Ocio (已結業)

星期五晚上6:30pm 餐廳已大棚人等緊位。好彩朋友book定，唔係店仔細細有排等😊我地3個女仔叫左個$228 2人餐，加多個沙律，都好夠食~餐加$30可加3個items ，可揀湯或飲品或沙律，湯係蘑菇湯 另外叫嘅salmon salad，份量幾細，但$30左右差唔多啦2人餐可以揀的蜜糖雞翼，炸得金黃酥脆，甜甜地好惹味，推介👍🏿👍🏿再來係openrice見好多人叫嘅醬燒豬肋骨，味道100分，但肉質略嫌硬實，切得幾辛苦最後係餐裡面揀嘅木魚菇南瓜risotto，好有味，唔錯我地坐近open kitchen煎炸野爐頭附近，油煙味幾勁。除此整體ok

葵芳睇完戲， 覺得餐廳明亮、 舒適， 綠色的植物牆身，給人一種小清新的感覺， 吸引了入去食午餐。黑松露野菌飯(午餐)$76粟米忌廉餐湯，入口順滑，帶啖啖粟米的清甜， 奶香誘人，的確不錯。 黑松露野菌飯口感濕潤， 還有啖啖濃郁芝士及 黑松露獨特香氣，配上滑溜的 野菌， 口感豐富，十分享受。大蝦松子仁醬意大利粉(午餐) $76意大利粉入口煙煙靭靭 ， 軟硬適中，每條麵條都掛滿松子仁醬忌廉汁 ，香味瀰漫口腔， 大蝦十分爽口彈牙， 配上爽甜 蘆筍仔和蘑菇片，每口都細膩誘人， 令人回味!凍奶茶、凍檸檬水(跟餐)凍奶茶及凍檸茶， 糖漿另上， 甜度自己調教， 冰爽解膩， 十分欣賞。

.🔺Ocio 好耐冇出葵廣行街順便去附近嘅新都會廣場覓食今次試左Ocio 都好多人等位 好受歡迎😆.黑松露蘑菇湯🧆個湯好香黑松露味但係個湯嘅質感好似有啲杰👻.小食拼盤😻呢個份量比我想像中多好多🥰套餐唔使加錢就可以點選呢個拼盤 超大份🤣全部都新鮮即炸 熱辣辣好正好脆.黑松露軟殼蟹意大利飯🍚值得一讚係個意大利飯嘅質感可以食得出係一粒粒飯 但又唔係生米煮得剛剛好👏🏻軟殼蟹就不過不失.忌廉香草汁三文魚扒🐠三文魚扒煎得幾香口魚嘅肉質唔會太散亦唔會太乾😍

今日同男友行葵芳，又未到晚餐時間，決定去Ocio食少少野先🤤我點左個千層酥，佢既賣相好吸引，好岩打卡。而味道唔太甜，吉士醬加埋一層層既千層酥，好鬆脆。吉士拿破崙千層酥 $52男友好中意食小食拼盤。呢度既小食拼盤好吸引，有炸蝦、炸魚、薯角等唔同既炸物，點埋醬就岩岩好啦🍤小食拼盤 $48抹茶牛奶係我最愛，不過唔係間間好飲。呢杯就好好飲啦！唔會太甜，仲好順滑🍵抹茶鮮奶 $36總括黎講，Ocio既輕食真係唔錯，價錢唔算太貴。有機會要試埋主食同其他甜品先得🤤

今日book早左黎食晚飯，所以一黎到唔駛等就可以食。呢度鋪頭唔大，所以我地食食下都見到出面有一條長長嘅人龍等位。今日點左個二人set dinner，價錢唔算太貴，不過如果要加湯加沙律同飲品都要額外加錢。煙三文魚沙律 - 可能因為係跟餐沙律比較平，所以好細份，味道一般般，略嫌沙律醬唔夠傳統。今日是日餐湯係牛肝菌忌廉湯，又係勁細碗，不過味道唔錯。蜜糖蒜香雞翼 (5隻) - 幾夠味，見到個沙律同個湯咁細份之後難個雞翼有5隻😂醬燒豬肋骨拼薯菜 - 個豬肋骨唔算太淋，但味道唔錯，幾欣賞個醬，有d BBQ味又有d buffalo醬，少少辣好惹味。鐵板龍蝦汁魷魚意大利飯 - 個飯有d痴底，龍蝦汁唔算好濃味，不過面頭好多木魚所以都幾夠味。呢度整體食物質素唔算太差，環境優雅，特別要讚係d staff好友善服務幾好，下次會黎試下個窩夫

今晚約咗細佬食飯😂，由於佢要去葵芳整嘢，所以呢我哋就揀咗葵芳附近嘅餐廳😂，好你喺新都會廣場行咗陣🚶，見到呢間嘢幾多人，根據一個講法🤔，逢親多人嘅鋪頭，都唔會差得去邊😂😂，所以就索性喺度等一陣間，冇幾耐就有位喇👍，我哋因為喺門口已經睇咗個menu， 所以好快就揀咗心水食物😋，我哋揀咗個套餐套餐入面呢係包括一個漢堡配薯格🍔🍟 ，同埋一件牛扒🐮，另外我哋嗌咗一份小食， 係水牛城雞翼🍗，分量嚟講呢都算足夠我哋食，整體每一樣都各有特色😋，黎到葵芳嘅都可以試一試嘅🉐

星期日同朋友去葵芳行街，喺新都會廣場見到都開咗好多間新餐廳，見呢間都幾吸引所以就試下假日lunch set都有好多選擇，亦有好多小食揀。Lunch set包埋餐湯，好濃味嘅忌廉湯，正M4 大蝦松子仁醬意大利粉 ($76)份量相當足夠，松子仁醬好惹味，配埋好清爽嘅大蝦一齊食，好夾！個醬汁好夠，食到底個意粉都好juicyM3 黑松露野菌意大利飯（$76)如果你鍾意食黑松露醬，我大大力推薦你試呢個。煮得非常之入味，每一啖都食到好濃厚嘅黑松露味同埋野菇，絕對配得起呢個價錢餐飲就正正常常叫咗杯檸檬茶走冰，糖係按自己喜好加，非常好

係葵芳區，想搵間可以坐得舒服又有好西食既地方，就諗起一間好多人推介過又未試既餐廳 🤤 不過，剛剛見到佢地公司宣布左同葵芳分店已經沒有關係，所以未知會否有影響 🧐今次🐻就order左「特選全日套餐」，包埋餐湯餐飲！另外🐻加多個凱撒沙律🥗！All Day 入面有雞扒、炒蛋、窩夫、煙三文魚、腸仔、薯條、茄汁豆 🤤 推介/ 意見‼️✨值得一讚係跟餐既蘑菇湯，濃郁又熱辣辣，而且加配既凱撒沙律非常新鮮，而且配有香草味沙律醬，加埋煙肉粒一齊食好開胃🤤✨ 「特選全日套餐」就岩曬咩都想試既朋友！雞扒超大塊又滿滿香草🌿，又香又嫩滑！而且西式腸同薯條都好正😌✨最特別係尼間餐廳既窩夫🧇，配埋楓糖漿，簡直幫埋第二個胃都填滿！價錢‼️$92 「特選全日套餐」配餐湯餐飲$20 加配凱撒沙律

今日趁得閒去咗葵芳新都會食野， 店舖座無虛席，等左一段時間先至入到去， 點左個大蝦松子仁酱意粉，份量少得可憐，不太適合大食嘅人， 意粉好硬，好難消化， 配料好少，竟索價$72，不配相應的價錢

新都會Ocio有下午茶餐今日走左去試，見佢價錢合理份量都唔小👍🏻👍🏻👍🏻選擇都算多。點左個卡邦尼意粉味道都好好唔差都好大碟一定飽、士多啤梨芝士窩夫配埋雪糕好正都有兩小件，飲品就叫左杯奶茶同加錢叫左杯凍鮮奶咖啡。另外散叫左個伯爵茶雪山疏乎厘班㦸，班㦸整得好鬆軟好有疏乎厘口感，加埋雪糕同伯爵茶汁，一d都唔甜加埋真係好夾堅好味，有兩件可以每人一件😋值得一試。Hannah 未食見到都笑晒口🥰

因為星期日要返工，今晚同爸爸撐枱腳。爸爸鐘意食牛扒，依間想試好耐，1星期前book位，今日終於食到。黑松露軟殼蟹意大利飯好有驚喜，軟殼蟹好大隻，厚肉，即叫即炸，好脆口，真係做到外脆內軟。意大利飯好多菇菇，加埋軟硬適中嘅意大利飯，口感一流。菇菇同黑松露令到個白汁更加香，整體黎講，依個價錢，真係無得頂。安格斯肉眼扒 (8oz)鐘意食牛嘅爸爸，當然叫牛扒。牛扒都幾大塊，爸爸叫咗7成熟，表面煎到非常之香，切開，見到，一d都無過熟，做到7成熟，廚師功力有返咁上下。牛嘅質素好好，完全無用粉'拿'個，肉質彈牙，好有牛味，唔韌。水牛城雞翼小食叫咗水牛城雞翼，賣相好吸引。雞翼外脆內軟，個汁酸酸辣辣，非常野味。以依個套餐價錢，有咁嘅水準，非常超值。唔怪得次次行過都full house。下次想試下羊扒，見隔離枱叫咗，好似好好味。

葵芳新餐廳晚市的價錢十分便宜除了西餐外，還有甜品選擇，賣相很不錯呢門口極多人等待入座選擇較便宜的晚市套餐兩款主菜(A+B) + 一款小食 - $228A6. 芝士肉醬牛肉漢堡配薯條 - $128牛肉漢堡很大塊，口感鮮嫩多汁，牛肉味濃郁煙肉煎得極香脆，肥美豐腴濃郁的肉醬帶微甜，令味道更豐富底部的蕃茄及羅莎紅生菜配沙律醬正好平衡油脂感薯條新鮮即炸，粗身口感更香脆可口B8. 特級牛柳(8oz)拼虎蝦 - $168牛柳是牛排中最柔嫩的部位脂肪分佈平均切開入口即融，肉質細緻，散發出啖啖肉香虎蝦肉質紮實飽滿富彈性 ，蝦味濃郁配薯蓉焗大啡菇，菇菌味極濃郁，薯蓉很香滑細軟S3. 水牛雞翼 - $45味道層次很豐富，帶點香辣，又帶少許甜酸套餐不包餐飲，可加錢自行組合加配兩杯餐飲凍奶茶共$23 

見好耐冇食過呢間 之前食過好幾次午餐同晚餐 食物質素都唔錯 咁就想黎食下當日係星期五既夜晚 收工過到去大約7點左右 去到都full full地 好彩屋企人早左黎拎位 佢已經入左座 我就後到 去到門口有幾個人等梗位咁 不過都好快有位 唔會等太耐一坐底當然睇menu揀野食 佢個menu已經轉左了 係個二人晚餐 即係一定係menu入面係要揀兩個主食同一個小食 其實menu入面既食物同之前既menu個啲差唔多 最失望既係冇左豬鞍 佢個豬鞍之前食過幾次 真係唔錯 同埋冇左個個全日早餐 呢兩個係最值得食多次 點知今次轉menu兩樣都冇晒 不過唔緊要 就當試下其他野食 就叫左個肉眼扒同燒春雞 再揀左小食 係蒜香蜜糖雞翼 之前午餐同晚餐叫set既會跟埋湯同野飲 點知宜家轉左menu又係冇埋 要加錢先有 野食好快就黎 一黎就係小食先 蒜香蜜糖雞翼 一碟有5隻 食落啲皮好脆口 好重蜜糖味 呢個唔錯 好好味之後燒春雞都黎埋 呢個就普普通通咁啦 例牌啲汁都係冇味 不過隻雞都唔錯 幾滑雞肉眼扒就麻麻地 叫左7成 都係偏硬 可能下次要叫5成試試 可能會好小小 其實牛扒之前都食過好幾次 都係麻麻地 都係偏硬 同埋佢

Weekend 行下好耐無行既葵廣，行到攰攰地，想搵間舒服啲既餐廳坐下食下野，就去咗格離新都會呢間餐廳～餐廳裝修幾靚，有雲石枱，影野食相幾靚！佢weekend 都有下午茶menu，意粉甜品都有得簡，而飲品就有咖啡或茶，如果加錢都可以叫其他，drink menu 都有幾多選擇呢！ 凍咖啡同凍奶茶兩杯有另外分糖同奶，可以自己控制分量。士多啤梨芝士窩夫有兩塊窩夫，一球雪糕。食落士多啤梨味比較重。而個焦糖香蕉朱古力窩夫，個窩夫幾有朱古力味，個焦糖香蕉有驚喜，佢唔係用焦糖糖漿，係真係有燒到層焦糖係香蕉面！

Ocio (葵芳)今日同朋友行完葵涌廣場好攰呀，想坐得舒舒服服食個晚飯，去左都會廣場搵野食。入左一間小清新餐廳，牆身鋪滿綠油油既樹葉，裝修得好明亮，成個環境睇落去好舒適。我地叫左二人晚市套餐$228有兩款主菜+小食-白酒煮青口，好好味，味道酸酸甜甜好開胃，有少少白酒既香味，加上青口好肥美，真心推介。-第一款主菜係黑松露軟殼蟹意大利飯，軟殼蟹炸得卜卜脆，外脆內軟，而且都算多肉。但意大利飯米粒質地硬左少少，我本身比較喜歡吃軟身d-第二款主菜係香燒紐西蘭羊架，佢既香燒汁唔錯，可以帶走羊羶味 ，如果肉質嫩滑d會更好！食飽飯仲可以行陣大大間既MUJI味道👅：7/10服務💁🏻‍♀️：7.1/10環境🌾：7.6/10晚餐消費：$160加一地點：Ocio (葵芳)葵芳興芳路223號新都會廣場2樓270-271號舖