Ocio (煙廠街) (已結業)

街坊系列 – OCIO💛最近天氣忽冷忽熱😵‍💫出街記得帶定件衫仲要帶好口罩呀😷流感高峰期就黎殺到唔好放鬆呀💪🏼個人保護措施做足最重要唔係掃下隻馬🙄就可以抵禦病毒細菌架------------------------------環境: 小店雖然面積唔大但🪑座位都幾多所以午市爆埸時😅會覺得有小小逼夾燈光就比較暗💡餐廳會播放一啲柔和音樂整體感覺幾休閒☺️好岩午餐輕鬆一下------------------------------食物: 香煎紐西蘭8安士肉眼配薯條 ($98)🥩份量好足👍🏻難怪咁多打工仔同學生黎幫襯小編要左5成熟🔥火喉岩岩好,唔會過哂火肉眼唔會太肥同無筋😋食落味道正常鹽同黑椒少左小小🧂要靠點啲醬汁吊味薯條即炸好香脆🍟多多都食得哂是日餐湯 (跟餐) 🫕小編呢日試到既係松露蘑菇湯😜味道偏淡🤔飲落好夠滑身👌🏻對得住價錢檸檬薑茶 (跟餐) ☕天氣轉凍飲杯薑茶暖返下個人🤗味道正常🍋檸檬夠新鮮🥰好夠味------------------------------服務: 小店店員唔多😵‍💫每個都好忙不過保持到一切正常🈴態度合格------------------------------環境:

呢間餐廳都係旺角站立左好耐，但一路都未試過，今日襯早早地黎到唔駛等位住就即刻試下佢！以西餐廳黎講呢度嘅價錢一D都唔算貴，Dinner set 一百頭左右就已經有好多選擇，雖然整體份量唔算好大份，但女仔都絕對夠食！個Set包左餐湯同埋飲品. 南瓜湯texture 幾滑，又唔會太稀，味道比較清淡。冬蔭公海鮮闊條麵。冬蔭公味夠濃，條條麵都夠味，不過就完全唔辣，如果有少少辣度會再惹味D～帶子煎得岩岩好，唔會太熟搞到硬晒。海鮮份量都唔算太少。蘋果汁唔駛加錢～甜品就叫左個伯爵茶雪山熱香餅。賣相都唔錯。佢係原味熱香餅配上伯爵茶嘅醬，一開始有D擔心會唔夠伯爵茶味，估唔到茶味都幾出，但又唔會蓋過蛋嘅香味。最有驚喜係熱香餅嘅口感，係界乎梳乎厘同埋熱香餅之間，鬆軟得黎又唔會好似食空氣感。配埋雲尼拿雪糕超正，一個人食晒成個都冇問題呀！

星期五黎到油麻地嘅Ocio 食午餐～ 呢度嘅lunch set真係好抵食～ 幾十蚊有主食+ 湯+ 飲品，份量仲好大份、幾高質！🐖 BBQ ribs waffle breakfast 豬肋骨烤得好香，醬汁味道唔錯～ 配上格格窩夫加啲蜜糖，甜甜咸咸的令人好好食欲～ 仲有沙律同薯條，食完超飽呀🐷 🍔 Ocio beef burger with fries芝士牛肉burger好有驚喜～ 牛肉好厚身、好juicy，上面仲夾咗啲脆脆既煙肉，口感豐富～ 配埋焗得外脆內軟嘅麵包，食落每一啖都有好有層次😋 薯條新鮮炸好、熱辣辣好好味～整體黎講呢度嘅食物質素幾好，而且選擇好多、仲好大份添～👍🏼 下次會試埋佢嘅甜品waffle，好似都好正！😍

依家位於旺角煙廠街已經第二次嚟食因為感覺好好所以好鍾意嚟食同埋好方便好近搭地鐵油麻地站落就已經到呢間餐廳有分下午茶推介如果三點去嘅話價錢會抵好多同埋有唔同嘅食物選擇同埋呢一間我哋食咗意粉特別推薦嘅係牛柳粒意粉大約等五至10分鐘 確保係即叫即整熱辣辣同埋佢味道都好夠 牛柳粒煮得唔會太過熟 亦都唔會有生食嘅感覺 分量十足同埋午餐方面有得免費飲嘢同埋佢哋嘅粟米湯亦都好好飲好大碗極力推介大家嚟呢度食因為真係好唔錯

𝒲𝑒𝓈𝓉𝑒𝓇𝓃 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝑀𝑜𝓃𝑔 𝒦𝑜𝓀餐廳既位置唔算好方便，不過佢既裝飾幾雅緻，牆上有幅粉筆畫的畫，又有幾幅油畫，幾好𝘧𝘦𝘦𝘭幾𝘳𝘦𝘭𝘢𝘹𝘪𝘯𝘨😄 我發現如果餐廳有𝘈𝘋𝘉 或者𝘸𝘢𝘧𝘧𝘭𝘦🧇類既我就會𝘥𝘦𝘧𝘢𝘶𝘭𝘵揀果樣🤣（今次都唔例外）是日餐湯係🥣磨菇忌廉湯，好香、好濃郁🌟燒豬肋骨窩夫早餐 𝐁𝐁𝐐 𝐒𝐚𝐮𝐜𝐞 𝐰𝐢𝐭𝐡 𝐏𝐨𝐫𝐤 𝐑𝐢𝐛𝐬 𝐖𝐚𝐟𝐟𝐥𝐞 𝐁𝐫𝐞𝐚𝐤𝐟𝐚𝐬𝐭 ($𝟕𝟓)估唔到咁大份，有兩大片窩夫配充足楓糖漿，好豐富，窩夫同薯條都好夠熱，沙律菜 個汁酸酸地有少少茄茸，好味😋𝘳𝘪𝘣𝘴 都不錯🌟𝐎𝐂𝐈𝐎 特選全日早餐 𝐀𝐥𝐥 𝐃𝐚𝐲 𝐁𝐫𝐞𝐚𝐤𝐟𝐚𝐬𝐭 ($𝟖𝟗)十分豐富，賣相好吸引。腸同雞扒都好有肉汁，好好味😆菜同蕃茄都好新鮮 𝘭𝘶𝘯𝘤𝘩 𝘴𝘦𝘵 會跟一杯$33 以下既飲品，揀左甘菊香草茶 同 檸檬薑茶，薑茶包加鮮檸，味道好夾，配合豐富的主菜幾消濟😆📍 𝐎𝐜𝐢𝐨旺角煙廠街33號朗廷軒地下𝘉舖

🦀軟殼蟹黑松露意大利飯軟殼蟹份量比想像中多感覺比一般軟殼蟹crispy意大利飯硬度適中, 配合黑松露口味聞到已經流口水加上各種蘑菇, 令口感更多層次🍄蘑菇湯隨餐附送既蘑菇湯質感幾creammy, 香味充足個人覺得味道可以更濃🍤小食拼盤晚餐加48蚊就可以配小食拼盤以呢個價錢算係十分抵食2人分享都岩岩好🥞鑊仔伯爵茶雪山熱香餅與其話係熱香餅我覺得比較似梳乎里pancakepancake 入口即化,同伯爵茶雪糕亦都好夾擺係鑊仔上面亦都好有心思真係有種雪山既感覺🍧芒果沙冰味度偏甜, 但不失芒果味冰沙冰亦都好錦, 唔會有飲到冰粒既情況

<Ocio>有日旺角行街無意中行到煙廠街，發現原來呢幾條街有好多機械同軍事🪖模型店，睇到好入迷唔經唔覺已經到咗晚飯時間，決定行入附近嘅餐廳e吓肚仔。店內裝修幾有特色，燈光偏暗，幾有情調✨。🦀香辣蟹肉手工闊麵伴溫泉蛋 $118手工麵對於我嚟講絕對係有一定嘅吸引力，總係覺得會好味啲哈哈🤣🤣，所以就試咗一款手工闊麵同意粉。督爆粒溫泉蛋🥚永遠都係好治癒嘅事，撈入蟹肉醬汁入面，味道更豐富。醬汁入面會食到一絲絲嘅蟹肉，味道唔算好辣，只係微微有啲辣味吊味。闊麵煙韌，但略嫌唔夠掛汁，所以味道較淡。👅評分：6.5/10🍞龍蝦汁海鮮手工意粉 $128呢個龍蝦汁味道比蟹肉汁濃，海鮮方面有墨魚仔、蜆肉同埋蝦，啲蝦🦐都幾大隻，全部海鮮都算幾新鮮，如果種類更多會更加分。意粉比闊麵更掛汁，所以更入味，整體都唔錯。👅評分：7/10🍹荔枝梳打 跟餐特飲+$15梳打係夏天嘅凍飲首選，荔枝味唔會好似藥水味咁，仲有啲嘢咬吓，唔錯唔錯。👅評分：8/10💬後記：其實好想試吓啲甜品，可惜主食已經太飽了，而且餐湯🥣超級大碗，唯有下次再試！

Had my comfort lunch hour at this Mong Kok café:Soup of the Day ~ CornSpicy Prawns and Basil Spaghetti Iced CoffeeA simple combination of fresh tomatoes, prawns, basil, a dash of chili with pasta to complete this quick lunchtime treat. No wow factor but when you're running out of what-to-eat idea, this meal is comforting & hassle-freeMust try their strawberry shaved ice next time, looks inviting

湯，稀到完全飲唔出係南瓜湯定粟米湯。蜜桃沙冰，淡到飲唔出係蜜桃定芒果味。份ADB，除咗個waffle同芝士腸還ok之外，雞扒無味薯條無味茄汁豆無味(點解連🥫都可以無味？令人懷疑係咪專登溝稀咗😨)。根本唔值$100+，普通茶記$60+都好過佢。唔會有下次。

醬燒豬肋骨窩夫早午餐😋放假日 去旺角買啲嘢行街 出到旺角都差唔多多下午三點喇 早餐響屋企食咗少少咋 係時候要搵嘢食先。旺角食市林立 今次一人去想去文青格調Cafe 食嘢咁啱網上search左 呢間 cafe響地鋪就去食下野喇。估唔到 去到時候仲有午市套餐可以Order 事不宜遲 即刻叫個早午餐食下😋呢個午市套餐有包餐湯同餐牌33蚊以下餐飲響Cafe黎計真係CP值幾高。好快就餐湯同餐飲到來。咖啡係即磨咖啡 餐飲來説 奶另上幾貼心 可以自己調整自己喜歡嘅口味 等一陣 主餐到來 份量足。醬燒豬肋骨一份中有四條 豬肋骨充滿BBQ汁醬 非常滋味配菜沙律菜剛好 配搭10分啱重有太陽蛋同薯條🍟 薯條香又脆重點係店嘅皇牌產品 窩夫🧇。窩夫有蛋香味又外脆內軟。配合糖漿味道佳👍🏻店內大約10張枱左右 約下午茶時間都不斷有客人 想黎食要早點黎或預訂枱呀下次再黎試吓食甜品先😋地址🧇旺角煙廠街33號郞廷軒地下B鋪

呢間cafe真係唔寫唔得，服務超差食到一肚氣🔥話說同朋友book左呢間餐廳，我book左12點，但係就遲左少少，08分先去到，朋友都係遲左，但係其實餐廳內剩係坐左一台人，咁朋友到左我地就已經馬上叫嘢食啦，我同朋友各自叫左一個lunch set，冇耐餐湯就上來，我地飲左2啖佢就開始上菜，咁我同朋友梗係放低啲羹比佢上菜啦，點知佢望都冇望我地啲湯仲有一大碗，就問我地係未唔要，想收走佢，我同朋友當場都覺得好愕然。不過算，呢個當你粗心，點知後面變本加厲…我地坐左大概一個鐘佢就比張單來話我地已經夠時間，fine，時間夠離座呢個規矩我地明，但係態度超差咯！明明可以客客氣氣提醒，但係個姐姐就好似我地欠左佢10萬9千7咁直接擺張單係檯面然後就話：「夠時間啦！」最離譜係，我地各自拎錢出來，剛剛擺好係張檯度計緊數，個姐姐就即刻插隻手埋黎收錢，我朋友等唔順講左一句：「你可唔可以比少少時間我地先？」佢先肯走開。明明餐廳仲有空檯，外面又冇人等緊，都唔知佢咁趕做乜！仲要全程黑面，心諗係未紅日返工唔gur要拎啲食客來出氣啊？！我唔知佢叫乜名，亦都唔知道佢係未老細，但係呢個態度真係超級唔得咯！平陰果位侍應，你真係要好好

晚市入去堂食，三人行叫了一人一個晚餐，餐湯略嫌稀左啲，當試過其他西餐廳高質湯，就返唔到轉頭（飲品都一般般）義大利麵就不過不失，反而想讚下薯條的質素。最後叫了甜品，焗鑊仔班戟朱古力心太軟，賣相吸引，適合打卡，流心程度令人滿意，果然這間餐廳主打是甜品。整體而言會建議來吃下午茶，吃個甜品。

幾年前食過ocio嘅甜品都覺得幾唔錯😋😋當日同朋友午餐時間去食🤩🤩發現佢哋啲主食都幾唔錯😍🤤Lunch set價錢又幾抵食包湯包嘢飲😎-🎃南瓜湯味道不過不失 飲落冇乜味😿個人覺得可以傑返少少🤏🏼🔸醬燒豬肋骨窩夫早餐 $75見到都覺得吸引🤤有甜有鹹食一舉兩得😛豬肋骨燒得好香好野味🥳肉都算多🤩🤩而窩夫就一件配太陽蛋食🥰另一件就落蜜糖甜食🍯不過個人都係比較鍾意甜食🧇食完成個餐可以當甜品食😻😻即炸薯條香噴噴熱辣辣好鬆脆🍟仲有沙律菜做半碟添🥗真係好豐富❣️❣️🔸菠菜蘑菇忌廉長通粉 $58超級好食‼️‼️份量都算幾多😚有勁多忌廉汁🤓超級creamy😍😍每一條長通粉都掛住啲汁🤩🤩加埋菠菜同蘑菇味道更上一層🤍🤍跟餐飲品：🔹熱情果茶🔹即磨咖啡

第二次去食呢間西餐廳，勝在性價比中上。有唔少朋友都鍾意去食。雖然地方唔算寬敞，但係都有沙發坐。粟米忌廉湯味道一般， 似係罐頭湯，但係粟米都幾多，幾香濃。 朱古力榛子窩夫配燒綿花糖 $65窩夫係喺呢間店必叫，窩夫切成四件，外層有少少脆，內裏帶蛋香，較軟身，加上雪糕、棉花糖同朱古力片。 香煎紐西蘭八安士肉眼配薯條$168我哋叫咗五成熟，肉質都幾粉嫩，煎得軟腍。薯條熱辣辣，尚算香脆，性價比中上。整體不過不失，係行平民價路線。

一向喜愛窩夫的我，以往經過開旺角廣華醫院嗰邊,都會去呢間食窩夫同甜品，近來多咗好多鹹食如英式早餐，意粉，漢堡包等，今晚約埋朋友一齊再去試吓。Ocio 自選全日早餐連餐湯🍳🥘All day English Breakfast, 非常豐富，相當足料，有signature 窩夫, 配楓葉糖漿，好有蛋香，蛋煎得好細滑，法蘭克福豬肉腸， 值得讃是雞扒好嫩滑，亦都好厚肉，仲有茄汁豆，Parma Ham,新鮮的沙律菜同即炸薯條。🍹芒果沙冰同士多啤梨沙冰，在炎炎夏日飲十分透心涼另外，晚餐繁忙時間可能只有一個或個半鐘，大家可以選擇適合自己時段去