NUTTEA (旺角中心第一座) (已結業)

諗住入旺中行個圈，發覺變咗好多。唯有搵下有冇野飲，意外發現呢間Nuttea！伯爵朱古力堅果奶蓋茶，係每日限定，100%純朱古力無牛奶添加，用上印度產地格雷伯爵。奶蓋用堅果去打，食落比岀面奶蓋挺身，食完又唔漏，係健康之選，仲可揀不同甜度和冰量。店員好好呀，提示可以拎個剷仔食堅果奶蓋。朱古力味濃厚唔會死甜，伯爵茶就清新有茶味，同奶蓋好明顯兩個層次，我就喜歡分開奶蓋還奶蓋食，食到咁上下，就飲啖茶清清口。

今日同朋友去旺角中心行街，見到開左一陣子既NUTTEA好多人排隊，搞到我同朋友心思思想飲番杯😊一間以埾果奶蓋茶做主打既飲品店，飲完都唔會覺得有罪惡感😛而且我見好多人都有推介過呢間店，所以佢已經係好出名！宇治金時埾果奶蓋茶 ($47)我朋友比較鐘意抹茶味，抹茶好濃郁，加埋上面既奶蓋好滑好香堅果味，而且仲有紅豆點綴，好有咬口因為佢仲有果仁碎，口感都好好😍😍堅正伯爵朱古力堅果奶蓋茶 ($48) 而我今次就是伯爵朱古力堅果奶蓋茶，上面層奶蓋好似雪糕一樣咁細滑，食到一半再飲下底下既茶就，絕對唔會覺得好漏🥰甜味適中😄而且店員都好推介👍🏻👍🏻

NUTTEA👻去開旺中陪女朋友行街見到咁多野食野飲最吸引都係依間nuttea堅果加落野飲到份量足又好味Nuts愛好者一定要試😉.🔅伯爵朱古力堅果奶蓋茶 HKD 48天氣凍我地揀咗熱飲原來依杯每日限量100杯熱飲都一樣咁正佢啲奶蓋真係好出色堅果加埋入去整奶蓋可能食過最正既奶蓋滑得黎又重朱古力味一啖奶蓋一啖伯爵茶 完美🥰🔅宇治金時堅果奶蓋茶 HKD 47見到佢有新款推介鍾意綠茶既我又點會錯過紅豆+綠茶一定無得輸佢地奶蓋都有加啲紅豆多啲咩感之餘又會甜啲滿足啲個綠茶都幾濃又幾唔錯😆.整體黎講:極品奶蓋 出色茶飲😚.🎈 NUTTEA (旺角中心） (旺角)旺角彌敦道688號旺角中心1樓F52號舖

💛 #旺角 #旺中 @nuttea_hk @nuttea_hongkong 喺旺中行街行到口乾乾，就去咗我最愛嘅Nuttea買嘢飲🥰 Nuttea係用五種唔同嘅堅果：腰果、核桃、杏仁、榛果、夏威夷果仁低溫萃取而成嘅「堅果奶蓋」，比一般奶蓋更creamy，有堅果嘅鹹香，又唔會好似芝士奶蓋咁漏😚 見到有新款嘅嘢飲，即刻試吓先！🫘🍵 宇治金時堅果奶蓋茶 （$47）今次呢個堅果奶蓋加埋啲紅豆味，更香甜好味😍！ 再撈埋落無糖嘅綠茶更好飲🥰 （茶底可揀甜度，我就揀咗無糖😙） 🍫☕️ 伯爵朱古力堅果奶蓋茶 （$48）呢隻朱古力堅果奶蓋一定係朱古力控all time favourite😍！ 同樣揀咗無糖嘅茶底，撈埋呢個香甜嘅朱古力堅果奶蓋balance返個甜味又超香🥰

今日去旺角中心探朋友，去之前朋友話去一樓的Nuttea 買2杯飲品比佢😒👻 Nuttea 近通往新之城嗰邊，然後我竟然發現Nuttea有好多教主Anson Lo 😍張天賦，Jeremy 等😍😍 Nuttea飲品全部是用堅果奶或新鮮生果打出來的，好健康而且有不同甜度或冰量等選擇☺️伯爵朱古力堅果奶茶，微甜，少冰…入口好濃厚的朱古力味又帶淡淡的伯爵味，不錯！香蕉朱古力堅果奶，微甜，少冰…濃厚的朱古味和香蕉味，永遠也是最夾的😛

今日過嚟旺中掃街食野，俾我發現原來旺中有Nuttea。。之前係公司附近就有一間，lunch time成日走去買杯，不過之後調左鋪就無再飲啦。估唔到係旺中一樓都有😍咁就緊係要買杯我嘅最愛先啦其實佢有好多款都好好飲，最欣賞佢嘅奶蓋係用堅果去打，健康同好香榛子果仁味。加上甜度冰度都可以自己選擇，一定岩哂自己口味啦。。蘋果脆脆楓糖堅果奶蓋茶每次必點呢杯，記得要先拎個匙羹食左啲奶蓋先，之後飲幾啖清茶，最後就攪拌佢一齊飲。呢個蘋果茶飲落真係清甜，好fresh 。仲有粒粒蘋果肉係茶底。我通常先飲半杯，淨低半杯攪勻再飲，咁就好似飲左2款唔同飲品咁手沖咖啡朱古力奶蓋呢杯係老公想試，佢成日都試咖啡。佢都大讚奶蓋好香好好食，不過咖啡就咁飲就比較淡味，但只要拌勻飲，就完全唔一樣嘅感覺，佢話好好飲！仲有呢間鋪有得拎lan同MC嘅應援物資咖😍😍😍😍大家經過唔好錯過

🌰Nuttea真心是個好東西，你唔好當佢係台式飲品定位，If you are，你侮辱咗佢🤣因為佢係用堅果整成嘅健康飲品，飲完好飽肚，絕對係lunch代餐之選！🥛今日趕住去產檢無時間食lunch，所以同老公一人買咗一杯，真心3:30飲完之後7點都未肚餓。🍫朱古力榛果堅果奶 $40Order左無糖，但我懷疑佢落嘅朱古力醬本身有糖，所以減肥嘅姊妹們要小心😝但真心好好飲😆 Order完，睇住個職員逐羹堅果醬不入去，超級真材實料！🥛香芋堅果奶 $40絕對係飽肚之選，芋頭係用真芋頭，絕對冇用假香精、色素等，食落仲要咬咬下！🌰決定生完之後要再試埋茶類同水果類飲品😚

今日嚟旺角美甲，順便行吓旺角中心，睇吓有無好野可以啱買。行行吓，覺得有d口渴。於是，想起朋友之前提過，旺角中心有間健康飲品店，用鮮果攪拌而成。所以，上去一樓，試吓呢間飲品店。上到店舖，見到Menu，其實選擇都有好多，有奶蓋系列，又有堅果奶系列，連伯爵茶都有得賣。總之，形形色色樣樣都有啦！我今次就選擇左牛油果堅果奶，呢杯飲品喺用新鮮牛油果同鮮奶攪拌而成的，而且，侍應問我，選擇無糖，微糖，多糖等等，咁樣你就可以因應自己嘅喜好去選擇啦。我咁健康就選擇無糖牛油果堅果奶。可能喺新鮮牛油果打成嘅關係，感覺好清新，而且，牛油果充滿維他命E及C，飲左之後，補充體力，成個人都充滿正能量。下次嚟，一定會試吓其他款式。

堅果奶蓋只此一家n年前瘋魔香港嘅芝士奶蓋開到成巷成市，唯獨近年講嘅堅果奶蓋就真係得nuttea 做得起。飲過幾次結論係：想飽肚可以選擇伯爵茶朱古力奶蓋 / 宇治金時奶蓋（後者超級正👍👍）；想清新就飲水果茶，飲過蘋果脆脆楓糖堅果奶蓋。今日再試新嘢：青提堅果奶蓋。好少茶飲店有青提揀。對，呢度飲水果茶係要加奶蓋 （加$5就有一層厚厚馳名奶蓋）杯蓋有教點樣食奶蓋。如果係屋企食，我都會一啖一啖鏟黎食。不過今日外出，所以買完直接打開蓋大口飲，之後用飲管一路啜由上而下飲，都可以飲到奶蓋mix青提茶。估唔到奶蓋同青提茶都禁夾。仲有提子果肉咬，口感豐富。唔同區都有免費外賣送到上門，日日可以yo同事一齊飲呢個慶祝😂

NUTTEA (旺角中心） (旺角)堅果🌰卒取濃醇堅果奶，味道濃郁，推介🥰🥰宇治抹茶堅果奶蓋茶🍵抹茶控必試😋😋冬天好岩飲，抹茶用料靚，濃郁茶味😄😄再加埋堅果奶，健康又好味😍😍堅果奶由腰果、核桃、榛果、杏仁和夏威夷果等五種堅果類而成，真材實料😚😚伯爵朱古力堅果奶蓋茶$48金獎🥇🥇朱古力🍫有濃濃奶蓋❤️❤️好吸引👍👍 茶底係伯爵茶，香醇好飲😋😋最愛朱古力，奶蓋上仲有可可粉，味道再昇華🤩打卡之選🍫🍫餐廳環境：餐廳擺畫5款堅果🌰好岩大家影相📸️仲可以了解成份👍👍職員態度有禮友善😉😉地址：旺角彌敦道688號旺角中心1樓F52號舖整體評分：5/5味道：5/5抵食：5/5

喺新之城食完野，隊友就自自然然上左黎Nuttea買野飲，必點出面好少有既伯爵朱古力堅果奶蓋。我見今日凍凍地又想試新野，就叫左杯熱既黑芝芝堅果奶。我地鍾意飲呢度既奶蓋同埋手搖，出面真係搵唔到，選擇好多，有咖啡，茶，生果，仲有牛油果，花生，燕麥等等。堅果奶有營健康，有蛋白質，富飽足感，淡淡堅果香，可以做代餐又得，仲啱晒素食者添。熱既黑芝芝堅果奶-出面凍冰冰啱晒，超濃芝麻味同淡淡堅果香，暖暖入心，仲好益，補鐵又補鈣。伯爵朱古力堅果奶蓋- 呢杯奶蓋攞獎架，用左黑朱古力加堅果奶做個奶蓋，再洒上朱古力粉同少少鹽，奶蓋咸咸甜甜，仲要有濃濃既朱古力味，放耐左唔會溶，又滑又好味，我推介過俾唔少朱古力控朋友，個個都LIKE。

旺中有吾少小食店，而飲品舖都有唔少選擇，呢間nuttea就係我嘅首選，佢仲得到openrice最優秀小食店嘅獎項架！地方唔算大 但係呢飲品選擇就好多 今次我就揀咗朱古力榛果堅果奶同埋菠蘿堅果奶！唔使等好耐就整即刻整好啦，大大杯， 都好抵飲㗎！ 先講個朱古力榛果堅果奶先， 朱古力味濃，而且唔係太甜，飲落唔會超漏，而且堅果奶感覺好健康，配朱古力味我覺得好夾 ，好好味，好飲！！我朋友嘅菠蘿堅果奶，佢話都好特別，菠蘿味濃，而且感覺新鮮， 菠蘿同堅果奶都好夾，又凍又爽，好fresh啊！其實仲有好多選擇，例如水果茶等等，可以再試下先！

好耐冇飲nuttea 經過旺中 醒起1樓有間nuttea🌰就即刻上去飲啦😬 睇左menu 醒起早2日睇到nuttea ig講過話有幾款飲品就嚟下架啦☹️ 話叫大家要快啲把握機會去飲啦～ 咁今次我哋好快就揀左飲咩啦😗 焙香堅果奶蓋烏龍茶 $45咁我就揀輕呢杯啦 睇ig果陣知佢就嚟冇就已經好想飲多次啦 焙茶味好香 奶蓋打得好幼滑同埋好挺身👍🏻 今次揀左無糖少冰 烏龍茶味濃 唔使加糖就咁飲都好味就係因為佢個奶蓋打得好挺身 所以真係要用隻羹不來食😌 一啖一啖既奶蓋真係滿滿既幸福感呀🥰 家姐就揀左呢杯繽紛火龍果奶蓋茶 $40咁佢就揀左無糖啦 咁佢既火龍果真係原汁原味 真正嘅火龍果味 同埋都有少少火龍果肉可以食下👍🏻 奶蓋都係打得幼滑挺身 原味奶蓋都好好味呀🤗 最後仲見到呢個哈密瓜堅果奶蓋做緊優惠價$34咋好抵呀🤓整體來講 Nuttea🌰用堅果做既奶蓋健康又好味 啖啖奶蓋係幸福嘅感覺😌 飲下食下都有飽肚感 作為下午茶都係一個唔錯既選擇👍🏻 世一堅果奶蓋 一定會再黎😋

📒冬天必飲⛄!!🍌超濃厚香蕉燕麥堅果奶📍Nuttea🥰代餐時間#kurin私心推介就快聖誕最近食肥左，要開始减肥啦🥲如果睇開我story都知道我勁中意飲Nuttea做正餐😌💓 香蕉燕麥堅果奶（走糖） $40信我一次，呢個真係值得一試🤤💓!!Nuttea除咗堅果奶蓋好出名之外，呢款含有香蕉天然糖🤩，無需加其他糖分已經超好飲既香蕉燕麥堅果奶真係我代餐encore之選🤤好飽肚之餘，香蕉含有好豐富既水溶性纖維同鉀，改善消化又可以排除身體多餘鹽分，可以越飲越瘦🍌😝！！（超大杯🤤） 旺角分店將燕麥同香蕉完美blend埋一齊🤤成杯就係非常creamy既香蕉milkshake，無強烈既燕麥味，就好似食左杯雪糕🤭🍰2星期-3kg無難度啦..#hkfoodie #hkfoodies #hklifestyle #hklifestyleblogger #hkfoodblogger #hkfoodstagram #hkfood #hkhealthyfoodblogger #hkgirl #healthyblogger #中環美食 #食好西 #香港區美食 #nuttea #减肥餐 #相機食先 #hkigfood

好耐冇飲Nuttea今日經過旺角中心忍唔住買來試吓好耐冇飲過最後都係揀返王牌伯爵朱古力堅果奶蓋茶🤭🤭本身好鍾意Earl grey今次叫咗走冰微甜，呢個配搭真係啱啱好！外賣拎返Office飲店員好貼心俾咗個紙盒裝住夠晒硬身同環保👏🏻返到Office已經變咗常溫🤣但不減佢嘅魅力面層嘅朱古力奶蓋真係好濃郁奶蓋好滑身 上面仲曬咗啲可可粉覺得太甜？撈埋下面嘅伯爵茶飲真係一流伯爵茶唔會太苦澀，啱啱好不過有啲可惜以前有果仁微粒 今次冇咗🥲🥲飲完真係勁有飽腹感😂😂又健康建議大家試吓其他！