Ocean Paradise Restaurant (已結業)

西貢平時假日大部分cafe都迫爆哂人食飯打卡，有時想靜靜地食過靚飯都好難，就算搵到位食lunch有時都要成百幾二百蚊落樓今次分享一間平時成日食嘅超超超樸實西餐廳。餐廳外型同裡而好多海洋生物嘅配飾，但打卡就勉強啲…因為感覺比較似小朋友生日會用海洋主題，但佢食物性價比就真係好高白咖喱斧頭豬扒 $98 跟湯+飯/意粉/薯條佢個汁望落去無咩嘢，但食落去係重忌廉味嘅咖喱，同豬扒平身幾夾。個人食咗幾次覺得跟意粉最夾。豬扒份量好有誠意，厚切豬扒熟度幾難拿捏，佢切落好易切熟度幾好，食落幾juicy但有少少渣，但整體性價比有80分另外佢個椰香荔枝烤鴨都幾好食，椰+鴨肉依個組合好夾同好香，鴨肉佢起埋好易食。（但唔記得影相有機會補返…）如果去西貢想平平哋鋸下扒可俾機會試吓依間小店店員好nice同樓上一樓有豆袋坐幾relax。

叫左個二人套餐🔹生蠔平時好少食生蠔，所以唔係好識分好唔好食。但食落都係肥美同新鮮既。🔸煙三文魚沙律煙三文魚都有5-6片，菜就係普通沙律菜。🔹南瓜湯、多士個沙都好creamy，多士好脆。🔸炸蝦岩岩炸好就拎出黎，食落仲係好熱同好脆。🔹巴馬火腿火箭菜薄餅（半個）雖然得半個，但係每片都有足夠既火箭菜，同埋每片火腿都好大片。Pizza都好脆，材料多，唔錯。🔸香煎美國斧頭豬扒配薯塊一黎到已經見到面頭逼曬啲油出黎，食落好juicy唔會好乾好硬。而且肥瘦位都有，口感唔錯。仲有兩杯飲品同兩粒泡芙。本身已經可能會唔夠，但食完兩個人都飽，岩岩好。

今日去西貢慢遊，邊hea邊食。😝Lunch 冇去熱門多人既餐廳，試咗間有海洋裝修既小店，藍白色背景加埋漁網，船舵等裝飾，好似出咗海。⛵️⛵️Lunch set 有好多選擇，都係熱門菜式，包餐湯，熱飲，不過有兩款已經sold out。- 南瓜湯，香濃夠味，不過稀咗少少。- 白咖喱墨魚餅墨魚餅好足料，炸得啱啱好，外脆內軟。白咖啡唔太辣，送飯一流，可以食多碗飯。- 紅酒燴牛尾成碗都係牛尾，超多！牛尾好腍，入口即化，味道又夠濃，必試。薯條就正正常常，下次應該叫飯或者意粉，配埋個汁黎食。入黎西貢食海鮮外，可以試下有水準小店😋

第一次在平日的晚上去西貢區，因為今次有私家車接送☺️因為方便泊車，所以在此間充滿海洋裝飾的餐廳食嘢！晚餐有二人套餐及自選一人晚餐，我覺得好得意，感覺如✅車仔麵般的西餐😄，我非常欣賞這種方式，因為客人可以選擇自己喜歡的dinner ,不是千篇一律，而且價錢合理Dinner A(挪威煙三文魚+帆立具+蟹肉+尖通粉）+蕃茄汁！一共有三粒帆立貝，煙三文魚又好好食再加上新鮮蟹肉，特別開胃Dinner B: (軟殼蟹+蟹肉+煙三文魚意大粉），賣相已經好吸引，軟殻蟹大大隻又香脆可口鮮果汁也特別好味😋

Staycation 完，同朋友食埋個午餐先離開西貢，西貢雖然地方細，但係好多小店，小店亦非常有水準，西貢係個好地方，放假嘅時候入嚟CHILL下…….享受一下…….

朋友聚餐到西貢走一走，遇到很好的西餐廳。服務態度友善，食材新鮮，菜式選擇多，味道不錯，價格適中，餐廳環境整潔。4人菜單。。。。全部食清，飽到不得了😋前菜 紅菜頭青蘋果沙律🍏🥗頭盤 新鮮即開生蠔拼盤 18隻小食 芝士黑松露薯條🧀🥔主食 比目魚意大利珍珠麵🐟，菠蘿芝士薄餅🍍🍕，卡邦尼意粉🍝飲品 新鮮生果茶🍊🍒🍋🍹另加，在外邊買了兩款海鮮加工，扇貝+斑馬蝦，在家吃的話只是清蒸😝，在外西式煮法亦很好味，有另一番風味。

六月初的星期日，難得好天氣，當然要到西貢走走。可能是因為長假期週末，這個星期日的西貢竟比以往少人。經過這小餐廳已是午飯後時間，但仍有午餐供應，且選擇頗多。點了牛油果煙三文魚沙律、龍脷柳意粉午餐，隨餐跟特別的咖啡，另外還加了一份吐司。本來只點了一個餐，但老闆娘好好送多一碗餐湯。濃濃的南瓜湯，份量十足的沙律和熱辣辣煎焗的龍脷柳，都是簡單而美味。餐廳侍應姐姐也很細心，當天天氣熱，不斷為我們加水，叫我們多喝水～～餐廳環境裝飾也讓人很有放假在海邊的感覺啊。

上星期約左朋友去西貢行山，行之前去左市中心食lunch 先，咁岩就揀左呢間小店黎食！野食吾會話好貴，但野食質素吾錯！味道都好好食！黑松露芝士薯條好邪惡！多士好大塊，整得好好食！個人認為一定要食！另外員工都好友善有禮，會再有下一次！

有日經過見到可以自來海鮮再加工，就決定搵日自己買啲靚海鮮再交俾大廚。今次買左螺、斑馬瀨尿蝦同大蝦，大廚以西式煮法變化出 喇沙煮螺、避風塘瀨尿蝦同白咖喱煮大蝦。白咖喱煮大蝦再配上鬆脆嘅蒜蓉包真係食到舔舔脷， 瀨尿蝦嘅香脆外殼，鮮嫩蝦肉，連殼食都無問題🤤🤤🤤之前都有嚟食過佢哋嘅西班牙乳豬，一啲都唔騷，又唔會好油膩，都值得一試🤤

叫左兩杯凍朱古力奶 兩杯都唔同味 唔好話朱古力味 奶味都冇 飲落係水一杯 另一杯一樣 就係甜嘅水囉 但佢on top仲加左d奶泡咁嘅野 可能佢想好睇d掛 但都係冇味嘅美式Fish&chips $1xx 我未試過美式啦 唔知係咪咁樣 係嘅話我應該唔會比錢出街食 係佳宝龍脷柳 粉都冇沾就咁炸 兩塊又薄又細塊 一塊大約4隻手指合埋的size 薯條正常嘅 但得幾條白咖喱墨魚餅3塊 $58 一塊大約3隻手指的size 嗯…..超市急凍櫃會買到有加一 入去個陣係晚市 有猶豫過一個客都冇得唔得架結論：貴又hea 會black list

ocean paradise restauraut 充滿海洋氣息元素的裝修， 藍白色做主題夏日解暑氣，環境自然著重體膚的清涼以及視覺上的舒暢淨潔，即便燋鑠酷熱的日子，仍賦予一種如泉甘冽的寫意，蔚藍海水及潔白沙灘，好似就圍繞在身邊，帶來無憂寧靜、清爽安適的度假氛圍既餐廳食飯。。。chill🏖午餐又唔同嘅set可以自選飯🍚 / 意粉🍝 / 薯條 🍟今日餐湯係棷菜忌廉雞湯🥣主菜我同朋友仔都揀咗意粉🍝我同朋友仔都係牛魔王，好鍾意食牛🦬🐂🐃🐮所以主菜我哋揀咗黑椒牛扒同牛肋骨無論係調味同牛嘅質素都唔錯牛肋骨炆到好入味，肉質腍得嚟仲要爽口，而且一啲都唔黐牙。

同朋友一齊搵下西貢有咩食❤️見到呢間餐廳嘅裝修好海洋風😍 岩曬我地想Chill下既心情入到去見到食物嘅種類都好多 老闆娘好細心咁介紹有啲咩食物👍🏻👍🏻服務態度好好 好有誠意招呼客人🤩我地叫左隻西班牙乳豬大家齊齊食乳豬既皮好脆 肉都好滑呀另外叫咗小食拼盤 份量好多呀 入面仲有埋甜品😍拼盤有我鍾意食嘅薯格同埋煙三文魚芝士脆脆雞炸得岩岩好 外脆內軟蕃茄芝士薄餅啱啱出爐 好味🥰🥰下次會推介其他朋友👍🏻👍🏻 真係好值得再黎

上次入西貢朋友話要帶我去食佢話佢好想食珍珠麵，開頭唔知係乜嘢嚟佢話非常之好食於是就跟佢去我叫咗個雞扒飯同炸薯條試食左佢小小珍珠麵又真係幾好味 幾得意早知跟佢叫😂😂下次再去西貢真係要再食值得一試

入到去餐廳，佢係以海洋為主題嘅，顏色上其實有少少似游泳池，難得嚟到西貢有呢種渡假feel嘅餐廳感覺都唔錯。員工服務都幾好，都幾細心。不過嘢食就唔係我預期了，可能我真係唔係太識得欣賞。我叫嘅係肉醬豬肋骨，睇落個樣真係唔多似豬肋骨，賣相真係太靚，食落其實都係冇咩味，啲肉係好淋，食落有少少似煲湯嘅肉嘅感覺，所以係有少少失望嘅。至於個薯條其實真係唔錯，香脆可口，份量亦都算多嘅，伴碟嘅沙律算係新鮮，落咗少少黑醋都幾開胃。

食物美味招呼周到。在一眾出品一般但價錢極端的西貢西餐聽來說這間是良心食肆。餐廳比起其他高價西餐廳裝修及氣氛或稍有不及，但食物有水準，份量足。星期日午市套餐包湯包咖啡及茶都在一百元內，確實少見。是誠意的表現。牛尾好味稔度剛好，朋友叫的露筍磨菰意粉亦很滿意。Pizza簿身很香脆！各樣都很讚！下次去會試試他的魚柳以及一眾甜品。店內尚有很多角色特飲都可以一試。我們嘗試了薄荷特飲覺得太甜。如果可以加強咖啡的質素會更好。