PARK Cafe (已結業)

大埔Park Cafe 入到去餐廳，場景佈置勁舒服,雖則地方唔大，但燈光、掛畫完全唔馬虎，比客人種舒服既進食環境。 嗌左1. 午餐E餐煙鴨胸雜菌忌廉燴飯（$58）+凍檸茶，送栗米湯。2.抺茶黃桃蛋糕（$18） 燴飯所用既壽司米同煙鴨胸同菇菇配合更勝一籌。加上忌廉汁適量，唔會太似水飯，又唔會冇味。煙鴨胸肉感好好食呀！ 見到有cafe既蛋糕點可以唔叫呢！本身叫芝士餅，但賣哂。雖有改抺茶黃桃cake,本身唔太好抺茶，又見到錦多cream，心念應該唔多好食,點知太以貌取糕，完全打破我以前食既抺茶既感覺，cake用既抺茶並不是濃郁抺茶，反之係容易接受既淡淡抺茶味。唔似大品牌得個甜到漏，份量把握得好好，不愧係香港人既cafe，冇令我失望！係一餐令人感到舒服，放鬆既午餐時光。謝謝廚師的用心。

第一次入去食，有驚喜既咁既價錢有咁既質素，性價比絕對超值。1）老闆好有禮貌2）食物質素咁既價錢係超值既3）環境算ok不過不失這間鋪絕對會再食。希望佢長做長有啦。

最近呢間餐廳人氣幾高，行過都見到幾多人排今日早左出門口，剛開門做第一批客人唔洗排，一於試試佢店內唔算大，但環境唔錯，坐得舒服，裝潢幾好午餐跟一碗餐湯同飲品，餐湯味道正常調味唔錯，都幾大碗叫左煙鴨胸忌廉燴飯味道比想像中淡好多食白汁既燴飯都會預期係香濃，但呢個飯無咩味飯粒就煮得幾好，有燴飯既texture之餘飯粒都粒粒分明鴨胸既咸帶番起個燴飯，但整體調味可改善焗芝士忌廉千層麵通精都係食肉醬千層麵，未食過忌廉版本意外地好食，芝士好大方落左好多之餘面層仲焗到好香脆，為千層麵增添左口感忌廉汁同個燴飯相反好濃郁，調味好夠，但就偏結身入面有啲蘑菇，不過意粉就同燴飯相反偏淋兩樣野係兩個相反一個淡但有口感一個濃但口感偏淋最後將啲忌廉汁撈落個飯到餐飲凍/熱奶茶熱奶茶幾好飲，夠濃夠奶香，係有水準既港式奶茶但凍奶茶因為太多冰就淡口好多，無晒茶味，偏甜總括來說，環境唔錯，老闆服務態度都好好價錢合埋，食物質素可改善

餐廳位於大埔廣場附近餐廳內嘅空間唔算多所以要預番少少時間等位午市同晚市價錢差唔多兩者都包餐湯同餐飲係良心食店😆💛.今次試咗個軟殼蟹蒜片意粉($65)同煙鴨胸雜菌忌廉燴飯($58)先講個意粉軟殼蟹比我想像中大隻蒜味唔算好重 不過作為香蒜俱樂部嘅分子我希望佢可以落重啲蒜🤣意粉嘅味道有啲淡不過玄學蟹就好夠味😛.個燴飯真係值得一讚👍🏻意大利飯嘅煮法地道飯粒較煙韌 唔會食到好膩意大利飯嘅汁調校得好好特別鍾意佢用嘅蘑菇 好入味煙鴨胸亦不過不失 如果可以多幾塊就好😂整體來講係一間性價比高嘅餐廳💛📍 PARK Cafe (大埔)大埔安泰路1號大埔廣場地下5號舖

放工經過大埔廣場附近，見呢間小店環境好似唔錯，望落幾好坐咁。選擇都幾多，而且價錢親民。店員好有禮貌，舖頭入面播住唔同歌，氣氛幾好，座位唔逼，幾好坐。我叫左黃金蝦忌廉珍珠燴飯，朋友就叫左青醬牛脷珍珠燴飯。Menu，選擇唔少，價錢都唔貴。二人餐Menu。我既黃金蝦忌廉珍珠燴飯，有三隻大蝦，蝦肉新鮮彈牙，飯香軟，份量都唔少，幾唔錯。朋友既青醬牛脷珍珠燴飯，掛住傾計唔記得叫佢幫手影相飯粒軟硬適中，好多牛脷，原本以為淨係得放喺飯上面既兩堍，點知入面都仲有唔少牛脷粒，好滿足。可能因為係平日，晚餐時段唔算太多人，我同朋友兩個人都可以坐4人卡位吹水hea下，舖頭環境唔錯幾好坐，燈光比較柔和。

小店地方不大，幸好不是太逼。我來過這店三次（一次午餐兩次晚餐）每次的餐湯都很夠熱，只是沒有餐包，有少少遺憾。吃過risotto, 意粉，牛扒, 三樣也做得好吃。個人最欣賞牛扒，兩次都是說好了七成就剛好粉紅色冇血水。這裡比大埔超級城內的西餐廳好吃很多，價錢也比那裏合理得多 (這裡是街坊style, 跟商場舖不同吧)。樓面的叔叔也很nice. 加油！看見你們的生意一次比一次好，我們食客也替你們高興，請保持水準，我們會再來的!

閒日放工想食個西餐，附近無乜選擇，咁岩見到呢間Park cafe就入嚟試下啦～晚市set 全部六十到百幾蚊，有意粉有risotto 都有沙律可以揀。全部set都包一碗湯同餐飲。個湯係好濃嘅粟米湯(飲咗大半先醒起影相lol)，入面有真粟米，絕對唔係粉開，好鮮甜，我平時唔鍾意飲湯嘅人都飲晒!正餐叫咗煙三文魚意粉，勁多煙三文魚同好～～～大碟意粉，勁抵食呀。餐廳用香草調味，唔落味精，食晒成碟都唔口渴，只係飽到上心口即😂餐飲就叫咗香港茶記嘅奶茶，雖然係食西餐但唔使飲勁淡嘅西式milk tea! Thanks god!成間舖地方細細但勝在乾淨企理，坐得舒服唔逼人。樓面兩個叔叔做嘢快手就基本，重要勁好禮貌，我一個人食咗個幾鐘都無趕過我推介!

話說一路都無留意呢間舖頭，但係自從見到小店有參與罷工之後，就記住左之後要黎試下。下午茶時間無咩人流，另外枱同枱之間有距離，坐得幾舒服。今日order 左下午茶既蒜香炸雞翼同加多左份黑松露薯條。蒜香炸雞翼唔係落粉炸嗰隻，比較似煎雞翼，味道同pizza hut既一模一樣，好好味！另外雞翼仲跟左沙律菜，係羅馬生菜嗰類，唔係普通西生菜加生洋蔥絲，非常有心。黑松露薯條都非常有驚喜，估唔到本地西餐小店會有咁重黑松露味既薯條賣！我好好彩食左最尾一份，之後入黎既人無得食🤣！

尋晚同家姐細妹再次光臨 park cafe，依舊喜歡小店內既格調，店內燈光柔和舒服，好適合幾個朋友邊食邊傾。我地叫左香辣蜆肉意粉，牛扒配薯塊，鵝肝黑松露意大利飯。落左單無幾耐，好快就上餐湯—依間餐廳特別之處，為咗令客人有新鮮感，佢會定期轉餐湯，所以每次黎到都有驚喜😛今次係粟米湯，一如以往都係好好飲，好岩味，成碗清左。之後就黎牛扒，叫左半成熟，做到我哋嘅要求(好多餐廳都會過熟或過生)牛扒多汁易咬，又好快就比我地清左，薯塊夠熱夠脆。香辣蜆肉意粉、辣味夠，份量多，食落好開胃，越食越過癮。重點推介既主菜黎啦，鵝肝黑松露意大利飯，第一啖放落口已經有驚喜！做到外面高級餐廳既水準😱😱😱d飯cream得黎唔溜，松露味道剛剛好，同d cream好夾。鵝肝超水準，表面脆卜卜唔會太油膩。我絕對會為咗呢個鵝肝黑松露意大利飯再返轉頭！性價比太高了吧！老闆飯後都有問我地食物味道如何，每次返去嘅時候，食物都有改誰，何見係有心經營既良心小店。大埔絕少有好味又有heart既西餐。大家不妨試吓！😁

見到有新餐廳開張,一於去試吓，又估唔到幾好食喎可能新開冇耐冇咩人知所以唔多人，佢個Menu全部都包湯嘢飲同埋正餐，全部都係西餐嚟嘅，有沙律、意大利粉或者意大利飯我叫咗個青醬大啡菇意粉，一開始上個湯已經有驚喜，唔係普通白湯係粟米湯嚟嘅,啱晒我😋😋，之後嘢飲都有好多可以揀，凍檸蜜只係加三蚊。到正餐上菜，正常份量，一個人食都夠飽，個青醬都幾濃郁，意粉軟硬度適中，味道啱啱好。最後埋單都係61蚊（58加凍飲3蚊）唔洗加一。依到可以變做平民嘅西餐食堂

見係良心小店，於是支持下啦。發覺唔錯喎。意粉偏正宗西式煮法，唔係茶餐廳嗰隻，有咬口，醬汁濃郁。餐湯今日係忌廉番茄，偏酸，我就幾喜歡，覺得好fresh。連餐湯熱飲都係六七十價位，算幾OK。👍👍

呢間係大埔廣場新開嘅西餐廳，裝修簡約新淨，Seefood閨作為吃貨，有新嘢梗係要身先士卒試吓啦🏃🏻‍♀嗌咗兩份晚餐，好快就送嚟餐湯同餐包。個餐包唔會硬卜卜，同牛油都係溫熱咗嘅。而忌廉湯入面就加咗香草，味道都ok。最好嘅係跟餐熱飲可以揀檸檬菜蜜唔使加錢。🙂黑松露大啡菇意大利飯食落好香黑松露味，飯入面都落咗好幾種菇嘅一切粒，面頭仲有隻大啡菇，不過隻大啡菇乾身得濟，面頭調味亦有啲過醎，仲食到少少燶味，而意大利飯嘅質感都偏硬咗啲。😅龍蝦汁忌廉雜錦海鮮意大利飯個龍蝦汁都有鮮味嘅，飯入面就有魷魚、蜆肉等等，叫做正正常常啦。.美味指數：2⃣/5抵食指數：2⃣/5再食機率：20%