Mr. OJ

营业中

休息中

不嬲都欣賞呢間茶餐廳嘅餐牌定期更新，包你唔會食厭，所以一轉新餐牌就嚟轉！.天氣一轉涼就好想食荷葉飯，但又唔係間間餐廳有，呢度有之餘，仲要係新派嘅「三文魚荷葉飯」🍣！唔算等咗好耐就有得食，仲非常熱辣辣，估唔到打開之後發現份量好大，男人都實夠飽！而且十分足料，每食一層都有三文魚！飯唔會太濕，粒粒分明，加埋荷葉香同炒蛋、葱花，忍唔住清曬成碟！$72配埋熱飲，我叫咗熱檸茶，茶底都香，正常水準，下次要叫凍檸茶先試到佢茶底夠唔夠濃～期待佢新年過後嘅餐牌！

Mr.O.J在九龍灣上班的我有間非常支持的小店茶餐廳來說，態度，人情味和價錢都是加分的因素這家小店整家都是很黃色的😊🔸B1 多士多油太陽蛋拼腸仔 ➕ 雪菜(雞絲)米粉太陽蛋🍳很太陽從來不會過熟的仲可以煎到燶邊雪菜(雞絲)米粉這個厲害了雞絲根本就是雞排切絲，半塊雞排上咁滯。米粉🍜不是銀絲米粉那種幼如絲般是有一定粗度，又有咬口而吃東西超慢的我習慣吃了多士蛋等小食才食面這個主食浸耐左又唔會特別漲哂。所以好啱我食。另外，外賣用WhatsApp 落單！但我去堂食都唔想等，亦會先落單然後話堂食。次次一去到坐我個私家位就有得食。我試過兩次漏左laptop iPad 係果到佢仲要WhatsApp and phone call 話比我知，係咪漏左d緊要野係到？😂所以，良心小店要多多支持！是我的早餐飯堂推薦指數⭐️⭐️⭐️⭐️/⭐️⭐️⭐️⭐️⭐️

因廚房出貨慢，能力不足，連早餐外賣亦應付不到！不敢想像中午飯如何做🤣🤣🤣！早點關門大吉算把喇。加上食物品質越來越差！咖啡非常難喝！麵又難吃！星期六日已经少客量！連平日都不進取做生意，感覺真的沒有進步及改善空間！

有時下午茶都唔知吃什麼，又不想花費太多，但又想食大大碟的炒粉麵，見這間餐廳有，便光顧一下。我叫了肉絲炒麵，十分有驚喜，肉絲非常多，炒麵炸得香脆，個汁撈在炒麵上十好吃。星洲米相對較為失色，個米粉炒得太碎，賣相麻麻，而且偏辣，炒得有點趕，不夠鑊氣，炒得有點過火。飲品方面，下午茶包了熱飲，凍飲加$3。我們叫了凍檸茶和熱奶茶，正正常常，凍檸茶十分消暑，幾好味，熱奶茶亦很香滑。價錢方面就不算太貴，上述兩款炒粉麵只是$42。其實下午茶還有楊州炒飯、鹹魚雞粒炒飯，最特別的是竟然有雲南酸辣炸雞髀配米粉，還可以轉吉列豬扒或吉列魚柳。如果不想吃太多，可以叫三文治餐、多士餐、熱狗、沙律或公仔麵餐！

年29有好多都收咗爐,再加上返8點半想坐底食個早餐又唔想咁急趕,咁就叫同事幫忙買外賣返嚟食啦佢話呢間抵食外賣自取有9折,呢幾日食得太過分,所以就清清地食個通粉早餐啦不過不失,折埋$27就冇要求啦,湯會分開上嘅,煎雙蛋就確係醜咗小小嘅但都係嗰句咁嘅咁嘅價錢就算啦

愈來愈多良心店進駐九龍灣💛大家都要分散投資，今次介紹這一間位置比較偏僻，在其士中心樓下，在M記旁邊再行入去。餐廳以美式茶餐廳自居，在一貫茶記快餐外還有吉列豬排配雜果沙律等食物，令我甚有小時候光顧本地快餐的既視感🙊 菜單選擇十分豐富，有每星期更新的午市快餐餐牌和只限中下午供應的常餐(?)📔 配上了蒜蓉牛油法包和3.6牛乳炒蛋🍤吉列豬扒炸蝦配沙律難得有這款經典食物當然要一試，炸得金黃香脆，雖然肉扒唔算厚。炸蝦只得咁少有點失望，雜果沙律夠新鮮爽甜，加上醬汁很開胃🥗 🐓瑞士雞翼撈出前一丁茶餐廳的王道就當然是撈丁，味道和咬口也是一流，不過瑞士汁如果再甜一點會更好。 🧀芝士雞扒撈出前一丁很驚喜地發現這是一個芝士三重奏撈丁，分別有芝士汁、片裝芝士和芝士粉，鹹度不同的芝士味在嘴內碰撞出新火花。雞扒煎得剛好太老，不過被芝士搶去了風頭。 🐷咖哩芝士豬扒撈出前一丁用上茶記香辣的咖哩汁，放上一片芝士，兩者未算太融合。豬扒比較鬆身軟口，入口味道不明顯。

今午與數位同事午膳，試新店。我點了一個“黑椒雞扒飯”， 眼看是大學飯堂頹飯一個，白飯一pat pat，是用飯兜隨便裝上碟的，亂作一團，送進口中，味道已沒什麼好挑剔，不是難吃，但普通。有同事點了“咖哩雞飯”，過了15分鐘還沒出來，心想， 明明是一種可以先煮、有單才倒上碟的碟頭飯，十五分鐘還未出來，想必是大製作！怎知，最後竟然是“白切雞飯加咖哩汁”，而鷄還是那些下欄鷄塊，骨頭多過肉的部位，比頹飯更頹！ 那究竟是㕑房製作問題，還是菜牌真的寫了雞飯加咖哩汁而我同事一時看錯呢？我們沒有查究，但就算是看錯，這麼重口味的切雞飯加咖哩汁，也不應該在一個茶餐廳餐牌上出現吧！

初開張服務態度尚可. 因為經常塞車, 所以少左幫襯.收銀態度好似你唔幫襯就"過主"啦. OK, 咁咪唔再幫襯囉!食物質素亦都下降左! 背脊骨落!有啲嘢唔係唔好扮係.

最近一年九龍灣商貿區好熱鬧，多間茶餐廳進駐，其中一間比較新嘅係 Mr. OJ，喺大渣哥對面，不過由於門口喺商廈入面，地理位置就輸蝕唔少。今日見大渣哥排哂隊，呢邊就顯得比較冷清😐。香港人，記住要分散投資呀！呢度嘅下午茶有兩個 menu，我唔太肚餓，於是喺輕食 menu 度揀咗個二重雪山西多士，食物上枱時我 O 哂嘴：個西多份量多到不得了，足足比平時食開嘅多一倍，咁都叫輕食😲？每件西多外面炸得金黃，中間食得出濃厚嘅蛋香味，配埋牛油，仲有我揀嘅朱古力醬同蜂蜜，味道豐富。不過一個人食實在太飽亦太膩，結果今晚連晚餐都食唔落啦😂。

偶然係九龍灣返工，成日都覺得lunch選擇多，會想少啲帶飯。係其士商業中心地下行入去，有個幾sharp嘅MR OJ嘅燈，座位算多，剛新開嘅餐黎講，流程係順，職員好有禮貌。係等位有啲啲亂，不過可以接受。每日午市牌都會轉下，唔怕重複，而且樣樣都有，香口、特色、中西式，總會有嘢啱。亦有美式，有咖喱，正醬爆西芹雞球飯，58元，炒得好香，小小辣，係香口。沙律燒豬扒配煎蛋，68元，個沙律勁大盒，而且係有誠意，菜係新鮮。同事食係有兩塊，而且係好味有質素。有機會都想堂食