Ocio (煙廠街) (已結業)

🐝Ocio (煙廠街)🐝…上次去完大圍嗰間ocio，今次又一戰旺角ocio！午市一樣冇失望啊👍👍👍…蒜香蜆肉意粉 $55碟意粉一嚟就超香蒜蓉味😍，超多粒蜆肉，個意粉好多汁，好juicy，鹹度適中，啲蜆肉亦都唔腥同埋冇沙，係平價嘅好選擇！！！…醬燒豬肋骨窩夫早餐 $75BBQ醬係啲豬肋骨上面非常夾，啲肉亦都唔難撕開，唔係好韌，黐住少少脂肪，完全唔怕食得好吝盡。啲窩夫配上楓糖漿，甜絲絲嘅感覺，超正！個窩夫亦都外脆內軟，而且係實心，絕對冇偷工減料。😋😋😋…整體評分食物：🤍🤍🤍🤍服務：🤍🤍🤍🤍環境：🤍🤍🤍🤍🤍價錢：🤍🤍🤍🤍🤍…📍旺角煙廠街33號朗廷軒地下B舖

#旺角 知道附近幾條街都多嘢食, 是日無意中見到個好熟面口嘅招牌🤔, 入去食個午餐, 睇下水準有冇維持到先! 💁‍♀️來一客午餐, 包括是日餐湯及飲品, 仲可選即磨咖啡啊! ☕咖啡好大杯, 仲幾香, 最欣賞係奶另上, 夠貼心! 🥩香煎紐西蘭8安士肉眼配薯條 $98 ~ 好香啊! 七成熟, 肉味香濃, 肉質結實有咬口, 牛扒無筋, 肉汁豐富! 伴碟沙律菜好新鮮, 🥗沙律醬汁調配得剛剛好! 🍗BBQ無骨燒春雞伴薯條 $79 ~ 好欣賞, 連雞胸都滑! 外皮燒得香脆, 肉質嫩滑, 無雪味, 除咗雞肶同埋雞翼有骨, 其餘都去晒骨, 咬落啖啖肉! 調味唔重手, 唔會過咸, 讚! 🤤🍟薯條粗大, 又飽滿, 炸得香脆, 正’s!

本身因為成千上萬既好評同推介，係假日同老公去一試的。但真心好失望，由餐湯、野食、野飲、去到服務態度都好差！ 我同老公由頭不滿到尾，未食晒已經埋單走人。唔明好評從何而來，真心唔會再去。首先，餐湯唔熱同偏稀。飲左一啖就算，等野食 - 老公嗌紐西蘭牛扒set 我嗌左豬肋骨Waffle set。可惜係野食方面，waffle又係唔熱既，偏硬，薯條又係唔熱，碎濕濕咁，主角牛扒同排骨都唔好食。野飲非常稀，一杯hazelnut latte 幾乎見唔到啡色，杯檸檬薑茶同普通熱水分別不大。我好少比咁差既食評，但真心成個experience好差，waiter 好似唔想應人咁，問佢有無ketchup就好hea咁話係隔離張臺。😑 成餐飲應該15分鐘左右就走人。無下次。

本人已經提早兩個禮拜book一個二人套餐（已付費），打算中秋當天去食9:00pm，點知呢間野嘅經理，前一日先黎講中秋收9:00pm🙄大佬，早唔講遲唔講依家先黎講！咁我book黎有咩用？你地想收早係你地嘅選擇，但點解唔可以付番啲責任心提早講。依家臨時臨急我同啲fd要搵其他餐廳。我同fd討論過後決定取消個位，打電話過去係經理接電話，我直接表明佢地呢個做法好不妥，然後佢講：「如果小姐你真係想9pm黎嘅話，咁我地同事係可以特登加班一個鐘黎服務你地。」😑⋯⋯唔好意思我唔需要，我唔想係你地嘅《中秋佳節放工時段》仲黎煩擾到你地，我食嗰陣個心都囉囉攣。真係唔覺得呢間店有幾重視客人，完。

今日同朋友黎到依間餐廳食飯，見到咁岩有Lunch🍝就點左2個餐食下我地都點左意粉一齊Share,一款係溫泉蛋卡邦尼意粉，另一款係香辣大蝦羅勒意粉，跟餐仲配左一碗蘑菇湯，仲有+$15就有特飲，所以就點左2杯凍Cappuccino另外我地仲點多份水牛城雞鎚，非常滿足！首先先講講大蝦意粉，份量好足夠味道幾香口濃郁，醬汁有點辣，對於有d食唔到辣ge人黎講可能會比較辣，大蝦ge份量都多，肉質新鮮彈牙，整體黎講性價比都唔錯，可以推薦大家試！溫泉蛋卡邦尼意粉，濃濃芝士味道令人又愛又恨，芝士和煙肉調配得好入味，再配上水汪汪蛋黃半熟的溫泉蛋，撈意粉簡直一流！食到停唔到口！依個意粉都係必點～水牛城雞鎚，總共有4件，雞鎚配上酸酸地辣辣地嘅汁超級開胃，雞鎚嘅皮好香脆，配上醬汁非常好味！加左小食之後係級飽，本身想叫埋蛋糕食下，見跟餐加錢都幾抵，但真係飽到食唔落，唯有下次再叫啦！

聽聞 @ocio_kitchen 嘅烘焙出色咁岩今日又經過旺角 所以入咗去試吓🧇焦糖香蕉朱古力窩夫🍰朱古力心太軟Waffle焗得外脆內軟 一上枱已經有好香嘅牛油味 熱辣辣 食落口仲有濃郁嘅蛋香同埋牛奶味 配埋朱古力雪糕🍦 真係OMG😍焦糖香蕉🍌不嬲都係我至愛 整體嘅份量非常大份 我係一個人唔會食得晒🤰🏻🤣朱古力心太軟 香滑朱古力漿甜度適中 一切開就馬上流心 加埋個雲呢拿雪糕 好滿足🤤配埋杯熱Latte 真係好夾呀🤗🤗

邪惡指數: 🐽🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️ 今次我去遠咗呀(快啲讚我😆)！去咗旺角買board game，買完見口痕就上openrice睇吓有咩好食，見附近呢間「Ocio」好似幾受歡迎，一於食返個邪惡甜品先再行街😏🛍⭕️ 75%朱古力心太軟：好！食！雖然賣相好似同出面嘅大同小異，但係食落好有驚喜😍呢個心太軟絕對係有聽書，因為佢真係留(流)心㗎🧏🏻‍♀️ 朱古力味香濃，雖然話75%但係唔會覺得苦，配埋雲呢拿雪糕，一冷一熱，超正🤤⭕️ 朱古力榛子窩夫配燒棉花糖：我揀咗好耐最後都係揀返朱古力味🍫 厚身嘅窩夫，外層少少脆而內裏鬆軟，加埋朱古力榛子醬、朱古力脆脆、同埋棉花糖，口感額外豐富但係又唔會過甜。

旺角煙廠街ocio, 無經過過都應該聽過吧，一個月總有兩三餐我都會係果到解決，食物質素有水準，唔怪之得平日晚六點幾已經高朋滿座。黎得Ocio， 最能comfort我梗係佢地的全日早餐，無論午餐時份定晚飯黎都有得叫，就好似 茶餐廳的早午常特餐，你唔會覺得厭。套餐包湯, 粟米忌廉湯夠暖身 Ocio全日早餐炒蛋窩夫雞扒parma ham薯條沙律豬肉腸， 一睇材料鋪滿成隻碟就知勁澎湃， 炒蛋份量多， 窩夫 軟熟 點糖漿超好味， 薯條條條金黃炸得香口， 沙律菜夠新鮮parma ham鹹香香，雞扒煎得金黃又大件, 食完勁飽, I have no complaints.臨尾飲埋杯凍檸茶，滿足。

樓上cafe 就上得多，今次試下地鋪cafe💗Cafe位置都容易搵，不過面積就吾算大，建議先book位會比較好😂 餐廳算乾淨整齊，而且上菜速度時間都好快，不需要等太耐👍🥘焗芝士肉醬千層麵 （每日有限量）個名好邪惡，但愈邪惡愈吸引，未食已經見到有好多/重 芝士 ，肉醬蕃茄味都濃，少少酸酸哋🤏🤏蕃茄既酸味令千層麵食落冇咁膩 ，吾錯嘅😆但想提下，油個方面好似都真係多左啲😂影相都見到🙈但好飽💗美式BBQ醬烤原條豬肋骨配薯條：好大份，因為無預計個豬肋骨會咁大條 ，成個畫面好吸引，食落BBQ酱味道唔算太濃，外面隻色係好靚，但味道如果濃啲會好啲，入面有味，越食近骨位既肉基本上真係相對少左啲BBQ味, 肉質係屬於乾身 ，但份量係真係好多，加暑條同少量沙律菜🥗，薯條係粗同好長，真係食到好飽！兩杯飲品都算正常，吾算太甜，好大杯，如果跟餐都係加番個差價👍食套餐仲會配個是日例湯湯 ，價錢都合理

旺角食晏，要簡單西餐又要有吸引甜品，還想坐得舒服可以和朋友傾下謁，可選擇ocio_kitchen 。今日想食得輕盈些，唔想要杰撻撻醬汁，所以選了照燒牛柳粒意粉（$63套餐），跟餐湯和飲品。🍝照燒汁配大量三色椒絲，醬汁較稀，濃郁得來帶點酸甜，亳不油膩反而非常開胃。牛柳粒份量足又大粒，意粉軟硬適中，整體很好吃。甜品就選了清爽的玖瓏蜜瓜窩夫（$68）。🧇窩夫是這店的強項，外脆內軟，不會令人失望。🍈蜜瓜清甜。滿足。

✅Ocio呢間西餐廳成日都係網上見到仲見到佢地既甜品好吸引前幾日同朋友就去左試下☺️晚市套餐有意粉 飯 burger 仲有all-day breakfast真係樣樣才都想食 好吸引🥰係openrice訂座仲可以有晚市套餐8折優惠添！🔆 Ocio 特選全日早餐 $108最後揀左食全日早餐 因為佢有既配料實在太吸引我了！🥰有¼件窩夫🧇 薯條🍟炒滑蛋 雞扒 腸仔 沙律 同蕃茄真係一次過滿足哂幾個願望 可以食到唔同嘢😆窩夫好鬆軟 加埋蜜糖一齊食 就係一個甜品了🤣雞扒稍為有啲香茅味 食落唔會太咸 幾好👍🏻腸仔爆汁添😆 沙律係黑醋再加parma ham🥗幾款既質素都唔錯👍🏻以為晚餐時間會唔夠食？其實食完大滿足🥰🥰味道: 3.6/5 賣相: 3.8/5 🔆焗鑊仔班戟心太軟 $89一場黎到當然要試下佢啲甜品☺️我哋就揀左呢個班戟心太軟真係好特別 用班戟皮包住心太軟班戟皮較脆口 心太軟仲係流心係朱古力漿🤪 做到外脆內軟既感覺👍🏻 加埋一球雲厘拿味雪糕 簡直冇得輸！😋味道: 3.8/5賣相: 3.6/5 🔆香蕉朱古力奶昔 (+$22)香蕉同朱古力從來都係絕配！呢杯奶昔好香朱古力味之如又有雪糕個種c

【香辣大蝦羅勒意粉🍝】講真味道唔夠，又唔香又唔辣，但係好欣賞啲蝦好多隻，適合淡口味人士，但係意粉嘅「汁」太多，但又好似冇咩味，所以覺得似意粉嘅水多啲，如果成個意粉乾身啲應該會再好食😋【是日餐湯】以午市時間嘅價錢質素算係對得住價錢，粟米湯幾香有啲似食粟米斑塊嘅粟米汁嗰種味道【醬燒豬肋骨窩夫早餐】豬肋骨唔錯，醬汁惹味，而且仲有薯條墊底，但係窩夫就有啲「林」如果可以脆口啲會更加好，點窩夫嘅只係蜜糖醬，如果係楓葉🍁糖漿可能會夾啲，不過每個人嘅口味唔同啦【Oreo曲奇雲呢拿奶昔】意想出奇好味，好多曲奇碎，一啖已經飲咗半杯～好正！😆【朱古力咖啡】就係朱古力咖啡啦☺️‬⚪️⚫️⚪️訂位推介：嗰個位都差唔多，但平時成日見到好多人去食，如果想坐得舒服啲可以揀2-3點時間▸▸▸▸▸▸▸▸▸▸▸▸▸▸▸▸▸▸▸▸▸▸▸▸▸▾#Serena食食食🔸 Ocio🔸📍旺角煙廠街33號朗廷軒地下B舖📲 2886 8903▸▸▸▸▸▸▸▸▸▸▸▸▸▸▸▸▸▸▸▸▸▸▸▸▸🔱S指數🔱（滿分為5）美味度：👅👅👅打卡度：📸📸📸裝潔度：✨✨✨✨回頭度：😍😍😍店員態度：✅✅✅---------———————總推薦度：💓💓💓▸▸▸▸▸▸▸

Ocio 位於旺角煙廠街，偷得浮生半日閒，假日都係要悠閒的享受一下美食。每次來到Ocio餐廳，其實都不管日與夜，每次都會點一份 Ocio 特選全日早餐$89，材料超級豐富份量十足，雞扒皮脆肉嫩，煙三文魚，脆薯條，炒滑蛋，新鮮蕃茄，熱辣辣脆卜卜的窩夫，茄汁豆，蔬菜沙律，腸仔，每樣都即叫即制，抵食好食兼夾大碟。胃口細一點的，則可以推介一碟鮮茄羅勒大蝦海鮮意粉，新鮮大蝦配以意式茄汁及香草羅勒，意粉軟硬度適中。好食。

Ocio🏠環境: 白色雲石枱配黑色sofa 典型嘅型格路線🧑🏻‍🍳服務: ✔️☆║．．．．．．．．．．．．．║☆‼️ 美式BBQ醬烤豬肋骨配薯條 $148好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ BBQ 醬幾入味 醬汁相當香濃 賣相ok 切開有四至五舊 食到飽✅火喉控制ok 肉質算嫩滑 唔嚡口✅ 薯條算係粗身 外脆內軟 有薯味 ‼️朱古力布朗尼窩夫 好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 甜品就試咗個朱古力布朗尼窩夫✅ 同個名一樣 有朱古力雪糕 朱古力brownie 同窩夫 外加朱古力醬 and 杏仁碎✅ 窩夫ok 外微脆 咬落又有翻D煙韌感 brownie 鬆化重朱古力 呢個甜品啱哂D 朱古力lover📍 旺角煙廠街33號朗廷軒地下B舖Shop B, G/F, Legent Court, 33 Yin Chong Street, Mong Kok⏰ 星期一至日12:00 - 22:00☎️ 電話號碼 28868903📩喜歡我的文章，可以關注我及讚好以作鼓勵

呢間Ocio食過好多次，但冇諗過大圍分店比起旺角分店可以差咁遠，上次喺旺角分店食完，當時同朋友都覺得好好食會再回頭😋，所以今次就帶咗男朋友嚟食，叫番同一樣嘅意粉同pancake，真係冇諗過會一個天、一個地，好彩兩次食都有影相喳～🍝明太子帆立貝扁意粉 💰75（旺角: 7.5/10）旺角分店雖然都係得兩三粒帆立貝，但係個明太子忌廉汁超正超濃郁，配蒜同洋蔥炒已經好入味，意粉吸收哂醬汁，啖啖都好滿足！☕️🍨鑊仔伯爵茶雪山熱香餅 💰79旺角: 8/10）旺角分店睇圖就見到啲汁多到流晒出嚟，配埋雪糕食一流，蛋糕有蛋香，熟度岩岩好，有少少空氣感唔會太乾，茶味好濃郁～〰️〰️〰️〰️〰️〰️〰️〰️〰️〰️〰️〰️〰️〰️如果你鐘意呢段食評嘅話希望你可以幫幫手讚好同埋分享比其他人～〰️〰️〰️〰️〰️〰️〰️〰️〰️〰️〰️〰️〰️〰️  #fatgirlhk_香港 #fatgirlhk_大圍#fatgirlhk_西餐  #fatgirlhk_cafe