My Day

营业中

休息中

位於美麗華商場的My Day Mira，普遍人的印象中都係婚宴場地，只因為佢有大大個的證婚露天花園，以女生大愛的Tiffany Blue 為主調設計及佈置，一入門口就係去緊婚宴的感覺。其實呢度係有Buffet食的，Kawai之前都有食過，價錢相宜（如果有coupon code仲平少少）！不過五月開始，就會由主題Semi Buffet 取代了。Semi Buffet 即是客人只需付主菜價錢$238-368，就可以沒有上限的自取前菜（沙律，冷盤）水果，甜品及餐湯。沙律：翡翠螺金柚沙律，薯仔煙肉粒沙律，紅菜頭沙律，青蘋果西芹火腿沙律。仲有婚宴必有的Candy Corner，所有糖果都係Tiffany Blue色！我地成班朋友夾到好開心！不得不讚，連夾糖個包裝袋都係Tiffany Blue 色，好細心。而5月份的主題就是－－龍蝦啦！係任食！而且隻隻都有手臂咁長！看圖就知，龍蝦膏肉皆多，厚肉又彈牙。喜歡龍蝦的朋友真係可以報仇咁報！！除左龍蝦之外，仲有幾款冷盤的海鮮可以自取，包括左長腳蟹，翡翠螺，青口及海蝦。自取的沙律 及Cold Cut 都係正常。至於自助餐最關心的問題－生蠔，就唔係任食的，不過

早前係佢開業無耐去過一次食自助餐，聽朋友話佢地轉左semi buffet所以就孖埋朋友去食！吾係自助餐形式所以都比較上平一點～加上本身自己吾係食得好多野，比起掛住諗回本未，我更concern食得開心既！semi buffet形式係可以揀一個主菜，另外仲有自助吧同埋餐茶主菜都有七個選擇，算係幾多！選擇困難症之下我揀左美國頂級肉眼扒$368價位同普通既西餐廳差吾多，但就多左個自助吧可以食添自助吧有四至五種海鮮，最正係新既推廣係有任食龍蝦，即刻抵左好多！我會著眼係龍蝦多啲啦！啲龍蝦都好大隻，有少少膏，但如果有橙黃個啲膏就正啦！每樣試一件就岩岩好啦！之後就到最正既龍蝦，肉都好爽彈，食得出係幾鮮，但鮮味再出啲就更好啦！另外我地仲加左每人兩隻生蠔　$208/半打真係好新鮮，爽脆，仲幾厚肉！而且係好甜，吾會太重礦物味！有沙律區啦，啲菜好新鮮！勁爽所以我都夾左幾次平時吾係太掂ham 既位，但呢碟野我都食左四樣，每隻都好食！如果肚量再大啲，仲可以食多啲添！仲有紅菜頭！好正～糖區！當日既餐湯係青豆湯，都幾好！水果都好正，菠蘿無得輸，好甜！到主菜啦！牛扒都幾大塊架，側邊仲有啲配角，特別鐘意松露薯條，炸到金黃

今晚朋友帶左我去美麗華商場既一間餐廳食Semi-buffet, 聽聞五月轉左個新MENU, 有main course之餘, 仲可以任食龍蝦!! 呢間餐廳環境裝修都好靚, 很有西式婚宴格調。餐廳環境寬敞優雅, 出面任食既野食吧亦很整潔, 野食分門別類的排好, 任食既包括有有幾款既海鮮； 龍蝦、海蝦、田螺、長腳蟹、青口更設有多款沙律、前菜、冷盤、生果、餐湯、甜品仲有呢個深受大人小朋友歡迎既糖果吧, 可以隨意夾自己喜歡既糖果入袋中慢慢食。我地食Semi buffet既同時, 當然要order自己想食邊款main course啦~豬、牛、羊、雞 都有齊, 就連兒童餐亦有供應, 總有一款岩心水~ 我同朋友就order左以下兩款main course share, 再額外加錢叫左個青口同埋生蠔。【生蠔】HK$208/半打 : 雖然我唔食生蠔, 但其他朋友亦讚口不絕話D生蠔好新鮮【法國藍青口配蒜蓉包】HK$180忌廉味沒有完全覆蓋青口本身既味道, 調味方面掌握得很好。而最令我驚喜竟然係伴碟既蒜蓉包, 外脆內軟, 麵包入面鬆軟而且被塗上牛油同埋蒜蓉, 令包中帶點濕潤, 反而更食到更香既蒜蓉味【扒澳州羊

位於尖沙咀美麗華的My Day，最近推出半自助晩餐。今日相約九位吃貨朋友，一行十人來到吃大餐半自助晩餐包括:自助沙律吧，海鮮，主菜，餐湯和自助甜品。主菜價錢分別為$238-368，仼勻選擇先介紹自助沙律吧，分別有現成的沙律。如有翡翠螺金柚沙律，薯仔煙肉粒沙律，紅菜頭沙律，青蘋果西芹火腿沙律。更有自選沙律，羅馬生菜和生菜等，可自行配以醬汁。且有一大盤煙三文魚和火腿，火龍果菠蘿可供選擇。第一盤，什麼都拿點試試。分別有青蘋果，紅菜頭，薯仔，火龍果，自選沙律，煙三文魚我最喜歡那紅菜頭，軟硬和調味適中，薯仔沙律粉腍，味道也好好哦。然後介紹一下自助海鮮，包括: 翡翠螺，長腳蟹，青囗海蝦。我最喜歡長腳蟹，鮮甜無比，白滑蟹肉，啖啖滿足，海水咸點略重，但味道非常不錯哦。安哥不少次呢。主菜登埸前，有另一主角率先登場。五月限定的仼食大龍蝦阿。龍蝦大得驚人，長過手臂呢，人人爭著拍照呢龍蝦除膏多，肉也多。蝦膏呈淡灰色，膏味鮮甜。龍蝦肉大隻厚肉，結實彈牙，味道不俗。法式燒乳豬配法國血橙燒汁$328一呈上的乳豬，人人爭先拍照哦。那烤至脹起，微微谷起的脆外皮，太吸引人啦。乳豬厚肉嫩滑，份量可算超多呢。不沾醬其實也足味

很想食自助晚餐，又想試新嘢，於是係openrice search一下，發現此新開的餐廳，無論於環境，食物都好像不錯，於是book了一試。結果令我很失望，沒有之前食評説的龍蝦，也沒有鮑魚，沒有熱盤。去到時只有一個感覺，中伏，難怪整晚只有2抬客人。員工比客人還多。要讃的是，員工態度好好。自助食物大致分幾類：海鮮類：蝦，長腳蟹，螺及青口，味道還可以。沙律類：只是一般，特別是麵包乾比較差。湯：最好味係個湯，羅宋湯生果：只得哈蜜瓜，西瓜，及菠蘿雪糕：是movenpick，有雲尼拿，士多啤梨及朱古力味，味道一般。

嘻嘻！其實呢餐食咗好耐啦！不過近排得閒d先有時間寫，呢間My Day係喺網上見到嘅，見新開就一試！雖然唔係洒店不過啲食物質素都拍得住洒店，不過種類唔算多，但頭盤有半隻龍蝦，冰鎮上好正喔！自己本身好少街外湯，因為覺得一定會落味精，但係呢個湯就非常鮮甜好足料。我有屋企人飲兩個添，好飲程度滿分👍🏻！另外值得一讚就係呢度甜品，細細件，可以食多幾件。

情人節浪漫套餐 $1280 for 👫·My Day 由於位於商場較高樓層（6樓）所以較少人留意到，亦可能一般人認為同商場營業時間一樣，Any肥，餐廳裝潢較為簡潔，同酒店嘅自助餐無得比啦，但面積都算大，座位數目都唔少嫁·情人節浪漫套餐👫💕💫美麗華庭特飲2杯🍸🍸，晶瑩剔透嘅藍色cocktail，睇下～仲睇到layer嫁，睇落都透心涼🌠💫浪漫海鮮拼盤，有波士頓龍蝦，海，澳洲生蠔，海蝦🍤同鮑魚！波士頓仲係每日新鮮運到即劏，夠晒新鮮，仲有好多膏呀😆，而海螺，生蠔同鮑魚都一樣咁大隻～仲有啲大大粒嘅蟹籽係啲生蠔上面💫海膽無花果多士🍞配香草酒香洋蔥湯，唔好睇個樣唔出色，飲落絕對有驚喜，洋蔥湯非常入味，味道濃郁，洋蔥仲煮到腍晒👍🏻無花果多士，真係厚多士，，擺咗一陣間先飲，但仍然脆口，唔好懷疑，多士上個啲就係海膽，配埋輕微酸甜嘅無花果，非常可口鵝肝拌白鴿腿配自家草莓果醬，鵝肝配白鴿腿試過未？仲要配埋草莓醬，相對味道亦較為清新💫嫌少？重頭戲📢瑞士芝士火鍋，有安格斯牛肉🐮，挪威三文魚🐟，雞肉🐔，南瓜，薯仔🍠，意大利青瓜，脆麵包籃🍞。餐廳非常貼心，因為擔心客人等待時間較耐或者火溫都溫和，🐔香草雞肉已經預先用慢

之前見到facebook有page介紹依間My Day位於尖沙咀美麗華商場新開嘅buffet新張期內以promotion code訂枱就可以$300食到喇連埋加都只係$330一位海鮮類有蟹丶長腳蟹丶龍蝦鉗丶東風螺丶青口除咗出面任攞嘅之外 每人有冰鎮半隻龍蝦送龍蝦鉗長腳蟹D肉都幾鮮甜不過東風螺就有沙 稍為扣分刺身選擇唔算多亦都唔係好名貴嘅種類所以就普普通通熟食種類黎講都算幾多而且竟然仲有豬腳薑 好入味湯品係佛跳牆 仲有花膠係入面 味道都OK每位客人附送頭盆有小鮑魚丶海膽豆腐丶鵝肝食材聽落名貴味道就普通冇咩特別值得一提嘅係依度有得任食安格斯牛扒唔係出面拎 要同侍應落單可以要求要幾多成熟牛扒好有牛味 食得出唔係一般嘅牛可惜太飽 最後只係食左一塊咋甜品蛋糕類整體味道唔算出色雪糕任食係MovenPick餐飲每人可享有一杯fruit punch用$330食依餐buffet性價比非常高但如果用正價嘅話 我可能會選擇番酒店環境氣氛： ★★★★☆食物質素： ★★★☆☆服務態度： ★★★★☆

昨日去my day食lunch, 只有好少人，可能因為是新開，同埋佢主要係做婚禮或者夜晚buffet,好似包場咁😆個場真的很靚，可在出面註冊行禮，入面有個彎位就不太好，會遮住後面的嘉賓但我今日黎lunch😂😂😂揀場結婚上身😂😂食物不算非常出色，前菜有三樣，個湯好似係豆湯幾好飲，主菜是牛扒同豬架 太熟 肉好實 甜品同咖啡都ok始終都係比個場吸引Waiter 好好 比我地周圍影

最近呢幾日先比較得閒寫下食評。之前係聖誕節嘅時候。去咗呢間餐廳度食自助餐。食完成肚火。不知所謂。款式少。味道差。連甜品都得果幾樣。千萬不要去。根本就冇服務。等一杯水勁耐。環境係好靚。可惜食物質素偏低。一定無下次。絕對稱不上自助餐。我去食放題都冇咁嬲。起碼物超所值。如果想食環境。 不妨到此一遊。

【尋找美食之旅】淨食海鮮夠回本😎 尖沙咀超值自助餐小編最鍾意試新野，最近收到風尖沙咀美麗華商場開左間新餐廳，食自助餐好正好抵食，晚市自助餐每位$398加一，以點段黎講真係幾抵，於是同埋班朋友衝咗上去試一試佢﹗自助餐分6大區(小編自己分既😜) 排名不分先後：熱食區🥘 湯粥區🍵 壽司刺生區🍣 冷盤海鮮區🦐 沙律前菜區🥗 甜品區🍰 雖然每區唔係好多款，但食物有質素，部分更有驚喜！另外每位加送：半隻冰鎮波士頓龍蝦，大大隻鮮味多膏，蝦肉彈牙爽口，食到好滿足﹗My Day三重奏 (黑松露燴鮑魚、海膽伴三文魚籽、香脆鵝肝伴果蓉) 🤗個人嚴選5大必食推介🤗：1.回本區冷盤海鮮 – 龍蝦鉗﹗勁大隻，拆開啖啖肉，鮮甜多汁﹗其他翡翠螺、長蟹腳海蝦都好生鮮，特別係爆膏三點蟹，同埋啲蜆真係好大隻2.女生恩物佛跳牆 - 超足料夠火喉，係有花膠架﹗明知飲湯頂肚都忍唔住飲左2碗，好溫暖好幸福既感覺3.即叫即煎安格斯肉眼扒 - 幾成熟都得，最緊要任叫任食4.任食movenpick雪糕 – 有雲尼拿﹑朱古力同士多啤梨3隻味，又係回本位，作為雪糕是我必需品既小編，當然食哂3隻味啦，好滿足呀5.索索聲沙律菜 – 可能你會覺得

之前在網上看到My Day 既介紹，話呢度可以搞 wedding。上星期日就與女朋友去試下佢地既lunch..順便睇下餐廳環境。網上同Openrice的comment 都非常ok, 所以諗住應該唔錯。但上到去竟得我們一枱，沒有其他客人 (當時候係13:30)。可能呢度係主力dinner buffet and wedding banquet吧。當日也見到有2-3對 couples 約左上去睇場。而當日所有staff亦為了下午既一場wedding cocktail而張羅，而我們就在一邊用餐。雖然餐廳內環境都乾淨整潔，service 都ok。但當所有staff 都忙於準備wedding 既事+只有我們這一枱在用餐既感覺，是很不自然和奇怪的。食物方面，我地叫左2 個set lunch當中包括有前菜(3款), 湯, main course, 甜品 同飲品. 個人覺得食物質素非常一般，而且食材不夠新鮮。兩人消費接近$500。在尖沙咀呢個咁多選擇既地區，經過今次用餐經驗後， 我地應該不會再光顧了！

《平民價錢， 酒店級質素！》酒店的buffet一向都係600-700蚊公價，有啲甚至又貴又唔好食一間好味又抵食既buffet就好似漆黑中嘅螢火蟲一樣咁吸引呢間My day就係其中之一平時主打婚宴場地既My day原來係有搞buffet架場地已經夠浪漫又靚，新開張期間價錢都只係 $398 + 10% (Mon-Thur) (原價$498 + 10%) $498 + 10% (Fri-Sun) (原價$598 + 10%)4-12歲小童半價（優惠日期1月1日至3月31日，不包括農曆年初一至三及2月12日至14日）價錢唔離地之餘質素仲好好！根據非正式統計，自助餐要回本首當其衝就係要喪食海鮮！My day既自助餐每位加送半隻冰鎮新鮮波士頓龍蝦就岩哂啦龍蝦係朝早仲係游緊水夜晚就變左噴煙既冰鎮龍蝦正因為咁所以肉質非常結實，啖啖肉除左冰鎮新鮮波士頓龍蝦，佢地仲會加送招牌既My day 三重奏（黑松露燴鲍魚、海膽伴三文魚籽、香脆鵝肝伴果蓉) 個人最鐘意個鮑魚！稔身之餘仲黑松露真係好香鵝肝亦非常肥美，配合梨蓉酸酸地又幾夾同開胃回本推介又點止咁少！佢地仲有即叫即煮，任點任食美國安格斯肉眼扒我就叫左份6成熟

有一次在美麗華廣場六樓——My Day 參加朋友的西式婚宴。感覺環境很舒服，食物水準又不錯，於是問問經理原來沒有宴會時，她們都會開設自助晚餐。比較好奇的我一於和朋友去試試。海鮮bar除了有基本的海蝦，青口外,還有海螺,蟹腳龍蝦鉗,其中海螺和蟹腳味道非常鮮,很甜,不錯!我的自選拼盤而熱盤方面,選擇也非常多,其中牛油長腳蟹就別有一番風味,另外還有美國安格斯肉眼扒（即叫即煮、任點任食）及佛跳牆。壽司,刺身選擇亦不少,油甘魚非常肥美,讚!除了以上食物外,每位亦加送半隻冰鎮新鮮波士頓龍蝦，My Day三重奏一份（黑松露燴鲍魚、海膽伴三文魚籽、香脆鵝肝伴果蓉),份量十足,很新鮮。甜品方面亦非常出色,最重要是有我最喜歡的Mövenpick雪糕。總結:價錢在尖沙咀這個地區來算是比較便宜,食物款式很多,水準亦算高,滿意!