Neway Karaoke Box

营业中

休息中

約左幾個朋友去唱下k lunch學生75 起， 睇下你叫咩餐食。成人84 起， 同學生啲餐一樣。再加一杯野飲。啲k房有啲煙味，都預左。可能因為係星期日既原因， 好多工人姐姐。唔知係咪隔音問題，定佢地較太大聲？ 我地未開始唱已經好嘈。飲品好快到， 叫完5分鐘内送到房。同中學個時一樣， 都有得叫扒， 雞 牛 豬 魚 再㨂 飯 意粉同薯菜， 仲有得揀埋汁。啲扒送到黎仲熱， 薯條有啲淋， 茶餐廳水準。唔會太大期望。再加多條白菜唱k 好在係切蛋糕免切餅費， 仲要唔洗同啲唔識既人一齊慶祝生日。

上一次小人唱K，經已是遠古洪荒時代的事，假日無聊之際，友人竟突然忽發奇想，拉了小人去吃K lunch。老實說，吃K lunch本非小人所好，皆因唱得歌來飯餸會凍，總覺得是很麻煩的一件事；但既然一場來到，便看看有甚麼好食。萬料不到的是午餐的選擇未算太少，而且不算行貨，似乎頗為認真。牛扒餐除了牛扒之外，跟餐還有沙律、餐湯、薯條和肉汁，挺齊全的。牛扒不會要求過高，沒雪味不靭的已可收貨，而且調味準繩，不會過鹹過淡，無需加鹽加醋。鰻魚飯的鰻魚大塊得要摺在飯盒裡，鰻魚燒得香口，火候恰如其分，不會過燶，魚肉還是油潤豐美的。鰻魚汁豐濃甜美，少少汁已可佐一大口的飯。食物整體有水準，原來K lunch不止沒有退步，反之越見出色。不唱K的朋友都可以只吃不唱，也是一頓不錯的午餐。

23-10-2017(Mon)同老公放假,為佢同女友人DC預祝生日唱K,等DC晏晝放工後過o黎旺角唱,我o地o黎到攞o左房settle晒啲o野後就叫tea當lunch 喇,見到下午茶餐由$22.00起,三份就$60.00,五份就$100.00.我o地就叫3份,我同DC都要叉燒湯瀨粉,我老公就要西多士,順便都叫一杯o野飲先,叫o左一杯熱奶茶,兩杯熱檸蜜.冇耐,所有o野都到齊,開餐lu.叫得下午茶,份量梗係唔多,叉燒係全瘦,口感鬆唔乾; 瀨粉爽滑,個湯都幾夠味,唔錯.而熱檸蜜就甜o左啲.味道: 4分老公o既西多士呢?炸得靚,我黐o左1/9件食,內裡正常地有花生醬,但多士都幾腍.味道: 2.5分我o地一直唱到夜晚甚至通宵,經過4:40pm叫第二轉o野飲同拎蛋糕俾我o地要等好耐o既經驗後,老公因為開始有啲餓.我就叫佢叫o左o野食先,唔好等我同DC,佢就揀o左$58.00o既西班牙海鮮炒飯,而我都叫杯fruit punch,10分鐘後,個飯就到o黎喇,見到顏色都幾靚同飯粒分明,材料有蝦仁,老公分成三碟,但DC唔食,因為佢話咁樣分兩次食會更餓,咁就由我同老公食晒,不過我都只係食1/3,因為我唔係好

今日(22-9-2017 Fri)同老公請假出旺角整手機,擺低後由於時間好早,旺角o既舖頭都未開晒,冇街行,於是走o黎唱晏晝K,$79.00唱三個鐘兼包lunch同一杯冇酒精飲品,我同老公揀o左日式鮪魚定食同炭燒雞扒石頭鍋飯,飲凍檸水.老公o既日式鮪魚定食先到,之後係我o既炭燒雞扒石頭鍋飯到o黎,睇到日式鮪魚定食o既飯唔多,我o地先食呢個,因怕佢凍o左,啲魚會鯹,白飯乾,味付螺肉唔辣,鮪魚唔鯹同煎得幾香,而且有兩舊大大舊o既.而燒雞扒石頭鍋飯呢,仍然好熱,食o左好耐都重係,呢個飯唔事,而有啲飯焦,雞扒口感適中,甜甜地o既燒汁味道唔錯.味道: 3.5分

離開讀書時代，就同唱k割席咁滯，今日難得有空，就嚟唱番兩咀，今時今日唱k lunch，收費都算係咁，約$80/人，仲包埋一份午餐，視乎食乜嘢。另外大堂有少量沙律菜、中湯及蛋糕，但要夠搶先得😏邊唱邊食，我㨂咗日式吉烈豬排飯，賣相唔錯，而且大大份，豬排幾鬆，好味、但炸油份略嫌過多同少少乾，食一啖就滿咀油，但好香口。因為好肚餓、又掛住唱，食完先醒起未影相😅我地book嘅房有私家toilet，正呀！

約左fd 去k lunch，然後叫左個刺身定食。呢個刺身定食真係有d surprise，我最初以為係魚生飯個種。anyway，睇落個賣相都幾好，好似好多野食咁。最後食落發現個飯硬身左d，不過佢都比左幾多我，知我大食丫嘛 xdd。d 刺身食落硬身左d，同埋好凍。不過都有幾樣刺身，有蟹柳，玉子，八爪魚。仲有八爪魚salad，呢個最好食，個醬同d 八爪魚仔mix 埋簡直perfect！d 菜本身冇太多味，不過加左甜豉油之後個味道好好食，甜甜地唔會太淡口咁。整個定食不過不失，k lunch 食既野都係咁，可以接受喇。

真係好耐冇唱過k, 以前大學時代幾乎個個星期都唱一次, 仲要係唱夜晚, 連續10個鐘又唱又食又飲, 真係好瘋狂, 而家算係黎懷緬一下, 不過就唔食buffet, 因為晏晝冇得食個豬柳意雖然煮得幾耐, 但味道都算唔錯, 本身豬柳都幾彈牙, 亦好稔好易咬, 上面一大堆既係茄醬, 不過相當甜, 加上少少提子乾, 其實好小朋友feel, 但豬柳個面焦焦地, 加上意粉都唔會太粗太怎, 又的而且確令人佩服, 60幾蚊都整得咁好食同樣超級惹味既娃娃菜, 食完想再食, 蒜粒好稔入口即溶, 非常正

今晚... 我純粹只是來食Buffet同聽演唱會的... 唱K? 無我份... 啩... 我已經計唔到自己有幾多年無踏足過卡拉ok, 今晚大家異口同聲話好似Back To School~樓下水牌又11樓又12樓, 去錯11樓, 好迷失... 原來12樓先有Buffet吧~1個價錢, 可由6pm唱到5am, 包K-Buffet及2杯飲品... 都幾抵玩嘅...今次係我人生第2次食K-Buffet, n年前果陣, 啱啱先開始有K-Buffet, 果時西式食物多d, 而家就中式食物多d, 同埋今晚的食物都幾多元化... 好唔好食係另外一回事... 去卡拉ok你只會見到人搶咪唔放, 今晚情況係推咪, 個個掛住出去拎o野食, 試過有歌無人唱, 笑鬼死...我只影了小部份食物, salad同炒粉麵同自助魚蛋粉果d我無食所以無相...出面又鮑魚仔又扇貝又開邊蝦(好似仲有蟶子), 都幾落本, 雖然每次只係出一盤, 1個人只可以拎1隻, 都算係咁啦... (That's why有K無人唱, 遲咗出去殼都無得你望)燒菠蘿甜甜地幾Juicy, 食完又食... 燒雞翼少少鹹, 已算係水準較正常之作... 中藥

25-11-2013 (Mon)放假,同女友人DC,男友人LKH同佢太太一齊o黎唱K,LKH話呢o度係唱12:00pm-4:00pm.每位$55.00包一個lunch同一杯冇酒精飲品.我o地個個都唔係好早o黎到,大約12:50pm,職員話要叫o野食,只有DC未到,但我都問o左佢order定先,我要台式三杯雞,飲熱西洋菜蜜.其他o既分要吉列生蠔石頭鍋飯,同寶雲酥香雞扒配黑椒汁意粉,飲熱鮮奶,熱好立克同凍檸蜜.冇耐,所有o野都到齊,分派好後就開餐喇.見到我o既台式三杯雞有好多辣椒(好驚),食吓先,唔辣,好可能佢冇將啲雞加落辣椒o度同炒.雞件都炒得幾香口,亦惹味.而杯熱西洋菜蜜呢,好甜,同一經歷原來舊年o係瓊華中心都有過(o個個食評: http://www.openrice.com/restaurant/commentdetail.htm?commentid=2272256&con=rvw).環境:我o地四個人,俾o左間幾大o既房我o地.

好耐冇唱k lunch，星期日都咁抵嘅$59有個餐同一杯無酒精成份飲品（不夠可加每杯$10，特式飲品除外）飲品轉特飲+$2兩個人唱，預早左兩日一朝早打去落booking，讚一讚接待員Kiro小姐。原本想12點先去，但點知人數小唱唔耐就建議我地可以約早點可以唱耐d，最後一開舖10點就上左去了。老實講就算預約早左都好都真係唔夠喉，鬼叫我地人小咩。我地最後都係加埋happy hour$89包兩杯飲品。小食每款$10，都幾抵啦。又可以唱到下午6點，哈哈～食物方面質數要求唔會太高，始終唔係專業的。最好食係k lunch的小食，芝麻八爪魚$6；味付螺肉$4，諗住咁平好細碟，點知出奇地料都好多。可惜新手寫食評只可以上傳8張相，唔係就標埋特飲俾大家睇。

旺角創興 Neway 的接待處位於12/F, 我去過旺角創興 Neway 唱K 2次, 一次是慶祝我的生日, 最近那次是跟那位在S.6 令我首次唱K 的女孩唱K, 真是滿心歡喜的! 10/6/2013個飯算夠熱, 但焗得有些少過火, 芝士汁好香濃, 仲有一大塊芝士在個飯的面, 好有新鮮感, 食落好開胃, 個汁亦足夠, 但個海魚, 亦即龍脷柳, 好咸兼有部分是好鞋, 整體來說, 味道還可以的21/6/2013焗得過了火, 白汁的面有好多黑色一點點, 但d 汁就非常多, 我個friend 食的, 他是整個飯食清的, 味道一定不錯了!個蒜蓉汁好深色, 一睇就知是真材實料, 是廚師花了不少時間整的, 賣相不錯, 不會好似荃灣分店放一球蒜蓉在d 無味的汁上面就當是蒜蓉汁俾客食 ......有d 紅蘿蔔作為蔬菜, 夠健康!一食落去, 蒜蓉汁個味超重, d 豬扒亦沒有太咸, 但個飯拎到來只是暖和, 豬扒也太厚兼不太夠冧, 炭燒得亦不夠平均,整體都算不錯的!我同那位女孩都是吃這個餐的 10/6 那次間K房好大的, 仲有獨立洗手間;21/6 間K房較細, 4個人有些少迫Service 算ok 的, 21

星期六k lunch，早一日致電book了2位 13:00電話裡CS稱可唱2.5小時，再向CS查詢2.5小時即多少點需交房(應為15:30)CS想了一會便回答最盡也是到15:00於Neway網頁內，內容列出"早一天訂位 (2位或以上)可由10:00唱到15:00"那反正15:00一定要交房，所以便沒有再追問了當日取房時，CS竟稱只可唱1.5小時便要交房向他們提出昨天於電話裡是可唱2.5小時，最盡到15:00時便回答一句"2位不做此優惠"再追問下便回答"Neway 保留最終權利"那為何不在我訂位時便告訴我2位只有1.5小時？為何於此blog列出2位或以上便有優惠？又為何告訴可唱2.5小時及最盡到15:00？訂位時一套，到達時又另一套，這算什麼服務？一句"Neway 保留最終權利"是否便可胡亂作出優惠後又收回？接听電話訂位以及帶位兩人均態度惡劣全香港那麼多間Neway，這間可算是我去過最差的！

上星期同朋友去唱k. 由happy hr 3:00 加埋k buffet唱到9:00 由於喉嚨有點兒唔舒服, 點了一杯熱檸樂加薑.第一次見neway 有哩款飲品. 味道都唔錯. 薑味若更強就好了.這間neway happy hr 送埋茶餐. 還以為份量好少, 估唔到都幾多椒鹽雞翼有4隻, 味道唔錯, 有少少南乳味. 炸得好香脆章魚丸都有6粒, 但太多粉漿, 基本上成舊都係, 不好吃曲薯條好味, 又脆又唔油k buffet 都幾多野食先介紹一個芝士焗薯皮. 雖然薯皮焗得不夠脆, 不過芝士同忌廉味都好突出. 好match三文魚普通貨色. 師父砌得太慢了. 壽司d 飯一夾就散, 令人想起明將.炸蟹鉗比超市買的更差. 內裡的粉漿不夠結杰, 好似d 肉霉霉地咁果撻唔好食, 個撻唔夠實淨.糯米滋內裡係花生醬咸, 有d 糖粒. 味道唔錯, 糯米都夠煙韌cheese cake 都夠芝士味既. 不過上面o個d 漿真係唔知咩黎.d 蜆幾大隻, 不過有d 臭味螺幾好味, 要用手食, 都幾難mung出黎. 焗酥皮湯個酥皮唔錯. 同意_屋o個d 差唔多咁大碗仲有珍珠奶茶拎. 普通貨色, d 奶茶幾好味. 但似港

事隔一個月又黎到呢度唱k，上一篇食評都仲係我，不過唔知點解隔左一個月黎d野食可以難食左咁多，好似係兩回事咁。上次都擺得入口，今次個d係見到個樣都唔太想食。同上次一樣，我地唱完lunch再加埋happy hour，大概 6 個鐘到啦。先講佢d服務真係差到爆，有名男士唔知係咪負責serve我地間房架呢，入親黎都黑口黑面野都唔講句，d野都未食哂但就經常入黎收，跟住試過一兩次明明話搵人黎解決我地既問題都無左回事，真係激死人。野食就更加唔駛講，真係非常之難食。lunch叫左個雞翼餃子定食，嘩，d飯難食到呢，有陣味架，都唔知係咩味，我食左兩啖已經無食，跟住個餃子雞翼係凍冰冰的，幾乎無咩味，所以唔好食。之後下午茶仲好笑，叫美式熱狗.... 唔知點解黎左個魚柳包，真係O左咀 =O=，但睇搵其他SET都無包既物體，所以估佢應該無黎錯，我都廢事煩，多一事不如少一事。中間塊魚柳炸到好硬同一D汁都無，我又係食左一半就無食。另外個FRIEND叫左個生牛肉湯河，碗野黎到已經無哂湯，好似擺左好耐咁，而且見到好多油... 真係好得人驚呀!!! ><明明我上次黎都唔係咁架，點解好似唔同哂既? 下次唔黎呢

今日兩個人放假太無聊黎左唱k呀!!! 大概 12:30 黎到，佢話兩個人只能唱兩個鐘，如果無人就可以繼續唱....都算幾平架啦學生 $39 唱 2 個鐘包個lunch仲要有 2 杯野飲，我飲到成肚水!!!佢lunch無咩揀，我地兩個人，一個要左雞扒定食，我就要左叉燒拉麵~~~個叉燒拉麵食第一啖都幾好，因為幾夠味，但因為食食下又要唱下歌，所以d麵吸哂d湯...變得好淋同漲...好難食>< 我睇住佢d湯變得越來越少......不過個D叉燒反而OK，唔會太UN，同埋都有肉味，叫做唔太差唱完兩個鐘，因為我地又無野做，夜晚下場又未夠鐘，所以我地決定繼續唱落去!!! 哈哈!今次可以唱到 6:30，大概4個鐘到，又有 2 杯野飲同個茶餐，所以我地係不停唱歌，食野同飲野!! XD我地叫左個西多士同埋蔗蝦.....兩個都OK呀!不過個西多士就好鬼多油....但食落去幾正，因為好香花生醬味，但真係油膩左少少。蔗蝦正常無咩特別!!!我覺得呢個收費又可以唱歌，又食野又飲野都算幾抵，D野食唔算真係太差，所以都幾好呀!!!