Mezzo

营业中

休息中

三個月內黎咗三次，平均一個月一次，每次黎都感覺良好，今次特登带細仔黎慶祝生日，食下好西。今次食lunch,叫a la carte，點咗煙三文魚凱撒沙律，白酒煮蜆，classics pizza, burger combo, 並以甜品platter 作結。最值得推介是白酒煮蜆，蜆肉肥美，蒜味，牛油味香，每次黎食都咁好味！classic pizza夠正宗，薄批料夠微辣，正！Burger combo有D失望，漢堡扒好像混合了太多粉令肉質有D假，肉味未夠濃，唔多汁，有待改善。甜品水準可以，除朱古力蛋糕是水準以上之作，其他不算有太大驚喜。整體食物質素很好，唯稍微調味太咸，下次來會提提侍應稍為調整，或是我個人口味比較淡。服務係呢到最值得讚的地方，侍應夠attentive,親切，話頭醒尾，好過很多5星酒店

Friends gathering,朋友話去呢間，因為尋晚尖沙咀基本上好少食肆開，除出酒店內嘅餐廳，雖然心諗富豪酒店好舊喎，即管去試吓啦。 原來佢起酒店一樓內嘅 食American Italian cuisine 嘅餐廳， 呢度環境幾闊落又 cozy, 都幾啱來gathering,我地叫左Seafood plate,Pizza, Buffalo wings, 蜆肉，dessert plate, 食物份量都好大份，估唔到呢間餐廳個海鮮盤咁高水準：推薦： 牛油菓海鮮Pizza ，好香好脆Buffalo Wings 好惹味，好大隻Mussels 好鮮甜Dessert plate: 好靚好味以呢個價錢，咁嘅服務質素，（餐廳經理哥哥好好人）下次可以再encore😁

中午，每月總有一、兩日想食d高質嘅午餐嘅呢間就正啦! 有頭盤有小食有甜品仲有兩款果汁，當然有主菜啦! 好味😋😋😋平自助餐水準超高呢健康salad 有3至4款選擇，有餐湯，熱辣辣麵包 ， 有兩款海鮮喺出面又有parma ham仲有煙三文魚好好味㗎沙律醬都有四五款揀要健康嘅咁應該都係食沙律啦😋😋主菜我就食咗燒雞細細隻啱啱好好好味😋朋友仔就食咗意大利飯超好味呀👍差呢兩杯咖啡☕☕飽曬

今次同客戶食飯，揀左4星酒店，價錢唔算太貴又大方得體。因為同客食，都冇影太多相。食物質素都拍得上6星酒店，我諗4星同6星既分別就係服務，其實呢到服務都無可挑剔，就一般西餐廳咁。人手唔係太多，全場見到3-4個waiter（目測冇細心留意）。我諗6星酒店應該係會有更多貼心既服務。Lunch係semi buffet前菜係buffet，選擇都幾多，芝士配蜜糖真係好好味👍🏻👍🏻👍🏻👍🏻主菜可以揀，今日主菜有risotto, 燒春雞，羊架同魚，我揀左魚睇落份量唔算多，好似好細份但係極之飽（女士）其實係隻碟好大魚皮香脆魚肉嫩滑，薯蓉好creamy味道洽到好處加百幾蚊full set有埋甜品今日係香蕉朱古力蛋糕個人就麻麻地香蕉朱古力，不過唔太漏份量岩岩好

相隔一個月又來Mezzo 😊，來之前致電查詢， 原來這裏每天都提供半自助午餐👍。這天是星期六，有一大班人來相聚的，也有一家大細來午膳的。 熱鬧，但整體來說仍然寧靜。週末的半自助午餐，跟平日的價錢一樣。 不同的是1. 沒有自助飲料 (我第一次來有水果茶)2. 只有一款凍肉 (上次有三款)3. 其中一款mixed salad 換上了凍蝦及凍青口今次的mixed salad有紅菜頭沙律、蘋果沙律、 長通粉沙律 (通粉比較硬)及薯仔沙律。 自助沙律區有什錦沙律菜及一般的配料如罐頭 蜜桃、罐頭菠蘿、雅枝竹、黑橄欖、粟米、車厘茄等等。熱盤有牛肉捲及魚柳。這天的熱盤很受歡迎，食物一出很快就…😅😅魚柳出一次就不再出，換上了炸物，比較受小朋友歡迎。 不夠人快的我就沒有機會試😁。上次我有四件包包，今次只得兩件，是怕我吃不下嗎😅? 很喜歡這裏的包包，點些油醋來吃好味道😋。少了兩碟凍肉，換上了水牛芝士蕃茄及烤雜菜。今次的餐湯是椰菜花忌廉湯，味道很特別，熱騰騰，比上次的湯好好多😋!主菜我叫了香煎鯛魚配香草牛油汁。今次的鯛魚比上次的鰽魚更好味! 魚皮煎得香脆。甜品是熱情果慕絲蛋糕。 酸酸甜甜很清新!還送一杯餐飲，

來富豪九龍酒店通常都去雅廊，這是第一次來Mezzo 試 semi buffet 。到的時候時間尚早，客人少，環境很清靜。先讓相機享受食物，自己再慢慢享受。有五款沙律盤，有水果沙律，薯仔蛋沙律及南瓜沙律，又有我愛吃的小米沙律及藜麥沙律，味道不錯，略嫌藜麥沙律油份多。兩款沙律菜及幾款配料。試過多次雅廊的沙律菜都是新鮮，Mezzo 也不 例外。雖然只得兩款，但都是我愛吃的。有三款cold cut。兩款熱盤還有香草麵包及餐湯麵包很煙韌，醮上油醋頗滋味!忌廉湯味道一般。主菜我要了煎盲曹，魚肉很爽，味道卻一般。這是今天的甜品，不太甜，很好!提供兩款凍水果茶，蘋果茶及橙茶。 我試了蘋果茶，蘋果味濃。半自助餐2:30pm完結，客人可以坐到3:00pm。不得不稱讚兩位穿西裝的服務員，他們態度良好，很有禮貌。 在Mezzo 用餐感覺很舒暢，下次必再來。

同舊同事聚會，揀呢到因為夠cozy,夠方便，講野大聲D都唔怕，大家舒舒服enjoy.American Italian 又點會唔叫Pizza, 薄批料多，好味。推介蜆肉意粉，蜆肉生鲜肥美，白酒汁配意粉，非常鲜味。之後還點了牛扒和seabass,酒店水準，不會失望。埋單價錢都好舒服，酒店黎講好超值，而且收好夜，我地11點走仲有幾枱傾緊計，服務貼心。

大仔由非洲回來約食飯，知道他在非洲食得唔好，所以特別選了酒店內的半自助餐同佢食。看完半自助餐的選擇後，我及太太都決定只食半自助餐的部份 ($168)，阿仔便叫了香蒜蝦長通粉(加多$40)，我記得之前應該係$15X左右已包裝主菜及半自助部份，所以今年價錢都調整了唔少。香蒜蝦長通粉的份量都幾多，蝦亦新鮮，肉很結實及彈牙。半自助部份都有唔少沙律，當然煙三文魚及煙火腿都必定要有，而芝士便有幾款選擇，亦可以自己用手磨芝士; 今次亦有兩款飲品 (檸檬姜汁及蘋果茶)，我個人比較喜歡檸檬姜汁，開胃及解渴。餐後的甜品係焦糖咖啡奶凍，但焦糖好似唔算成功，只係一半硬。餐後特式咖啡都不用加錢，同一般酒店自助餐一樣，咖啡亦有水準。坐係窗口邊望住尖東噴水池食飯，人都令舍輕鬆，心情愉快D，所以以此價錢，客人都有超過7成。

是日有人請食飯”Semi-Buffet Lunch”! 喺尖東返工咁耐, 我完全唔發現有呢間餐廳! 友人推介肉醬意粉, 五色芝士薄餅 & 石燒美國肉眼扒, 我哋有5個人剛好所有主菜都可以試! 肉眼我要7成熟, 本來無期望, 點知嚟到有點喜出望外! 有肉味, 熟度剛剛好, 比較薄! 肉醬意粉都有驚喜, 唔會水流流, 醬汁同肉碎比例掌握得幾好! 滿滿的拉絲芝士, 好飽足! Semi-Buffet 都算幾多選擇! 除左一般 Cold-cut, 沙律之外, 竟然有凍海鮮同埋水果茶!  午餐包餐湯, 精選甜品, 甜品係大大的正常 Size 一杯! 餐湯當日係磨菇湯, 夠濃足料, 略嫌質地唔夠細緻! 註: 餐前麵包有點難食, 好重酵母味 

今次友人選擇了係富豪九龍酒店作聚餐。之前以為係酒店餐廳用餐，價錢會相對貴，但一看餐牌，還是可接受的。餐廳環境優雅，人唔多，亦都好寧靜，所以好適合談心。今次一行八人，所以叫既食物都唔少。先講飲品， 由於dark chocolate 沙冰已賣哂，所以只好叫Oreo 沙冰。oreo沙冰做得唔好味，基本上係無咩oreo味。至於啤酒就跟個人口味啦。個小食拼盤( Italian sharing ) 份量係四人份量，炸魷魚就幾好食，但其他個幾樣就一般啲。risotto / salad 既質素都係好正常，不過pizza 就都算係甘，個皮都係脆，都有唔少配料。最令人驚喜既係餐廳既甜品份量。以佢既價錢，佢既甜品係相當大份既，cheesecake 有啲過甜，但蘋果批質素係唔差，可以一試。

朋友生日lunch, 今次選擇左Regal Kowloon Hotel 內的意大利餐廳 ~ Mezzo, 因為我見佢Lunch 有 Semi Buffet, 價錢合理， 但食完就失望。😢呢個係當日Semi Buffet Lunch Menu, 我地main course 叫左石燒美國🥩肉眼扒配黑胡椒汁 同埋香煎鯛魚配香草牛油汁， 水牛城辣雞漢堡 . 其實我係最期待食塊扒的， 點知就最失望。。。🥩牛扒我地叫左7成熟， 但好"鞋", 鯛魚同🍔Burger 都係一般啦。自助沙律吧， 以lunch 計係 款式算多， 都新鮮

今日午餐位於尖東富豪酒店位置，酒店環境雖說偏舊，但以西餐廳來説環境、服務同食物整體不錯👍🏼。呢個lunch 係semi-buffet，前菜係沙律吧任食🥗，跟餐仲有意大利包，餐湯係粟米湯，我地兩個人係加錢柯打左個黑松露野菌意大利飯同埋石燒美國肉眼扒（柯打左五成熟）🥩。沙律吧蔬菜夠新鮮，冷盤青口鮮甜，意大利包濕度硬度剛好。主菜黑松露野菌意大利飯creamy得黎唔會十分之漏，不過牛扒就略為overcook同埋石燒味太重，cover左肉味，食落只覺得有陣「燒焦」味。由於有membership card, 每人唔駛$180，在於西餐黎講可算係抵食

It was an enjoyable lunch with my husband. The restaurant was around half full and there was no lunch time rush. The quality of food was good and well prepared. Service was good and attentive. It is one the restaurants that we will visit again. It excellent value for the money.

和老婆仔過了一個愉快的情人節晚上餐廳的安排 我覺得非常滿意 值得推介 我透過OpenRice 訂枱 酒店的職員已很快回覆 並且提供了餐牌 我見到價錢亦非常合理 又有半自助餐提供 所以立刻就選定這間餐廳 餐廳還提供增值服務 包括訂花 免費製作心意卡 我也有使用位於尖東的富豪酒店距離地鐵站尖東出口 只有5分鐘步行距離交通十分方便餐廳環境很有氣氛 門口有一個 Love 字 的影相位 一入去已經感受到情人節的氣氛 我們一坐下不久 餐廳職員的立刻送上之前訂的玫瑰花 還替我們影相 非常細心 然後還幫我們在門口的love 字影相位 用即影即有相機幫我們拍照 因我們已經很肚餓 回到位之後 又立刻出去拿半自助餐食物 包括龍蝦 長腳蟹 三文魚 沙律 雖然食品種類不是太多 但每件食物味道都非常不錯 值得一讚吃過幾輪半自助餐食物後 職員問我們可不可以上湯 是晚餐湯洋蔥鴨肝湯 味道香濃 飲完湯之後 我們已很飽然之後 上主菜海膽蟹肉雲吞和威靈頓牛 海膽蟹肉雲吞做得比較出色 很有鮮味 。威靈頓牛的牛肉肉質軟硬適中 不過略嫌牛味不太重最後上一度有我們的暱稱的心形甜品 還會冒起用乾冰製作成的煙 感覺很夢幻

今次講嘅唔係食評，因為我根本食唔到間嘢入面嘅嘢食。是咁的，我11月嘅時候，預約左平安夜嗰晚嘅晚餐，到平安夜嗰日朝頭早我諗住打去confirm一下，點知佢就話cancel左我個預約，原因係因為嗰晚嘅餐牌同以往嘅唔同咗，價錢貴左，同食物都唔同左，變咗半自助餐。但係奇就奇在當初我又預約得到，而且我都預咗聖誕係會貴啲嘅，都冇諗過佢會喺原先個餐牌，但佢就問都冇問就cancel左我個預約，我覺得好冇禮貌囉，而且都好似好睇唔起我咁，幾百蚊食唔起咩？真係火都嚟埋！搞到我當晚要臨時臨急再搵其他餐廳預約。已黑名單。