MX (綠楊坊) (已結業)

今日家中有餸，想簡單食個晚飯。經過綠楊坊上MX2見下有無餸加先。一想起加餸我呢個八十後就想起斬料。黎到MX2，睇下有咩燒味買先，睇來睇去都係义燒最吸引，就買左半斤返去加料。加多個豬排飯，就perfect，今晚晚餐有著落喇。盒义燒肥瘦適中，但有d位就鞋少少，因為有d位置太瘦。但整體來說都算唔錯。而個豬排飯，茄汁味都算足夠，但係塊豬排就肥左少少，加上舊骨粗左d。飯底亦比較油。只可以叫做合格。但份量非常夠，仲可以叫加飯。

MX早食飯價，話今次係最後機會，所以日子長啲做到12/7，肉醬煎蛋飯廿九蚊。好多人都話今次唔抵，確實依個飯之前晚市都係三十幾，平得幾蚊，上次佢問飲咩照落以為有餐飲，原來收咗三蚊，都合理，但不久前早、午，下午茶唔係仲有跟餐飲？仲以為係普通晚餐先無。依個飯係童年回憶，以前學校午餐第一次試就愛上，仲都配特別餸，而且佢有薯仔片，更好食，相較肉醬意粉每次單一大大份更精彩，有人當年都是陽光嗎？返翻嚟，份量唔多，唔夠飽，但由於近年有太多間肉醬酸度都過高，顯得佢嘅剛好難得，又無脂肪肉，又無肉碎球，又入味…近年到底我都食咗嘜嘢肉醬？滿滿壞回憶，可恨的餐廳們還我！煎蛋半熟，飯煮得唔差，滿意吧！其實主要為回憶而食（已跳過近幾年）。

MX常有早食飯價，但時段上真係好難得，今次就梗難得有機會，做梗原煲咖喱雞飯連餐飲只係廿九蚊！係未真係原煲唔重要，就算放落去都唔一定用個煲煮，何況我外賣。雞肉三件超大舊，仲大過隻匙夾起都難，仲有雞腿，肉煮到好軟，但唔入味，本身咖哩味亦一般，少少香草嘅酸同香，但唔係咖哩味，有色而無實，汁雖然望落好少，但夠撈飯，量夠，唔難食，今時今日依個價，只求飽肚一餐絶對食得過！

常常吃火腿通粉？有點悶。今天在綠楊坊的美心MX一試龍蝦湯螺絲粉，不錯哦。濃濃龍蝦湯腸片螺絲粉，名字有點長，不過吃落有驚喜，真的有濃濃龍蝦湯味，腸仔切片後，一口一口連湯吃，有別一般早餐，很新鮮。以前不敢試不同味，生怕淡淡或怪怪的味道，今次吃完還真有點回味。餐配炒滑蛋和牛油方包，最喜歡方包塗牛油再把滑蛋放上去吃，很有蛋治的感覺，方包軟綿綿，如果烘底就更正。早餐必不可少的當然是我最愛的奶茶，滿足的早餐過後，拼的一天又開始了。

MX出咗個新飯，網評話唔大又唔好食，原價五十一蚊仲無嘢飲真係貴！我當然唔會正價食，早前佢專頁出咗個只要留言就送早鳥優惠券活動，優惠期間平日指定時間連飲品只係三十五蚊！攞券當晚就去食，六點半都唔洗點排，可以選鮮茄焗豬扒飯，我嚟係試新嘢唔轉！等咗成十分鐘先有得攞，但唔係即焗，堂食用外賣盒，又話環保？，可能做優惠驚唔夠用，打開蓋D醬粘哂上去，仲有拉絲，豬扒一貫地大，仲好軟熟，可以一刀切，無筋，骨唔大，炒飯粒粒分明，白汁芝士味濃，話係意大利巴馬臣芝士同三倍澳洲馬蘇里拉芝士，其實真係食唔出有兩種，可能有種粘哂落蓋，但確實芝味十足。不足方面蔬菜已黃，醬汁唔夠完全滲唔到落飯，令口感有點乾。份量方面，問心，真係唔細，佢個焗兜比一般餐廳已大小小，外賣盒仲大多小小，只係仲有間再大D，加上之前已經大，宜家唔會覺大，而外賣盒蓋方面好可惜。今次早鳥優惠活動同以前唔同，以前指定時間內先到先得，時間重早小小，試過趕上時間都已賣哂，今次轉玩法，收銀未適應，係花多咗時間俾錢，但依D野好快就熟，相信下次已解決依個問題！

老實說並唔係第一次來幫襯，好多時一個人經過，貪就腳方便，快趣，其實都要求唔高🙄人流都唔少，但要搵位亦不困難，始終大家都係趕時間，食完就走🤔今日比佢呢個$34元嘅「鐵板榨菜肉絲炒麵」吸引咗，心諗，配埋紅豆冰都係$34，又真係抵食夾大件，況且圖片都好吸引，點知⋯⋯⋯一睇到呢碟咁嘅嘢，真係有啲反胃嘅感覺，碎濕濕咁，個汁好似湯咁浸住啲麵😐再用筷子夾開，啲汁又稀又水，啲麯被浸到淋哂不特止，仲唔夠熱，都唔知塊鐵板有乜用，真係好難入口，好難食，雖然平啫，唔代表我冇少少要求掛，似乎與圖片不相符，不過彈還彈，公道啲講句，又唔係代表成間餐廳嘅食物質素都唔得，平時食開嘅都冇咁離譜，今次呢個真係好失望😞紅豆冰啲豆又唔夠淋，感覺上好似求求其其咁，又係唔多掂👎🏻希望呢間連鎖快餐店，能夠有所改善啦，始終係香港人嘅品牌，快餐店都可以好味小小嘅，好多打工仔都要靠你地㗎，加油💪🏻

1-1-2019 (Tue)晏晝,同老公落荃灣食晏兼買o野,我唔肚餓,唔知食乜好.老公話美心,咩o野都有得食.啊.佢就買o左$39.00o既煎蛋肉醬飯,加$8.00要熱紅棗杞子茶.我就要$49.00o既黑蒜油叉燒拉麵,飲熱奶茶.煎蛋肉醬飯味道正常冇問題. 熱紅棗杞子茶都幾夠味.我碗黑蒜油叉燒拉麵唔大碗,薄切叉燒有3件,有2片嗚門卷,半隻雞蛋.黑蒜湯味道好夠;由於叉燒薄,所以冇乜口感,但佢好鹹;麵身較腍,一般.熱奶茶茶味唔夠,口感係滑.味道係2.42分其他:呢o度由舊年10月1日起,響應環保,唔再俾飲管喇.上次食評: https://www.openrice.com/zh/hongkong/review/%E4%BB%8A%E6%AC%A1%E5%94%94%E9%8C%AF-e2919478

今日一朝早就俾個老朋友嘈醒，話請我食早餐喎。咁就去咗綠楊新村嘅綠楊坊MX食，開頭以為唔好食，點知入到去發現原來好多選擇， 比我想像中嘅美心快餐好好多。 呢間啲環境好好，燈光足夠，又幾有情調......。原來而家啲快餐店都有咁好嘅環境。好啦，終於有得食啦，始終都係啲嘢食最重要，啲嘢食味道好好，個螺絲粉嘅湯底好香、好濃，好有水準嘅早餐。咁嘅價錢(都係30蚊左右，連埋杯凍咖啡)，係出面茶餐廳都食唔到。正......☆

< 🔥 美心MX 鮮氣逼人海鮮火鍋 🔥 >天氣開始轉涼 去打邊爐就最啱喇!美心MX全新推出3款「追鍋族」火鍋而我呢晚就試左其中一款鮮氣逼人海鮮火鍋 ($75)比想像中多料有兩隻🦐, 一隻帆立貝, 一份肥牛🥩, 蔬菜🥗等等 仲有個烏冬🍜配埋芫茜皮蛋湯底一個人食一定夠哂飽👍🏻食前記住去自助醬料區攞埋埋火鍋醬料食起上黎就更滋味喇😙追鍋族另外兩款包括酒不醉人醉雞火鍋($69) 同牛氣沖天肥牛火鍋($66)快啲約埋你嘅打邊爐buddies去試試佢啦!-Taste: 👅👅👅Value for Money: 💰💰💰(on a scale of 0-5 emojis)

秋風起，又係打邊爐既季節啦❣️美心MX就率先推出左三款火鍋🍲，過去既假日小編就同家人試左✨鮮氣逼人海鮮火鍋🦐✨同埋✨酒不醉人醉雞火鍋🐥✨.選任何火鍋都可選配三種湯底：沙嗲、芫茜皮蛋同花雕藥膳湯底😚.✨酒不醉人醉雞火鍋🐥✨小編好推介呢個鍋👏🏻👍🏻醉雞肉好滑，酒係幾入味，最後仲可以倒埋醉雞汁落個湯底，勁香❣️仲有普通既滑雞件，估唔到一樣咁正！飛魚子雞滑夠突別，而且好食😁仲有赤海蝦同雲吞，超豐富！仲有，叫呢個的話推薦配花雕藥膳湯底，勁夾！😍.✨鮮氣逼人海鮮火鍋🦐✨呢個海鮮鍋有北海道帆立貝、赤海蝦、美國穀飼肥牛、蝦滑、蟹柳！蝦滑夠彈牙，帆立貝熟左都仲幾大粒😋🤤其他配菜仲有魚片頭、南瓜🎃、白蘿蔔、粟米！配埋滑嘟嘟烏冬就飽飽👏🏻

今朝係MX到諗住食番個快靚正早餐。我叫左一個港式早餐，有火腿通粉、太陽蛋、腸仔、多士和一杯熱奶茶。火腿通粉既雞湯味好足，通粉上面都放左好多火腿太陽蛋唔會變左熟蛋，蛋白不會太膿，蛋黃剛好係生既，d蛋汁流出黎好正！腸仔不會過鹹，味道剛剛好。奶茶既比例調配得好好，奶味同茶味都飲得到。除左有港式早餐之外，MX亦都有中式早餐，例如蘿蔔糕、糯米雞和粥或者炒麵。公仔麵餐或者係新潮d既龍蝦湯通粉都可以係其中一個選擇。

又到3點3，梗係要嘆番個tea，見尼間mx裝修得幾別緻，就食佢啦！叫左份公司三文治配薯片，飲熱檸水，三文治入面有蕃茄、雞肉、生菜、火腿同蛋！都ok不過不失啦！但如果配薯條會更好！

大家可能比呢個標題吸引，但係我絕對冇講大話，我都係行過俾呢一個靚女吸引左入去食飯，所以你話宣傳嘅策略係幾咁重要反正都係要食飯，就入咗去幫襯佢食午餐，環境裝修格局給人的印象很舒服、清簡、光猛、乾淨！今日係星期六，所以都比較多人，我同朋友揀咗兩個客飯嚟食，一共係＄83元，分別係涼瓜雞柳，粟米斑塊，可以跟餐湯或者熱飲，凍飲要加錢分量唔算多，味道只可以話合格，不過全程有個靚女陪住食，心情都零捨唔到，唔知大家同唔同意呢？

MX has always been a Department of Executive Justice is not only the Maxim's fast food near the drainage channel to launch a strong series of big-boiled pork charcuterie, so I went to try my thick left-handed cut Fu Hibiscus rice ($ 42). I saw the egg fried to dry  are not slippery and fork not only not thick cut and thin to the depths of desolate, and no more black pepper drop eggs with the same degree of burns. It  completely do not take eight  ️ have been selected the most beautiful left both

尋日（20-11-2017 Mon）同老公放假去郊遊，食個早餐先，我哋行咗嚟呢喥食。我要咗$31.00嘅香檸桂花雞扒餐中嘅C05,係配香腸同粗麥多士，飲熱檸水。而原來多士可揀牛油或果醬塗，我揀咗牛油。等咗一陣，嘢食到齊，之後到老公去買，佢買龍蝦濃湯螺絲粉餐配脆嫩魚柳，同樣有粗麥多士，佢要咗果醬同咖啡，收$32.50。我嘅香檸桂花雞扒好細件，腸仔有兩條，先食腸仔，竟然唔鹹；雞扒個皮煎得香脆，香檸桂花味道清香不俗(原來上次食過係麻麻,今次好食好多.o個個食評:https://www.openrice.com/zh/hongkong/review/%E6%9C%89%E5%81%8F%E5%B7%AE-e2517733)；而粗麥多士呢，我就將佢塗晒牛油同果醬，果醬係士多啤梨，呢隻果醬唔太甜，啱啱好，好好味。而老公嘅餐呢？龍蝦湯係有龍蝦味，但濃淡得宜，腸片係香草腸，味道好夠；魚柳外脆內嫩，亦都好味。味道係4.33分服務:收銀態度唔錯,但俾餐o個個比較遜色.抵食係2.7分其他：呢喥可以自己斟水飲。