Oliver's Super Sandwiches (新城市廣場三期)

营业中

休息中

一向都喜歡到這裡吃早餐，因為有會員折扣也很近屋企雖然我真心不喜歡它的炒蛋或太陽蛋，因為似機器煮多於人手但有時貪近都會來這裡吃早餐若周末多數10am已坐滿人，也不是易揾位。今次Order了﹕炸魚柳、炒蛋、羽衣甘藍蕃茄配熱檸茶炸魚柳味道不錯，炸粉不算多，值得一試但炒蛋就一向不太喜歡，因為太熟了，不滑也似乎無落鹽而羽衣甘藍就正常另一款all day breakfast配熱咖啡包括﹕腸仔、羽衣甘藍、煙肉、多士、薯餅、蛋、小蕃茄及焗豆個人來說，認為多士和薯餅最出色其他都是正常發揮店內近年一直都提供機械人送餐的服務，但由於店內的確很窄，有時食客和機械人同時間走著，結果食客需要讓路，也見過另一枱食客取錯送餐的情況。#hkiger #foodie #hkfoodie #foodphotography#foodblogger #偽食家 #cheerstart #foodiehk #foodinstagram #沙田美食 #早餐

來到新城市廣場第三期的Supersandwiches店子，順路便帶走了一個輕怡午餐回家慢慢嘆。這店子的食物選擇也算多，全部也是西式餐單；既有不同款式的較飽肚的意大利粉、通粉，又有較輕營的焗薯、三文治🥪、墨西哥餡餅和沙律🥗等等。最後還是選了一個外帶焗薯配沙律作今天的午餐。～煙肉、傑克及車打芝士焗薯配凱撒沙律實物與餐牌上的圖片確實有點出入，實物的煙肉份量不像圖片的那麽多，幸好配了惹味芝士，味道也不錯呀！焗薯烹調時間掌握得不錯，薯仔軟硬度恰當，不會過腍，配合了鹹味煙肉碎和濃味芝士，味道變得多層次。凱撒沙律的羅馬生菜🥬顏色翠綠、新鮮多汁，吃起來清新爽口，是夏日的好選擇。今天的午餐雖然簡單，但滿足感一點也不會削減。

由於多咗出街食飯，想盡量食返健康d，同時清清腸胃，所以每一日都會為自己安排一餐係食沙律，平時食嚟食去都係嗰幾間，行過Oliver’s Super Sandwiches見佢有自選沙律就二話不說——買！！！😂😂 自選大沙律套餐🥗 $85可以最多揀四款沙律，包一杯熱飲，另外可以加錢要小食or轉其他飲品或湯都得，任君選擇。而我就只係揀咗3款沙律，包括燒甘筍藜麥羽衣甘藍沙律🥕、刁草薯仔吞拿魚沙律🥔、紅菜頭啤梨沙律🍐。 呢個沙律唔算係好健康嘅沙律，因為都偏多醬，所以調味一定唔錯，我最鍾意係kale嗰款，最fresh，另外兩款都唔錯👍🏻 而且份量都好飽肚，飽到杯咖啡都飲唔落🙈 下次可以食細沙律套餐應該都夠飽😂

今日約左做facial 未夠鐘，見餓餓地諗住搵間快餐醫肚，Super Sandwich 絕對係好選擇，自己搵位坐低之後，可以去counter 買又得，行出去自助機又得，一個人要睇住手袋唔可以行出去，喺位嘟QRcode 落單都得，超方便！叫咗個吞拿魚雞蛋車打芝士多士，話就話要製作15~20分鐘，但大慨10分鐘已經有得食，送餐機械人黎到枱前，自己拎完餐撳返個掣佢就識返返廚房。可能好餓，個多士好吸引，熱溶車打芝士覆蓋住切片雞蛋同吞拿魚碎，墊底係又熱又脆嘅多士，真係好正！唯獨是杯燕麥奶有點淡口。快靚正又有質素，推薦👍🏻

今日點了一個焗薯和自選沙律，落單職員同我講焗薯要等30分鐘，隔了15分鐘，我去問出餐男員工可唔可以出咗沙律先沙律就咁夾就得，佢用一個好差嘅態度回應唔得一定要等埋一齊，心諗沙律都唔使整點解都要等30分鐘，佢話一定係順着單Number咁樣做，根本係一間快餐店但出餐慢過餐廳有乜可能，全程態度極差加上凶狠嘅眼神，以後都唔會幫襯，大家想食快餐要等30分鐘就去食啦。一間連鎖集團都可以請啲咁差質素嘅員工，大家諗吓去唔去食啦。

店舖：Oliver's Super Sandwiches地點：沙田新城市廣場日期：2022年9月4日 星期日時間：上午11:56 “挪威煙三文魚·蜆肉扁意粉配刁草忌廉汁“ 圖片與實物不相乎，實物沒有煙三文魚，也沒有磨菇，我誤以為出錯，即塲走向傳菜處詢問。 此公司穿黑色衫的男職員，當日企在傳菜位負責將食物放在機械人上的男職員，我拿著那碟所謂煙三文魚意粉，走向那男職員詢問，打算討回煙三文魚，誰不知那男職員極速地用食指近距離朝向我的意粉堆內的三文魚碎上，近距離指著並聲稱熟三文魚碎就是我要的煙三文魚，手指與食物的距離目測約一厘米，我當時反應將那碟意粉放底一點逃避他的手指，男職員並沒有放棄，繼續把手指追著三文魚碎指下去，並再回應煙三文魚放在熱的意粉上成了熟三文魚，見男職員窮追不捨的手指和這個煙三文魚遇熱變成熟三文魚的說法，我唯有表示請你的手指不要近距離朝向我的食物上，男職員再次快速地重演手指與食物距離約一厘米的精彩環節並聲稱剛才就時這樣，如果我再糾纏下去結果也是一樣，我唯有放棄這碟意粉。 煙三文魚遇熱成為熟三文魚碎這解釋太牽強！換句話說，會有三文魚生飯遇熱成為熟三文魚片飯的笑話嗎！畢竟現在疫情嚴

晚上係沙田新城市廣場3期3樓 嘅 Oliver's Super Sandwiches 吃飯，睇到佢地用機械人送餐，都幾有趣，而且堂食可以用QR code下單，成件事方便客人唔洗周圍走！平時呢度係人山人海，要等位。不過今次8點幾先入去，就散走咗好多人，唔洗等位就有得入去。佢哋嘅食物賣相係有，但味道就個人認為一般啦！黑松露忌廉蘑菇長通粉長通粉煮得有咬口，而且忌廉醬也有很多，入口唔會話好乾，但味道偏淡，唔係好食到黑松露嘅香濃味。烤雞芝士墨西哥薄餅惹味的烤雞，都幾Juice，配上經典墨西哥薄餅，整體來講都幾好味，不過味道對我來講都係偏淡，如果再落多啲調味料就更好！佢哋嘅餐，可以另加餐湯同沙律🥗，如果覺得唔夠食的話，就加一份比自己喇！唔好預非常好食，純為填飽個肚就可以。

挪威煙三文魚，蜆肉扁意粉配刁草忌廉汁套餐$75配忌廉蘑菇湯熱檸檬水蜜糖雞翼（2件）$12扁意粉偏硬和乾身，忌廉汁係啱啱好，沾上每條意粉，蜆肉偏小，煙三文魚肉份量剛好，仲有不少的蘑菇片，整體不錯。忌廉蘑菇湯，熱度剛好，第一啖有好濃烈蘑菇味，裡面有各種不同的菇片，味道好濃好好飲。蜜糖雞翼，香口，雞翼肉軟滑，小朋友最鍾意。不過，假期真係勁多人，啲坐位好迫，仲有食客居然搭檯😓明明佢哋三個人都格硬要搭檯，未食完，就格硬搭檯，好離譜，真係好差！

今日自己一個無意之中經過，走咗入去試吓佢嘅沙律，糸一個大嘅紅菜頭羽衣甘藍沙律，入邊仲有蕃石榴，有啲藜麥，香橙同埋甘荀估唔到咁樣細細份都好飽，又健康又好味，跟餐重加左個蘑菇湯，蘑菇湯就比上中少，$89，最差反而係個女cashier，你問佢野，佢好似好唔願意答你咁

今日難得早收工本來諗住行下松本清🏥🏥。見到門口嘅人龍即時決定食個下午茶算數。餐廳可以用自助點餐機，傳統櫃檯同手機點餐📱形式。今日就用左自助點餐機點餐。點左餐之後就會有一個感應器。只要將感應放係餐桌上嘅相應位置。送餐機械人就會送餐去到你嘅位置。午後公司三文治🥪（全麥方包）$56+熱鮮奶咖啡☕️$8。埋單$64。以係新城市廣場嚟講價錢算可接受。三文治有四舊。而且有勁多配料。麥包亦好香脆。配上雞蛋🥚，生菜🥬，蕃茄🍅，雞肉等食材。簡單但好食😋。而且份量足以飽到可以當埋晚餐。

傻仔食薯仔🤭🤫🤫🤫🤫薯仔食薯仔🥔😆😆😆😆早兩日同爸爸出開去一田買野俾👶🏻👶🏻醒起附近有傻仔。。丫。。。。唔係，係有薯仔食🫣🥳🥳🤩🤩🤩😎😎😎又好耐無食 就買外賣番屋企食😋😋😋😋😋😋個人認為，最好食依然係煙肉芝士焗薯🥹🥹🥹🥹🥹🤤🤤🤤🤤🤤🤤🤤其實其他都唔差嘅 不過作為一個煙肉芝士控 焗薯面鋪滿曬 首選一定係佢🤤🤤🤤滿足曬😌🥰🥰🥰🥰只係價錢好似略嫌有少少貴

疫情關係，未能坐在店內享用一個午餐，只好選買了一個簡單的午餐外帶回家吧！這個餐包括了一個熱湯、一個意粉，已充夠令人感到滿足了。熱粟米湯非常creamy，入口順滑。最愛吃到粟米的纖維，啖啖滿足。白汁三文魚扁意粉的汁同樣順滑，味道適中。高蛋白質的三文魚塊煮得不會過火，既鮮美又健康。扁意粉煮得剛好，有咬口又不會硬。不要小看意粉面上的蕃茜，它成功地增添了鮮香味，亦豐富了賣相。總括而言，這個午餐的配搭，不錯呀！

自從試過一次，我就鍾意左食佢既沙律，更加入成為會員，每次消費都有折扣優惠，仲不時有各種優惠卷送。🕰平日上午10:45，一半座位已有食客食緊早餐，櫥窗的沙律碗已盛滿。🥣🥣🥣🥣🥣🥣🥣🥣🥣<自選沙律 $69/大>以重量為單位，大的$69/600克、小的$47/300克，於櫥窗展示的沙律中自選 1至4款，每盒的底都會先鋪上一層薄薄的羅馬生菜。今次如常叫了我的例牌😎做下午茶及晚餐前菜。這些自選沙律好受歡迎，平時下午3-4點，只會剩下2-3款。（下圖左）「紅菜頭蜜柑沙律」𝘽𝙚𝙚𝙩𝙧𝙤𝙤𝙩 & 𝙢𝙖𝙣𝙙𝙖𝙧𝙞𝙣 𝙤𝙧𝙖𝙣𝙜𝙚 𝙨𝙖𝙡𝙖𝙙平時於超級市場買一包紅菜頭做沙律，都要近$30，仲要食唔晒，所以間中想食紅菜頭時，我就會嚟。呢個沙律有紅菜頭、啤梨、蜜柑，就咁靠蔬果味，無沙律醬，個人推測係低脂的一款。（下圖中）「刁草薯仔吞拿魚沙律」𝘿𝙞𝙡𝙡 𝙥𝙤𝙩𝙖𝙩𝙤, 𝙩𝙪𝙣𝙖 𝙨𝙖𝙡𝙖𝙙平時好鍾意食薯仔沙律，尤其是舊茶餐廳式的薯仔沙律。少少粉粉質地的薯仔用沙律醬包裹著，明知沙律醬脂肪含量好高，但依然好想食🤤少少刁草灑左食物上是畫龍點睛。（下圖右）「燒甘筍藜麥羽衣甘藍沙律」𝙍𝙤𝙖𝙨𝙩𝙚𝙙 𝙘𝙖𝙧

經過沙田分店，立即諗起他們的焗薯，畢竟連鎖快餐裏邊有焗薯嘅嘢選擇不多，三文魚蛋沙律混合起來10分美味，焗薯美味的關鍵是焗好之後不能存放太久，正常來說一小時內享用先有軟綿的效果，今次做到的。唯一在惠顧不愉快的地方是看到分店管理層對員工呼呼喝喝態度惡劣，完全不尊重員工的態度作為顧客的我亦是人哋的下屬，自己的公司若有這類型的上司真的心寒，見到員工愁眉苦臉的樣子看來並不是偶然，員工是人不是狗，管理層亦不是馴獸師，經常惠顧觀塘分店都沒有如果這種情況，相信是個別分店的問題。

沙田 超級三文治餐廳😳價錢經濟 食物樸實⚠️沙田A3 出口1. 煙肉醬意粉配卡邦汁$53- 新鮮嘅煙肉醬✌🏻配上卡邦汁嘅意粉配搭非常一流😜今日食返啲清啲嘅嘢食✅平淡也是福👍🏻2. 碎蛋沙律🥗$47- 呢一個係用左碎蛋沙律加埋薯仔🥔比較中和😄加上新鮮嘅生菜⚠️夜晚食真係可以減肥🤭餐廳：Oliver’s Super Sandwiches地址：沙田正街2-8號新城市廣場三期3樓A 334及A 364號舖好去評分🎖(5個👍🏻為最好）- 環境：👍🏻👍🏻👍🏻- 服務：👍🏻👍🏻👍🏻👍🏻- 價錢：👍🏻👍🏻👍🏻👍🏻👍🏻- 推介：👍🏻👍🏻👍🏻👍🏻