Neway Karaoke Box

营业中

休息中

今日唱lunch k食香草汁龍利柳薯菜個香草汁其實唔係香草汁 冇味既龍利柳唔太好食...薯菜個汁我唔知係咩汁 不過好好食!!我個fd食豬扒+牛扒 佢都話唔錯~不過唯一唔好就係佢計錯我地錢明明39佢出單出49-0-都唔知點解= =

為食日子: 12月4日~ 下午3時半為食人數: 2隻為食價目: $98為食餐單: 每位49蚊2杯飲品, 另tea set 15蚊個因為學生証可以每位送一個tea set同人頭費9折tea set叫左: 日式咖哩豬扒飯鰻魚炒飯半年前黎過, 都係星期二黎既, 今次黎原來冇左tea既自助餐, 未食野, 所以叫飽肚既野食, 初初咖哩豬扒飯黎到嚇一跳, 因為我以為睇錯, 佢既日式咖哩係黃色, 好似黃芥辣咁色, 不過食落的確係日式咖哩, 味道ok, 鰻魚炒飯賣相不俗, 但飯比較硬.職員好nice, 好helpful, 雖然一直冇人入黎收碟, 不過其實都冇咩野收, 唔入黎阻住仲好! 入座前,職員仲問我地坐的士去有冇拎單cam錢, 最多cam 15蚊, 可惜唔記得拎單!唱k方面, 我地3時半入座話就話到5點半, 但係5點半佢入黎last call都冇話叫人走, 去到6點半我地先call埋單, 相信其實仲可以再唱~!

去果日係7月3日星期二黎既, 咁我地去到果時2點左右, 佢話happy hour 要等2黠45分果批房, 我地就周圍行下啦, 到2點45分返去, 等左一陣就有房, 59蚊+10 buffert 咁學生証有返人頭費既9折, 一人60蚊左右啦, 佢果時d buffert 就冇dinner 咁多野食,同埋未有壽司果d食, 不過有個經理係度"註守",仲好好人, 幫我拎碟, 唱左幾個鐘都冇人入過黎收野lor, 就算叫左野飲, 佢比左杯野都冇話見到有野收, 收左or 叫人收lor...本來話只可以唱2hour, 如果冇人等,就唱到8點既, 點知佢7點就要埋單, 埋左單就即cut歌, 出返去, 其實冇人等緊...呢樣奇怪d....雖然冇人收野,不過叫人黎都有人理下, 唔會好似去新世紀red box 咁差, 叫左人收野都冇人都冇人收...

我都係唱過三次姐,第一次同第二次都還算ok呀,d 野幾好味!但係第三次態度極差,我眼見d人一去到就入得去,但係我地就要企係度等左三個鐘,分明蝦細路女啦~~好離譜囉!真係無野好講......

嗰日我哋喺平日嘅時段去呢間唱lunch k，其中一個friend要遲d嚟，佢有d coupon，於是我哋入去先，同問吓receptionist可唔可以喺呢個時段用d coupon，點知我未講完，佢就駁我咀!冇得用咪算囉!使唔使咁呀!個receptionist冇禮貌都算，點知d waiter仲離譜!!!我哋唱緊歌時，有個waiter冇端端入嚟講咗d嘢就走，雖然嗰時好嘈，聽唔清楚佢講乜，但係大概聽到叫我哋走!望吓隻錶，嗰時一點九，又話可以唱到三點，有冇搞錯呀!於是，我個friend搵佢理論，嗰個waiter態度好差，之後俾我個friend話到佢冇聲出，佢先至勁勉強咁俾我哋唱多半個鐘!跟住繼續唱，點知唱唱吓部電視壞咗!於是拿拿臨搵人嚟整番佢。都唔知係咪d人特登!呢間嘢簡直不知所謂!!!d服務令人極之不滿，仲趕客走!俾埋錢佢仲要受氣!咁嘅服務邊度值1分呀？如果有0分，我一定俾!以後絕對唔會再去呢間!!!