NUTTEA (旺角中心第一座) (已結業)

想飲NUTTEA好耐 去到旺中就同朋友買左2款味道試試出哂名的堅果奶蓋粉紅苺好堅果奶蓋$47苺果味道酸酸甜甜 好解渴仲有D苺果係中間 飲落好有口感加上上面的堅果奶蓋 豐富左成杯野飲濃厚的奶蓋 實實在在飲得出堅果的味道 正呀然後上面仲有一D堅果碎 可以食下 呢杯真係可以ENCORE芒芒堅果奶蓋茶$45叫左半糖 但係仍然夠甜味呢杯的出色地方係芒果肉好多 飲落成杯都好多野食又芒果肉又NUT CREAM 所以都幾飽肚芒果又唔酸 好甜好鐘意又飲又食NUTTEA 選擇真的好多 下次可以再試試堅果奶系列店員仲俾個匙我食NUT CREAM 好貼心!

來自台灣Nuttea 茶店主打全素茶，所用嘅奶都係堅果奶，素食者都可以飲！好健康今次叫既係茉莉綠鑽堅果奶蓋茶🍵食法當然係一開始飲面頭上既奶蓋！濃郁既堅果同鮮奶混合一齊，好滿足！之後就飲一啖底下既茶，好甘甜。最後就混合一齊飲😋店舖最貼心係會提供小匙羹俾客人鏟住食奶蓋❤️等客人食得方面d！最重要係依間係黃店💛店舖貼滿文宣同連豬🐷推薦👍🏻💲 茉莉綠鑽堅果奶蓋茶: HK$34

好耐之前試過呢間既奶蓋，念念不忘咁岩今日食完野想買野飲，就叫左個原味堅果奶微糖，叫埋奶蓋會太飽😹飲落去好重堅果味，同埋會食到啲顆粒，好滑既奶，但都真係好飽🤣

除左平時買開珍珠奶茶、奶蓋茶之外，呢間都系比較健康既另類手搖飲品👍🏻Nuttea 多用堅果奶，適合素食、乳糖不耐症、健身。。。既人士飲用飲完都唔會太heavy , 太溜第一眼望到呢杯 伯爵堅果朱古力奶蓋茶（$48）限定100杯，好彩都仲有呢杯可以揀甜度同冰度，我就叫左微糖👍🏻上層系好濃厚既朱古力奶蓋，灑左層朱古力粉，杯上有教食法！食左奶蓋先，然後同下層伯爵茶撈混就咁飲茶既時候，茶味好清好香！食左奶蓋之後再溝番茶～成件事就中和番哂！飲完都唔怕有罪惡感🤣最後飲到落底 朱古力味都越黎越濃，建議不斷飲不斷攪攪佢👍🏻另一杯 火龍果堅果奶（$42）堅果奶唔會太濃稠太奶既感覺 比較light 加埋火龍果成件事勁fresh😋😋好健康 好多纖維既感覺❣️唔系d好假既火龍果味/濃縮果汁沖既火龍果❣️撞介👍🏻👍🏻🌟好多都好吸引 好想日日買杯黎試飲下味道❣️❣️😋 不過略嫌貴左少少，雖然大部份手搖既都越黎越貴了🥹🥹整體黎講野飲🌟🌟🌟🌟🌟

每次行旺中，我一定會飲返杯nuttea，感覺好似健康D，就算飲奶蓋都無咁大罪惡感！因為佢係用左堅果奶去取代一般高糖嘅奶蓋，所以飲個陣都唔怕，會放心咁飲。今次就叫左菠蘿堅果奶蓋茶，因為食太多膩嘅食物，就覺菠蘿會清新同消滯。果然菠蘿底又幾清新～微微甜菠蘿味，味道唔係假，亦唔會死甜，成件事好解渴； 再加上堅果奶蓋，真係一D都唔會覺得「漏」，仲要好好味！唔係話有香濃奶味，但就有堅果香，感覺食落又唔會好滯，仲要面頭有D nuts，咬咬下好正!!我朋友就叫左杯烏龍堅果奶蓋茶，香港人好中意飲烏龍茶，果然我fd都唔例外，一睇就即刻叫左烏龍茶haha  我又覺得佢茶味幾濃，起碼唔係紙包裝烏龍茶個D味，清清地又唔係澀，再加埋堅果奶蓋係上面，味道平衡又幾夾。如果下次再飲我仲好想試草莓同蜜瓜味，蜜瓜好似係期間限定架！

呢間係frd子推薦我飲既，之前係葵廣見到過，點知人太多，完全排唔到隊😮‍💨😮‍💨好彩旺角都有呢間！即刻試試佢！我揀左芒果堅果奶茶！佢層堅果真係名副其實啊！我都唔捨得搞混佢食，一羹一羹食左先！好似金沙朱古力陣味！超級正！食完唔算膩！推薦！

試過NUTTEA就返唔到轉頭係我哋最愛既手搖飲品店～一定要試佢地既堅果奶蓋！滿滿堅果香氣同埋一定跟足佢既指引飲➊用附上既匙羹試一下奶蓋➋45度飲➌攪勻飲旺中店有Jeremy應援物，哈，見到個auntie拎左幾張手幅走～ ≒ 芒芒堅果奶蓋茶飲過第一次後，幾乎每次都會點飲得出用咗真芒果肉，口感很豐富水果同堅果奶蓋好夾～甜味中帶有堅果香口味道最後攪勻飲，感覺變了芒果smoothie!≒ 伯爵朱古力堅果奶之前係店員推薦既熱賣飲品，個人很喜歡朱古力口味，叫微糖就剛剛好，不會太甜伯爵茶味唔太突出～

呢一日陪女朋友喺旺角行街街，咁啱經過旺中見到呢度都有之前喺Quarry Bay飲過之後一直心心念念嘅呢間手搖飲料店Nuttea，梗係要二話不說停低買杯飲啦！說實話，呢間嘢嘅飲品價錢唔平，但佢嘅質素對得住呢個價位。今次我地聽店員介紹，order左兩杯期間限定嘅fruity 飲品。第一杯係用新鮮蜜瓜調配嘅「哈密瓜堅果奶蓋茶」。蜜瓜味好清甜，配合埋個奶蓋出奇地咁夾，亦令到個奶蓋唔會太膩，喺大熱天時飲返杯零舍爽！第二杯就係「粉紅莓好堅果奶蓋茶」。淨係睇杯飲品嘅賣相已經好吸引，味道方面酸酸甜甜幾開胃，飲落去仲會有啲莓子果肉，配合埋啲nuts，口感相當唔錯。連鎖手搖飲品店開到成行成市，但好多時候質量保證未必做得好好。睇黎呢間Nuttea喺quality control方面都下左啲工夫！

嚟旺中行街，飲番杯幾乎係指定動作，今日想飲咖啡，就試吓呢杯🥤🥤手沖咖啡朱古力奶蓋話明nut tea，當然連個奶蓋都係用nut打出嚟，所以第一啖用個剷仔筆起奶蓋食，好大驚喜🤤入口係鹹鹹地，同用鮮奶整嘅奶蓋一樣咁幼滑；而比鮮奶更上一層樓係食到微細nuts幼粒，整個奶蓋仲帶點果香，真係一啖又一啖咁食😋下面係帶微酸嘅Americano，見住小店長即刻動手沖，好飲！我揀無糖，因為上面層奶蓋已經好夠味，再同咖啡混合，就成為一杯好rich得嚟又滑嘅mocha😆而且感覺nut milk健康d，個堅果奶蓋又真心正，勁快就飲完💕大推比大家試試。

旺角👣- NUTTEA🥤呢間係旺角中心嘅茶飲店主打堅果系列，相當有特色，而且飲品款式繁多，價錢來講都唔算貴，鍾意堅果嘅好推薦一定要嚟試一試！👍🏼❣️香蕉燕麥堅果奶 $40糖度我地揀左微糖，堅果奶同香蕉嘅味道好實在，唔會因為微糖影響咗整杯嘅質素，反而更能試得出飲品嘅本質👍🏼呢個配搭嚟講相當有驚喜！3者之間好夾，堅果奶味道好香，口感夠綿滑，香蕉味都夠出，絕對係健康之選！必試！❣️粉紅莓好堅果奶蓋茶 $47同樣點咗微糖，店鋪好貼心，會俾匙羹客人用嚟食奶蓋😆呢間嘅奶蓋口感比較綿密，味道微微鹹之餘仲有士多啤梨味道😳好特別，奶蓋嘅表面仲有堅果粒，個人好鍾意呢個配搭☺️再用飲管飲，士多啤梨嘅味道好出，唔會酸😋飲得出絕對係真材實料❗️值得一試🤤📍旺角彌敦道688號旺角中心1樓F52號舖

👧🏻😋👅🍽✨-🌰🧋伯爵朱古力堅果奶蓋茶 $48-💯痴線好味到癲左, 大鄉里係NUTTEA開到成行成市先第一次飲...💯呢個叫做signature仲要每日限量100杯 (唔知堅定流😂) 但真心正💯第一啖飲落去覺得奶蓋勁硬好似混凝土, 飲多兩啖會形容佢係 firm💯同埋好少搵到鹹嘅奶蓋, 朱古力味勁香濃又唔甜, 伯爵茶味唔太突出但可接受💯唯一挑剔嘅地方係有啲堅果碎但係林既唔脆😂 整體都有8.5分👍🏻👍🏻

🥢 Nuttea 係主打堅果茶飲嘅專門店，以堅果萃取嘅堅果奶，加埋台灣日月潭紅玉紅茶，而且冇加工奶精，保證每一杯都係天然健康又美味嘅堅果奶茶 👍🏻 餐廳裝修都係突出緊佢地嘅主題堅果🌰，menu選擇好多種類，將堅果奶茶呢個主題發揮到出神入化，價錢相宜，店員亦都好有禮貌，會介紹同推介客人佢地嘅招牌口味 ✨ 伯爵朱古力堅果奶蓋茶上面奶蓋係榛子果仁朱古力奶蓋，nuts味幾出，但唔會蓋過朱古力味，奶蓋細滑唔會好漏而且唔會過甜，杯上面仲會教埋大家點樣品嚐杯奶蓋茶，伯爵茶清新又香，中和左奶蓋，飲到底搞勻一齊飲會加倍濃郁，完全變左另一種口感，好似魔術咁神奇 ✨ 粉紅莓好堅果奶蓋茶上面奶蓋係乳酪nuts酸酸甜甜好開胃，加埋莓茶好清新，感覺都係天然打出黎唔會有太多加工糖漿或者色素，當混合奶蓋同莓茶，兩者取得一個好好嘅平衡，奶蓋混合返啲果味莓味，帶返出甜甜嘅味，層次非常豐富

夏天咁熱，點可以唔飲下手搖呢XDD呢間嘅堅果奶蓋真係好正，濃厚得嚟又帶有岩鹽嘅鹹味，中和咗奶蓋嘅油膩感，又唔會好甜，配埋我最鐘意嘅抹茶，抹茶好濃，兩者搭配，簡直恰到好處～😋

今日出咗去行旺中，近呢幾年開咗好多立食小店仲有手搖飲品舖見到呢間NUTTEA 用堅果🌰黎做主打，仲標榜健康有益！女朋友要減肥，岩曬佢選擇都有好多種有堅果奶蓋茶，堅果奶，堅果奶茶，堅果汁水果茶，精品咖啡同埋奶蓋出面咁熱當然飲凍飲啦叫咗寒天堅果椰子水🥥（🥥寒天堅果椰子水）$45依杯寒天堅果椰子水係夏季限定ge，啱晒而家大熱天時飲，亦都係店主推薦飲品之一。好鍾意寒天嗰種煙韌嘅感覺，配合椰子水的清甜堅果果香，味道青爽，簡單而清新另外都試埋牛油果堅果奶🥑（🥑牛油果堅果奶 ）$47牛油果堅果奶係每日限量供應，亦係店主推薦飲品之一。牛油果味好配合香濃堅果奶一啲都唔濟，亦都入口好滑總括嚟講，我覺得呢間都值得推介飲品質素OK有乳糖不耐症嘅人都可以飲到同時又可以做代餐 菜式推介:牛油果堅果奶寒天堅果椰子水#夏日透心涼#堅果控#乳糖不耐症#代餐

今日同朋友去旺角行街佢話好口渴要買嘢飲但由於而家太多手搖店都係用鮮奶嘅關係，好多時我都好少出街飲呢啲不過佢推介我飲nuttea佢係位於旺角中心嘅一樓呢一間飲品店佢哋係以堅果奶為主題嘅啱晒一啲對乳糖不耐症嘅朋友仔亦都好適合素食者呢度除咗一般普通Menu嘅時候仲會推出一啲季節限定就好似而家夏天啲哈密瓜系列或者係一啲椰子水木瓜等等去因應返嗰陣時嗰個食材而佢有調動嘅不過今日我朋友就飲咗呢一度嘅王牌伯爵朱古力堅果奶蓋茶非常之滿滿的！而且杯蓋上面都有教你先用匙羹不一啖奶過嚟試原味果然係好香朱古力嘅味道再加埋一啲好濃郁嘅榛子果仁朱古力味非常之飽肚會先飲到好濃厚嘅朱古力出淡淡的伯爵茶味而我呢就選擇左黑芝芝麻堅果奶。芝麻未係非常之出色好香！而且飲落同個堅果奶係非常之吻合嘅不過下次我會再試吓其他新款因為我見到一啲生果系列亦都非常之健康