影片
以上资料只供参考，请与餐厅确认详情
在SOGO吃過晚餐，接下來到地庫 Mazazu Crepe 品嚐甜品。一份草莓醬草莓班戟，即叫即製，班戟皮香度普通，忌廉聽聞用上低脂低卡款式，味道OK，細滑度則不及預期。班戟加入草莓醬及鮮草莓，甜中帶酸，口味較平衡，適合飽吃晚餐後作甜品。
继续阅读
因為兩隻馬騮努力游泳！辛苦完，獎佢哋食甜點！之前買了團購現金卷，所以一齊上來食！位置其實好偏僻，橫街唐樓一樓，地方要按鐘仔等店員開閘！仲有部古董電梯（要自己開電梯門，裡面有鐵閘），兩隻馬騮覺得好新鮮！上到一樓推開門，個女店員趴在櫃位訓覺 聽到門鈴響先抬頭招呼隨便坐！當時店內有一枱客食緊，地方乾淨光猛企理，自己揀張四人枱坐低！佢就放低餐牌走咗！其實食品價錢都幾貴，近門口有個玻璃櫃放咗啲臘製食物樣辦，兩隻馬騮跟樣辦揀咗食物，我叫訓覺女店員落單，佢先同我講臘製demo餐單上係無嘅（即係裝飾品），但我行出去玻璃櫃時，佢係見到我嘅（好近佢訓覺個位），當時佢又唔講，到唸好晒先講 ！再跟餐牌揀多次，又係佢招呼我，落好食物好快上枱，賣相好靚！61--藍莓醬鮮什莓配軟雪榚薄烤餅（$65）63--草莓醬鮮草莓芝士蛋糕配軟雪榚薄烤餅（$69）其實都係鮮士多碑梨軟雪榚pancake,只不過一個配芝士蛋糕，一個配新鮮藍莓！牛奶軟雪榚香濃牛奶味，不過質感唔夠挺，好快溶！pancake煙韌，莓醬酸甜，水果爽脆，芝士蛋糕鬆軟（芝士味不般！）配埋一齊食，口感豐富，味道真係唔錯！但呢個價錢食個pancake雪榚唔係好值！如果唔係有團購平咗！我唔會食！服務係訓覺女店員遊魂，其實另一個女店員好勤快（我記得上次上來取團購現金卷係勤快幫我的，係可惜今次唔係佢招呼我 ）
继续阅读
本身我對哩的甜品喜好不大除非有我想要的料我最仲意就係香蕉配士多啤利醬每次經過sogo都會買一支食因為哩的生果夠新鮮皮又唔會太硬或太薄剛好的厚道咬一下林林地又夠煙韌士多啤利醬不會太甜又酸味道配上剛剛好不過如果的香蕉多番小小就very good不過其實份量一個都剛剛好不會太飽
继续阅读
Mazazu Crepe 在日本傳入,但香港店的店面卻寫上Mother's crepe原因不難懂, Mazazu意思就是日文中母親的讀音香港sogo B2地庫的Mazazu Crepe分店店面很大也很明亮,使人第一眼就看到這家店子不知道是不是太早去,店面一個賣飲料的櫃子竟然沒開燈,實在奇怪Mother's crepe的理念是希望孩子能健康成長,所以採用的食材和製作方法與別不同而香港亦依照日本的製法,使用秘製小麥粉和日本材料口感與在日本吃到的無異來到店面,第一眼就會被收銀機下的大玻璃櫃吸引到當中擺放了很多crepe模型客人可以依照模型下單或是按餐單選擇喜歡的crepecrepe的類別很多主要分為:1.鮮忌廉+醬2,鮮忌廉+水果+醬3.鮮忌廉+水果+醬4.鮮忌廉+水果+蛋糕+醬5.雪糕配以上2-46. 熱/冷生菜系列我就點選了雪糕配 鮮忌廉+草莓+Brownie由於crepe皮是用秘製小麥粉而製,所以口感煙韌,甚有咬感,(賣相一般)加上剛製好的餅皮溫暖,配合冰冷雪糕實在使人難以停口不過由於表面的巧克力醬向下湧,所以要盡快把上層先吃掉而雪糕方面, Mazazu Crepe 特別採用北海道5.0 牛乳製作軟雪糕比一般雪糕特別滑和有香濃牛奶香我吃下口時,的確比一般牛奶軟雪糕滑但不見得有濃厚的牛奶香但值得一讚是,雪糕甚為冰凍不會因為crepe皮的溫求而很快溶化,吃到最底時也只是少量雪糕溶化了店家使用日本製低脂植脂鮮忌廉, 入口不會肥膩而Brownie味道一般,當然與我喜歡的韓國Market O Real Brownie不能相提並論
继续阅读
332 浏览
月初到日本出差，因利乘便抬了兩大箱生果回來，當中有北海道非常有名的夕張蜜瓜。那香甜多汁的味道，一直記掛在心。今日途經sogo超市，被日本軟雪糕巡禮的poster吸引過來。愛文芒、清水白桃、巨蜂提子、夕張蜜瓜，都是我的至愛。怎能忍口？看看價錢，索價$30，心想應該不會騙人的吧。結果是，我真的中伏了﹗軟雪糕空有著夕張蜜瓜的顏色，甜味非常人工化，後勁帶微酸，雪糕甚至沒有奶香。對我來說，這是失敗作。
继续阅读