Pepper Lunch Express (希慎廣場)

营业中

休息中

今晚行完街去了希慎廣場11樓美食廣場，每次去我都會吃Pepper Lunch鐵板燒，相信都好多人都食過亦都很清楚有什麼餐吃，不過小弟今次係介紹新款既澳洲黑椒和牛粒，價錢比較貴要$116，點單之前都要諗左一會，因為肉眼都只是90多元價錢上相差都頗大。人山人海不過今天出奇地快，等了五分鐘便有位了燒前和牛粒份量都唔少，絕對夠一個男仔食，之前點過肉眼等等餐每次都吃不飽。燒熟了後開始試味，肉身嫩滑及很厚有口感加上有少許肥膏在內裹，完全吃得出是和牛的品種，當然沒A5那種好吃，但已很滿足。

今日做野真係好攰啊!差D去暈晒港九新界了...為左慰勞下自己,放左工特登去左誠品睇書~睇到唔夠8點肚肚已經打晒鼓,所以去左FOOD COURT食我最愛既快餐: PEPPEP LUNCH~今次好捨得咁叫左100大元既牛扒,真係好好食嫁~不過要煮就好考功夫啦!鐘意食5成熟既我,即刻就要幫佢地馬上轉身,順便煮下舊牛油呀嘛~之後唔使20秒就要可以上D粟米度~再落晒D飯落去同埋加汁, 話咁快就大功告成了~調過味既牛排真係好好食喔~淋芝芝又有肉香,不過好肥好肥~炒飯就可以揀蜜糖或者燒汁,燒汁食落好似炒飯咁,都係蜜糖汁甜甜的好味D

一班朋友喺times睇完戲又唔知去邊食結果又去希慎food court坐。本來諗住飲杯野陪朋友食個tea, 結果忍唔住叫左個pepper lunch食。人好多所以都等左廿個號碼，不過原來號碼顯示左佢都末整我嗰份，小扣分。始終佢個黑椒牛肉飯對我真係好有吸引力,熱喇喇嘅鐵板加上濃味嘅蒜茸醬汁（雖然知道會口渴）真係好開胃。朋友叫左個三文魚拼雞肉飯反而冇咁有光澤，可能少左Ｄ牛油啦,都係揀傳統款式穩陣Ｄ。

pepper lunch ,當然是食午餐,點了黑椒牛肉飯.這裏用上了半生熟牛肉,配上黑椒及粟米粒,味道不錯,而且黑椒香味也很收引,可惜飯的質地太黏,影響了整體的味道.價錢於銅鑼灣而言,$52,不算貴吧.

pepper lunch總是在foodcourt裡的第一位，因為食物質素有保証，難食有限，繼上次被getgofresh嚇壞，要平衡一下心理，吃番次pepper lunch,因為自立秋後，身體感覺商場的冷氣好凍，要吃點熱的暖暖身…點了最便宜的黑椒牛肉飯，因為其實對不同質素的牛肉都不是太懂其分別，但貴一點都是白飯另上，我個人喜歡飯是一齊鐵板上點餐時請店員改燒汁，她說無問題！肉汁燒汁混和白飯，味道真是無得輸！牛肉不韌，香而滑難怪去到有pepper lunch的foodcourt都是最多人揀呢，特別天氣凍的時候

話說pepper lunch o係hk開左多年其實我仲係第一次光顧XDDD今日lunch行行下搵食乜突然落雨就走左去附近o既hysan food court搵食環顧一圈, 見最多人食o既都係pepper lunch就黎試下點了最平o既黑椒牛肉飯送上黎一刻, 吱吱聲加上熱氣騰騰未食已經食指大動加上佢提供o既蜜糖汁同豉油, 再撈一撈, 開動了黑椒的辣加上蜜糖的甜, 想不到起了驚人的化學作用飯粒都是日本米, 較飽滿雖然加了2杯醬汁, 但在鐵板上撈呀撈好快已蒸發不少, 所以飯粒唔會好濕牛肉雖然唔係似落左鬆肉粉咁林但都唔會太鞋

除左hysan啱啱開個時食過一次 因為次次去都十級多人 所以只能同佢擦身而過 然而每次經過 個種香味都令我好苦惱 不過好野就係多人鍾意 可能今日時間尚早 所以竟然只有「小貓三四隻 」 我當然唔會放棄呢個機會 因為香味已經令我肚裏面嘅野消化囇黑椒雞肉飯（加芝士）汁淋上去鐵板沙沙作響 不但味覺 聽覺上嘅享受都滿足埋 而識食一定加cheese 因為芝士遇熱溶左就會好似食pizza咁 拉到絲出黎  配埋飯真係無得頂 而且飯粒粒分明 帶有小小飯焦 食落去脆脆的 黑椒汁亦好夠味 三者融為一體  正呀！下次黎一定試埋牛肉飯！

是日同上司去了開會。會前知道大家並未有食午餐，於是，三人行回到公司，由領導帶領，過來希慎的 food court，食個 late lunch。嗜扒的他，選中了《Pepper Lunch》，不過，我們來到時，已經近三點，我們想吃的和牛扒及普通一點的牛扒都全部沽清，所以我們只能選漢堡扒。同事及上司叫了漢堡扒餐，這《Pepper Lunch》是提供的是日式西餐，所以我們吃到是漢堡扒，也就是用上了日本牛肉，是日本式的漢堡扒，味道豐富，肉汁也豐富，而且漢堡扒的肉汁，在鐵板上吱吱地響，再者，鐵板佈充滿了味道既香又辛辣的胡椒，所以，味道是十分香的。建議把飯倒入去炒兩炒，讓飯沾滿了肉汁，味道更佳。我總是貪心的，要了漢堡扒併雞扒，同樣的味道，同樣的感覺，不過，我有點後悔了，兩片漢堡扒比起一漢堡一雞扒，來得更香口。沒有特別要飲料，但有一個日式的湯，吃過既熱氣又辛辣的一餐，有一個味道溫和的湯，絕對是解熬良品。很熱的一餐，很 Spicy 的一餐，《Pepper Lunch》的確可以給人一種又快又熱又飽的飲食體驗，在忙碌的社會內，又快又熱又飽，的確是既方便又快捷。

今天2013年12月7日, 晚上行完銅鑼灣希慎廣場誠品後到11樓的Pepper Lunch晚膳, 2 人食了霜降牛排及燒汁雞扒. 兩個餐都使人失望, 首先霜降牛排:- 第一, 唔夠熱, 第二, 牛排比平時細小又韌, 最大問題是無汁, 很乾. 第三, 牛排奇怪地沒有牛肉或牛排味. 第四, 加$7的百事Pepsi Cola又太多冰最大問題是唔夠氣.至於燒汁雞扒, 則更差, 雞扒同樣細塊, 最大問題是很乾, 很鹹, 且硬. 相信很大可能是唔新鮮, 是翻煎.其實希慎廣場11樓有許多選擇, 我肯定不會再去Pepper Lunch.

位於Hysan 11/F Food court 的 "Pepper Lunch" 是最多人等的食店;食物大部分是有黑椒，所以味道超香，好自然被這食店吸引。原本想點黑椒三文魚飯$47，但發配＋$10 可加牛肉或三文魚，所以點了最基本的黑椒牛肉飯$42＋$10三文魚　（店員話這樣叩，份量一樣但價錢較便宜）。這裡是先下排隊付款，再按螢幕顯示交飛（等了十分鐘），再等食物（等了八分鐘）；都唔知點解要分兩轉等．．．十分不便，而且會聚集不少人．．．終於有得食．．．車．．．原來＋$10三文魚份量係少Ｄ，又比店員點左．．．趁鐵板還熱，加上特製醬汁再快手把飯攪拌，發出渣渣聲，香氣四溢；不久牛肉及三文魚就熟透～飯醬汁的甜味辣味，加上黑椒的香辣味，十分美味又開胃！配上牛肉及三文魚十分美味香口，粟米也很甜爽，簡單的配料，用鐵板就能如此美味，真值得讚。  

行完誠品, 對腳累累地, 盡快揾地方落腳休息, 於是上多一層到Food Court開餐食飯, 裡面都是人山人海, 很不容易才找到位子.今次吃食了鐵板餐 - 牛和雞鐵板餐 - 牛: 全生牛肉放在熱哄哄鐵板上, 配有芽菜、雜菜、粟米..等等材料, 還有一個醬汁可以倒到鐵板上.  如果鐵板再熱一些, 牛牛會有7-8成熟.  這是牛肉只有5-6成熟, 但到美味可口, 肉質也容易嘴嚼, 這快餐不錯也不失.鐵板餐 - 雞: 所以配菜和鐵板牛一樣, 只是肉的分別, 不錯也不失.

食左咁多次pepper lunch，次次都係食最平果幾樣 (因為唔鍾意芽菜 )。第一次試pepper lunch的扒，霜降牛扒好雪花！好似八十蚊左右，o係茶餐廳据扒都要呢個價錢啦！牛扒好"淋"，有牛味，黑椒與牛油的調味下非常之香口！扒的份量不會太大，o岩我～ 經常食的黑椒牛肉飯，試加芝士，估唔到好食咁多！間間分店我都食過了，總括黎講，希慎分店牛肉靚d，粟米同蒽都比多d，d飯就一樣都係咁少架喇，但呢間d飯濕左d囉

去誠品逛逛, 到了晚飯時間, 一直都好想去下Hysan 的food court. 今天和朋友一起吃.可能都算早, 七時左右, 仍有很多桌子.. food court 有很多其他不同cuisine. 最多人的都係pepper lunch. 一行入呢層已經聞到陣陣胡椒味! 很吸引!我吃了漢堡扒, 因為晚上不吃carb, 所以叫佢唔洗俾飯我. 朋友叫了一個單點, 佢至愛的炮菜豆腐湯, 有前菜, 飯同飲品. 因為是第一次食, 我太肚餓, 下放低個盤就吃了一口肉, 哇! 涼的! 未熟? 抬頭一看, 原來自己要撈一撈, 煮一煮先食得..... 佢用鐵板上的, 很惹味.. 除了兩塊漢堡扒, 仲有雞蛋同芽菜! 撈得愈勁愈好味! 我一定會再來吃.朋友的豆腐湯十分正宗, 多料, 又有蜆, 大蝦, 仲有好多牛肉.. 見佢都食唔哂D 飯, 不過飲哂個湯就知幾好味啦....... 正!

收工夜了，希望轉車回家前吃飽，卻得啖氣！走到收銀處落單，有幾款貼上超長的紙條，寫著＂售磬＂，我問落單的職員邊款無，而回應是＂無貼住既咪有囉＂。小姐，你一張紙條橫誇三幅圖，問多句都如此悔氣？那唯有是旦選一款無被遮住的，再加杯百事。等了一會，我見取餐枱上有二個餐盤，一個放了汽水，另一盤放了鐵板飯，心想無汽水的應不是我的，便繼續等，不久，有汽水的那盤也上了鐵板，更被人拿走，那便走去問那盤連油都彈不起的鐵板是否屬於我的，她說是，＂攞得啦＂我說還有汽水，回答是＂係咩，係喎＂。結果我就是吃了一頓不熱的鐵板飯，包括生牛肉及生芽菜，及最離譜的半瓶可樂。這間餐廳絶對無下次！

Pepper Lunch呢間餐廳食過好多次，今晚第一次去希慎food court呢間竟然發生另一食客拿走了我的扒餐事件！當我購票後等顯示器出現號碼，我將收據交予女職員並將醬汁放在餐盤上。差不多到我取食物時，我發現一位戴粉紅色LV絲巾的女士拿走了我的扒餐！ 我之後問職員我的餐在哪裡？那位姓梁的職員問我票號，我又一時說錯46 (其實係44)，看盡櫃檯上只有50，他露出一副"你記錯嗎？"的樣子。當我再跟太太確認，我再響梁生投訴別人拿走我的餐，他竟然以我剛才講錯號碼為由話查不到！！我同他說我認得邊位客人拿走，而且說是安排問題，他就說不關安排事，又說有其他人代取而且該客人可能食緊為由拒絕了解，我覺得真的很有問題！我去過咁多間都冇問題，根本一開始就不應該收收據，就不會出問題，呢間Pepper Lunch職員的態度真的有問題！！！ P.S.我留意到呢位Martin Leung係持牌人！