影片
以上资料只供参考，请与餐厅确认详情
《值得持续支持嘅餐厅》上个暑假嚟到佢执左笠…经历咗一年之后终于见到佢重开第一次帮衬，叫左份 「炸鱼柳配薯条」下午茶头先食得好饱 两个人share一份+另叫一杯饮品唔钟意食鱼嘅我，我都食到个炸鱼薯条个炸鱼劲好食 一梳梳鱼肉嘅炸鱼柳👍🏻系正嘅🫶🏻冻饮唔使加两蚊😻👍🏻支持小店💪🏻汽水梗系饮支装啦🫢一边睇住小朋友游水，一边食个靓tea 头先同老板倾偈先知 原来喺青衣泳池游水都可以喺度嗌嘢食 约定屋企人下次过嚟游水加食嘢Chill 一 Chill🤗
继续阅读
重开之后第一日帮衬， 晏昼 叫咗煎鲷鱼 鱼饭， 感觉比以前好咗重开之后 条鱼煎得香咗，不过汁就唔系好够 ( 后来我知道原来随时问佢可以加汁)； 有黑椒或者洋葱汁两款任你拣。今日例汤系忌廉汤， 纯斋不过都好饮。唔敢叫咖啡奶茶因为唔知佢哋用乜嘢奶，因为好惊用植脂奶对身体健康唔系咁好。朋友叫咗 蒜蓉茄丝意粉， 蒜蓉茄子加油都几香，不过意大利粉 嘅质素如果用高啲就更加好喇。沙律跟餐啲沙律比以前都好咗，不过只系得千岛汁，如果佢哋肯用靓靓嘅纯沙律醋，又 或者 extra virgin 橄榄油应该效果更好。总括嚟讲重开之后水准系高咗嘅。
继续阅读
我哋一行五日. 正常落dinner order, 等咗半个钟汤都冇, 其间追咗三次都话得喇得喇嚟紧. 其实就冇实际去check.到我走埋counter 去追佢嘅时候, 佢先认真去揿电脑. 先至发觉真系漏咗㗎， 又话个电脑cake住唔知啲乜嘢， 出唔到张飞， 但系我哋后面𠮶三台全部啲𩠌嚟哂， 佢地差唔多食完添。好了，到嘢食嚟咗喇， 我又要再追啲饮品 ， 𠮶阵时又发觉 D饮品又漏咗飞，咁样嘅服务态度，都真赶客啫， 冇人想食饭食到一套气吖嘛。
继续阅读
最近同朋友仔喺青衣运动场跑步，出咗一身汗之后当然想食返餐好 😝 之后就去咗泳池隔离间餐厅度开餐，由于泳池唔开嘅关系，所以都少咗客人帮衬，不过咁样亦几好，静静地舒舒服服食返餐。餐牌超级多选择，多到唔知食咩好。蜜糖鸡翼 ($45) : 蜜糖汁沾满成只鸡翼，见到都流口水 🤤 食完咁甜蜜蜜嘅鸡翼，隔离就有沙律菜可以解一解油腻嘅感觉。黑松露芝士虾肉 Pizza ($98) : 饼底非常脆口，而且仲散发出微微嘅黑松露味，不过如果配料再多啲就更滋味。USA Premium 猪柳配著条 ($138) : 套餐可以拣饭 / 意粉/ 薯条。粗身薯条超级正 😍 猪柳煎至金黄色，口感柔嫩而且肉中无筋，以小店嚟讲已经属高水准之作，其他配菜亦鲜嫩爽脆。😋是日餐汤系香蒜粟米薯仔汤，口感绵绵蒜味浓郁。
继续阅读
位于青衣游泳池旁边嘅小店，佢嘅位置真系好隐秘😂😂经过咗好多次之后先发现到佢。价钱嚟讲其实偏贵，不过食物就非常高质，pasta同risotto一样咁好食。小食嚟讲我最爱薯蓉同蒜蓉包，佢嘅薯蓉绵密软滑，蒜蓉包就烘到脆卜卜，又多蒜喺面。每次做完运动都会喺度食dinner😋😋😋
继续阅读