NeNe Chicken (東港城) (已結業)

午巿時間叫了「雙重滋味炸雞」，是芝士味和韓式甜辣味😋，選的是有骨的雞件。端上來是熱辣辣和香脆嫩滑的，沒有油膩之感，韓式炸雞來說有90分👍🏼！下次再試埋其他味道，希望再給更高分。另外亦叫了魚餅湯，雖然味道略鹹，但都全部光盤😋，事後告訴店員，都得到良好回應，很認真處理，讚👍🏼！想食炸雞必會到些店❣️

一心諗住嚟食返個美味炸雞，諗住堂食更熱辣辣更正，所以就嚟堂食，點知碟雞嚟到煙都無，咬落去無咩温度，好似炸完放左好耐咁於是我同侍應講個雞唔熱，佢就話廿拎左去廚房翻熱，嘩，炸雞翻熱我真唔知佢點做，幾分鐘後，佢拎返嚟但雞依舊唔熱我就再向經理反映，你地主打食炸雞，唔係白切雞，無理由俾唔熱炸雞顧客，但經理也只是淡淡然話會同廚房反映，唔換返碟熱既俾我唉，下次去食KXX好過，最少都係熱既先,邊有諗過平均每人200幾蚊去食唔熱既雞

環境裝修好靚，卡位好似獨立屋仔咁，打卡一流午餐居然有優惠，叫三個餐再送多一個餐，所以我地三個人食左四個餐前菜一坐低就上枱，本身以為係酸嘅，點知乜味都冇，只係有啲麻油香。。。七色炸雞 $88原味，蛋黃醬，蔥油芥末，辣醬，酸甜醬，醬油，同埋一款唔記得😅好食，全部都好脆又夠味，不過沙律菜同粟米粒就有啲多餘牛肉石頭拌飯 $68夠熱，不過冇乜飯焦，醬只有韓式辣醬，冇左醬油，另外冇提供生雞蛋，冇乜特色芝士年糕伴拉麵 $68味道夠，年糕唔多，不過仲有魚糕同腸，仲有隻烚蛋，配料充足海鮮豆腐鍋 $68呢個一般，湯底冇味，海鮮唔係新鮮貨，豆腐湯，當佢湯飲都唔知自己飲緊乜午餐三送一所以係好抵食，而且有韓式，有西式，西式係Pizza，Pasta同Burger，可以一試

第一次寫食評，誘因係因為服務同食物都太差。先講食物，牛肉蛋包飯，牛肉得三四舊，蛋煮到個邊燶哂。仲要唔係熱辣辣上枱，只係微暖。蒜醬炸雞，啲雞係熱嘅，但就乜味都無，莫講話蒜味，喊味，甜味都無。還有，隔離枱有三個媽媽帶住四個幼稚園仔女去食晏，我哋一齊入座，我地食完，佢哋啲小朋友都未有嘢食，足足等左一個鐘都無嘢食，但其他枱嘅食物係有出到的。嗰三位媽媽發難我都理解，小朋友等左1個鐘15分鐘個兒童餐先出，我都嬲爆

突然想食炸雞，外賣apps得番呢間叫到，咁就試下呢間啦，平時麵淨係食佢d lunch set， 炸雞就第一次試。我地叫左三隻味既炸雞蒜香醬油炸雞（$170）：呢隻味係三個炸雞入面最好食既，佢汁咸咸甜甜，唔會太濃太膩，佢甜甜既味道反而令個炸雞食落冇咁油，呢隻味強推👍。清陽辣椒白郡主炸雞（$175）：本身個朋友食過白郡主炸雞，但呢間冇，見到有個類似就叫，係好食嘅但真係好辣啊🔥，食唔到辣就唔好揀呢個。韓式甜辣炸雞（$160）：傳統嘅味道一定會叫泥食。就係平時甜辣炸雞嘅味道冇咩特別，不過不失，但比起其他果兩隻味道，就會失色好多。

之前點過一次外賣呀媽話好味於是經常性點外賣食揀雙重滋味炸雞 韓式甜辣炸雞同初雪味炸雞個人覺得有骨比較好食😂😂😂大大份 可以一邊追劇一邊食人生享受 哈哈再配一個汽水Perfect不過有個缺點就係叫外賣真係好耐先送到

ғᴏᴏᴅɪᴇ ᴛɪᴍᴇ 今次就食咗Nene chicken全部雞都係外脆內嫩🤩仲有得揀有骨定無骨🦴我就揀咗有骨，感覺上部位比較好🤤炸雞都係外脆內嫩🥳又唔會有太重油味！招牌炸雞🍗即係原味炸雞，炸粉唔會太厚，咬落去都幾有肉汁😆佢仲有honey mustard跟埋ʕ •ᴥ•ʔ甜辣炸雞🍗正常韓式甜辣醬味，好味🥰醬嘅份量都幾多，不過都食得出個炸雞好脆

平時都好少寫食評，今日餐廳忙中有錯，所以就反映下，知道今日母親節，一定好多人出街食飯/叫外賣，所以5點幾就喺OpenRice 叫左外賣自取，設定18:45取餐，餐廳十分準時18:45就有得取餐，取餐時見到餐廳外果然十分多人等外賣，好彩一早喺OpenRice order左，如果唔係一定有排等。不過返到屋企發現叫左「無骨」雞，但餐廳俾左有骨，而蒜香醬油炸雞變左甜辣炸雞，明白今日餐廳有好多order, 所以會有出錯，不過家中長輩表示無骨雞好食啲，所以喺度表達一下意見。

等了五分鐘又五分鐘的蛋包飯，足足用了53分鐘先到，其他食物也用了超過四十分鐘。當所有食物都還未來的時候，詢問其中一位員工，當枱面上任何食物也沒有，那位員工竟反問我爭啲乜嘢？我亦聽到員工之間的五分鐘又五分鐘催促的爭執。相信隔離枱的食物送錯了到另一枱，竟然冇人跟進相信，那位客人氣憤之下等了很久，然後直接離開店舖，以乎員工也不太care。相信這間店鋪的管理出現的問題不是一時三刻，除了那位男員工外，其他員工基本上冇心對客人，下次也不會再光顧了，反正他們也不再乎。

七點叫嘢食八點都未黎d炸雞 😓😓😓不停做外賣 完全唔理堂食d客🥲態度都好差個花手臂條女同佢講可唔可以幫忙追下d嘢食 完全當你透明🤬🤬🤬d韓式炸雞甜到嘔🤢🤢🤢唔會有下次

在人在四月四日上午十一點經 Openrice 訂了份兩味炸雞$188元，定了時間晚上七點自取，當天晚上下了一埸小雨，等到七點十分才有得取，份炸雞用大紙盒乘著，因為外面下雨，我問前台手臂紋身的小姐可否给我用膠袋包住份雞，她語氣不好地回答要收一蚊，她說要買兩盒才有免費膠袋，我要求見店長，點知個位姓何店長態度重差，他說這是公司規定，跟住佢比張公司卡片我，佢話如果不滿意可以打電話去公司投訴，一蚊事小，但咁差服務態度令我以后都不會幫襯這家位於將軍澳東港城的分店

好耐冇食過餐飯係咁嬲，真係貼錢買難受😃小編係OpenRice睇到唔同分店都有好多關於店員”服務差”嘅comment，希望餐廳可以正視呢個問題，否則只會倒自己米🙂由係餐廳岀面睇餐牌，店員嘅語氣已經係極差，好似唔想做你生意咁😉到坐低，店員擺碟，係大聲到成間鋪都聽到，好似唔憤做咁👍🏻而唔只係一個員工係咁，係個個都係咁😦服務態度係客人用餐體驗最basic嘅要求，咁都做唔到，憑咩人地會幫襯你? 其實服務想俾零分，因為由始至終都係冇接受過一刻正常嘅服務態度🙂.🍗韓式泡菜部隊鍋以為係湯麵點知係飯😂應該係小編見識少，以為部隊鍋一定係食麵🥱個湯係幾多料幾好食嘅，不過送飯就覺得怪怪地🥲.🍗避風塘炸雞店員冇問要冇骨定有骨，小編又唔記得咗講，所以大家記得主動講呀😞其實每次食nene chicken都係為咗佢嘅炸雞，其他野食真係麻麻地😂炸得香脆雞肉嫩滑之餘，最鍾意係有好多味道選擇😋不過服務差到咁，真係寧願俾貴少少食red chicken，又好食過佢多多聲🤣.🍽味道: 2.7/5 🏙環境: 3/5‍👨🏼‍🍳服務: 1/5💧衛生: 3/5💰價錢: 2/5

好鬼想去韓國丫😭😭究竟幾時有得飛？！. 是日頂唔住頸去咗NeNe止止癮😜. 🤣🤣叫咗個嘥鬼氣嘅…네네 어린이 세트 NeNe歡樂兒童餐 $63蕃茄意粉 Tomato spaghetti煎蛋 Fried egg炸魷魚 Fried squid漢堡扒 Hamburger steak炸薯條 Fries. 亦都有好味嘅…반반치킨 雙重滋味炸雞 (有骨炸雞$168)韓式甜辣炸雞 Spicy & sweet fried chicken初雪炸雞 Cheese snowing fried chicken. 펩시 百事可樂 $20(係唔抵…但食炸雞必需要有可樂）

第一次食咁難食既炸雞點解啲雞可以一啲味都無 得個樣似炸雞係唔記得落鹽定點 啖啖都好似食緊白飯咁求其買個kfc都好食過佢本身重好大期望咁多人食一定好食啦點知咁難食 以後唔會再幫襯

今日同朋友食飯 因為佢想食炸雞 就嚟咗呢間韓式炸雞店咁我哋落order之後呢啲嘢食就好快送到 ～5分鐘左右啦 咁佢擺到上嚟 咁我哋就嚇親啦 因為未試過咁快就到 開始食就發覺啲雞係好乾 真係乾到好似食緊減肥餐嘅雞胸咁 然後我哋就問佢攞多啲汁你點雞食 即使係咁最後都係食唔晒 咁我哋就諗 佢啲雞應該係炸好咗 等你落單再返炸 所以咁快而且咁乾🤢 個飯味道就唔錯不過偏貴 用呢個價錢其實可以食到咁高質素嘅炸雞 所以應該唔會再食第二次 或者係我哋唔好彩 咁啱嗰日食物質素唔好