PizzaExpress (K11購物藝術館) (已結業)

I'm not familiar with western food. so I have tried pizza hut some times but haven't tried the other one. we ordered set for 2persons including 1 starter, 1 salad, 1 pizza, 2, drinks. It was good and reasonable price. The thin seafood pizza was really good and potion was enough for 2 persons.

行街行到肚餓 想食意大利菜 行下行下就走到K11見到pizza express既菜式好似都唔錯就坐低再慢慢睇平時食意大利菜既配搭都係一個意粉同一個pizza今次都唔例外叫左鮮茄海鮮意粉同 La Rose Pizza鮮茄海鮮意粉茄味濃厚 仲有海鮮都幾有鮮味再加埋芝士粉都幾唔錯La Rose pizza可以話係皮薄既薄餅所以食起黎口感都唔錯上面既ham同芝士份量都唔少

和朋友一行三人去吃晚飯，點了北京烤鴨薄餅、凱撒沙律及一個意粉。薄餅好好食，係會懷念的味道！個醬汁完全講薄餅帶到另一個層次！難得地中西合璧得好好，完全無違和感。薄餅一如既往酥脆，而且好足料，有成10塊烤鴨。不得不提，青瓜係呢個薄餅度起左一個相當重要的作用—另成個薄餅口感好好。讚！沙律就正常水平啦。不過意粉真係差左d，調味很一般，我地同店員反映左，店員好有禮貌甘幫我地換左另一碟，但結果無乜分別😂😂以後黎pizza express都係食翻pizza好啦

每次行街，經過PizzaExpress,都好想食！但夜晚價錢都偏貴少少，而老公又不太愛食pizza!所以咁耐以來都無去食過！今日難得有朋友陪我，就去左呢到食個Lunch set 因為Lunch set 價錢會抵好多頭盤叫左兩款包，一款是細細焗麵包球，外面脆口，內就軟綿綿！再配上牛油就更香口！另外一款是香草包！之後再叫左雞翼，肉質鮮嫩，外脆內軟！好味！卡邦尼忌廉意粉，有雞蛋，巴馬臣芝士，煙肉！意粉十分彈牙，白汁也挺稠身，十分Creamy,讚!松露菌薄餅，有野菌，松露菌沙，迷迭香，蒜蓉！松露勁香，薄餅底勁香脆，但味道偏淡！

K11呢間Pizza Express人好似比較少，地方好闊落，坐得好舒服。.Lunch Menu供應時間12-5點，今日呢個鐘數同時有Afternoon Tea Menu。Lunch menu嘅pizza比較大份，比Afternoon多30% 😂.Appetiser: Salmon Bite唔係食味道，食個開心姐 😂.Main: American Pizza三大塊好開心哦！Pizza底薄脆，迷你辣肉腸幾得意，芝士香 .Drink: Dry ginger 幾好.加埋一$64，好滿足 ☺️

二哥生日，佢係pizza express 會員，話生日月份去食有免費甜品送，於是上網即日訂位。 記得有次係沙田分店食過碟扁意粉，口感好潺，對佢印象麻麻，不過今次二哥話想食，無所謂啦。三個人叫咗一碟清酒蟹肉意粉，一個小食拼盤同埋一個肉醬 pizza。個清酒蟹肉意粉食到真. 蟹肉，撈匀食好正，媽媽食到停唔到口。 pizza個面有d 脆脆，同埋有提子乾，少少甜，幾特別。小食拼盤有 parama ham ，芝士粒，煙三文魚，細塊印度薄餅，味道偏咸。係食到7788時想叫侍應上埋甜品，但佢叫我 speak in English喎，hmmmm 我唔係唔識英文，但如果真係有d 英文唔太好嘅黎，咁叫佢地點算。-_-算啦，唔理咁多，甜品又靚又好食，為今餐帶黎完美句號。

因為早前見到網上廣告話Pizza Express 做緊週年紀念優惠7折，所以特意黎幫襯，然後再用chope的9折voucher，真係超抵👍👍由原價$729減至$460左右。首先叫左香烤雞翼，本意為無咩特別，但卻幾好味， 雞翼外脆內嫩， 熱辣辣嘅，配蜜糖芥末醬特別開胃蘑菇燴意大利飯無咩特別。材料新鮮，但本人都是比較喜歡凱撒沙律多點。朋友們說辣肉腸好辣，但我反而最鍾意食辣肉腸，較香口。較濃味，幸好大家share食，唔係一個人食會覺得好濟。

三人行嘗試下午茶，沒有點套餐，單點薄pizza,夏威夷，薄餅好脆夠熱，有巴馬火腿、菠蘿、紫洋蔥，好味！小食combo：牛油果醬dip dip脆餅和火箭菜配芝士卷，香濃芝士味（有六粒），軟綿綿熱香包卷入芝士，雖然細粒咗少少，不過西餐份量係咁上下，小食多滋味！Matcha latte x2 好香滑濃稠嘅抹茶鮮奶，估唔到咁好味！烘烤鷄翼，又估唔到咁好食，有黑椒，好juicy，唔會好乾，配有唦嗲汁和蜜糖芥末醬，唔點醬都咁原汁原味，外國進口的果然食得出跟一般中菜食肆的鷄翼分別好大，好食好多。再追加一個羅勒香草蕃茄意粉，一般素食菜式，芝士味濃，所以會覺得咸咗少少。總括：全部都滿意，環境整潔又寧靜，但媽咪就不太喜歡了。我會下次自己一個再來食過。

Pizza express 其實質素都唔錯，今次叫咗個margarita pizza，無肉嘅，只係得芝士同菜同埋蕃茄，但係我好鍾意呢個味道。都幾fresh幾清新，而且佢嘅芝士味好濃郁，好鍾意佢嘅口感係煙銀彈牙。仲有一個dough嘅麵團球都好好食，加埋酸酸甜甜嘅蕃茄肉醬,正呀。

因為呢間舖有搞兒童手工Pizza班，等姨甥女上完堂順便喺度食埋dinner。本身就對Pizza麻麻哋，今餐預咗唔好食，不過陪屋企人一次半次冇所謂啦。叫咗雞翼、燒蘑菇、牛油果沙律，當然仲有pizza🍕。可能係因為handmade，我覺得pizza特別好食，好鍾意佢個皮（最唔鍾意其他舖𠴱d皮油淋淋咁）呢度個Pizza皮乾身得來又唔係好乾，有啲韌韌地，竟然我都隊咗2舊。🍕燒蘑菇 ：一般般。應該係屋企開鑊煎都差唔多味🍕雞翼 ：OK唔太乾。🍕牛油果沙律：有啲酸酸地甜甜地沾薄餅皮開胃好食🍕咖啡 ：超麻麻，唔好喺度叫咖啡。服務都幾好正正常常，幾乎成間店都係後生仔，大部份都係醒目有禮貌，係某一兩個年紀比較大少少嘅服務就比較差啲。價錢唔算好貴食物服務整體OK，特別環境好舒服，估佢唔到夜晚仲係candle light添。會再來幫襯。

前2日同男朋友去左食pizza express，男朋友未食過，我就食過好幾次都覺得唔錯所以帶佢去我地比較細食，所以只叫左一個美國xxxx辣pizza(唔記得名，$152)，仲有個肉丸($61)，加多杯生啤(好似$59)肉丸好有肉味，個汁都好好味，係細粒左少少點知杯生啤成15分鐘都未黎，後面個bartender又好似無任何動作，就叫落單個waitress同我地跟下，其實我地都無發脾氣，我只係問左句「唔該杯啤酒可唔可以上左先呀？」，但原來佢落漏左單，佢落返後即刻say sorry，仲free左杯啤酒俾我地，勁好人，我地勁唔好意思又唔係叫得多野但我唔記得佢叫咩名，戴眼鏡的。個辣pizza好正，有多指天椒，好夠辣，辣到男朋友流哂汗，好惹味，最愛的薄pizza+少少脆邊，一人三塊我地好快清哂可惜埋單簽卡時男朋友唔記得簽tips俾個waitress，佢收返卡先醒起，好慘

今日同男朋友同伴娘去左wedding expo諗左好耐到底食咩好最後都係選擇左pizza express 至於點解去左尖沙咀都唔係好肯定K11依間pizza express 都幾多人食不過好在唔洗等好耐就有得入坐係等緊果時睇menu我地見到有二人餐但係冇我地最愛既doll ball但係waitress 姐姐好好人話可以幫我地轉但係我地諗二人餐又好似唔多夠見距有kids menu一杯果汁 半份意粉/7吋pizza 甜品 冇coffee成份latte 我地仲加左15$ doll ball =$89+$15 (+10% service charge)咁冇理由只係叫kids menu 所以都有叫個二人餐一個starter 一份意粉/pizza 兩杯飲品=$289 （+10% service charge)咁樣食就岩岩好食到好飽埋單果時，我地問個姐姐拎polo 糖距話好少後生會問拎polo 食以前次次係英國食都有架之後距比左六粒我地其實我好中意食完pizza express 既polo 糖

大學三年，做得最好的決定就是住進了宿舍，在那渡過了許多開心瘋狂的日子、遇上了最重要的人，同房是其一。她讀醫我讀商，她看似文靜我口講不停，個性南轅北轍，卻合拍得出奇。本著「搏盡無悔」的潛校訓，我倆時時玩到天昏地暗，凌晨三時去飲早茶、古靈精怪的生日tasks、馬拉松式的聊天等等，多麼青春又多麼令人懷念。 出來工作以後各有各忙，由日夜相見變成半年一聚，心裡總會為她留一位置。近來心態有變想少吃肉，拉著她一起吃我最喜歡的「無料薄餅」；K11分店人流不多，燈光幽暗，兩個人被安排到窗邊位置，感覺輕鬆自在，驚喜的是店家提供一張額外的素食菜單，三兩下手勢便點好菜。 焗釀蘑菇 $76一客八件的蘑菇整齊排列，甚為可愛。蘑菇釀入羅勒香草醬、 乾番茄醬、馬蘇里拉芝士，味道酸甜多汁，偶爾吃到面頭的辣椒刺激味蕾，討人歡喜。 健康輕盈沙律 $128沙律有三款選擇，不特別喜歡紅菜頭和藜麥的我倆用剔除法選上餘下的這個，配料有低脂芝士、牛油果、烤南瓜、紅菜頭、意大利扁豆、 青豆、菠菜葉、雜菜沙律、松子仁、羅勒和黑醋醬，豐富得很，蔬菜新鮮口味清新，惟那南瓜又實味道又淡，和想像中的香甜軟綿有點落差。 瑪嘉麗塔皇后薄餅 $99一

晚上好友共聚，當然去間坐得舒服，吃得開心的餐廳。pizza express 其實也非第一次去，但K11這一間的裝潢真的很特別，也很舒服，一進門就看到一輛棉羊仔作裝飾，下面整齊放了數張Bb椅。今天3人聚，叫了個2人餐再加了一個小食及一款意粉。2人餐頭盤選了蒜茸包，與一般切出來一片片的形狀有點不同，但同樣香味十足，不過較油及硬，有點「乾哽」的感覺。沙律選了廚師沙律，除了沙律菜，更放了很多雞肉雞蛋，也有包作伴碟，營養均衡，如果on diet的美女，吃一碟相信已能飽肚。主菜選了美國辣肉腸pizza，我覺得不夠味，沒有PHD的好吃，但薄餅薄而不脆，是我喜歡的口感。2人set有兩杯飲品，我選了紅莓汁，很濃味，後加了水才覺得合適。朋友選了無限添飲的檸檬茶，侍應會主動來添飲，值得一讚。另加的小食是出名的焗磨菇，一切開很juicy，但要趁熱先好食！至於另加的海鮮千層闊麵就是我這餐的最愛，芝士味與海鮮味道混合，很香很好吃！

新年期間食西餐即係唔駛排隊，咁正！K11間pizza express 好寛敞，簡約interior design，加紅藍accent color，仲有好大落地玻璃窗，好舒服！一派冇黎，發現menu轉左design和內容，真係唔食唔知P.E.係來自英國的，雖然係英國真係周圍都見到佢！全新menu for CNY，二人餐都系$396者，有頭盤x1、主菜x2、甜品x1、飲品x2，性價比好高！注意有D可以揀加$ upgrade 菜式。先上主菜香蒜mushroom salad，帶cherry tomatoes、牛油果、 mozzarella cheese 和沙律菜，全部材料都好fresh。個麵包形狀好creative，無咁悶。唔知點解呢個香辣青口蜆肉盤係頭盤，明顯係pizza，又幾好食喎！海鮮加spicy chilli 醬有D似避風塘炒辣蟹個汁，辣辣地，好惹味！真主菜阿爾巴pizza上，有厚厚的Napoli 辣肉腸同兩款cheese-意大利軟芝士和巴馬臣芝士，配薄薄的餅底super yummy！甜品好有特色，Warm berry crumble 似apple crumble，轉左餡者，有berr