misocool (已結業)

Hokkaido low fat yogurt 北海道低脂乳酪 (By MISOCOOL)：看落去好似Vanilla Ice Cream，但其實是酸酸的乳酪雪糕，感覺健康，但要接受到乳酪的酸才好。Topping是北海道紅豆，幾夾！　尋找人間不能錯過的美食：Hokkaido low fat yogurt (By MISOCOOL) - http://bit.ly/avYttZ尋找搵食好去處系列：http://toastiesmonster.wordpress.com

MISO COOL 分開左店內DINE IN,店外又有幾張高枱同高登俾只叫FROYO的客人食!! 分REGULAR$28和LARGE$35兩種包一個TOPPINGS。另加$5 多一個TOPPINGS.TOPPINGS 既CHOICES唔多!叫了LARGE 再加多個TOPPING 和朋友SHARE,$40埋單。$40一個FROYO係就係貴左D!但係MISO COOL的FROYO質素KEEP住良好!FROYO 味道好!唔會得個甜字!又唔會溶得快! 配上自己最喜歡的GUMMY BEARS 口感好好!一人$20,又坐得舒服!!!絕對會再黎多次!!!

(電腦壞左2個月...所以宜家先打番D食評)突然好想食乳酪雪糕...所以就去左MISO買左杯黎食=]ShuShu意見:初初俾熊仔兜吸引所以去買黎食..食完就覺得好好味..第1次係堂食..食左麥提莎Topping..但係太硬唔係太好..今次食士多啤梨..但係發現個味唔夾..雪糕硬度比其他同行既好而且唔易溶..味道唔會太甜比較健康=]KC意見:冇咩特別意見...味道好好...但士多啤梨偏酸...都係鍾意食朱古力既Topping雪糕機放係當眼位而且接近收銀機...比較方便...一落單就可以整雪糕...等待時間短左...很好=]

在附近不知吃甚麼, 見這店的又一城分店是有不錯水準, 不如就在這裡吃個輕量的晚餐.紅酒極上牛肋骨肉飯 $58: 6分, 比在又一城美食廣場貴$6, 還未計加一. 當然,賣相是接近一樣. 紅酒汁仍然濃郁, 但牛肋骨肉不太靚, 有點實. 跟又一城比是貴了又水準差了. 田園炒野菜 $32: 0分, 鹹到不得了, 究竟廚師有否試過去吃這麼鹹的菜色? 而菜也不太靚.整體水準麻麻, 令人失望. 不同的分店, 水準反差得幾勁. 這價位, 應該都有不少其他的選擇吧.

上次去左荃灣yogurt town試左一個OK失望嘅yogurt之後，尋日同好朋友晚飯之後決定去K11地庫個度間misocool食frozen yogurt。唔知係唔係大家都去左The One上面或者去左Roll啦…我地去到misocool嘅時候無人食frozen yogurt，睇住出面個餐牌，有2個size~一個係regular、一個係large，分別係28蚊同35蚊，都係加一款料，再加就5蚊一款，就咁睇就貴過上次自己加料再磅秤收錢，事實係又抵D喎!!因為佢地真係加勁多料俾你，一D都唔慳皮，唯一就係無咩料揀，得十零款可以揀，但D料都OK~結果我地要左一個regular加藍莓同埋一個large加可可片，一共63蚊~frozen yogurt都算多~而佢地個yogurt聲稱係北海道牛奶做嘅，食落去味道好過上次yogurt town，酸甜道都適中，可可片甜甜地再襯少少酸嘅yogurt出奇好食，而藍莓就尚算新鮮大粒，而且一粒都有成2~30粒~感覺好過上次好多~~~如果上次我比6分，今次嘅frozen yogurt會有8~8.5分~同埋最重要係令我重拾對frozen yogurt嘅信心!!

(7分/10分) 蜆肉麵豉湯：蜆肉幾大隻，蜆味濃，但係過咸 (9分/10分)豬軟骨：好味又好脆 (8.5分/10分) 虎蝦拉麵：一隻香燒虎蝦、湯底配料都唔錯 (7分/10分) 吉列豬扒墨汁麵：吉列豬扒一般、肉質很「實」；湯麵都係食拉麵好，但係佢D墨汁麵係通心的，幾有趣；湯底有濃厚豬骨湯味

另一間都好好味的餐廳, 又係在尖咀的K11地庫, 叫MISOCOOL裝修光猛, 氣氛熱鬧, 因為人客幾多, 反而隔離越南餐唔係好多客食物包括, 溫泉蛋, 蟹子露筍沙律, 紅酒汁牛尾薯仔飯同散叫壽司溫泉蛋好甜, 雖然唔係好夠熱, 但因為好味同好滑, ENCORE了多兩隻, 係必食之作蟹子露筍沙律, 露筍一般, 太幼了, 而且有榨, 但個汁味道都唔錯, 所以幾好味紅酒汁牛尾薯仔飯: 紅酒汁好正, 可惜白飯太少, 因為我覺得個汁撈飯食係好合適的, 牛尾好稔, 而且好入味, 薯仔同紅蘿白都好入味, 好食散叫壽司一般, 超級市場貨色, 但價錢唔貴, 算係平民化的壽司味道平均都幾好, 所以介紹比大家去食

跳完舞，男友人黎同我食飯，行過Ｋ１１見到係正正中間既ＭＩＳＯＣＯＯＬ，又入去試下啦～岩岩跳完舞唔想食咁ＨＥＡＶＹ喎，見到可以加錢食啜啜麵（蒟蒻麵），岩曬！！蒟蒻係食用水溶性纖維，零卡路里，岩曬要減肥既人。（雖然我唔係減緊）牛肉蕃茄湯底啜啜麵：蕃茄湯好濃，唔錯～睇其他食評話好咸，但係我食依碗又ＯＫ喎～啜啜麵，其實姐係好似食芋絲咁既口感（一樣係用蒟蒻做），唔會話ＬＵＭ，有咬口，不過係冇味既，同蕃茄湯底一齊食就好ＯＫ～！！佢果隻糖心蛋，１０個ＧＯＯＤ！！！好好味～！唯一要彈，碗野係微暖，唔熱叉燒湯炒拉麵：朋友見到個名好搞笑，又炒，又湯，姐係點？所以就叫左一個試下～等左超耐侍應話因為要炒完再煮，所以要等耐小小一上枱，睇落咪似一碗普通既湯拉麵姐食落，咦？！又真係香Ｄ喎～！！！同埋夠曬熱！姐係真係岩岩煮好但係麵都係淋左少少…不過整體上，味道真係幾好，係價錢偏貴左少少。

今晚本想試試萬豚屋的，但一次又一次的在門口排滿了人，所以這次又要放棄了。繼續向前走了幾個街口，都不知道到了那裏，發現一個叫K11的地方，真的大鄉里，連尖沙嘴有這個地方也不知道。裏面有不少食肆，後來看見大堂水牌的相片，大家就同意試試這間。叫了好幾樣食品，海鮮麵都OK，那個叫义燒湯炒麵就有點難看了，味道沒甚特別，但勝在湯很熱，差不多吃完還熱，這個算彌補一點吧。天婦羅飯，朋友說吃了很飽。最理想的都是那個芝士焗蠔，夠大和好味，算不錯的了。最後這裏的服務本是中規中矩的，但中間沒有人加水，全港大部份食肆都是這樣，見怪不怪，但我的朋友因叫了套餐，可以加錢要一個甜品，她向侍應說的時候，因有一點大陸鄉音，我們發現侍應有點少看她，這都是直覺。但我們想，若我們的港男港女仍是這樣不可一世，恐怕在香港這個地方的競爭力會不斷減少，並會淪為只會抗爭而不會反醒的人。

行經K 11. 又落緊雨 唯有係呢度揀呢間餐廳食啦"lunch 又唔想食咁貴所以同先生叫左以下2個:1)炒牛肉飯 : 夠熱又多配菜 味道都ok o既 有7.5分啦.2) 蕃茄牛肉湯拉面: 呢個就唔recommend 啦, 牛肉真係冇幾多. 條面又唔係好好食 個湯比較鹹 同味千差唔多質素 =.="環境普通啦..不過等食物等左成4個字又真係耐左少少""間唔中同先生食一次都夠lor =]

由於都係冇得book位關係,好似都等左半個鐘左右啦...係K11入面都幾open下,都冇門咁...為食o既我地又叫好幾樣野食下啦...今次五個人食撈冷麵,lei個好味,加埋d麻醬,蝦同麵都好爽口,lei個好味,食完想再食多次tim雞軟骨同餃子,都普通啦...唔係好細碟,都ok o既辣汁焗蠔,lei個呢好大隻蠔殼,咁上面粒蠔都唔係細o既,個汁好正,好似好多汁好多野mix埋一齊,好似有d千島醬味...好正呀,食完都想再encore拉麵壽司, 個拉麵就真係麻麻喇...個湯底都唔係出色,仲唔夠熱tim,但隻蛋就好味喇!! d壽司都ok啦...唔差軟殼蟹卷, lei個都好味,個軟殼蟹仲暖暖地...正咖哩吉豬飯,其實我飽飽地..都要試下,都幾好味,係個豬扒炸耐左d,好彩豬扒都厚唔係乾淨淨o個d...最後大家真係好飽,但我堅持要食下個乳酪雪糕...加左d脆脆係上面...好正呀!!

在我印象中, misocool是一間吃日本拉麵的餐廳去K11的時候, 見到他們有一個角落賣乳酪的, 就買了來試試買了一杯小的, 送一款topping, 就選了巧克力脆片他們說他們的乳酪是北海道版本的........吃進口中就覺得有點被騙了因為只有很少的奶味, 乳酸味也不夠很突出...只是一杯很普通的乳酪跟外面其他的froyo店比下去了幸好脆片本身就好吃, 跟乳酪蠻配合的這店就當試過便算了~

星期六收工，同老婆一齊食晏，揀咗K11哩個新場，因為哩搵食，所以無特別逛商場，K11都真係幾多食肆，幾多選擇，都睇咗幾間平平哋嘅，結果揀咗Misocool，原因有三，一係場旺，差唔多近兩點，見佢都仲係有八、九乘客，人氣反映出食物質素衰極有個譜，當然同佢位置可能有關，港鐵通道轉入K11，第一間鋪見就係佢喇；二係價錢，K11大部份都係食中、上價嘢多，佢就係少數比較平嘅食店，佢同一般拉麵專門店或日式西餐廳差唔多價位；三係想食，近排試咗好多唔同地方嘢，所以就想食吓日本嘢！Misocool裝修都幾有型格，一室黃、綠間線配襯，木枱木凳，光猛有活力，侍應身穿卡奇色恤衫、斜褲配橙色腰帶，好有年輕感！不過，其實座位有D逼，尤其二人位，但還可接受；而侍應真係好唔夠，唔停咁忙哩樣忙個樣，所以揮幾次手佢哋都仲玩「睇我唔到」！題外話，幾鍾意佢個品牌公仔，一個疑似製味噌嘅瓦缸公仔（miso就係味噌，即係日本麵豉），兩隻手指指住自己，個樣有少少「得得戚」咁，旁邊加上一雙筷子夾起一炷麵，真係幾得意，設計者又幾有心思！miso（味噌）日本代表性嘅調味料，cool（酷）年青人代表性意嘅識形態，撞埋一齊估佢係想表達傳統口味

星期六的中午，漫無目的走到K11，經過Misocool就試一下它推介的拉麵。點了一個蕃茄牛肉拉麵及一個炸雞拉麵。蕃茄牛肉拉麵﹣食拉麵前先飲一啖湯底，一飲之下，十級鹹!!那不是湯，是超鹹茄醬!蕃茄湯底的拉麵吃過不少次，但從未吃過如此難飲的湯底！還以為只是湯底一時失手，再吃拉麵，同樣有驚無喜，麵太稔，也不覺得像日本拉麵，丁麵比它還好吃。最後實在接受唔到那「杰撻撻」的茄醬湯底，我把成杯水倒進拉麵才吃得下朋友叫的炸雞拉麵，炸雞味道ok！拉麵的湯底好明顯是味精湯，還以為到了茶餐廳吃日式拉麵! 可惜，這碗炸雞拉麵足足等了四十分鐘....第一次「催單」，侍應說炸雞即炸，要等十分鐘，但當時其實已等了二十分鐘...再過多十分鐘，再次「催單」，侍應說雞就炸好，再等多幾分鐘...結果，幾件雞塊要等成四十分鐘離譜！總結：環境已不想評論，就算是海景（可況沒有景），吃得如此不愉快，幾好的環境也沒有用！以五十幾六十蚊吃一碗如此質素的拉麵，倒不如拿三十蚊隨便找間茶餐廳吃碗日式拉麵還好！

還有半小時才到時間吃飯,本想喝杯咖啡休息一下,但大熱天的,最後還是選了這兒來吃乳酪。28元另有一種配料選擇,種類還真的不少,只是不少都是生果又或是其他邪惡之選(如朱古力),見到有紅豆,感覺應該會不錯,就叫了。拿到手自己找個位子坐下來,高椅子,不可能坐得舒服,不過坐在路邊,看到人們在繁忙的走著,我好像馬上變得休閒起來..第一口先吃乳酪,很酸!很久沒有吃過原味的乳酪,還怕會浪費整杯,不過慢慢就習慣了,配上紅豆來吃,嗯,變成甜甜的。紅豆煮夠淋,不過有點過火吧,有一點點焦掉的味道在。15分鐘完成,冰涼了一下下後又重新出去火爐去。