影片
以上资料只供参考，请与餐厅确认详情
有关奖赏计划
食家推介
今次第二次黎呢间西餐厅食饭头盘「法国Special de claire N1生蚝」（六只）新鲜饱满，一咬落去啖啖海水味，鲜甜得嚟唔腥，加柠檬汁更加突出蚝嘅鲜味。「煎蟹饼」外皮煎到金黄香脆，入面啲蟹肉超实在，每啖都食得出鲜味.「千岛酱三文鱼手Tpizza」好特别，个饼底薄脆，三文鱼够新鲜，千岛酱味道浓郁但唔会抢味，食落层次丰富.主菜方面，「牛肝菌意大利饭」好有惊喜，饭粒煮得啱啱好，吸收晒牛肝菌嘅香味同埋忌廉、芝士嘅滑溜，口感同味道都好平衡.「美国顶级肉眼扒三成熟」外层焦香，入面粉嫩多汁，肉味好浓郁，盐同黑椒已经够晒味，唔需要多余嘅酱汁.甜品方面，「伯爵茶心太软配云呢拿雪糕」真系超好食，朱古力流心蛋糕加上伯爵茶香，配埋冷冰冰嘅云呢拿雪糕，冷热交错，感觉好正 😊「芒果窝夫配云呢拿雪糕」都唔输蚀，窝夫外脆内软，配新鲜芒果同雪糕，甜而不腻。总括嚟讲，呢间餐厅无论食物质素、服务都好有水准，值得推荐，下次一定会再嚟
继续阅读
呢间西餐厅环境舒服，气氛轻松，今次叫咗黑松露杂菌手工薄饼（12吋大pizza），饼底够薄身，外脆内烟韧，黑松露香气好突出，配埋新鲜杂菌，口感丰富，啖啖都食到松露嘅独特香味。沙律配柚子汁，酸酸甜甜，几开胃，菜都新鲜爽脆，作为前菜好适合😆饮品方面，热美式咖啡即叫即上，香浓顺口，醒神之选主菜叫咗和牛烟肉芝士汉堡配薯条，汉堡包松软，和牛肉饼厚身多汁，烟肉同芝士够香，啖啖肉香好满足，薯条炸得金黄香脆，唔会太油腻。再配多个沙律，感觉清新唔会太滞。最后饮咗杯热latte，奶泡细滑，咖啡味香浓，为今餐画上完美句号。整体嚟讲，食物有水准，服务好，价钱合理，成个用餐体验都好舒服，值得推介！
继续阅读
呢间西餐厅真系几有水准，今次试咗几款人气菜式.BBQ排骨配薯条要等大约30分钟，不过排骨好入味，烧得啱啱好，肉质软腍，啲酱汁又香又甜，配埋香脆薯条，好食到停唔到口～.辣肉肠手工pizza有12吋咁大，饼底薄脆，辣肉肠够晒惹味，唔会太咸，配埋烟三文鱼凯撒沙律，沙律菜新鲜，三文鱼咸香好突出，食落去有层次感.美国1855西冷10oz五成熟，外层带有焦香，肉质嫩滑多汁，泰式酱微辣带酸，几有惊喜，薯条够多又够脆.每日南瓜汤香甜浓郁，口感幼滑水牛城鸡翼有两只，外皮酥香，酱汁酸辣醒胃，作为前菜一流.干炒香辣龙虾意粉份量足，龙虾肉弹牙鲜甜，意粉炒得干身又入味。总括嚟讲，呢度主菜同配菜都水准高，环境舒服，好啱同朋友聚餐，值得再嚟
继续阅读
呢间人气西餐厅，真系大开眼界！餐厅环境优雅，灯光柔和，令人感到好放松～今次我选咗几道招牌菜，味道真系令人惊喜🥰🥰.首先，我试咗**美国1855西冷10oz**，搭配泰式酱，薯条七成熟。牛排肉质鲜嫩多汁，七成熟火候恰到好处，保留咗牛肉嘅原汁原味！泰式酱有少少微辣，为牛排增添咗层次感，而薯条外脆内软，搭配牛排简直系一绝🤤🤤.跟住系**纽西兰肉眼8安扒**，朋友选咗扒菜牛油焗蒜同黑椒汁，火候系七成熟，牛肉香气四溢，肉质柔软，入口即化牛油焗蒜味道浓郁，与肉眼嘅鲜味相得益彰，黑椒汁仲增添咗一丝辛辣，令整体风味更加丰富～.最后，另外一个又试咗同样嘅**纽西兰肉眼8安扒**，今次选咗五成熟，仲搭配咗炸薯条同黑松露蛋黄酱。五成熟嘅牛扒肉质更加多汁，肉味更浓厚，黑松露蛋黄酱嘅香气更系令人惊艳，令薯条变得唔再普通🤣总括嚟讲，呢间西餐厅嘅菜式丰富，无论系牛排嘅火候、酱汁嘅搭配，定系配菜嘅选择，绝对值得一试！而家满$200仲有八五折，更加抵
继续阅读
呢间西餐厅最近好受欢迎，上星期同朋友嚟咗试下，真系有惊喜！首先，黑松露黁菇薄饼香气扑鼻，薄饼底脆卜卜，黑松露味道浓郁，配埋新鲜蘑菇，层次分明，几惹味。南瓜汤质感幼滑，饮落唔会太甜，入口暖笠笠，配搭自家烘焗面包，简直一流🥰🥰.主菜方面，西班牙黑毛猪配鲜菠萝扒杂菜同洋葱汁，黑毛猪肉质弹牙，唔会太肥腻，菠萝微酸中和咗油腻感，洋葱汁提升整体风味。.椒盐粟米件外脆内甜，食落停唔到口～.美国1855西冷牛扒五成熟，切开仲有少少血水，肉汁丰富，泰式酱汁有啲辣味，几特别，配埋香脆薯条，份量啱啱好。.最后，烟肉芝士焗生蚝（5件）真系推介，生蚝鲜味十足，烟肉同芝士味道夹到绝，香口又唔会抢咗蚝味。整体嚟讲，呢间餐厅食物有心思，摆盘都几靓，服务都唔错，下次一定再嚟！✌🏻
继续阅读