Pasta De Waraku (已結業)

4人份 ---- 如下蒜蓉包$25(5件)，超難食(得個脆字)，完全沒有蒜蓉味。叫了三文魚魚子麵$68(沒有加大，加大要+$20)，份量超少，三/四啖就吃完，不過味道都幾好。 扇貝鮮蝦披薩$68(加大)，都係細個---係超薄批，味道都算OK。通心粉套餐 $88 --- 有湯(袖真)、沙律(袖真)、焗通粉(袖真)和意粉，全部加埋份量都算OK。後加漢堡排肉醬意粉 $108(加大)，加大了份量是足夠，不過味道真是一般。服務幾好,侍應不停加水，好有禮貌！但埋單時超奈，足足等左差不多十幾分鐘，看見待應將張單放埋電腦一邊，以為埋緊，原來掛住落單，忘記埋單，再叫埋單，待應走去電腦一按即出，但已經等了七、八分鐘，再轆埋咭，埋張單足足等了15分鐘，失望...失望 總共$392.7

果日星期6收工去食..一睇果D裝修.真係賞心悅目..叫左個蝦意粉,加大左, 一杯雪糕COFFCE..一來到個賣相好令, 放入口夠哂CREAMY...睇得出師傅係有心機做既..好好食..我覺得呢個價錢, 配合呢到既所有野..係抵食..起碼叫女朋友來食都唔會失禮呢!

早兩日試左呢間日式意粉餐廳, 係鑽石山荷里活廣場新開左無耐, D朋友介紹話唔錯, 於是咪去試下囉~!!一入到去, D裝修好靚播~!! 一慣日本餐廳作風, 就係將D食物SAMPLE擺晒出黎, 而呢間餐廳由於食物種類繁多, 直頭整左個玻璃櫥窗SHOW晒出黎, 好特別啊~!!我試左個蒜蓉帶子蘆筍意粉, 略嫌清淡左D, 好似唔係好夠味甘, 亦都唔係好見到D蒜蓉囉~!!!反而我老公ORDER果個白汁煙肉蠔闊面就好好味~!! 唔通真係隔離飯香D~!! 我地仲叫左個白蜆湯(唔記得名), 俾想像中稀, 唔似忌廉湯FEEL, 反而似中式湯~!! 全晚最好味都係呢個蟹餅, 表皮脆, 蟹肉香, 睇黎日本人都係炸野叻D啊~!!不過D野食就真係細碟左D啦~!! 我同老公食完都唔係甘飽啊~!!

pasta de waraku其中最大特色就是四周被眾多精緻食物模型圍繞，鑽石山這店由於地方開揚，所有可以裝置玻璃櫃食物模型的地方全都用上，充分發揮地方及店舖優點，非常引人注目及加添氣氛。服務質素尚算不錯，尤其經理特別需贊賞。食物賣相及味道屬中上，等候食物時間不長，有多種食物提供。在外等待入坐期間有飲料提供，這點本人非常欣賞。內裏座位分佈適中，桌子亦夠寬闊。可惜價錢在同區來說比較貴，而且飲品要另外加錢，每樣食物份量不多，需留意。

試了什菌雞肉意粉(加蒜香)...$68侍應落單時問...要唔要加底 (+$20)....有雙倍的意粉份量....初時以為會好多....誰知....意粉放上台時....才明白....真係要加底的....好細份呀!!!其實....這碟好香....想是因為加了蒜香吧....(上碟好快....只需等幾分鐘....)鰻魚pizza....Large....$78...(問侍應regular 幾大....竟然和一般的碟一樣大....勁細....)上台時...勁薄呀....雖然係好味....但如果可以揀厚批就好了...(上碟又係好快....)overall....其實算係好味....但真係好細碟!!! 真係好貴!!!環境....因為間餐廳有一面係近玻璃.....中午時份....有幾張台係一直俾太陽曬住的....見佢地食得好辛苦....曬住食.....

食晏睇餐牌，套餐選擇不文不類，細碟咖哩飯加意粉，感覺好滯！只好單點，送來時嚇了一跳，碟大意粉超小份量，女仔都唔夠食。意粉無跟任何野要85大元！！！點解做咁多門面而搞唔好最基本既品質！ 好想知熱潮過後佢點做落去。。。

昨天朋友提議去試一試, 除了意粉, 小食的選擇不是太多, 其他還有Pizza, 我們點了太陽蛋肉醬 意粉($68)及波菜雞肉芝麻醬 意粉 ($68), 朋友還要了炸豆腐($20), 侍應問我們要不要加入$20加大, 我們說不要, 怎知食物一來已知不對, 那碟意粉只有一人分量, 根本不飽, 味道一般, 完成不值這價錢而且餐廳甚吵, 因為店學日本店, 不停叫"多謝, 歡迎", 令人甚煩我不會再幫趁

是日同女友+佢2位同事黎左呢度食LUNCH4個人叫左4度菜...食完... 除左覺得有少少"滯"之外覺得唔係十分飽......(EVEN好似無乜食過野既感覺)味道固然無用置疑(每味送都好香... 賣相好精緻...)不過份量實在太少...................... 如果D"送"菜可以大少少就好勒 . . . . . . .4個人食左3XX...每人都要80蚊LUNCH黎講實在偏貴的....不過今次食完...佢送番同樣咁多價$$既COUPON俾我地我同女友分到百幾蚊...哈哈............. 下次絕對會係再去用的

新開張喎,當然要去湊熱鬧啦=p是日唔係太肚餓,於是我單叫一客意粉屋企人就叫set lunch連湯, salad and pizza佢地話湯味道幾好夠creamy,但唔夠熱mini pizza係即焗的=p我都試咗一塊menu款式多到眼都花,款款日式意粉都好吸引我試咗白汁煙肉蛋黃白汁蠔意粉夠哂新鮮熱騰騰有5粒蠔,隻蛋喺意粉中間~賣相幾好唔太肚餓就覺得份量ok,但屋企人就覺得細碟咗dservice幾好,不斷有人加水都幾滿意~遲d會再去食XD

來到鑽石山,看到新開了的Pasta De Waraku,上次見荃灣已經想試下,於是便一試。不過真是很多人等...等也等了半小時...看了餐牌~有很多選擇~也不知叫那樣好,於是叫了個餐,可以再試多一點,因為份量會少一點,但可以吃多種食品。不過名也記得不太清楚了粟米忌廉湯 - 個湯飲下去本來沒有什麼特別,不過慢慢就會感覺到粟米的味道,很好~沙律 - 普通~不過不失忌廉汁肉絲意粉 - 個汁很好~好好吃,不過明明叫了要多蒜,但卻吃不到蒜味...茄汁牛肉醬意粉 - 都是個汁好,d 茄汁很鮮,很有蕃茄味~很甜。雞肉闊麵 - 這個相對失色了,麵有雖然有點口感,可是汁,味道也比較普通。這裡的服務也不錯,個個也很有禮貌~最後埋單時,最驚喜的是送了埋單價值等值的現金卷,即是買一送一~都真是幾抵,不過是上星期的事了,也不知這個星期還有沒有...最後要一提的是薄餅很細...看到鄰坐叫了的人看到很呆左~

之前吃過荃灣店已經愛上, 知道鑽石山開了分店又來試試~鮮蝦辣汁溫泉蛋奶油麵是我吃過暫時覺得最好吃的！這家店的意粉每一款都很好吃、汁都很夠啦, 但我個人很喜歡汁, 這款配上溫泉蛋, 攪拌後醬汁更香濃~ 喜歡蛋汁的人推介大家一定要點有溫泉蛋的款式啊！ 而這款辣汁的, 雖然我本來喜歡吃辣, 但辣味+醬汁多的意粉倒是第一次吃, 而且是第一次覺得意外的配合、意外的超級好吃啊！不論是意粉還是焗粉, 份量都是看起來小, 吃下去後覺得剛好的. 不過男生的話應該會覺得少吧, 所以有加$20 加倍份量的服務.說到服務真的不得不提這家的服務都很不錯. 之前在荃灣吃時都留下過不錯的印象. 他們會詢問客人點的意粉要意粉還是闊麵、要不要加蒜（免費）. 雖然聽上去沒什麼特別, 但對我來說已經是加了很多分的貼心服務啦！對等候的客人都一樣照顧有加, 不只店外都有設沙發, 讓行動比較不便的人都可以舒服地等候, 還不時會有飲料汽水供應給等候的客人！ 真的好貼心

餐廳環境非常吸引，在門外及內裡飾櫃內放滿了一碟一碟的意大利粉、薄餅和飲品的膠公仔，並有名牌介紹食物名稱和售價，面對這個震撼的景像，自然引起你的食慾和興趣。而且一看便知道是售賣日式意大利食品。即使今次不光顧，下次亦會排隊嘗一嘗那裡的食物。可惜是店舖略少，午晚市自然要等位。縱使餐廳裝修如何吸引，亦要食物好吃才可以吸引顧客再次光臨。我當晚只點了一款意份及一杯凍檸檬茶。意份味道不錯，不過要求加了蒜而仍然蒜味不足。份量方面，只可以說是剛好，大吃的人士可能會認為份量不足。餐廳可能已知道此問題，所以如果要加倍份量，要另加$20。最便宜的意大利粉要收$6X，有點兒不化算，而且餐廳晚上沒有套餐，如果要喝湯，則只可以點栗米忌廉湯，沙律亦只有兩款。論意粉款式，實在是一個驚喜，有些還十分特別，如加蛋的幾款意粉，蛋是水煮的「糖心蛋」，另外又有泡菜意大利粉，一時間，你也不能選出愛吃的意粉。除了意粉，還有咖喱、冷意大利麵和飯吃。

本來想幫趁$48的特價午餐，但親切的店員說對不起，本周不供應（奇怪！）。算吧，就散點了一份Cabonara ($68)。賣相相當不俗，尤其是那隻放在最頂略煲的水蛋，非常有特色。味道也很好，那個白汁明顯是落足材料（cream、cheese.....)，幾片煙肉也頗大塊，意粉以一般餐廳來講算彈口（雖然我覺得更硬一點會更好）。全碟可以算是滿意，但以價錢來講，份量實在太少了！我不用3分鐘已經清碟！後來看到旁邊那個加了$20的加大份量，看起來就剛好！但連加一接近$100去食一碟意粉，以午餐來講，實在是太貴了！另外在落單時，那位小姐問我要闊面還是幼面，那一霎那我以為是除了spaghetti外，還可以選擇fettucine或angel hair，心想這裏選擇還多啊！就算了幼面。那知出來還只是普通spaghetti。建議店方可以問客人要普通意粉或闊面，這樣會較正宗兼避免混亂。

拿波里香腸麵 - D 汁好好味，闊麵唔會過”林”，無乜腸　煙肉包菜蕃茄奶油麵 - 汁比較淡，　要先食，否則食左濃味食物先，會覺得無味　pizza - 皮簿好脆, 好味,不過好細塊 忌廉湯 - 好creamy, 份量唔多,但飲左好飽肚 服務好好，不停加水。在外面等位時亦派飲品，好好service