Outback Steakhouse (MOKO新世紀廣場)

营业中

休息中

Outback 咁多間分店，我地最常來就係旺角東 moko mall 呢間。地點就腳，又無限時每次我地都傾到人地打佯先走。咁多間西餐，我都偏好Outback ，因為佢地既黑糖包好好食，仲可以 refill~~真係太好了。我地4個女仔 叫左 炸洋蔥，steak, pasta, 仲叫左個chocolate thunder ~~炸洋蔥其實幾好食，出面又少食到。不過真係太多，食多幾件都覺得熱氣，最後都係完成唔哂。佢主菜 🐮steak 都係正常，不過不失啦~另外仲有跟配菜。Pasta 叫左個 大蝦忌廉意粉，都唔錯。最後，我地上甜品時，見到。。。我同朋友講 呢個點睇都唔係 chocolate thunder 掛~~以為佢地上錯左，點知原來係送既生日蛋糕！！Outback 好大方喔~~~謝謝❤

由6點等到9點，都未有位，安排勁衰，問有位未，又話答唔到，唔會有下次完全無安排，啲待應姐姐hehehaha,完全無安排...無理過我地，等等等，勁無奈，最慘係小朋友，大人唔緊要，等左成3個幾鐘

同男朋友之前經過outback, 個時大家工作未穩定，覺得食咁貴唔捨得，經過幾個月後，大家轉左新工，收入高左，一於去返呢到食親好既慶功！ 睇餐牌揀左好耐食咩扒好，最後叫左肉眼扒同西冷扒，以為淨係得扒同野飲，原來仲包湯同埋兩款配菜，我就叫左雞飯同焗甜薯！ 正菜未到，outback出名既餐前麵包就到左先，好軟熟，點埋個淡淡既芝士，夾到無得頂！之後就黎左個湯，係蕃茄磨菇忌廉湯，勁creamy, 蕃茄味好出！ 啖啖蕃茄蓉同磨菇，停唔到口咁飲之後就黎左個小食，炸磨菇，今次覺得佢炸得皮菇分離，個皮黑左d, 但磨菇都叫juicy終於到正菜，我既西冷扒，揀左黑椒汁，個扒食落有鹽味，好驚喜，完全唔洗落汁食都好正，好似日本d鹽燒串燒既味咁，不過d配菜好似仲出色，個雞飯好馬拉feel, 個焗甜薯好味到頂唔順，上面個cream配蕃薯味，好match, 個蕃薯好大，好飽肚！

To celebrate promotion of a manager, our team have lunch in Outback last week. Once we told them the reservation number, we are led to our table without waiting. The brown bread is freshly baked and warm while served. Tasted yummy with the cream. We refilled four times in total.The lunch provided a salad and soup, average quality although I consider the portion a bit too small.My blue cheeseburger is good. Bread is warm and soft. Crispy bacon, melt blue cheese and tender meat matched perfectly.

這裏差不是我的飯堂每個月總有幾次嚟食飯， 今晚一行四人晚上6點到達 剛剛好happy hour完結食晚餐這是一定有位不用輪候，小食先點選我的最愛炸洋蔥花 洋蔥花好大個炸得好脆，芝士炸薯條 薯條有芝士撈咗煙肉略鹹， 主菜牛扒拼豬仔骨 牛扒可以揀燒烤或者煎一樣好食，仲有一個豬仔骨拼雜錦豬仔骨好夠味但我覺得醬汁略甜 這裏的主菜因為可以揀兩樣小食 跟住再上 例如炸薯條焗甜薯飯及沙律 所以四個人叫兩個小食兩個主菜已經好多啦 落完柯打之後侍應會 自動送上黑糖餐包每次都會攞一舊出嚟食完可以要求 再攞， 現在不用多說了因為這間餐廳太多人出了食評了只想簡單介紹畀未去過嘅人知道等大家有個參考

同朋友係新世紀廣場行到累累地，特然想食下甜品，於是就黎呢到食左個chocolate thunder。呢個甜品分左三層既，上面果層係手打cream，而中間就係雲呢嗱雪糕，最底就係焗熱左既chocolate browie，食果時要由最頂插落到底3層咁食，cream同雪糕既凍再加上熱熱的browie，放入口，3種既味道就融合左，奶油+雲呢嗱+朱咕力呢個配搭非常之美味，再加上browie入面有D NUTS，好有口感令人越食越想食

朋友帶我過來吃，第一次食呢間已經覺得很好味👍🏻會再來的❤❤❤我地點完餐後，就上左個包👇🏻我朋友話好好味嫁！每次黎都點佢，仲會食多幾條！果真係好好味，點埋佢啲cream 超正果然冇介紹錯大推介我地都食左兩條個扒都好好味，最有特別係個薯蓉，配上上面個層醬汁出奇地好味！肉我本身就不太愛吃，我見朋友食得好好味甘應該就唔錯！我最鐘意係呢個，真係好好味，食完會有再想食之感覺👍🏻個汁加意粉超配！另一驚喜，芝士薯條，一流最好趁熱食，會有拉絲效果食完又唔會覺得"流"個餅都好有驚喜，見甘薄應該一般，未必好味！一食卻有驚喜，裏面有雞肉，食落去成個餡幾好味，真係意想不到

第一次黎outback食~~~~~以前已經聽過朋友介紹豬肋骨燒得好腍~~~~燒雞水準之內~~~~價錢算適中(以大商場黎講)~~~~個包甜甜地唔錯，最緊要夠熱~~~沙律同湯都可以~~~                                                                                                                                                                                                      

上禮拜六大概1pm嚟到攞位，門口已經好多人等位，3人位等了約一個鐘，2pm左右入座。3人點了4個lunch set，一個男仔兩個女仔係食唔曬嘅抵食，下次應該會一人一餐就夠。lunch set包嘅沙拉同餐湯，味道不錯，不是羅宋湯的紅湯，我也不知道是什麼但係喺好味道的lunch set仲包餐包同嘢飲，真系好抵食。黑糖餐包超好味朋友點了香辣燒蝦飯spicy shrimp rice賣相很不錯，啖啖都是肉喔芝士餅Chicken  Quesadilla都好好味，配埋醬汁都好正，值得一試朋友點嘅黑毛豬扒Grilled pork chop berkshire，不過不失，有配薯條，份量也足夠燒肉醬味豬肋骨Baby back ribs比預期怕食到最後冇咁膩同滯，配菜沙拉可以中和味道，好好味週六的餐廳很忙，員工的服務依然不錯，會有下次 ，會同屋企人或介紹fd去

不是太肚餓嘅晚上， 決定去呢間食沙律， 等位等咗大半個鐘， 幸好餐廳提供汽水免費招待。意料之外地，竟然安排了卡位俾我和朋友2人， 原先以為會坐吧檯， 因為卡位可坐4人。 這是一個望窗嘅邊位， 可以望到樓下巴士站。 卡位有一盞吊燈在中間， 情調十足， 但影相就好暗。只是叫了炸洋蔥及凱撒沙律， 附上嘅黑糖麵包好好食，有些小甜味， 鬆軟易入口。炸洋蔥好像仙女開花那樣， 太陽式的打開讓我們食它的花瓣， 配啤酒一流。今晚沒有大魚大肉， 下次再一嘗它的牛扒。

前幾日同屋企人試呢間outback steak house，因為平日好少去扒房 所以上openrice見呢間好味指數極高，所以就去試試~咁我地4個人就點左一個小食拼盤、紐約頂級肉眼扒、吞拿魚蓉配墨西哥脆片、牛扒漢堡同三文魚扒。先講講個小食拼盤~ 有炸雞槌、芝士煙肉薯條、醬燒豬肋骨同蕃茄仔😚😋 炸雞槌外脆內嫩，食個時啲肉仲熱辣辣 勁好味😍 豬肋骨個醬勁正，啲肉係超軟淋淋，同啲骨完全分開到，唔駛你夾硬搓啲肉黎食🍖 薯條同芝士煙肉係極之夾嘅組合 🍟 但係啲薯條可能因為芝士煙肉既關係而唔太脆然後個吞拿魚蓉配墨西哥脆片都唔錯，但就無咩太特別！吞拿魚蓉幾新鮮下，配以脆脆墨西哥片，可以食得出唔同既層次~ 牛扒漢堡呢就非常好味，塊肉有成8安士，食落去啲肉汁不停咁流出黎，配埋其他新鮮既配料，令到成個漢堡既味道得以昇華三文魚扒又令一讚讚讚既美食🙈 三文魚肉質鮮甜嫩滑，魚油勁多，正🤘🏻 配以少少海鹽，唔會蓋過魚既鮮味之餘更加令到魚既鮮味大大提升！！最後一定要讚塊紐約頂級肉眼扒，塊扒黎到個時仲係到 '沙沙聲'，真係即整即到😝 食落熱辣辣，勁多肉汁🍖總括黎講，呢間可以再黎🍖🍗😍😍😍

這晚看完壞蛋獎門人3，很精彩，但女友姐妹說第1,2集更好看，有機會也要再找來看看完好戲食返餐好的，我們就算了這間，也是在MOKO，又近又美味，也很有格調餐單很豐富吸引，最後我們選了:焗薯仔 $30，美國西冷牛扒(7oz) $168，和小食併盤先來的是黑糖麵包，好好味，麵包夠軟熟，又充滿黑糖的香。焗薯仔 $30，口感好鬆化，充滿薯味，調味不俗美國西冷牛扒 (7oz) $168雖然7oz都好夠食，叫了半成熟，肉質軟硬適中，口感軟滑小食併盤，一個已經等於一個主菜，好夠飽，又豐富可口有炸雞翼﹑ 芝士薯條仲有可口的豬肋骨，各款也很高質，豬肋骨最吸引我炸雞翼都好好食，肉質比某快餐店的軟滑新鮮滿足的一日，在餐廳用膳時發現外面正下雨，幸好我們沒有出去覓食呢

當日同兩個fd去食飯，其中一個fd可以早到攞位。本來我地都擔心有限時或者要人齊先可以入座。但係哩間outback話可以唔限時，坐住等，真係約fd食飯一大喜訊！一如既往，佢餐前嘅飽好好食，少甜再加上牛油。正！ 自己會再叫多一個blueberry cheese 配黎食另外，餐廳會係730前計happy hour, 想飲下酒 chill下就要睇時間。等左陣， 食物就好快上枱。第一味係辣汁雞鎚，跟Blue cheese 醬。其實驟眼望落去同麥當勞嘅炸雞腿差唔多，不過配埋佢個醬，成個口感會變得creamy啲。另外一個係白汁燒蝦意粉，個意粉本身係有少少辣嘅。但係佢唔會搶走左白汁嘅味道，呢個係配合得幾好。另外意粉亦煮得好彈牙，唔會煮到一pat pat咁👍🏼分量來講都唔算少最後上枱嘅就係豬肋骨併牛肉，賣相一望落去已經好吸引。而且侍應亦都好好，同我地講如果薯條想加芝士只需要＄5。先講咗豬肋骨，切嘅時候唔需要好用力已經骨肉分離。豬肉好林好入味。而且我哋三個人食廚師亦都好貼心咁分咗三分。牛肉方面我哋叫咗七成熟，上到枱都仲keep到七成熟嘅。而且真係鎖到牛肉汁係肉入邊，每一夠牛肉入口都好林，唔會有根。當然薯條

同個舊同事黎傾生意大計🤣佢地俾左張細小二人枱我地坐，其實睇舊同事身型就知大食啦俾細枱⋯⋯（我地公司都成千上百人一叫肥佬大家就意會到係佢就明佢有幾肥😂）趕得切Happy hour飲品有折😌叫左杯青色野飲幾清新（其實無無酒精版mojito)一心黎食黑糖包包💓應該叫佢refill💓點解佢地唔單獨賣咁我就可以買外賣返屋企💓我地都驚無位放就只叫住啲頭盤先，炸洋蔥⋯⋯今日唔脆既😟。炸雞塊得幾舊又唔juicy，house salad with honey mustard ~正正常常無特別料既得啲菜茄同青瓜咁🙄唉無位放要好趕咁食🙄傾左一陣侍應黎收野放牙韱🙄我話我地未食完連個main course都未叫架🙈要個menu…再叫baby back ribs BBQ醬味一向係經典招牌菜好味道，肉一絲絲好軟。白汁忌廉大蝦意粉個汁好杰蝦都多既。肥佬想叫多個扒但我又想食甜品因爲我食唔落喇，咁就收左手。埋單先知cip有兩種😶肥佬即場俾錢做vvip85折🙄佢咁食法都抵既。

隔咗一段時間無嚟再來試試……今次都是來旺角新世紀廣場分店。12:45左右到，不須等位，仲有幾張吉枱㖭……。跟餐的麵包超正，可以免費再order的，我哋就食在2個。餐湯就是忌廉粟米湯，好香好滑，又係，沙律就略為少d，而且是用沙律醬及好少醬，不過都算新鮮。主菜是Burger，佢有兩款的，但就忘記了這款的名稱，價錢八十幾啫，算低食。牛肉好多肉汁，可一試，只可惜夾的料比較少。燒肉醬味豬肋骨就覺得麻麻，唔夠香，加上個醬汁都係唔夠香，食食下仲覺得有d溜㖭……至於燒肉醬味烤雞的味道基本上同豬肋骨一樣，見個名就知啦……不過就覺得好味過豬肋骨，而配菜是跟飯及蔬菜，比較另外兩款跟薯條好得多，d薯條偏咸又乾，唔多掂，如果跟焗薯就一流，最多收貴少少囉……另外大家要留意，餐飲檸檬茶不似其他美國餐廳咁可以任飲，佢哋只有一杯的