PizzaExpress (K11購物藝術館) (已結業)

二哥生日，佢系pizza express 会员，话生日月份去食有免费甜品送，于是上网即日订位。 记得有次系沙田分店食过碟扁意粉，口感好潺，对佢印象麻麻，不过今次二哥话想食，无所谓啦。三个人叫咗一碟清酒蟹肉意粉，一个小食拼盘同埋一个肉酱 pizza。个清酒蟹肉意粉食到真. 蟹肉，捞匀食好正，妈妈食到停唔到口。 pizza个面有d 脆脆，同埋有提子干，少少甜，几特别。小食拼盘有 parama ham ，芝士粒，烟三文鱼，细块印度薄饼，味道偏咸。系食到7788时想叫侍应上埋甜品，但佢叫我 speak in English㖞，hmmmm 我唔系唔识英文，但如果真系有d 英文唔太好嘅黎，咁叫佢地点算。-_-算啦，唔理咁多，甜品又靓又好食，为今餐带黎完美句号。