Oliver's Super Sandwiches (海富中心)

营业中

休息中

今日行經金鐘，想吃個快飯，金鐘又無乜選擇。見到super sandwich 晚市的餐好抵食喎好似，就一試。金鐘區，才$58。竟然有酥皮湯飲！現在都無乜地方有酥皮湯飲了！煙三文魚蛋沙律焗薯，薯仔焗得夠淋，三文魚的醬汁就有點蓋過了三文魚的味道，蛋沙律不過不失。酥皮粟米濃湯，酥皮焗得夠脆，驚喜的是渴不是很忌廉，咁就無咁濟。粟米濃湯有好多粟米，更有口感。沙律不過不失，麵包淋了，應該也是預先pack定的。飲品都好大杯。以晚餐來說算抵食。另外的不好是用膠兜，不環保。

離金鐘站很近，在出口A左邊。Dinner set 大概5x 元，包酥皮粟米湯 + 三文魚蜆肉忌廉汁意粉/三文魚碎蛋焗薯，沙律/火腿芝士磨菇配意大利麵包 + 熱咖啡 / 熱茶。因為意大利粉跟平時那些一樣是淋醬，意大利麵包只有包。。。個人覺得焗薯配沙律最抵食座位不多，但晚飯時間竟然不滿座點餐後十分鐘內有三文魚碎蛋份量不多，沙律是生菜，有一點沙律汁焗薯熱乎乎的，薯蓉味道還可以酥皮湯部份酥皮燶左。。湯的質感幾濃，粟米湯味道都ok的，咖啡味道不錯，比大x樂 大x活 美x 等一般餐廳好 還有份量幾大杯雖然味道沒有驚喜，但60元以內我覺得是可以接受的

尼個dinner set一眼睇哂，但食唔曬！$5x-$6x忌廉粟米酥皮湯:正呀！竟然有酥皮湯飲，仲要係大人同細路既至愛，忌廉粟米濃湯！！沙律蛋三文魚焗薯:沙律蛋很不錯喎！雖然見到d三文魚碎濕濕，仲成個波咁係有d失望，但個味幾正！凱撒沙律:個醬係咸左少少，但都不過不失！一杯熱飲:都唔係細杯，都算係咁啦講真！尼個價錢，食至咁多野，今時今日尼講真係勁抵！窮人因物！月尾救星！食到你咁飽都係$60內！！！！！

黎Oliver's super sandwiches主要為就腳, 本身唔會特別有expectation, 但食完又比想像中好。服務唔錯，味道還好，但公司三文治味道好聽叫不過不失, 實際有少少難食。意粉味道較好，醬汁有d濃，所以驚有啲肥，但味道還好。價錢少少偏貴，但okay 啦。

今日起金鐘真係唔知食乜好，見好耐無食過super sandwiches 就入去速食下。叫左個海鮮龍蝦汁扁意粉set $75 ,跟餐有忌廉粟米湯。個湯幾好味，不過唔覺有忌廉feel, 佢似係中式粟米羹咁既味😆，但好多粟米粒。個意粉估唔到有勁多海鮮，不過其實有d 驚。睇落drydry 地好怕係果d無味膠海鮮。小龍蝦都有味， 不過d 蝦勁咸，其他都普普通通。 個意粉份量ok, 質感不錯，軟硬適中。龍蝦汁就好杰身，龍蝦味有d 假，整體一般般。

今晚黑色暴雨關係，午餐時人多到暈，好彩我記得有super 係到，自助形式貴貴地，容易些等位，坐位滿多，一個人更易搭枱必選。 排了6個人就到我，選了三文魚蜆肉扁意粉，雜菜湯 $60 set 。服務員交了電子等候器給我，我就自己找位置坐下，等待食物準備，約5分鐘已經有，效率很快！意粉不太軟有口感，但本人認為份量有點少，三文魚碎和蜆肉滿多，雜菜湯很健康，茄膏味濃。 快餐來說很不錯了。

由於去統一中心上堂關係，放學近近地黎到海富醫肚。同學仔話呢度有意粉餐，焗薯食下，甘就過黎試下啦!! 呢度落完單後，會俾個提示燈黎，餐準備好就會閃燈提你去拎ga喇!同學仔叫左個酥皮湯，碎蛋沙律焗薯，凱撒沙律餐碎蛋沙律好多，焗薯熱辣辣。可惜，凱撒沙律最重要嘅靈魂面包粒竟然淋晒由於自己就唔太鍾意食沙律菜就要左個意粉餐。酥皮湯內係粟米湯黎ga, 味道唔錯，酥皮唔會太燶。煙三文魚白汁扁意粉，份量都幾大，白汁較稀，味道屬正常。佢地嘅熱檸茶特別在於檸檬唔係一片片，係成舊檸檬同一個茶包，比茶記一般檸茶清d,但原來甘樣味道都幾好

係金鐘返工既一日下午茶時間唔知食咩好, 隨便行去海富中心個邊睇睇食咩喇,只有大家樂、意粉屋、KFC、麥記、Oliver's Super Sandwiches既選擇,我同兩位同事選舉左最後既Oliver's Super Sandwiches....五十幾蚊一個既下午茶餐, 我地諗住唔會好差掛...點知..我叫左肉醬意粉, 怎料食落只得微微暖, 肉醬有D怪味, 容許我形容呢個完全係難食既意粉 - _  -跟餐既酥皮湯, 夠就夠熱, 但都幾咸下...熱檸茶, 估唔到都係唔夠熱既~總結: 食物既份量好細, 而且有唔夠熱既情況~而環境亦都唔好坐及枱面不太乾淨~冇下次

夜晚要去統一中心上堂，所以試左旁邊海富既super sandwiches雖然呢間餐廳只係普通西式快餐，但會寫食評係因為呢個晚餐幾抵一入門口就會見到呢個牌好吸睛基本上大部分食客都係點呢個餐，因為只係52蚊就有意粉，酥皮忌廉湯同埋餐飲，個人覺得係金鐘算抵，而且點餐同出餐都好快酥皮忌廉湯幾好飲,酥皮層數適中而且夠熱同香意粉無咩特別，呢個價錢唔會有咩要求點左熱奶茶，都幾大杯，茶味幾濃唔錯，所以拎住去上堂飲

我是第一次到這家連鎖店吃午餐，因為最近為了捉小精靈，而到處去。今天這一站就是到中環碼頭。等著捉著，到肚餓時已是2時快3時了。去到店內，其實人不多，都分散地坐。以自助形式運作，先點餐付錢，後有指示到前檯拿食物。HKD 50.00看上去樣子也不錯，一個餐有3樣食物。先吃雞翼，醃得入味，帶點蕃醬的微酸，不錯。之後是三文治，分兩層，一層餡料是吞拿魚，另一個是蛋沙律。味道OK不錯，是正常的三文治，有3層麵包，感覺好大一份！最後是有一份pancake，這個我要說說，因為跟M記的不一樣。 M記的比教多氣泡，吃下去比較有海綿感。而這家的就比較紮實，好有飽足感。不用下糖漿或是牛油，本身就有味道了。但是我個人比較喜歡M記的，因為口感鬆軟一點。熱咖啡是跟餐的，很大一杯，味道比較淡，一般一般。但是勝在大杯，好抵飲！肉醬意粉 HKD 54.00挺好吃的，不過價錢略貴。因為隔壁就是大家樂。另外一提是，份量有點小，一個成人吃不夠的。橙汁 HKD 12.00其實整體不錯，就是稍稍的偏貴。這家店環境還可以，可以有更進步的空間。特別是清潔這一方面。

海富中心有好多連鎖店，想食早餐都有好多選擇，於是揀左間睇落吸引d既黎食。不過同我預期有d出入囉成份早餐一個字：油！尤其是蕃茄。炒蛋太熟，腸同煙肉都正常啦，好彩窩夫鬆軟，好過食麵包既。35蚊唔多抵，下次我寧願食其他快餐店

今日同媽媽出街，我地一行3人就去左呢間西餐食野，事關係星期日，A1又冇開，唯有食呢間。一坐低，我地就先睇菜單，然後去買飛。今次叫左個焗薯，再叫左三個意粉，豬手果個意粉，冇諗過原來豬手可以碎上，有點無奈，其實可以收貴D，然後比半隻／1隻咁上會好D，不過都唔好食，又乾又成，所以好幸運豬手份量唔多，如果唔係仲無奈。咖哩汁係普通日本咖哩磚果隻，完全冇特別，可以唔洗再食。另外個焗薯，認真－真係好好好好好好難食，首覺我叫左雞肉同SOURCREAM，點解可以完全冇味，係最基本的鹽味都冇啊！食左咁多間焗薯真係未食過咁差的。另外，點解焗薯入面會有水？用水烚過定搵水熱住？真的好唔明白！連配菜的係不夠新鮮，乾乾的。3個入面刁草忌廉汁三文魚偏意粉算係最正常味的一個，雖然冇咩刁草的香草味，又不重忌廉，但總好過冇。起碼冇之前果兩個咁差。總括，以後都唔會黎。 

Oliver's super sandwich 係香港算數一數二多分店既西式快餐店，價位唔算平但以西餐同速度計都叫正常，我就一向好少食，食過三四次都覺得味道同份量唔係太有質素，今次都係因為趕時間又想食西餐，就食下呢個啦。叫左呢個香草忌廉汁黑松露扁意粉，同圖有啲出入，但雜菜意外地多，有椰菜花同西蘭花，仲有甘荀仔同蕃茄仔，算比足料呀！可惜全部都係啖口無咩味，尚算爽口既，連埋啲汁食都可以，扁意粉同記憶中一樣，無咩口感較硬身，忌廉汁尚算濃稠但香草味唔太夠，黑松露味亦有啲淡，我最中意既忌廉意粉係連埋忌廉煮意粉，令每一條意粉都沾滿滑口既忌廉，呢樣的確唔會係呢啲快餐店式餐廳做到既~所以收住貨先啦加左$12有個跟餐既凱撒沙律，但如圖所見，無論係煙肉碎定面包多士碎或者醬料都係過少，當係買盒菜食下啦~菜都唔係羅馬生菜果啲，唔太值咯呢個！朋友叫左個好似三文魚蜆肉意粉，醬汁其實同出一徹，但明顯佢個汁係多啲，而且意粉相對無扁意粉並硬身，如果下次再叫會叫呢個保險啲。set lunch 包埋餐湯，我叫紅湯朋友叫忌廉湯，湯類比較高質啲，紅湯蕃茄味濃且鮮，唔會太酸，但湯既配料可以話無咁濟，而忌廉湯都係濃既唔會係溝左好多

周街都見到既超級三文治今次自已一個人食,就揀左呢到不過竟然唔係食三文治,哈哈佢既意粉餐有4款,我就試左肉醬意粉份量唔算太多,普通女仔就應該剛好足夠而我果日好餓,就加多左個忌廉湯我好鐘意呢隻肉醬既味道,最怕大X活果種酸到不得了既肉醬另外個忌廉湯都幾大兜,好濃,而且好足料食到好多磨姑粒粒以快餐既價錢黎食到呢個質素講真已經值得!大家可以一試

早上在金鐘的 Oliver's Super Sandwiches 吃早點，點了一個英式早餐。炒蛋香滑度普通；腸仔過鹹；茄汁豆是現成預製品無乜特別；蕃茄煎香後水份仍能保持，食味清甜；牛角包口感酥化，再加熱一點口味更佳。咖啡味道澀感重，普通。