No Money So Lonely

营业中

休息中

今日係旺角行街見到呢間餐廳個名勁搞笑，叫no money so lonely，又講得幾啱，所以就去試下☺️☺️本Menu都好搞笑架，真係玩味十足😜😜🩵主食：人人都嗌的啖啖蟹肉擔擔飯$158食落好大陣花生味，覺得花生味太濃，掩蓋住蟹肉味，上面仲有好多蟹籽，撈埋一齊食都幾好，但我覺得食耐左有d咸🙃🩵飲品：士多啤梨玄米奶昔$58士多啤梨同玄米睇落超吾夾，但擺埋一齊飲落個感覺又吾差，香香甜甜既士多啤梨，飲落又有玄米茶既茶香味，成杯飲品酸酸甜甜，而且成杯都係淺粉紅色，好靚🥰

幾個女仔好耐無見，約左係旺角搵間靚靚餐廳食飯，最後揀左呢間。貪佢有得食泰菜個環境又好似幾唔錯咁。一入到去就見到好多打卡位，睇得出餐廳花左好多心機裝飾唔同角落同埋啲細節位。同朋友叫左幾份一齊share，首先黎左份小食併盤，炸得都幾香口，唔錯黃咖喱蟹肉Pizza呢個組合都係第一次見，加上係我鍾意食既脆批都幾特別冬陰功海鮮意大利飯呢個就普普通通，不過不失啦。士多啤梨玄米奶昔唔講味道，飲品要等好耐先上。唔知係咪人手唔夠，飲品就等左好耐，我同朋友係一杯一杯咁上，朋友飲完一杯，第二個朋友果杯先上。

這家餐廳的室內裝飾確實獨具特色，每一处細節都透露著精緻與創意。加上多個獨特的打卡位，簡直是拍照留念的絕佳選擇。這裡不僅適合家庭聚餐，享受溫馨的用餐氛圍，還能與朋友們歡聚一堂，共度美好時光。雖然食物款式不算多，但每一道菜都精心烹製，味道獨特而美味。那些特色菜品的味道總是讓人回味無窮，仿佛能夠在口中持續散發出令人陶醉的香氣。下次有機會，我一定會再來這家餐廳，親自品嚐那些令人難忘的美食。我相信，這將會是一次令人愉快的用餐體驗，期待著與這家餐廳再次相遇。

一向都鍾意食士多啤梨,所以就決定試吓呢款奶昔  一打開蓋,就見到杯面堆滿咗新鮮嘅士多啤梨,真係好吸引  我迫不及待咁飲咗啖,嘩！真係好正！士多啤梨嘅酸甜味同玄米奶嘅香滑味完美融合,再加上冰涼嘅口感,真係好消暑  士多啤梨嘅味道好清新,酸甜度適中,唔會太甜  玄米奶嘅味道好香滑,而且帶有少少嘅米香味  兩者嘅味道搭配得非常好,飲落好舒服  

Book咗呢間餐廳同朋友慶祝生日，但換來一肚氣。一入到餐廳職員已經表示換緊menu所以無print到出嚟，想自己掃QR code 睇menu，但我哋坐喺一個比較入既位置，我同朋友嘅電話都訊號收得好差，要load勁耐先睇到menu。落咗order食物都算上得快。食物質素都算一般，因為朋友生日所以食到中段我order咗個草莓窩夫蛋糕，突然有個職員行過嚟同我哋講”你哋order個蛋糕要等一個鐘喎。你哋仲要唔要？”menu 上其他甜品如果係需時長都會有寫明，例如‘請在入坐後半小時下單’ 如果需時一個鐘應該都係menu上標明而唔係落咗order先同客講好似唔想個客order咁。另外，餐廳職員只係顧住玩同傾計，舉手舉咗5分鐘都無人理，要大聲嗌唔該先有人過嚟。服務真係好差。

-HEY! WHERE DOES MY MONEY GOES? 係咪次次出完糧一個禮拜 都會有呢個咁大嘅問題喺你個腦入邊呢？有嘅舉手🙋🏻‍♀️🙋🏻🙋🏻‍♂️我都唔例外😵‍💫啲錢咪就係用哂嚟食嘢囉😂 🤩旺角TOP商場呢間搞怪餐廳 初初開業嘅時候已經嚟過一次今日突然間又諗起佢又book到位就過咗嚟食.⭕️人人都嗌的蟹肉炒飯 $138⭕️咖喱卡邦尼意大利麵 $128⭕️蜜味酸辣西班牙豬肋骨 $188⭕️泰式香蕉煎餅x爆谷脆醬阿華田 $88⭕️蝶豆花青檸梳打 $48⭕️柑橘檸檬蜂蜜梳打 $48食物味道不過不失 都幾有特色嘅🤭 🤤比較驚艷係個豬肋骨 有肉感得來又唔會柴 好腍

又同朋友聚餐啦！呢次我哋揀咗呢裝潢勁得意嘅泰式餐廳。不過唔單系環境吸引到我哋，落咗order嘅菜式樣樣都好滿意，好食到飛起！我最中意嘅系鹹蛋黃雞翼同香蒜炒大蝦意大利麵。雞翼香脆可口，咸蛋黃醬濃鬱，非常鮮香口感十足，我可以一次食晒！意粉醬汁好好味，食感都好好，軟硬適中，煮得啱啱好，大蝦肉質Q彈，好新鮮，香蒜味十足！另外蟹肉飯都好味，青椒同蟹肉搭配得幾好。貧窮寂寞拼盤就無功無過。喫嘅好開心，好推介！

趣味童話世界餐廳同朋友喺T.O.P行街, 經過見到鋪面好多古靈精怪嘅擺設，以為係精品店原來係間餐廳，就有興趣入去食個lunch影吓相打下咭。LIUNCH Set $86香辣魷魚圈海鮮意粉 唔止裝修特別，食物既攞盤都玩味十足，魷魚圈分量一啲都唔少，辣辣地嘅意粉配埋海鮮食一流。青檸梳打（午）同樣大大杯樣靚唔靚，青檸夠晒酸，梳打夠晒氣，飲一啖消暑解渴Daily Soup餐湯係羅宋湯，酸酸甜甜開胃十足，仲配埋香脆嘅蒜蓉包。Lunch Set $78煙三文魚香蒜貝果 大大塊貝果夾住大大塊既三文魚，仲有熱溶芝士，一啖咬落口，口感勁豐富，旁邊仲配埋新鮮嘅沙律菜同車厘茄，營養十足夠晒健康。Daily Salad跟餐沙律係新鮮嘅雜菜沙律，配上日式洋蔥沙律醬，十足開胃。Lunch /細Waffle $68咖央麻糬椰絲Waffle 食得多，麻糬做既真係第一次食，中間煙煙韌韌，外面脆卜卜，口感衝擊極大，加上咖央、椰絲既味道好夾，令人食唔停口，配埋雲呢拿雪糕一齊食，另一番風味。自家製手工蛋糕 $42是日自家製蛋糕 係Tiramisu，層層疊既軟化鮮奶油、起司和咖啡沾濕的蛋糕片，外層仲有爆厚既忌廉泡沫，勁有驚喜嘅

生日慶祝餐廳留念～ 野食係好味的但感覺意粉份量偏少🤨屬於食完要食埋甜品先覺得飽（我地兩個女仔） Anyway staff都好friendly，甜品都好好味～ 💖💖💖

呢間玩味風餐廳有幾間姊妹店裝修設計色彩繽紛，充滿玩味風格一入門口就見到大大隻老虎擺設🐅非常之打卡喇📸-☕️提拉米蘇泰奶咖啡($56)面頭嘅手指餅加咗泰式奶茶cream超濃郁好味底層嘅泰奶咖啡味道唔會奇怪咖啡味唔算濃味道唔太甜呢個價錢同時享受到甜品同飲品好高cp值呀💯🍕冬蔭公大蝦比薩（$108）上檯已經聞到香噴噴嘅冬蔭公味🤤pizza 餅皮薄身香脆咬落會有芝士拉絲效果👍🏻面頭嘅大蝦爽彈大隻兼好重冬蔭公酸辣味呀🥣豬軟骨配自家製豬油炒飯（$138）炒得又香又有辣味同時唔會辣得好chur食到微辣嘅朋友仔都會啱食呀💕豬軟骨大大件🍝大阪燒配章魚海鮮意大利麵($138)呢款日x西式之作將意粉神還原出大阪燒嘅味道😆海鮮配料細細粒唔太起眼有蜆、蝦、章魚

為食妹呢日放工約咗一班frd子嚟到旺角T.O.P覓食😋 呢間 #NoMoneySoLonely 主打泰國fusion菜，可以講係泰式cafe，融合cafe一啲基本嘅打卡餐點，朋友偏食都唔驚啦！🍴貧窮是寂寞拼盤 $168👅炸物雜錦，份量算多，要乜有乜，可以試曬唔同炸物，最適合share！為食妹最愛炸蝦🍤🍴煙三文魚泰式海鮮醬意粉 $138👅正常發揮，煙三文魚大大塊，配埋泰式海鮮醬又辣辣地咁，幾過癮😬意粉稔度啱啱好，可以一試😋🍴寂寞時圍爐烤魚 $248👅條魚偏細條，肉質略嫌霉爛，湯頭為一般泰式酸辣口味，整體麻麻，而且價錢偏貴，個人不太推薦🤧🍴椰椰麻麻泰式燒牛扒 $248👅我哋叫咗五成熟，肉質唔算太韌，配埋沙律，幾fresh！幾醒胃！😗🍴冬蔭公大蝦pizza $148👅蝦夠大隻、夠新鮮！配料有番茄同青檸加乘，唔會太膩，為食妹一啖K.O.🤩🍴人人都嗌嘅啖啖蟹肉擔擔飯 $158👅就咁睇相都有好多蟹籽同蟹肉😋，口感食落似加咗花生醬嘅意大利飯😌

本來約咗啲舊朋友去女人街附近啲小店食泰國菜，但係太多人，跟住就揀咗呢間決定轉場。個Menu都幾有特色。嗌咗個牛肉沙律，我覺得辣度延中有後勁，加埋酸酸甜甜嘅感覺幾開胃，但係朋友就覺得辣咗少少。另外都點咗個Pizza，係黃咖喱軟殼蟹，反而呢個就冇咁辣同埋薄薄地唔會太飽。不過個拼盤就乾咗少少，同埋啲粉厚咗少少，不過我覺得唔會炸到有割喉㗎感覺都可以接受。BTW本來想試埋個甜品，但朋友話想食中式甜品，咁唯有留返下次先再試呢間嘅甜品啦。

No money so lonely 相當玩味嘅泰國餐廳，淨係個名都已經值得入嚟試一試，盡量環境相當多打卡位，今日同咗朋友一齊試吓，食完就真係No Money啦佢哋嘅餐牌都相當有心思， Pizza愛好者嘅我當然唔少得睇吓有啲咩Pizza啦泰式魷魚薄餅，個感覺好似都唔差喎，燒魷魚一定好食，薄餅又唔錯， Pizza表面鋪滿咗大量嘅魷魚乾，然後底層在鋪上厚厚嘅芝士，即刻有拉絲嘅感覺口感相當滿足， Pizza皮都相當鬆軟然後再嗌咗個魷魚圈，哈下變成咗魷魚大餐添，呢個都係新鮮炸起，上枱嘅時候非常之熱，要留意 ～ 食材相當新鮮 魷魚相當爽脆😜😜 最後影咗幾張相俾大家睇吓個環境啦，一齊過嚟試吓啦No Money so Lonely 😙😙今鋪真.

食到滴哂汗1. 火山黃咖哩雜菜 168個黃咖哩啲汁超少，淨係碟邊位有少少黃咖哩汁，又冇味，最好食都係個蒜蓉包，但啲汁少到都點唔到2.人人都嗌的淡淡蟹肉擔擔飯 158個蟹肉飯又係超淡味，份量又唔多，一個人食都未必夠，標題話係啖啖蟹肉飯，點知變咗啖啖蟹籽飯，得嗰幾條似係雪藏蟹絲， 係食到少少“擔擔”味，但係個味係溝左勁多水既花生醬味3. 冬陰功湯 68冬陰功湯係試過裏面最有味道嘅嘢, 但係裏面有三分一都係食唔到嘅湯渣，總括而言，唔會再有下次

喺T.O.P嘅靚靚餐廳No Money So Lonely 裝修佈置好有心思✨玩味十足 勁多打咭位 Lunch有set有單點 有啲菜式名都搞笑設計過😆ꕥ 芝士菠菜蟹肉忌廉炒飯 Lunch set之一🍽️會送埋餐湯同飲品 當日係雜菜湯 仲跟埋一片蒜蓉多士添🧄而炒飯就係一個比較西式嘅配搭 面頭鋪上滿滿蟹肉 下面仲有好多菠菜同什菌 用芝士同忌廉炒飯 有點risotto嘅效果🧀ꕥ 豬軟骨配自家製豬油炒飯 豬軟骨質感軟稔而入味 加埋豬油同辣椒一齊炒飯 絕對係惹味之選🌶️而且呢度飯嘅份量都好多 相信係男士食嘅話 都一定會夠飽ꕥ 白癡戀人 ꕥ 提拉米蘇泰奶咖啡 飲品選擇都有好多 我哋就揀咗兩杯好啱打卡嘅咖啡📸白癡戀人係有棉花糖同白朱古力 鐘意甜嘅朋友都會好喜愛 而且杯下嘅雲朵碟真係勁靚☁️而提拉米蘇泰奶咖啡上面真係有tiramisu㗎 靚得嚟仲好似多咗個甜品食咁😆