MOS Burger (如心廣場二期)

营业中

休息中

前日（10-5-2025 Sat）傍晚，同老公返到荃灣，佢話要食晚飯，由於晏晝我哋經黃大仙中心南館嘅MOS Burger門口見到佢嘅嘢食好吸引，就決定走嚟食。我哋嚟到唔多人，拎咗menu坐低研究，冇迷你意粉嘅？但有睇到嘅其他嘢食，我哋就決定要：2. 叫主食加$23.00成為套餐嘅北海道南瓜薯餅配汽水呢個正常外脆內嫩，冇乜問題。3分3. $32.00嘅海鮮珍珠堡睇見好細個，海鮮係炸嘅，根本睇唔出有咩嘢，食落，熱騰騰嘅，珍珠飯煙韌，炸過嘅海鮮我只得出蝦仁，其他係食唔出。5分4. $27.00嘅凍抹茶鮮奶味道唔太濃，份量亦唔算好多。3分1. $39.00嘅極上照燒和牛漢堡呢個size大啲，味道正常冇問題，但隻蛋竟然有好似膠嘅嘢，老公話係太熟所致；而雖然和牛漢堡鬆軟，但都係冇珍珠堡咁有驚喜。4分服務：呢喥會送餐。而個店員捧餐俾第二枱客人時，因為老公同後面個客之間嘅通道窄，店員唔想撞到凳，就兜路送餐。環境係3.5分，抵食係2.5分

每日返工，我都會去呢間食早餐，主因係沙律菜，今期早餐推廣儲印花，10餐送1餐，今日咁啱儲齊10個印，店員話free餐冇得跟沙律，我話另外比錢加，佢嘗試另外開新單，之後好快就同我講沙律冇得另外加，我唔知有冇分正價定跟餐優惠價，我只係習慣每朝有沙律菜食，就算收正價我都會買，呢位店員我都好認得佢，每次打單都好似唔熟部機咁，用vip coupon又一定要先扣分再打單，其他店員都識直接打完單再直接扣會員分。。。下次遇到佢，我都係去第二間食，可能會開心啲

超有驚喜嘅極上饅魚堡！！！！！首先塊饅魚實物係同張圖一樣咁厚咁大塊！食落一如以往熱辣辣🤤🤤仲有饅魚肉質非常嫩滑！仲要冇咩骨🥹真係非常有驚喜嘅極上饅魚堡我淨係今日就已經食左兩個😂✌🏽lunch一個，然晚餐又食一個🤣所以真心係好好味！食完都即刻同屋企人朋友講如果唔嗌餐都只係$33就買到一個！真心呢個價錢食到塊咁厚嘅饅魚真係好抵食！出面食個饅魚飯閒閒地都$90以上我認為呢個直情係mos burger近年做到最出色嘅期間限定包！同埋mos burger好細心咁喺包裝紙上面痴左個貼紙寫住小心有魚骨！但食落又冇乜嗰下先正！大推！

今次嚟到呢家店，心情興奮得好似小朋友咁。一坐低，先來個和牛北海道芝士漢堡，啖啖肉感真係過癮，和牛嘅香味同北海道芝士濃厚嘅組合，真係一流，每一啖都好似咬落去一片牛肉嘅雲端。而家講講芥末醬蝦堡，哇，味道正！啲蝦肉香滑彈牙，同芥末醬嘅提味，配合得宜，真係嘆為觀止。北海道南瓜薯餅，🍠簡直係秋天嘅味道，煙韌得來唔笠口，中間嘅南瓜餡香甜順滑，外層又炸得啱啱好，啖啖幸福。至於摩斯雞塊，無可挑剔，🍗口感正中紅心，外 crispy 內 juicy，搞掂得掂！總體嚟講，食完呢家店嘅漢堡組合，真係食指大動。唔止食物做得好，重點係啲食物新鮮，你話，誰人唔心水呢？😋下次仲要再試下其他款！

見lunch諗唔到食咩，就食呢間叫左個吉列蝦漢堡餐+摩斯雞塊個包幾軟糯，椰菜絲同埋醬汁都算多吉列蝦外皮好脆，都幾彈牙，粉漿適中，整體都ok薯條係粗薯，有薯味，但份量唔多摩斯雞塊普通，有少少鞋口

17周年感謝價$15限定吉列八爪魚🐙漢堡🍔，唔係唔食呀嘛！🤭🤭～～～章魚🐙燒風吉列八爪魚🐙漢堡🍔～～～$15都真係好抵，過咗呢個優惠要$30/1個😄😄！攞上手感覺有啲偏細😀😀，醬汁幾好味，係放喺肉嘅上面，肉嘅下面係冇汁嘅，而且係吉列扒所以會有啲唔夠醬嘅感覺😃😃！吉列八爪魚🐙扒好有驚喜，咬開有唔少一粒粒嘅八爪魚🐙肉😄😄，另外中間會有啲紅色嘅薑，味道多種層次提提味，食到尾都唔會覺得油膩😁😁

如心MOS Burger是一家以即叫即製的快餐店聞名。他們最近推出期間限定的漢堡-和牛北海道芝士漢堡👍以優質的和牛肉為主角，配上濃郁的北海道芝士，口感豐富，讓人欲罷不能。而我最愛的芥末醬蝦堡則是結合了蝦肉和香濃的芥末醬，味道鮮美獨特，絕對是海鮮愛好者的首選。 除了這些特色漢堡，他們還有北海道南瓜薯餅和摩斯雞塊，這些小吃也非常美味。北海道南瓜薯餅以新鮮的南瓜為主料，經過精心烹調後，外酥內軟，口感非常棒。而摩斯雞塊則是炸得酥脆金黃，肉質鮮嫩多汁，非常適合當作快速的小點心。 如心MOS Burger不僅方便，而且美味。他們的即叫即製概念確保了食物的新鮮度和品質，讓人吃得放心。如果你想嚐一嚐美味的漢堡和小吃，我強烈推薦你去試試如心MOS Burger。

係附近返工, 就黎食個quick lunch, 又唔洗排隊, 又大把位坐, 又唔洗同人逼, 一定非Mos Burger莫屬😆Mos Chesse burger 🍔包皮鬆軟, 牛肉唔乾柴仲好juicy, 配埋厚厚蕃茄, 沙律菜, 洋蔥粒, 芝士, 口感極之豐富👏🏻👏🏻

作為 Mos Burger打手,推出新產品當然要試下!! 今次新產品係和風明太子吉列蝦漢堡🍤平時好喜蝦堡嘅我當然一試~.下午2點倒嚟到人流唔多,漢堡好快送到🍔和風明太子吉列蝦漢堡 $32明太子,紫菜,玉子,椰菜絲,炸蝦餅,芝士,加上特調醬汁,成個配搭幾好,味道我都好喜歡！不過有啲傷心係玉子有啲細片,同明太子得肉眼望到咁多🤏🏻唔係好夠🥲🥲加套餐沙律 $25飲品凍檸茶 +$3.Overall個新包都真係幾好食,係材料多返少少就好🥲

好耐都冇食過珍珠飯漢堡，突然經過mos burger ，想起自己曾係VIP就去食下。叫左海鮮珍珠飯住，味道同以為差唔多料算多飯多粒粒分明幾有口感，配set B大薯條夠粗夠脆！可惜綠茶Latte就好難飲

今日食評✍🏻Mos cafe@如心廣場試食指數⭐⭐⭐店舖衛生⭐⭐⭐⭐侍應態度⭐⭐⭐((每項5⭐️為滿分)) ·本來想試早餐但啱啱過咗時段只好食番午餐🥲1️⃣魚柳包(多醬走洋蔥)原來真係好味好多不過睇自己口味啦2️⃣雙層芝士漢堡熱、香醬汁份量都啱啱好3️⃣兩個跟B-combo(厚切薯條)今次有啲失望反炸薯條唔新鮮4️⃣Coke Zero5️⃣野菜蕃茄汁加3蚊抵飲·疫情下的食肆無論大鋪小店我哋都會盡試盡講

法式和牛漢堡（$30）原本應該$37，但因為來貨size 問題，變$30！打工仔食飯時間得一個鐘，而且今日比較忙，所以打算簡單食就算！和牛大大塊，幾好食，不過個醬汁個人覺得鹹左d！簡單黎講，佢係快靚正之選！

蝦堡又特價 只係$14 @ 1 !!!!!!好耐無食過MOS BURGER LA!咁岩遇到指定包大特價，不過只係得兩日！如果冇記錯一年一次優惠？味道都唔錯！！面包軟熟 👍🏻👍🏻

我同🤴🏻未食呢個漢堡🍔已經對‘ 啡菇 ’好有期望，唔知會點呢？🤭🤭～～～松露 . 啡菇. 特選和牛堡🍔～～～（增量版）三位主角松露、啡菇、和牛肉餅都發揮得好好👍🏻👍🏻！松露醬又香又濃郁☺️☺️，啡菇就同包嘅Size差不多大，菇味雖未去咗極重但亦都好出色😊😊🤴🏻叫咗增量版嘅和牛扒的確係明智嘅選擇，和牛餅大到伸出晒個包面😆😆，又厚又闊又多汁😁😆，和牛味好香勁有肉味🥰🥰應該係暫時食過MOS Burger漢堡🍔最好味嘅漢堡🍔！🤩🤩～～～照燒雞🐔肉漢堡🍔～～～餐牌指示係新產品，雞🐔肉質地嫩滑，厚度適中😁😁，雞🐔扒色澤金金黃黃🤩🤩，肉汁有少少帶甜😄😄，係一個唔錯嘅漢堡🍔🤴🏻話有少少似M記嘅將軍漢堡🍔味😅😅，原來係上次 ‘ 極上照燒牛肉 ’ 改左做照燒雞！😃😃～～～芒果乳酪特飲🥤～～～乳酪還乳酪、芒果🥭還芒果🥭完全唔夾，溝唔暈😵‍💫😵‍💫，嗰陣味仲要好怪🤮🤮，好失望☹️☹️

依杯有氣特飲本身都唔hea,真係有芒果粒，只係你要飲哂杯野先食到mango，事關佢個飲管係吸唔到，而且係冇長身既匙羹供應，或者你可以用粟米湯匙既（你唔介意短左小小既話）第一次食壽喜燒溫泉蛋漢堡，睇相係好有衝擊，但食落去係有難度😅唔係想扮嘴細，粒蛋咁立體真係無從下口，好采佢地既溫泉蛋冇爆汁，再配左D 金菇同生菜，不過壽喜燒肉就比較老柴通常快餐都係飲可樂，好小有粟米湯，所以我次次都會叫佢，不過可能會有人覺得同burger唔夾