NO.2 Cafe & Restaurant

营业中

休息中

Order左latte同mocha ，all day breakfast同salad，all day breakfast 送錯單(送咗去隔離），沙律要等超過半小時，latte等左45分鐘，mocha等左1小時還未到… 食物咖啡質素不予置評…只可以用「失望」來形容，最後等不到mocha要取消，到埋單的時候仍然收那杯咖啡的金錢…. 又送另一杯latte黎（其實係隔離枱）….. 一肚氣…..一間不錯地方的café，可惜….

齋睇舖頭裝修仲以為係某名牌香水做pop up store宣傳😅 細問先知其實2號係取其老闆姓氏諧音(好彩老闆唔係姓伍…)咖啡店裝修簡約 座位唔多有十數個 全部都係半open area 好天去時非常舒服食物方面 主要為輕食,咖啡,茶為主 今日就order咗個松露蛋多士, smoked salmon egg Benedict, 一杯latte同一杯hot tea; 其中truffle egg toast尤其吸引, 甫上枱松露香氣噗入鼻中 食慾大增另外再點咗一客yogurt bowl, 賣相精緻 味道亦唔錯 加上少量糖漿 好快就食晒😋

朋友介紹下去咗試呢間cafe，聚所周知，大坑係美食天堂, 今次試咗呢間cafe......佢都唔例外!!嗌咗芝麻雞翼，炸雞軟骨，魔鬼•天使鴛鴦意粉，肉醬意粉，黑松露薯條，心太軟。芝麻雞翼真係首推！炸得好脆好好味！！炸雞軟骨都好食，不過略嫌份量少咗啲！唔夠喉魔鬼•天使鴛鴦意粉聽聞係signature, 係堅好味嘅，而且有帶子有蟹肉，俾足料～肉醬意粉就普普通通正正常常啦～黑松露薯條好新鮮，上檯仲係辣口，不過個黑松露醬唔夠點呀！！！咖啡我飲凍Mocha, 都唔錯，自動少甜，啱晒健康new trend唯一美中不足係無cake 食…… 不過老細話就快推出！！ 希望下次去就有得食啦

環境：舒適、CHILL、簡單。室內環境及洗手間都乾淨（好緊要）食物：今日食左一份雞翼，兩份意粉，兩杯咖啡，都有水準有心機，所有食物即叫即做。服務態度：好，無野講加分：碟、杯、都有自己既✌🏽LOGO顏色配搭舒適

作為一隻夜鬼，我好明白咩叫做見光死既道理，日光日白明明隊左幾杯齋啡，都無乜感覺，做野都係提唔起勁，同活屍無乜分別，但一入黑我就龍精虎猛，彷彿沉睡的巨獸終於要甦醒，I'll be on my grind 。👇📌P A S T A -▪️ No.2 Signature Devils · Angel Spaghetti - $238 ▫️ 第一個必食呢個「No.2招牌天使·惡魔意粉」，概念好似港式鴛鴦飯咁，一紅一白，紅果邊係用意大利香草蕃茄醬做底，面頭加左帶子，食落濃味得黎帶少蕃茄香，幾balance，另一邊白底係用墨魚汁既意粉，面頭再配搭白醬同埋蟹肉，雙重口感；老闆娘建議先每邊試一試先，再撈埋一齊食，咁樣的確口感層次更加豐富，呢個好食。📌S A N D W I C H - ▪️ No.2 Signature Sandwich · Whole Avocado · Slow-Cooked Chicken Breast - $128 ▫️ 另一款夜晚都食得到既「No.2招牌三文治·牛油果·慢煮雞胸」，雞胸質感完全唔乾身，肉質嫩滑軟腍，仲幾有咬口；加上面頭既牛油果用左原隻咁多，份量係絕對係十足，仲非常新鮮

📌NO.2 Cafe & Restaurant～大坑前牌專程去到大坑新開嘅咖啡店🎉睇門面真係好似Chanel No.5 嘅感覺😂都係黑白色為主 裝修型格一共有兩層 上層坐得都幾舒服😗下層得三張枱加廚房 但可以望住街景嗰時餐牌未有好多選擇 主要都係意粉、三文治、沙律同湯👌🏻店員非常有禮貌 很耐心介紹餐牌Happy hour亦有提供酒精飲品～🔸𝗕𝗼𝗹𝗼𝗴𝗻𝗲𝘀𝗲 𝗣𝗲𝗻𝗻𝗲 𝗣𝗮𝘀𝘁𝗮 $138 (7/10)其實就係肉醬意粉 味道濃郁🍝灑上咗芝士 上面仲有流心蛋味道係唔錯嘅 唯價格偏高🫢🔸𝗖𝗿𝗲𝗮𝗺𝘆 𝗕𝘂𝘁𝘁𝗲𝗿𝗻𝘂𝘁 𝗦𝗾𝘂𝗮𝘀𝗵 𝗦𝗼𝘂𝗽 $78 (7.5/10)南瓜湯都好唔錯 凍凍地飲碗湯唔錯🥶南瓜味濃 仲好creamy而且有南瓜粒喺入邊 幾有口感🎃🔸𝗖𝗮𝗳𝗲 𝗘𝗮𝗿𝗹 𝗚𝗿𝗲𝘆 $48 (7.5/10)賣相很可愛 伯爵茶味淡淡地同咖啡好夾口感順滑 值得一試～🔸𝗦𝗵𝗮𝗸𝗲𝗿𝗮𝘁𝗼 $48 (7/10)賣相一流 而且幾特別☕️係手搖咖啡 味道微酸 💡整體嚟講 食物飲品都唔錯嘅價格偏高 但好適合過嚟打吓卡chill吓 二樓坐得比較舒服 經過可以嚟試吓✄------------------