好飲，creamy有豆腐香嘅雪糕溝落咖啡度濃香甜滑

呢間玩味餐廳人氣一直都好高 餐廳裝修得好靚 好多打卡位 menu既名亦改得好趣怪 食物質素有水準 所以一直都好多人黎試🤣 今次去咗銅鑼灣嘅分店 感覺比尖沙咀嘅更舒適！ 燈光光猛 地方亦都好寬敞💯 / 普通到無得再普通既炸魷魚圈 🌟$68🌟魷魚圈份量算幾多 而且比出面既大舊 炸到卜卜脆 外脆內軟🤤 入面嘅魷魚亦好彈牙 配埋沙律醬食好開胃 係一款水準好高嘅前菜小食😍辣架傻豬豬豬頸肉泰式肉碎日本蛋包飯 🌟$122🌟一上碟已經聞到好香 厚厚嘅豬頸肉 加上肉碎同香草 好惹味 亦帶有少少辣🤤 日本蛋好滑好重蛋味 份量亦一啲都唔吝嗇 食到最後都仲有好多蛋淨👅👅 有蟹GO又有蟹肉得蟹蟹蟹意大利扁面 🌟$138🌟好香蟹味 蟹肉份量好夠 有兩個蟹鉗仔 仲有蟹籽同蟹膏 完全係對得住佢個名🤣 扁意粉食落乾身 份量唔算好多但幾好味👍🏻

蜜汁燒豬頸肉（$136）非常之有水準！厚度相比起一般豬頸肉厚，而且有適量的脂肪，燒完之後好有香味🐷 開埋基本但重要嘅泰式辣醬已䊺夠贏。將豬頸肉放喺脆卜卜嘅蝦片上面食，都一樣過癮🙂 沙律🥗 除咗有基本嘅沙律菜之外，仲有少少生果，可以refresh吓個口腔。另外，我哋叫咗「有蟹Go又有蟹肉的蟹蟹蟹意大利麵」（$138）名副其實，蟹膏非常足夠，可以撈勻成個意大利麵都有🦀🦀🦀🍝 另外有兩條蟹柳棒，兩隻小蟹鉗——記得要用叉將裏面嘅蟹肉挑出來食😋 上枱賣相都幾靚！

Mamaday一間別具特色嘅cafe菜名玩味十足 而且食物質素高裝修充滿Andy Warhol風格 望住啲特色裝修擺設 好似回到以前讀設計的時代 時常去睇展覽咁蜜汁香茅豬頸肉沙律🥗 爽口嘅豬頸肉配上清新蔬菜 口感極佳黑到爆炸魷魚圈墨魚滑墨汁燉飯🍛 海鮮香味融入飯中 香而不膩點解個個都叫軟殼蟹比薩㗎🍕 餅底薄脆 甜甜酸酸 十分開胃蜜糖芥茉炸雞翼🍗 外表酥脆 內裏肉嫩多汁以cafe門面但有著西餐質素加埋打卡裝飾 難怪成為後生仔喜愛嘅蒲點

好耐之前已經book mark左呢間餐廳之前有去過油麻地嗰間食過不過就冇主菜食只係得啲甜品同埋三文治今次終於約到朋友出嚟銅鑼灣食啲裝修好靚 好有特色 色彩繽紛就連份Menu都好靚好吸引每份甜品主菜同飯品嘅名都好搞笑好有創意我哋嗌咗一個意粉一個pizza一杯嘢飲同埋一份甜品有蟹膏又有蟹肉嘅蟹蟹蟹意大利扁麵 $138佢真係有好多蟹 除咗幫你搣咗啲蟹肉出嚟之外仲有四隻蟹鉗 蟹膏就攞嚟整左醬 意大利麵上面仲鋪滿左蟹籽蟹肉同面嘅比例真係近乎一比一完全唔使驚食到最後得返啲面冇晒啲餸個面煮得啱啱好唔會太淋都唔會好硬入面仲有啲洋蔥可以解解膩真係好睇又好食😋好邪惡嘅鹹蛋牛油果蟹肉比薩咩叫減肥 $138個Pizza真係好邪惡 佢鹹蛋完全唔會太鹹反而個香味比較重佢個蟹肉係蟹鉗嚟嘅 鹹蛋再配牛油果下面個仲鋪咗一層芝士啱啱上到枱熱辣辣嘅時候仲可以拉絲佢仲落左啲車厘茄 真係冇咗佢唔得冇咗車厘茄就會令到成個Pizza好膩個Pizza都好推薦大家嗌柚子咖啡走奶怪怪地 $50咖啡比較重柚子味 咖啡味唔係太濃如果飲唔慣咖啡嘅人都可以試是是旦旦窩夫 $86個窩夫真係超級靚 好打卡able我哋嗰日就係食花生醬煉奶豆腐雪糕窩夫