Mister Donut

营业中

休息中

成日經過沙田火車站一出，就見到好多人喺度排隊，開舖初期，放工前去到已經賣晒啲冬甩，真係好受歡迎。所以今次就排隊試試。我今次喺星期日晏晝去買，排隊排咗15分鐘，每人限買四個波波冬甩，我買咗兩件朱古力味波波冬甩，兩件士多啤梨味波波冬甩，其餘兩個就是雙重朱古力味冬甩，買六件冬甩可以有個盒裝住，買六件可以減$10優惠。小朋友超級喜歡吃朱古力波波冬甩，我亦推薦這款口味的冬甩，因為真的很美味😋雖然見到條隊好長，但係其實好快就可以買到，可以試一試。

呢間冬甩店好近沙田地鐵站😆一出閘就見到，平時經過都幾多人排隊🙆🏻‍♀️今次收工去，發現好多嘢都賣晒🙈法式天使忌廉扭紋$20第一次食呢個味，冬甩一半蘸咗朱古力醬，朱古力味好濃🍫好鍾意冬甩入邊仲加咗忌廉🥄唔會覺得好寡。成個配搭好襯，食完一啖仲會想再食，好好食呀🥰總結呢間店嘅冬甩味道不錯，唔怪之得咁多人排隊😋冬甩有好多款口味可以揀，下次想試吓波提🙆🏻‍♀️鍾意冬甩嘅朋友一定會鍾意呢間店！🥰

又有一間人氣排隊店進駐新城市廣場，今次分店開喺新城市廣場近火車站位置，呢間冬甩之前我喺日本已經成日食，冇諗過而家可以咁方便香港就食到，你問我邊樣嘢好食，sorry呀本人太私心呀全部都想食呀！

香港Mister Dorunt🍩Mister Dorunt終於都黎到香港開分店喇😍現時香港有3間分店，分別係沙田、尖沙咀同觀塘，大家快啲去買黎試下喇😋😋口感十分鬆軟，仲有好多款式比大家揀🥰🥰而家仲有優惠，6件HKD110,10件就HKD180😎🔔提提大家佢哋11點先開門🔔想試嘅中午就去排隊喇，我每次收工去到已經賣晒嫁啦

之前聽講呢間冬甩店長期排隊今日lunch Time時段路過完全冇人可以直入🫣舖頭喺沙田火車站上蓋非常之易搵第一次試我就買咗兩個比較特色嘅波提冬甩聽講呢個係鎮店之寶我揀咗一個邪惡朱古力味同埋原味自己覺得朱古力味會好少少食落係好Q彈Q彈比一般Donut口感更好而原味口感同樣Ok 👍🏻但味道就普通少少似甜甜地嘅麻糬波波另外我叫咗個金沙味嘅冬甩試試呢個真係最唔好食😿完全似食緊麵粉圈你個麵團底都係朱古力味但完全食唔出朱古力味都唔好講上面嗰層金莎了完全唔合預期所以咬咗一啖就放棄咗了每個冬甩大概都係20幾蚊一個左右唔可以話係貴嘅不過買兩三個真係可以食到一餐飯了所以回頭率都唔高如果唔使排隊嘅間唔中買一次OK嘅不過如果要排隊就一定唔會嚟了

在沙田港鐵站附近的人氣冬甩店，每天都有很多人在排隊。因為輪候人數眾多，需要到港鐵站外面的露天平台等候，現場會有保安維持秩序，沒有出現混亂的狀況，大概等了30-45分鐘左右。每人限購10件，其中波堤只能買4件。店員會不斷補貨，所以不用擔心會很快售完。選購了邪惡朱古力波堤和黃金蜜糖波堤，質素一如預期的好味。