Outback Steakhouse (The LOHAS康城) (已結業)

第一次寫食評. 上一次買外賣等左45分鐘. 但所有野都熱既. 味道唔錯. 但經過今晚. 建議大家節日唔好諗. 今晚真係好失望. 全日外賣之選 餐牌 原來唔同左. 6:10分門口排隊. 隊尾排到去單車. 排左20分鐘. 終於俾到錢落order. 門口位人頭湧湧，個個都等外賣. 由原本45分鐘. 變左足足等1hr 15mins 先拎到份餐. 10分鐘唔洗拎到上樓. 牛扒已唔太熱. 薯條常溫. 個餐湯最離譜。 凍既、都唔知裝咗出嚟幾耐. 要叮熱先入得哪落肚 黑糖包 完全無包錫紙. 盒牛油一齊放落紙袋就算. 只得盒菜是最熱. $188 外賣牛扒 好失望.另一份餐 燒熱肉芝士夾餅. 只得夾餅熱. 薯條，餐湯同一遭遇.經過今次. 唔會有下次

今日諗住去商場揀下晚餐食咩好所以無用到openrice外賣自取去到outback門口見到完全無人 menu又幾吸引就叫佐外賣盲曹魚店員話要等20分鐘左右所以就係商場行下先20分鐘之後番去問店員就話未到我等下等下唔對路又再問一次今次店員話應該係俾另一個客拎佐我個餐最後足足等佐40分鐘先拎到個餐唔計外賣等佐幾耐既話其實個盲曹魚做得幾好同堂食係無乜分別 加埋個黑糖包真係無得輸不過下次我都唔會再黎呢度嗌外賣喇

其實我都幾鍾意食Outback😋，特別係返工嗰時，最開心就係放飯，聽吓音樂，食下沙律，飲下湯，食西餐，一個鐘好快就過。套餐嘅肉醬意粉係最平嘅，唔會難食得去邊，除非廚師心情差嘅啫。我每個星期都會食一次。最鍾意係佢既芝士，肉醬都算多，兩者配合好開胃，著白色衫食就要小心啲。第二個最鍾意就係帶子risotto 😋意大利飯係真嘅，個汁都非常多，極creamy得來有少少黑椒辣。帶子都好大粒，煎得香脆又好咬。

由於從未踏足康城，所以約了好友到此一遊，沒想到康城站落車行去商場的路途都幾遙遠~~~商場食肆不算特別多，價錢大都走中高檔路線，拍得住YOHO Mall。由於好友未去過outback，咁我就決定帶佢試吓啦！（其實我上次去已經係9月中，因為有會員紀錄😝😝）呢度平日晚上都有一定人流，但又去到全場爆滿，不用等位可以在卡位用餐感覺係正的~~~自疫情後outback晚餐用午餐餐牌，不同是晚餐沒有提供餐飲~~~黑糖麵包係outback的皇牌，店員第一次上果陣摸上手竟然係凍，店員第二次才上熱的給我，真心講要熱的才吃出包的甜~~~粟米忌廉湯幾好飲，夠杰~~~帶子意大利飯，我只吃了一件帶子，感覺有少少沙，好友則大讚個飯好食~~~我就點了芝士雞肉薄餅，雞肉感覺有D「鞋」，薯條好食我停唔到口~~~整體感覺中規中距，埋單時叫咗N咁多次先至處理到~~~呢個商場才剛開始，真的不太吸引，短時間內未必會再去~~

今日lunch去左食outback佢lunchset好多款式簡，有平有貴，$80-$400都有！叫左個牛柳配龍蝦尾，正呀😻😻叫左mediumrare，岩岩好！食完勁飽😋環境其實唔錯既但有d蚊仔飛來飛去🙄🙄🙄