Mountain 牛角包窩夫專門店 (已結業)

今日嚟到一間咖啡店，想同朋友傾吓計飲下咖啡 我哋叫咗：煙三文魚沙律🥗紫薯牛角包窩夫🍠青森蘋果汁espresso🍎青檸Ohha梳打 Mocha Mountain 朱古力咖啡🧉喺呢個咖啡店又坐得幾舒服，啲嘢食又不錯，值得一去最緊要係去打卡，有❤️Anson Lo❤️去坐過嘅櫈仔😆後來發現原來依間咖啡店係社企咖啡店，請嘅人都唔錯，好有禮貌，好有笑容，值得一讚的咖啡店！係價錢方面，都唔算好貴，價錢合理💵

絕對會再去嘅社企cafe….早前朋友相約到深水埗食生日飯，難得兩個朋友都不約而同想推薦去呢間cafe… 咁梗係要去啦!!!! 仲使諗…一嚟食物嘅吸引，二嚟員工們同老細嘅親切態度啦!! 加上原來仲有一個超級正嘅打咭位…估唔到作為一個唔合格神徒嘅我都係而家先知「永順街39號」拍攝地點係在深水埗….. 即係呢度…. 🤣🤣🤣講真呢度真係一間可以同三五知己傾吓偈食吓嘢嘅好地方….再加上呢度係社企形式營運，就更加要支持啦!!!!! 因為一個生日聚餐，比我遇到一間唔錯嘅cafe，絕對絕對會再嚟幫襯㗎…！💪💪💪💪💪PS… 食物方面… 直接睇相啦… 唔講啦!!! 👍👍👍

有一種朋友，無需多講，能夠思你所想，心有靈犀。如果遇見了，請務必珍惜🙏相約在深水埗《Mountain coffee 》，一間社企café ，環境舒適，店員殷勤款待，介紹不同飲品和食物。店內同時充滿Anson Lo 周邊，有幸坐在MV拍攝的同一個位置上，「永順街39號」歌名與街名，刻意喚醒每個初戀的滋味。故事的主角，那年才小六，還會記得初衷是什麼嗎？喝著手中精緻的咖啡，感覺很特別，想着別人的故事，人也開始飄了起來。很喜歡「青森蘋果汁Espresso」層次分明，底層是香甜的蘋果汁，上面一層厚厚的Espresso，給予咖啡一份清新獨特的回香。- All day breakfast - 芝士牛肉粒薯條- Black mountain黑咖啡- 青森蘋果汁Espresso#ansonlo盧瀚霆 #香港咖啡 #深水埗cafe #初戀 #永順街39號#mountain_coffee_39

有次去開深水埗，同朋友行到攰想搵地方食吓嘢坐下，見到呢間好木系嘅Cafe，而且係有我鍾意食嘅牛角包窩夫，就吸引咗我哋走入去，小店職員推介咗我食佢哋新推出嘅「紫戀」牛角包窩夫，窩夫上面鋪滿紫薯蓉，見到時已經忍唔住嘩咗一聲，食落唔太甜，牛角包窩夫暖暖又脆，非常好味😋，紫色窩夫再配埋窗口嘅櫻花背景，真係好襯同好有feel! 除咗食個窩夫，我仲點咗杯「青森蘋果Espresso」，fruity 嘅咖啡配以清新嘅蘋果香，喺埋呢個咁Warm嘅木系環境，真係好舒服，我朋友就點咗杯Black Mountain(黑咖啡) ，小店好有心思，用山形杯，真係好靚，好貼合小店環境，小店職員又好友善，好好傾，坐到我唔想走😆

我係經 ig 查詢及預約，當時已經feel 到店主非常nice （解答得好詳細）雖然到店當日店主不在舖頭，但都真係有交帶好同事，我請安排的都有做到！ 十分欣賞！all day breakfast ，啲雞好香，菜好食，煙三文魚配窩夫好夾巨峰提子ooha / 芒果 ooha 都幾好飲可惜我唔飲咖啡，唔係想試吓手沖咖啡特別推介：四色窩夫拼盤 店主話剛巧有生日牌，所以幫我加上去，四款窩夫各有特色，共通點係好脆好好食初時選擇這店舖是因為想去打卡，後來知道店主開店的其中一個想法是幫助有需要嘅人，覺得更值得支持！會再去的！

今天去試Mountain 牛角包窩夫，環境舒適、食物有心思還意想不到深水埗有這樣出色的cafe. 我平時不會相機品嚐美食先，但今次真的有點後悔，冇影相分享美食。真心推介這間Cafe. 推介朋友去食👍🏻👍🏻👍🏻👍🏻👍🏻。店舖環境好、店員很有禮和熱情招待、今天見到很多狗主帶他們的寶貝在聚會拍照，很多人都路給都停下同狗狗玩，假日可以休閒聚一聚非常好。

一間以牛角包窩夫為重點食物的咖啡店新開張，好奇、又近近地就來「研究研究」來到先知，原來最近是某歌手拍新歌MV的場地，經常有fans朝聖眾集與Heegan Dazs聯乘推出牛角包窩夫幾好甜品、雪糕，進入店內的好似都是大專生，店內給予人一份輕鬆和開心的感覺 ❥今次沒吃Haagen Dazs，點了燒麻糬丸子可愛朱古力牛角包窩夫牛❥Mountain白咖啡 其實是Flat White，杯與Mountain Coffee都幾襯，咖啡味道濃，是double shot❥餐廳有MV打卡位置重現經典，確是有心思

Boxing Day chill 咁住食💖見到呢間鋪頭出面印住 #永順街39號咁正 咁港女嘅打卡位可以帶埋佢地嘅教主公仔嚟打卡補充：原來係真MV 拍攝場景題外話～個song list 完全係我嘅菜！！！Ian #DWBF 軒公 #懷舊情人 家謙 #dododododo 你會聽歌聽到好唔捨得走🤣All Day Set D($138)香草烤雞 啖啖肉 蜜糖配少少香草舊肉都幾大🤤 可惜唔太夠熱如果熱少少 一定正刀🫶🏻🫶🏻可以揀配薯條/飯揀左薯條🍟 可惜覺得薯條唔夠厚身口感差少少🥹再配一支 #ooha 🤣聽講係牛角包專門店唔講以為係 #教主專門店有#不可愛教主 不可愛牛角窩夫今次叫呢個可愛牛角窩夫 ($49)朱古力oreo 好濃郁 又唔太甜 成個口感好rich 夾埋個脆脆窩夫 好有層次！！店長話一定要熱食🤣呢個真係超級超級推薦💖店長仲特別warm同我地傾計💬 關心我地有咩需要💖一間有人情味嘅小店

食晚飯前想搵間餐廳靜靜地坐喺度飲杯咖啡喺大埔道見到有間新開嘅餐廳環境幾靚，又唔多人，又唔係貴佢主力係食牛角包，都有幾多款，不過我淨係點咗一杯咖啡，咖啡用火山造型，幾得意要左一杯 m o c h a ，味道偏淡，飯前一杯適中，坐左半個鐘就去左西九龍中心食晚飯地方幾舒服，自成一角，下次早少少去影相會靚d店員好好人，好有禮貌下次再嚟幫襯佢食牛角包和夫，好吸引仲有晚飯意粉，好多選擇，可以約幾個朋友一齊再嚟過👍🏻👍🏻👍🏻

咖啡店聯成偶像應援是這兩年新興活動在特別日子店舖擠滿小粉絲同聲同氣確實熱鬧今次教主推出新歌深水埗新開咖啡店也來個配合一番差點以為地址就在永順街39號慶幸知道就在呵欠原址位置也不難找咖啡店主打croffle有多款雪糕配料選擇飲品亦配合店名用上山系玻璃杯盛載神徒看到店內佈置會幻想和教主共吃嗎🔅 𝙐𝙎 𝙋𝙧𝙞𝙢𝙚 𝙎𝙩𝙚𝙖𝙠🔅 𝙈𝙤𝙪𝙣𝙩𝙖𝙞𝙣 𝘾𝙧𝙤𝙛𝙛𝙡𝙚🔅 𝙀𝙨𝙥𝙧𝙚𝙨𝙨𝙤 𝙏𝙤𝙣𝙞𝙘🔅 𝙇𝙖𝙩𝙩𝙚