Pepper Lunch Express Plus (MegaBox)

营业中

休息中

通常星期六嘅lunch time我哋都會出街食。今日行到megabox，睇下有咩嘢好食👍🏻10樓有好多間餐廳，仲要出面有好多枱可以畀人客喺唔同餐廳買嘢食咁就唔使限定個個要食同一間餐廳。行過見到其他人食緊好香，俾佢嘅鐵板吸引咗😂所以我今日揀咗嚟pepper lunch食🤤黑椒牛肉飯加芝士($60): 牛肉唔多，但鍾意佢有鐵板所以食幾耐都仲係好熱辣辣。每次都一定要加芝士👍🏻👍🏻有拉絲勁正，芝士控必食😍雖然 鐵板好多油，食到好有罪惡感，但真係好好食😆😆

黎到megabox 除左鋪頭都可以試下food court😗不過中午時間就難啲搵位所以一有位就坐低先😂Menu 多選擇👍🏻👍🏻👍🏻揀左一輪我叫左個煎蛋照燒汁雞扒 加檸茶個煎蛋煎得幾好上到嚟嘅時候生生地就係等到食嘅時候擺喺塊鐵板上邊再煎熟就可以自己控制個有熟非常好👍🏻加埋照燒汁夠晒惹味鐵板上面撈勻左就更香口🤪我覺得最抵讚嘅係佢凍檸茶唔係普通茶餐廳嘅檸檬茶即係得兩塊檸檬同埋茶要自己搞係雀巢檸檬茶所以感覺上貴啲好似賺咗😋😋😋😋

進入冬天，天氣冷想起Pepper lunch 這一家是一間連鎖店，來過無數次.專售日式鐵板牛肉飯。我一般都會點一個黑椒鐵板牛肉飯，喜歡佢熱辣辣送上枱牛肉上抬時半生熟的，放在鐵板慢慢煮，用的生熟程度可自行控制，醬汁在枱面牛肉跟飯混入醬汁， 10分野味今次第一次試這間分店, 環境比較舒適, 設計時尚. 店員送餐至面前今次食物又點了最拿手的黑椒牛肉飯, 加十元有飲品同湯保持水準，連埋粟米粒攪拌超惹味但略嫌黑椒太多.吃起來辣了少許夠飽肚又溫暖的一餐.....順帶一提：每間pepper lunch 每張枱都有一盆調味料，如果覺得味道唔夠嘅話，

食過好多次Pepper Lunch, 係時侯寫下對佢既感覺。Pepper Lunch就好似一般連鎖快餐店咁, 當唔知食乜好,又唔想冒險既時侯,一個中規中矩既選擇。其實佢係比一般連鎖快餐店好食D既。由於佢既牛肉飯係用鐵板, 可以自製飯焦。冬天黎食, 食到最後都仲係熱。不過味道有點太重,每次食完都要狂飲水。今次掛住食唔記得影相~  

芝士奄列牛肉飯🥘$86番茄醬雞肉意大利麵🍝💪$69+$7 (三款蔬菜🥬)芝士奄列幾好食👍奄列裏面混入芝士，每次都做到拉絲既效果🧀可惜牛肉份量比較少😂雞肉意大利粉，就真係好普通，味道不過不失，但不值一提😂

心血來潮想食啲熱辣辣嘅嘢，Lunch 去咗pepper lunch 食啦😎✨因為近排想減少啲飯量，加返啲蛋白質，今次揀咗特選雙拼，叫咗荷包蛋照燒雞扒😋用咗幾蚊加咗秋葵同西蘭花🥦但係幾蚊都真係換嚟幾粒菜雞扒- 去皮食就冇咁油- 去完皮同少少肥膏都有肉食！！！肉好滑- 大小適中（正常女仔會覺得足夠💕）蛋- 撈蛋汁芽菜食一流🤪芽菜- 稍嫌有啲太淋粟米- 爽甜- 大約二至三湯匙嘅份量，少少澱粉啱啱好食完帶住一浸煙味返公司，冇嘅，happy Friday 嘛，快啲收工早啲返屋企咪得囉😎😎😎

今日黎到Megabox, 好耐無食過Pepper Lunch，所以就決定食呢間餐廳。一黎到就見到有午市優惠，其他餐望落都好似唔錯，不過最後都係選擇返原創口味，黑椒牛肉飯，黑椒牛肉飯仲可以選擇大盛，加錢仲可以加芝士或者其他配料。午市套餐仲會包埋一杯飲品。點完之後，職員會俾個Reserved牌，擺係台度，轉頭會有人送餐，而飲品就落完單即場會俾埋。等左差唔多十分鐘，牛椒牛肉飯終於送過黎啦，個鐵板熱辣辣，仲會冒煙，要趁呢個時候撈下d飯同牛肉，倒埋個汁落去，撈到d飯差唔多上哂色就食得啦味道都唔錯

過黎Mega Box 買野，行過food court 聞到pepper lunch啲飯好鬼香，於是就坐低左食。Mega Box 呢間舖，坐出面既話可以望住啲人溜冰，睇到都好想落場玩返轉！其實都有好一般時間冇黎pepper lunch，今日叫左牛牛🐮鐵板飯，牛肉很多，加埋啲醬混埋一齊食好惹味，鐵板又夠熱👍🏻，我最鍾意呢度可以自己加醬料，可以自由調味，加埋啲黑椒粒好香好好味！沙律🥗好fresh，獨立包裝好乾淨！

很久沒吃Pepper Lunch了，心血來潮想吃，所以順路在Mega Box閒逛時去了吃。Megabox分店在food court樓層，週六晚食飯時間人真的很多，要找個空位很難， 幸好店內也有坐位，而且沒有坐溜冰場那邊的擠迫及嘈吵。點了最基本的牛肉飯，原來可以免費加飯，真好。上枱一如以往的熱辣辣，食pepper lunch關鍵一定在於加上蜜糖醬去撈飯才好味。牛肉及粟米份量剛剛好，加了飯底更加覺得飽肚。難得pepper lunch水準依舊，差不多已是food court的指定食堂了。

鐵板燒既威力真係好難抗拒！Pepper lunch既牛肉飯非常香，每次經過都會吃一番！牛肉切得厚薄適中，鐵板燒得夠熱，能夠充分燒熟！白飯上撒上既黑胡椒粉更加係整個飯既精髓！黑胡椒帶起牛肉既肉味同另白飯更惹味！

星期日離開港島黎到Megabox睇戲食飯位於商場10/f，與其他分店不同的是這店內有位置可坐，店員也會把點好的食物端到客人面前，不是自助形式。這裡除了黑椒牛肉鐵板餐外，也有其他不同的選擇：鯖魚、三文魚、芝士奄烈飯、壽喜燒、日式咖哩等，比pepper lunch express 多好多選擇。價錢由$54到$134，另加$15轉套餐，可配汽水和沙律/味增湯/季節湯/馬鈴薯蓉/雪糕。左上：珍寶黑椒牛肉飯套餐 $89-加蛋 -加芝士 -配汽水和味增湯右上：黑椒牛肉飯套餐 $54-配汽水和季節湯牛肉飯好味指數：4/10兩個的黑椒都實在太多，飯餸入口隨即辣味刺激味蕾，不禁咳嗽。建議放少些黑椒，讓客人自己加入想要的份量，始終各有口味。加了芝士和蛋，味道濃稠一點而已。味增湯好味指數：4/10湯裡沒有材料，只有少少薯蓉，感覺出是開出來的。味增湯好味指數：5/10不過不失。食物質素有待改善，另外服務也是。跟餐的兩個湯在我們快要食完都未到。問一下原來漏單了。幸而，侍應都有道歉。P.s.這餐廳要加一服務費的喔。

星期五放工同朋友睇戲，為咗趕時間要速食，於是係戲院附近間Pepper Lunch 食個餐先。我揀咗黑椒牛肉飯，加15蚊要埋飲品和雪糕，再加2蚊將飲品改成CC Lemon。鐵板燒烤好熱，當職員將碟飯放上枱時，便要急急趁熱把牛肉炒熟。可能怕會黏底，鐵板上有一層油，但是油似乎太多了，雖然飯和牛肉都冇黏底，但是卻食到成口油。牛肉薄薄好易熟，唔靱，飯面上有粒粒粟米，混合飯和牛肉一齊食，好味，不過如果可以減少些油會更健康更好。綠茶雪糕是軟雪糕加上綠茶粉，綠茶味濃而且唔會太甜，可惜雪糕底部加了糖漿，令到底部太甜，其實雪糕本身都是甜的，不用再加糖漿味道會好些。

一放工超肚餓，係觀塘一諗就諗到星期五去mega box應該無咁多人～pepper lunch一向係男朋友最愛快餐之選！我第一次唔係食肉，食左個白汁意粉，加埋估薯容，真無好好食，d白汗唔會太油, 個意粉唔會好乾,仲跟埋芝士粉^_^正～男朋友就食個牛肉飯，聽到滋滋聲果下都夠滿足,一啖咬落去就溶, ～連D配菜粟米都吸曬D牛內汁

百物騰貴, 以前就係窮撚先會去Food Court, 依家連Food Court都變左高檔野, 食個頹飯一百幾十等閒事, 好似上個星期去Mega Box, 諗住平平地食個Beggar Lunch, 都差唔多成舊水叫個珍寶牛肉飯, 加多隻蛋, 諗住加多$5要杯野, 但就只得$15 野飲連湯, 大佬呢個飯咁咸, 點可以唔飲野, 但係迫人要多個湯收$15就太貪心啦…個飯都係咁啦, 因為醬料係由自己控制, 我多加醬汁夠晒咸, 加上多黑椒夠晒香味, 每淡飯都係味蕾的享受, 加多隻蛋就係因為佢有蛋香, 多一份口感 好啦, 俾左$15, 都要飲個湯… 但飲左一淡已經無飲落去, 好似飲粉咁樣, 又唔夠熱, 將成餐飯的怒火迫出黎, 所以呢個負評係因為價錢同個湯而出現的

出Megabox逛逛，揀左一陣決定食Pepper Lunch之前喺旺角、尖沙咀食過都好好味，但今次Megabox呢間係令人失望咖哩黑椒芝士雞肉飯例牌熱辣辣鐵板上檯，令人期待兼食指大動~雞肉、粟米、芝士、蔥粒、黑椒，賣相唔錯~快手將所有配料拌勻，吱吱聲~入口味道夠唔濃郁，口感有點乾，冇之前食既咁好味!侍應仲要冇俾雪糕我由於冇胃口食，自動放棄。