影片
港铁香港站 E2 出口, 步行约5分钟
继续阅读
营业时间
今日营业
12:00 - 20:30
星期一至日
12:00 - 20:30
以上资料只供参考，请与餐厅确认详情
過到嚟上環嘅海港政府合署搞啲文件，返公司途中經過IFC，睇見呢一家主打賣冬甩嘅新店「Pinky Bakery」好吸引，之前晌銅鑼灣就過佢哋嘅Pop-Up Store。咁就不如買啲返去跟同事一齊下午茶，當喺慰勞吓大家早排搞掂幾個項目。店舖細細一眼睇晒，兩組餅櫃就顯示晒所有烘焙產品，一排排整齊排列，加上燈效，頗為吸晴。當中包括有冬甩、迷你冬甩、貝果包、酸種麵包、牛角酥……等等，望上去確喺非常吸引。難得依家仲有買3送1優惠嘛！紙盒包裝，剛剛好裝到4個大冬甩，盒面除咗有店名、招牌妹妹個樣之外，晌盒邊更印有店家產品嘅特點：新鮮人手製作、無添加、無防腐、天然食材、本地香料，以及採用日本麵粉。所以，食得健康之餘，更有份信心晌度。朱古力花生醬冬甩 $48冬甩外層有近一半沾上黑朱古力漿，仲黐咗少少花生粒，咬落去朱古力味都好香濃，而裡面嘅花生牛油醬軟漿好軟滑，滿滿花生香，又無過甜嘅問題。咖啡冬甩 $48睇樣就平平無奇，不過，佢哋啲冬甩咬落去真喺好軟熟，撳落去回彈力十足，而裡面超過一半空間都喺咖啡漿，口感滑溜，好醇香咖啡味，襯杯咖啡真喺一流。抹茶冬甩 $48呢個好搞笑，晌個唧漿嘅窿位塞咗粒QQ嘅麻薯，純粹都喺方便做個印記。裡面同樣填滿抹茶軟漿，嗰陣抹茶味非常之濃郁幽香，絕對喺抹茶控嘅最佳之選。海鹽焦糖冬甩 $48講到賣相，應該最突出就喺呢一款海鹽焦糖冬甩，成個冬甩面面鋪咗一層焦糖鏡面，閃閃爧，可能天氣凍，咬落去脆得嚟有少許硬，而裡面嘅焦糖軟漿就好正。雖然賣到$48一件確喺唔平，但作為一件高質素嘅西式甜點，又唔可以話貴，最緊要喺大家食得開心，大家又好欣賞。
继续阅读
每次經過見到都覺得好吸引，咁啱做緊買三送一優惠，就俾個藉口自己試吓🤣當日去嘅口味有黑芝麻、吉士、咖啡、抹茶、焦糖海鹽同朱古力花生醬口味，除咗冬甩佢哋仲有新推出牛角包🥐最印象深刻的是朱古力花生醬，黑朱古力配鹹甜嘅花生醬，極爆漿好邪惡！味道相對較甜一點😛另外黑芝麻冬甩都不錯，用上台灣黑芝麻，食落幾香，芝麻味濃郁，表面冇砂糖粒，取而代之用咗椰子蓉代替，幾特別👍🏻整體啲麵包幾有彈性，即使隔咗一日食都唔會有油淰淰
继续阅读
社交平台 網店 Pinky Bakery人氣熱賣各款手工烘焙Bagel、蛋糕及最歡迎的冬甩.並於中環、尖沙咀、啟德等地方開Pop Up Store.加上每日新鮮製作,包控不要錯過!🔸咖啡冬甩($36)🔸抹茶冬甩($36)🔸芝麻冬甩($36）🔸辣味芝士bagel($35)他們的冬甩採用日本鳥越麵粉、法國牛油和蛋黃香濃的湖北蛋. 咖啡、抹茶及芝麻味冬甩各有特色!經發酵後,香味突出,咬落鬆軟.內裡忌廉餡濃稠卻不過甜.最愛咖啡味,香濃不苦澀有點焦香味.貝果亦比想像中有驚喜,是我喜歡不太硬實而帶點軟熟的口感.辣味芝士bagel氣炸數分鐘後,芝士味飄出,內有微辣腸粒,咸食者必愛!
继续阅读
2024年最後一日去左IFC既Pinky Bakery買冬甩返屋企食。店舖除左有冬甩，仲有貝果、牛角包、麵包、鬆餅等，買四個冬甩就會有個盒裝。冬甩新鮮人手香港製作，採用日本麵粉，無添加，無防腐，非常天然。抹茶冬甩冬甩鋪滿砂糖，有粒粒脆脆既口感，口感非常鬆軟，而冬甩內充滿抹茶餡，抹茶唔係苦澀個種，帶些少甜味。吉士冬甩吉士就係原味，甜甜地幾好食。朱古力花生醬冬甩朱古力餡會醬啲，但朱古力味既就係美味，又唔會過甜。海鹽焦糖冬甩呢個外型同其它唔同，外層是一層脆口既焦糖，有片脆餅，內餡係焦糖味，甜度適中。
继续阅读
聽咗好耐嘅冬甩店PINKY，最近喺公司附近開咗新分店，終於有機會試到！佢哋而家仲做緊買三送一嘅優惠，超啱最近聚會買返俾大家分享。店員話佢哋嘅冬甩都係每日新鮮製造，所以每一款都好有水準。 之前見過佢哋同NODI（我超常飲既）嘅cross over推出嘅咖啡冬甩，當時已經好心郁想試。今次終於買咗幾款人氣口味：焦糖、抹茶、咖啡同埋朱古力味。每一款冬甩嘅口感都好鬆軟，返到屋企用焗爐焗一焗，中間仲係流心狀，甜度適中唔會太膩，真係好滿足！ 仲有個驚喜發現係，原來佢哋除咗冬甩之外，仲有賣bagel、scones、muffin等烘焙點心，下次一定要試下其他款式。呢間店真係唔錯，無論自己食定買俾朋友都係一個好選擇！
继续阅读