Oliver's Super Sandwiches (已結業)

平時幾鍾意食呢間嘅早餐同午餐，今日就想食清啲，所以一朝早10點幾起身，那那林換衫搭車過去食，趕得切喺早餐截單時間落單， 早餐好似係11點半截單，我大概11點3左右落單。今日叫咗有螺絲粉嗰個餐，好似係b1餐。但係唔知係唔係就嚟到午餐時間，我嗰碗螺絲粉得六條😑😑😑 平時食起碼10幾廿條，我真係覺得廚房費事再煲多轉所以偷工減料囉😑😑其實佢質素唔差，我會繼續去食嘅，但係下次唔會再係就嚟截單嘅時候去食了。。。

之前經過見到有焗薯同肉醬意粉已經想試，雖然最後都無叫到尼兩款食物。餐廳係位於電梯旁既open area。侍應會將食物送到客人座位。落完單三分鐘左右已經有野食，勁快。挪威煙三文魚蜆肉扁意粉配刁草忌廉汁套餐($62+$6轉凍飲)醬汁夠濃，味道都唔錯，岩哂重口味既我。煙三文魚同蜆肉份量都多，雖然(應該)係急凍貨色，但亦符合價錢。上菜速度咁快，好難相信係即叫即整，意粉同醬汁應該一早已經整定哂。(個人口味：3.3/5)鮮蝦芝士南瓜汁長通粉套餐($78+$28升級海鮮南瓜酥皮濃湯)有3隻蝦同幾片芝士，醬汁充滿南瓜味，長通粉略嫌un左少少，如果煮腍少少會更好。酥皮湯有2隻蝦同2隻蜆肉，將酥皮浸落湯連埋南瓜湯一齊食，惹味。不過好明顯味精成份好重，加$28都算貴，拉抵左性價比。(個人口味：3.7/5)餐廳侍應都好有禮貌，價錢合理，亦無需加一服務費。唯一美中不足既係意粉唔係熱辣辣(熱既程度大概6/10)，可能尼間餐廳既賣點係快?速食?

呢個早餐嘅配搭，有薯餅、洋腸、多士、炒蛋同埋羅宋湯螺絲粉，基本上每次去親食早餐都只會係呢個因為好豐富同埋一定夠飽。價錢方面唔算太貴， 40幾蚊包埋嘢飲，不過如果你鍾意飲朱古力的話就要加錢啦。如果飲熱檸茶嘅話，因為佢係用西式茶包所以茶味會好濃，飲落好澀，如果係飲開港式熱檸茶的話就未必會接受到陣味喇，所以最好就飲熱檸水或者直接叫凍檸茶啦。

放假日想靜下，一個人來到Oliver食個下午茶，其實間中都黎食下，因為易搵位，但之前食過公司三文治好大陣雪味，而咖啡味道亦大不如前，是日就試下新野啦。炸魚薯條配港式奶茶（$56）賣相正常，份量也合理，兩塊魚配上十數條薯。魚柳不知是番炸定係其他原因，食落一陣油益味，重好腥薯條不熱，一啲軟淋淋，一啲又乾又硬，難以下嚥…真係可以用味如嚼蠟去形容。熱奶茶算係幾好，茶香奶滑又夠熱。下午茶時段未算人多，係仲有吉枱情況下店員亦十分進取，一放下刀叉去飲杯奶茶時，即刻黎收碟，雖然好難食，但未食完㗎…

又介紹Yoho Mall嘅早餐其實Yoho Mall可以食早餐嘅餐廳好少大部份餐廳都開11點至12點所以選擇好少😅今次依間餐廳好似開早上八點鐘所以無辦法都要去食餐廳其實都算坐得舒服同埋餐廳環境都算寜靜又唔會話趕你走所以外在環境都會食得舒服啲早餐嘅價錢大概$30至$50不等質素其實就好一般通常都唔會夠熱多士亦都係唔夠鬆脆應該放咗一段時間蕃茄又焗得唔夠時間所以我都明白點解咁多人鍾意茶餐廳因為好多都可以即刻整即刻食新鮮啲我諗最滿意就係熱檸茶非常夠熱所以我有時都係因為坐得舒服同埋杯熱檸茶先光顧🤣🤣🤣

時間係早上8點，因為出面天氣太熱，所以走咗去行商場，又唔想食大家樂嗰啲快餐，所以最後走咗嚟幫襯呢間~奧利華超級三文治嘅早餐。睇餐牌係好高質素，最後叫咗呢個套餐，轉凍飲要加6蚊，埋單多謝50蚊。食咗之後，坦白講普通貨色，個蕃茄湯好濃， 但係螺絲粉數得出唔超過10嚿， 塊蛋同條腸都好好食，薯餅夠脆，不過多士就硬咗啲，可能因為太早嘅關係，商場冷氣唔係太夠。但勝在冇乜人，食得都好舒服，座位方面都唔錯，侍應都好殷勤幫手取餐同埋執枱，清潔程度滿分。

這天我們一大早去了元朗的南生圍進行拍攝工作，感激客人對我們的信任，很快便可以完成，小客人狀態也很好﹑很自然。完成後，我們乘搭橫水渡回山貝河再乘小巴回元朗西鐵站覓食。因為拿著很多道具及器材的關係，我們都不想花太多時間找餐廳單點了一客挪威三文魚蜆肉意粉及一客費城牛肉焗薯。挪威三文魚意粉的汁很濃郁，原本以為不夠撈全部的意粉，怎料剛剛好!唯獨是蜆肉帶點腥味及有沙。另外，我是第一次點費城牛肉焗薯，滿滿的芝士醬非常吸引之餘，與焗薯很配。

今日放半日假約左好朋友去元朗形點yohomall食我至愛的supersandwiches下午茶！火腿芝士牛角包餐連埋一杯即磨咖啡~牛角包好香脆鬆軟，連埋火腿芝士一齊食簡直是集咸香惹味的一餐，至於杯咖啡都唔錯，香濃可口，非常好飲！火腿菠蘿芝士三文治加冰凍檸檬茶~香甜惹味好好食，最後飲埋杯冰凍檸檬茶簡直是完美飽肚的一餐！

看完盜海豪情：8美千嬌後，大家都餓得很，不過又不願「外出」，面對猛烈的陽光，所以決定留守yoho mall，去super sandwich吃個豐富的下午茶。朋友們照舊吃她們例牌吃的，我就看看有甚麼新登場餐牌，每次吃同一樣的會很悶。新餐牌taste of ocean絕對是正中我的下懷，主打海鮮，個人最愛吃就是海鮮。最後我選了西班牙辣肉腸，蜆肉意大利粉配香蒜汁，當然不少得轉combo加配蘑菇湯吧。光看西班牙辣肉腸，蜆肉意大利粉就知用料多豐富，蜆肉目測最少廿多顆，處理乾淨之餘也夠飽滿。西班牙辣肉腸不死鹹，並輕輕的為意大利粉提味，不錯的說。唯一失落的是醬汁雖濃郁，可是不是蒜香味，反而忌廉與西班牙辣肉腸味較突出，但與意大利粉挺搭配。蘑菇湯一如既往有水準，濃厚的蘑菇香氣混合忌廉湯底的細滑感，可謂一絕。湯中小小的蘑菇粒蠻有咬口，令蘑菇湯在口感上一點都不單調。

晚上想不到吃什麼，就想求求其其吃一頓。因為super sandwiches 在其他分店也ok就在這裡吃了。在收銀旁有個套餐，68元有主菜，酥皮湯，茶或飲品。就點了這個套餐！湯不過不失；意粉感覺求其，而且份量小；茶也是有二個茶包，茶味濃郁，但有些人可能晚上會睡不著。

又到聖誕假期，到處都人頭湧湧，來到Super sandwiches食下午茶，貪呢間店較少人易有枱，而且空間較大，適合泊bb車。自助下單，但會有店員送餐，不知是否假期，收銀員工同送餐員工都不太友善，假期不想上班吧，我懂的。熱狗薯條餐配熱咖啡（$44）薯條另外多買了一份到在一起，所以有咁多，熱狗包是烘燶了，很硬，薯條也不熱，一早炸好的。公司三文治配熱咖啡（$52）公司治切得東歪西倒，餡料不多，看到只是放在麵包中間，而且也是凍的，很乾很硬，做定很久了吧？配上的薯片只有幾小片碎片，也是淋的，失望。熱咖啡煲燶了，又酸又澀，失敗。食物是沒希望了，只求一位可以坐下休息下的。

因我唔舒服，和朋友仔約左呢個早餐都好耐了，終於得閒可以一齊去食早餐，她對我很她，常常請我食野架，今次都請我食早餐，牛角包、炸魚、黑松露炒蛋，不過我覺得個黑松露炒蛋咪道怪怪的，我弟一次食黑松露，唔多慣食，不過講番個牛角包加牛油真係好好好咪，包暖牛油溶哂，又係一試難忘果隻，個牛角包冇得輸，另外炸魚又係好好食，夠厚，夠香，表面好翠，一個字正，朋友請我食，真係好開心，難得一見，會有說不盡話題，因為我地約早餐都係呢度常客🤘🤘😄

今日好趕時間，又想食沙拉，於是去了這間餐廳。我叫了一個呑拿魚沙律焗薯和雜菜湯。好耐無食焗薯了，見到兩個雪糕球甘大的呑拿魚沙律，真係正！焗薯熱辣辣，又有好味道的呑拿魚，真係好好食。我喜歡食埋薯仔皮的，好味！仲有好多沙律菜，好新鮮，又有煙肉碎和麵包碎，真係好好食。雜菜湯雖然唔多雜菜，但味道都可以。

元朗YOHO MALL 照市區的商場開辦, 開了很多不平民的食店有時在元朗也會想念市區的食店, 就像Subway, Mos Burger, Super Sandwiches 之類Super Sandwiches 就開在YOHO MALL II 吐司工坊後面, 超隱閉的整天都可點沙律, 肩意粉, 三文治 娜威煙三文魚凱撒沙律 (51) , 超級套餐可加湯&飲品(+$15)晚上不想食太Heavy, 吃個沙律也好而且份量不算少娜威煙三文魚.蜆肉.刁草忌廉汁拼肉醬意粉 ($52) , 超級套餐可加湯&飲品(+$15)一致認為肉醬較好吃, 因為煙三文魚有很新鮮的海水味…..腥海陸公司三文治(全麥方包) ($57)三文治含蝦, 沙律還有很多配料, 加上烘全麥方包覺得很好吃伴碟沙律的醋醬也覺得味道恰到好處

沙田果間食過一般 見到元朗依間我就冇考慮食 因為怕佢都係一般 不過行左幾間 最想食既米線排上長龍 依間比較多位唔洗等所以選擇依間 對佢本第冇乜太多期望叫左一個芝士牛肉焗薯伴碟有沙律 先講薯仔 有二大片牛肉 但冇乜牛肉味 薯仔加芝士味道好好 唔會話太重芝士味 食幾啖會變到好飽 沙律喲菜 一喲得一喲唔得 有二大塊上面都有野 感覺唔新鮮意粉要卡邦尼 雖然佢味道好好 好濃 但係質感一般 凍左少少感覺就痴埋一齊 好難叉黎食 仲叫左個薯條 有芝士肉醬 岩岩炸 仲好熱同好食飲品 凍奶茶我唔知咩味 我要熱咖啡 好香 好濃 我覺得好飲 我個人覺得依間味道唔錯 以上係我既個人意見