MOS Burger Express (德福廣場2期)

营业中

休息中

Mos burger 快餐首選快餐來講一直質素好喺food court 見到佢真係唔使諗!如果中午唔夠時間一定揀佢黎食兩條友嗌左一個特級和牛堡同摩斯芝士漢堡漢堡扒好厚身而且入邊呢唔會好乾仲系有啲juicy嘅感覺而且我好鍾意佢哋嘅調味唔會過分搶咗完身嘅肉味而且和牛包牛味亦都比其他特別濃！摩斯芝士漢堡醬汁呢就食落去美式啲洋蔥粒粒配芝士、蕃茄醬口感層次亦都會多啲值得一讚係佢哋嘅凍奶茶好好飲！今次仲叫咗南瓜薯餅同埋粟米湯日式餐廳必備兩款都係正宗日本口味

MosBurger 好多人都食過，多款唔同配搭既創新Burger 真係令人再三回味，今次我黎到德褔廣場2期5樓既Foodcourt 食野，雖然話好多間都好吸引，但係因為小朋友想食Burger關係，所以 MosBurger 就變成了必選既餐廳之一。今次我地叫左特級和牛漢堡+大薯條同埋 摩斯芝士漢堡+南瓜薯餅 飲品就係粟米湯同凍奶茶。特級和牛漢堡入邊有生菜、蕃茄、芝士同一塊大大既和牛漢堡扒，咬落去濃濃既牛肉味加埋勁juicy 既牛肉汁，真係超好食。 而摩斯芝士入邊就係蕃茄、洋蔥粒、芝士、牛肉漢堡扒同埋摩斯醬。摩斯醬酸酸地好開胃，加埋juicy牛肉漢堡，大大個份量足，再配埋香脆薯餅同埋超甜粟米湯，食完勁飽肚。MosBurger地址：九龍灣偉業街33號德福廣場二期5樓501B號舖Foodeli2號舖

自從德福開咗呢個food court之後，我間中都會嚟幫襯吓，今日就順應阿仔嘅要求揀咗食MOS Burger。呢度嘅漢堡套餐相對地貴啲啲，但又好食多啲啲，所以我都鍾意嚟食。落單之後兩個餐話咁快就到手。特級和牛漢堡嘅牛肉漢堡真係零瀉juicy，而且我鍾意佢有原塊生菜，夾埋芝士蕃茄一齊食真係正！摩斯芝士漢堡除咗有蕃茄芝士做配菜之外仲有洋蔥粒，牛肉漢堡就唔使講一定係好食，阿仔食得好開心。厚切薯條嘅口感真係好好多，而且佢炸得比較乾身，每一條又夠挺身，所以覺得特別好食。北海道南瓜薯餅因為有南瓜，所以食落特別香甜，外面炸得夠脆，小朋友更加鍾意食。MOS Burger嘅粟米湯係我嘅至愛，熱辣辣嘅粟米湯再加上香、甜、滑嘅口感，令我好多年前已經愛上呢個湯，所以我每次都會將套餐嘅飲品轉成粟米湯。凍奶茶嘅奶同茶比例適中，而且我仲鍾意佢嘅少甜效果。原來呢間MOS Burger仲有早餐供應，希望有機會啱時間的話可以過嚟幫襯埋佢嘅早餐啦！特別值得一題嘅就係呢間MOS Burger為處於德福嘅美食廣場，現場仲有自動洗手機，喺呢個疫情期間嚟呢個環境好又衛生嘅food court，真係食得開心又放心。

九龍灣德福有food court有好多唔同嘅嘢，食選擇非常之多。夜晚諗唔到食乜，就去睇吓。想快食就食快餐，揀咗MOS burger。呢度落完單就自己拎食物，然後自己搵位。全部自助形式food Court。揀咗兩款漢堡包🍔，配左薯條🍟及南瓜薯餅。飲品揀咗粟米湯及凍咖啡☕️全部食物都夠熱，所以新鮮幾好食😋鍾意食漢堡包🍔，裏面夠多醬汁，有蕃茄。而且漢堡扒味道剛剛好。炸薯條夠脆又粗。南瓜薯餅入邊全部南瓜蓉，甜甜地。粟米湯好香粟米味，凍咖啡都唔錯。價錢唔貴，性價比高！

今日放工時已經餓到打鼓，唔想等到返屋企，一於留係德福覓食啦！ 德福Foodeli開張咁耐都係第一次幫襯，不止座位多，食店選擇都唔少，居然有我最愛嘅Mos Burger Express,啱晒我急需撫慰嘅胃～ 鐘意Mos Burger漢堡款式選擇多，除左傳統漢堡、仲可以揀珍珠堡或者熱狗，又可以配搭不同小食套餐，自由度高！ 特級和牛漢堡、摩斯芝士漢堡、薯條、薯餅好大堆頭！南瓜薯餅要趁熱食，薯餅外皮炸得香脆、中間的南瓜餡軟糯香甜，水準之作。 薯條熱辣辣香噴噴，粗身薯條口感更好。 特級和牛漢堡好巨型，漢堡包+生菜+蕃茄+和牛漢堡+芝士+特調醬汁大滿足，厚切和牛漢堡扒係我嘅No 1之選，啖啖肉而且牛味比一般漢堡更濃。 摩斯芝士漢堡簡簡單單，特別鐘意佢嘅蕃茄洋蔥醬夠juicy,增加左口感層次又唔會乾身！ 飲品方面揀左凍奶茶同粟米湯，粟米湯溫熱暖心，奶茶口感順滑~ 飲飽食醉滿足曬所有願望，仲有咁多食店聽日繼續再試！  

🍽🍽🍽🍽🍽🍽🍽🍽🍽🍽🍽🍽摩斯芝士漢堡 $28特級和牛漢堡 $31跟餐加配北海道南瓜薯餅+ 粟米湯 $25跟餐加配厚切薯條+冷涷奶茶 $23🍽🍽🍽🍽🍽🍽🍽🍽🍽🍽🍽🍽✔️mos burger嘅漢堡QC 一直控制得都唔錯。兩款漢堡即叫即製熱辣辣，內層漢堡扒肉質濃郁，入口軟嫩。要比較的話，特級和牛漢堡的漢堡扒比摩斯芝士漢堡的漢堡扒更為厚切，入口更啖啖肉同充斥更多油脂香✔️粟米湯忌廉味濃，湯頭鮮甜，係日本粟米湯專屬味道，一路飲一路有一種去咗日本嘅感覺✔️厚切薯條拎上手熱辣辣，由於厚切關係，薯味比一般薯條更有咬口同香薯仔味✔️ 北海道南瓜薯餅外皮炸得金黃，入口足料啖啖南瓜蓉，唔係出面溝咗好多麵粉充數嘅南瓜蓉口感✔ 冷涷奶茶喜出望外，茶味幾香濃😍

FOOD COURT 都有MOS 漢堡!來一客特別和牛漢堡都係即點即製,放滿洋蔥同特製醬汁,麵包烘過好香,芝士半溶化加上厚身既漢堡扒,口感豐富,牛肉口感札實,番茄新鮮!果真比起平時食既漢堡口感味道更佳,而且份量十足,食完飽足半天呢!仲未計仲有薯餅同薯條!快餐店漢堡就MOS最好食!想當年既MOS 係要排隊架！下次黎都要食！實在好吸引！飲埋佢既招牌粟米湯，全部粟米打成蓉，就好似飲緊粟米一樣咁濃郁！#MOSBurgerExpress #MOSBurger  #漢堡 #九龍灣 #德福廣場 #外賣 #摩斯漢堡 九龍灣偉業街33號德福廣場二期5樓501B號舖Foodeli 2號舖

「坐下在目黑區深宵那個摩斯漢堡店」這句歌詞已經傳唱近17年🎼但每當我來到Mos burger仍會不由自主哼起這個旋律。Mos burger以前已經在舊德福營運，現在捲土重來令人興奮。雖然在附近淘大商場也有mos cafe提供更多元化的餐點，但以速食來說還是本店更對味😋📖現在菜單也豐富了很多，漢堡加上熱狗有近20款🌭另外還有6,7樣副餐可以配搭，肯定足夠午餐所需。和朋友簡簡單單就選了人氣推介中的兩款，因為都是經典味道，肯定能保持水準。 🧀摩斯芝士漢堡在漢堡內加上肉醬是摩斯漢堡的標誌款式，取代了其他漢堡中所有的生菜，肉醬帶了點洋蔥🧅鹹得來有點清甜味，加上有肉汁的漢堡扒，口感混和得很好。 🍔特級和牛漢堡剛咬開第一口就已經有濃厚的油脂感，的確是和牛的濃郁香味。內裏的蕃茄生菜添上了清新的口感，中和了肉味。漢堡也稍經烘烤，但有點過了火喉🔥 🥔北海道南瓜薯餅與一般薯餅厚實實不同，加入了北海道南瓜變得質感較鬆，味道綿甜，帶有栗子香味🌰的確是著名北海道南瓜特色。而且吃出真材實料以原個入饌，帶有南瓜皮。 🫕粟米濃湯原本想試周打蜆湯，可惜已經向隅，唯有選了基本的粟米濃湯。粟米濃湯入口柔順，口感綿密，入肚後帶

今日同baby 去Mega box shopping, 經過德福二期見到有mos burger,佢話返轉頭嗰陣時想食，原來上面係個food court.我同佢都食牛肉漢堡，特級和牛漢堡同埋摩斯芝士漢堡，和牛牛肉好香口，有點油份，入口一點都唔鞋， 新鮮蕃茄片，經典摩斯漢堡有芝士片同新鮮蕃茄片，麵包好新鮮飽滿，仲配有洋蔥粒千島醬，好惹味！南瓜薯餅比普通薯餅好食好多，外脆內軟，裏面帶綿香細軟，而且香甜可以作為甜品咁食都可以！大薯條凍奶茶都有啲似港式奶茶，夠香濃，茶香味足！粟米湯正正係日本粟米湯嘅味道，有少少粟米皮咬下，咁啱food court冷氣凍，飲返杯熱嘢，剛好！

現在的生活總是各有各忙，你有你忙，我有我忙 ，很久沒有一份 團體共同 前進的感覺， 現在總是一個個體多餘的走上我的漫步人生路， 面對匆匆忙忙的人生， 已經沒法回到過去的慢活，吃飯也一樣 ，我已經無法靜靜的坐下來吃飯， 總是忙忙碌碌， 滿腦子也就是不停地想像著 ，這個感覺又有誰會明白 ，這天來到了這個food court之內， 擁有林林種種不同的美食， 但為了迎合我的節奏，還是挑選了一家漢堡店， 來自日本的 漢堡就是快餐的最佳選擇， 份量足夠性價比高， 而這間的漢堡的更是十分出色， 配搭他們自家製的醬汁，果然份內的美味 ，短短十分鐘，我已完成了，這十分鐘我品嚐了新鮮即炸的薯條， 新鮮美味， 我也要走上我的下一步 還是努力的活著。

今日咁啱約咗朋友喺九龍灣，順便一齊食中午，諗唔到食乜嘢嘅時候，就去咗foodeli呢一層food court睇吓有咩食，見到有MOS Burger，於是就快快手叫咗一個吉列蝦漢堡加23蚊轉套餐，坐低等咗冇耐就有得去拎餐。吉列蝦好脆身， 醬料方面有得揀他他醬同芥末蛋黃醬，我就揀咗他他醬，包身好軟熟，成個配搭都啱啱好，而薯條方面，粗身得黎又唔會好淋，一個人黎講，成個餐非常飽😆漢堡加薯條再加飲品，係快靚正之選🤤

於九龍灣淘大的首間Daiso Japan專門店到此一遊後，便來到德福廣場Foodeli foodcourt醫飽肚。美食廣場引進多間餐廳，選擇多元化，還有大家熟悉的日本連鎖漢堡包店MOS Burger Express。場內佔地廣闊，坐位之間不會排得太擠，空間感十足。餐牌和其他分店差不多，雖然是速食，但仍秉承點餐後即叫即做的宗旨。今次就點了兩個burger餐，價錢相宜。摩斯芝士漢堡 $28烘得暖暖的麵包夾著原塊厚切蕃茄，芝士片、自家製肉醬和漢堡扒，加上清甜爽口的洋蔥粒，可說是MOS Burger 經典中之經典。特級和牛漢堡 $31和牛漢堡扒比起摩斯漢堡更有厚度，肉質更加扎實飽滿，配合海量的爽脆生菜，層次感豐富。每次來MOS我都必點薯條，炸得金黃酥脆，肉心軟綿細密，加 $23就可轉餐有一份大厚切薯條連飲品。另一個餐就加$22有北海道南瓜薯餅，炸漿不會過厚，內裡的南瓜餡料入口軟綿，充滿粉糯甜香。飲品則選了粟米湯和凍奶茶。

我其實好鍾意食漢堡包🍔，但唔係好想食麥當勞，好彩屋企附近有mos burger 🍔 ，真係一個好選擇。佢啲漢堡包🍔即叫即做，選擇又多，麵包鬆軟又唔會濕晒，粗薯條仲係即炸，真係拎起都燙手。漢堡包裡面塊蕃茄又勁厚，同麥當勞差太遠啦，又勁juicy，以依個價錢真係性價比高。👍🏻👍🏻👍🏻🤩

前排經過荃灣西間MOS BURGER見到新出左期間限定既三杯雞珍珠堡，有D興趣，所以今日lunch time就去左公司附近既德福分店試～因為今朝個早餐仲未落晒格，所以只係單點左個burger～之前食過佢期間限定既鰻魚珍珠堡覺得唔錯，所以對呢個三杯雞都有D期望，結果令人好失望。。。。野食即叫即整，個珍珠堡有D燙手兼出晒煙，有溫度夠新鮮既👍雞肉口感唔算好滑但都叫做過得去，雞皮亦唔會太肥，可惜係完全沒有九層塔香味，亦都無辣味，我只會叫佢做醬油雞珍珠堡。。。👎🏻👎🏻生菜同炒過既三色椒尚算爽口因為個雞無乜汁，僅有果丁丁既汁都滴晒落底部，所以一開始食個珍珠堡果陣都幾dry。。。。結論係：未試既朋友仔可以慳返唔駛試🤦‍♀️ 但期待佢再度推出鰻魚珍珠堡👍

裝修咗之後, 德福 多返個food court .2013定14年已經係mos burger會員, 亦都見住佢o地d舖開吓消失吓直接去counter買好似平過"手禁"機買食物溫度足夠, 有時太熱添~但整體幾啱自己口味, 推薦