影片
营业时间
今日营业
08:00 - 21:00
星期一至日
08:00 - 21:00
以上资料只供参考，请与餐厅确认详情
相关文章
本来好钟意佢地D burger同薯条，今日拣咗鸡翼，小妹自己一向煮开饭，所以个鸡翼上台后一叉落去就知佢无煮熟，熟透嘅鸡翼应该系slim D 同松软D，咬开果然有血，而且几多下。我好心唔想太扬细细声同收银个阿姐讲（因为唔知点解其他职员唔见晒），阿姐攞去同后厨讲，后来上咗个burger就黎食完个鸡翼都未返归，帮我落单个阿叔问厨房搞咩咁耐嘎。跟手突然有个阿姐喺我有后方出现，就黎贴住我咁劲有骨劲大声咁讲：”炸耐D啦，唔系有血丝有D人唔钟意嘎！”🙄你估我黎食白切鸡咩阿姨，鸡唔熟会有寄生虫嘎，无常识就唔好咁大大声，你仲大声过我好惊人地唔知你地自己煮野煮唔熟咩，黐线以后都唔会再帮衬
继续阅读
去观塘扫完战利品谂住去揾食，行到东广场见到一间价钱又唔贵嘅小店，结果竟然喜出望外！我哋两个人叫咗菠菜汁烟三文鱼意粉🍝（$68）同经典牛肉汉堡🍔（$52），叫set连嘢饮，埋单只系$150。《菠菜汁烟三文鱼意粉》佢真系用菠菜汁加上菠菜叶，绝对唔系hea我；加上蒜容同洋葱碎，令到成个意粉嘅香气非常突出，加上意粉有Al Dente嘅口感，比起一般西餐厅对意粉嘅处理更加一流。大前提系，只系68蚊！《经典牛肉汉堡》一般出去食汉堡都唔平，郁啲都成旧水，见佢呢个经典牛肉汉堡只系52蚊，就试一试佢。成个包好厚好软，牛肉好juicy同好香嘅牛味，面包嘅口感好好，唔会好似某大连锁店嘅包既汁多到变咗一Pat嘢咁。有机会会再试其他嘅嘢食，虽然感觉系好家庭式嘅小店，但食物质素、味道上我觉得媲美一啲高级餐厅。结论系性价比高既小店，值得试！
继续阅读
喺观塘俾我揾到间食burger嘅小店，款式非常多！龙虾汉堡($128)菠萝烟肉牛肉汉堡($65)汉堡都可以搭到咁高🤣 睇落都觉得足料！包身外脆内软，好啱我口味😍龙虾汉堡估唔到真系成条龙虾尾放落去🤩 好大条好厚肉！而菠萝烟肉牛肉汉堡就非常丰富，汉堡扒系手打，所以肉质都比较松软好好味，配搭加埋菠萝仲冇咁漏！香辣茄汁大虾意粉($68)干蕃茄黑醋鸡肉意粉($65)蒜香蟹肉意粉($70)意粉款式都几多，仲有唔同嘅配搭！茄汁大虾大大只非常爽口弹牙～😋黑醋鸡肉估唔到有几夹，食落多咗一点酸味，层次丰富咗！😍最后蒜香蟹肉都好都蟹肉，炒得几惹味🥳烟三文鱼沙律($48)估唔到仲有沙律，用烟三文鱼切咗玫瑰花真系好靓😚 而且都几多三文鱼！食落都好新鲜，感觉清新😍泰式鱼饼($24/3块)番薯条($35)炸洋葱圈($35)食汉堡点可以冇小食，泰式鱼饼食落都几辣！番薯条同洋葱圈就好香脆，而且份量都几多😋😋
继续阅读
相对上一次光顾, 已有一段时间, 是日路经见有下午茶餐, 当中更有汉堡包选择, 便入座回味一番。1) 下午茶- 经典牛肉汉堡 $42- 奥利奥朱古力奶昔 $19 (原价$38, 跟set半价)2) 小食拼盘 (春卷 x 3, 泰式鱼饼 x 2, 薯角) $38经典牛肉汉堡采用的包, 卖相并不讨好, 但入口甚香, 又松软, 一问之下, 原来这款包叫风车包。经典牛肉汉堡材料丰富, 有牛肉, 沙律菜, 番茄, 酸瓜, 芝士和洋葱, 由于甚有厚度, 一口很难把所有材料吃下, 但依然美味, 既Juicy, 口感又丰富。小食拼盘有春卷3件, 泰式鱼饼2件和薯角。春卷外表香脆, 馅料份量适中。泰式鱼饼香辣, 即使喝一口奶昔, 辣感仍充满口腔。薯角炸得脆口, 啖啖薯肉, 份外滋味。奥利奥朱古力奶昔味道浓郁, Oreo打碎混入其中, 质感幼滑但不会过稠密, 满满一杯, 十分满足。
继续阅读
因为赶时间所以拣咗呢间小餐厅食lunch，拣咗个Burger同一个意粉，夹埋要149蚊。burger拣咗蘑菇洋葱牛肉汉堡，如果转做餐加薯条同汽水就要加多20蚊，夹埋要差唔多80蚊，以东广场地下呢啲舖仔嚟讲价钱略高，幸好味道系ok嘅，系因个薯条比较麻麻，可能唔系即叫即炸啦。可能就系见佢啲burger价钱贵，所以个意粉就比较化算，我哋拣咗菠菜汁烟三文鱼意粉。个意粉份量都几大碟，味道就畀想像之中浓，送汽水一罐，要68蚊。
继续阅读
您可能会有兴趣的...