影片
以上资料只供参考，请与餐厅确认详情
平时路经呢间餐厅好多次，不过总提不起劲走入去，可能最初嘅Menu设计比较a la carte, 两个人普通食个lunch都唔系太化算， 多数拣咗同一个商场嘅其他食肆。 见到商场有好几间食肆已经执了，所以今晚决定支持吓。大约7:45入座，只系得几枱客。见到隔篱枱食嘅牛扒好似几靓，多问侍应一句，但对答唔系太过识得点样serve客，比较冷淡。叫咗两个set dinner，味道唔错。加上环境清静，系可以同朋友倾偈嘅地方。可惜而家香港嘅食肆真系太早要收工，入座前已经check过openrice 收10点。9点已经last order，问侍应几点闩门，对方讲得唔太清楚，食食吓就闩部份灯，悭电冇问题，9:45已经要叫人走，临走前想望多一下lunch set menu, 感觉后面嘅侍应都已经想你快啲出去，一踏出门口，已经即刻闩门。唉 😔😔
继续阅读
喜欢这餐厅，食物水准高。觉得性价比高，份量足，超值。*香蒜牛油法包* 酥脆金黄，超级香脆，内里柔软。牛油的浓郁与大蒜的香气完美结合，停唔到口追住食。*香草奶油菠菜* 菠菜略嫌切得太碎。 不喜欢这口感 。香草奶油是creamy好味的。但加了七味粉，辣味抢哂fo。唔加仲好食。 *和牛双重芝士汉堡* 充分展现了和牛的鲜嫩多汁，搭配双重芝士的浓郁香气，使得每一口都充满浓厚的满足感。Burger爱好者必点。*法式虾浓汤虎虾扁意大利面* 好精致，浓郁的法式虾汤充分渗入意大利面中，增添层次风味。虾肉鲜美弹牙，有水准。*荔枝青柠红茶* 清新解腻，荔枝的甜香与青柠的酸互相平衡。好饮。送的爆谷好咸啊。系盐味。
继续阅读
作为荃湾人，每次经过佢见入面冇客，都会谂系咪唔好食所以冇full（sorry 以貌取人）🤣今日tea 想食西式，谂住拣个唔洗等位，坐得阔落嘅就search 到佢。到埗见只得2枱客，心里怯一怯，嚟到照试食一次喇。环境的确系舒适，静静地，倾计好方便。叫咗一个黑松露薯条， 一个自选三样嘅小食套餐（黑松露芝士螺丝粉，大啡菇同蒜茸包）同一杯玫瑰苹果茶。薯条嚟到新鲜炸起，黑松露酱俾得够多，个黑松露味浓但又唔太过份。螺丝粉焗完上，螺丝粉冇煮到太淋，都系几浓黑松露味，个汁怀疑同薯条同一个汁😂。啡菇我原本以为系一整个菇，但上系切咗一片片焗完上，有蒜味但少咗啲汁水。蒜茸包系外脆内软，但觉得蒜蓉落得太多，有啲啲偏咸。一嚟有成6件，份量好多。仲有苹果茶系真系有苹果同玫瑰味，唔系化学味同唔会好淡。个杯好得意个底有个凸起嘅半圆球状，要用另一个盘托住，唔知系咩用。埋单 $200，我觉得以份量味道同环境嚟讲，几ok 同有惊喜嘅。
继续阅读
早上12点多Walk in 等了一会就有枱扫码QR Code 落单上菜速度快❤️蟹肉意粉好好味！！！ 绝对会为这个意粉再次光顾❤️烟三文鱼凯撒沙律正正常常，符合预期❤️姜汁柚子茶味道又几夹好饮
继续阅读
要向荃湾揾个地方可以坐得耐，仲要放得落bb车，其实都有啲困难，新餐厅就唔使谂，多人嘅都唔使谂，所以本身对呢间餐厅冇乜期望。叫咗两个午餐香草红酒烩牛仔肉意大利饭-胡麻烤鸡蕃茄沙律-热柠檬水辣肉肠蕃茄鸡肉意大利饭-蕃茄洋葱浓汤-可口可乐好多时都系因应价钱同埋餐厅外观去想像，从而决定叫啲咩食物，所以食物嚟到嘅时候都吓一吓，竟然份量味道都十足，绝对冇马虎，唯一缺点系员工比较少，所以其实唔会太多服务。总括嚟讲，呢间餐厅可以喺荃湾咁多年，的确有佢嘅原因，其实个环境都唔错，希望佢可以继续生存落去。
继续阅读