Pizzeria Italia (金豪閣)

营业中

休息中

美味勝價比高的午餐，服務態度一流，叫了Pizza和牛扒作為主菜的午餐。頭盤、主菜都有頗多選擇，味道很好。牛扒火喉剛剛好是我們要求的Medium. 餐廳這時段已無甚人流，只有一位外藉侍應，服務態度非常好，也很細心，藉得讚賞。唯一美中不足是冷氣不夠涼，要求開多點冷氣，原來有個別壞了。唯有忍受一個熱辣辣的午餐。如果客人多的時段，相信我未必能忍受到。

若非朋友推介大概亦未必留意到這間意大利餐廳，雖然Pizzeria Italia擁有三間分店但全都遠離市區相對偏僻，不過當到來到依然座無虛席。堅尼地城分店裝修風格有如歐洲小餐館一樣，雖然食物選擇方面主要只有薄餅及意粉，但單是薄餅口味已經有近四十款之多，分別設有11吋或14吋兩種大小。BIANCA CON CHORIZO E FUNGHI ($140) 批底薄脆而邊位略嫌過分堅硬，有別於一般薄餅並沒有舖上任何醬料，配料只得Mozzarella芝士、西班牙辣肉腸及蘑菇，但Mozzarella芝士本身味道偏淡，加上缺少醬料令味道比較單調之餘整體口感偏乾。GODFATHER ($168) 以拿坡里薄餅中最具代表性的瑪格麗特（Margherita）為基礎，傳統主要只有番茄醬、Mozzarella芝士及羅勒三種材料，額外加上意大利辣腸、香腸、香辣牛肉、蘑菇、洋蔥及青椒味道豐富得多。雜錦海鮮意粉配白酒汁 ($128) 麵條軟硬適中並保持彈性，醬汁質感較為稀薄而白酒味亦已於烹調過程中揮發消失，微微酸香亦不會過份油膩感覺近似輕盈版蒜油意粉，魷魚、蜆、蝦等海鮮則不過不失。

港島西食評系列 ~關鍵詞：１個人、工作日午餐第23站：卑路乍街144號店名：Pizzeria Italia餐廳類型：西式--意大利菜提前訂座：沒有我在西環卑路乍街的第２個lunch，吃意大利菜，Pizzeria Italia的位置就在享慢煮泰對面，地下只有門口，用餐區在樓上。點了set lunch，包括以下的：#餐湯：意大利菜湯，蕃茄味濃，配法包，挺好的。#主食：蕃茄汁海鮮意粉，魷魚圈、蝦仁、三文魚、大蜆配意粉，算豐富的，大蜆有５隻，其中２隻沒有打開(可能沒煮熟，也可能是死的)，廚師的QC沒做到位。#餐飲：熱檸檬茶，好喝，份量也足。#甜品：Panna Cotta，小小１杯，飯後一點甜，nice！總體感覺：每次經過門口，以為生意不怎麼樣，上１樓會發現，原來人氣很足，用餐氣氛熱鬧，挺好的店。

其實已經有一段時間沒有寫食評，只是上載相片跟其他食友分享了事，突然的起心肝，當然是事出有因，不吐不快。三日回歸連周末長假，起來已經接近中午，雖然三號風球高懸，但外面仍然有陽光，當然立刻出去揾食。見呢間餐廳食評都不錯，滿以為假期可以開心吃一餐，怎料頗為失望。餐廳主打正宗意大利薄餅。如果你只是抱著吃正宗薄餅的要求而來還可以。若不然的話，你會很失望。這裡冷氣超級凍，凍到抽筋打冷顫，無限時也完全不想久座。侍應服務十分一般。座位之間的距離十分狹窄，跟茶餐廳無異。說話完全被旁邊的人聽到。現時每日感染個案數以千計，坐得咁密隨時中招。原本已經坐下來有十分鐘，竟然會被要求調去其他坐座位 ! 大佬呀，你估呢道真係茶餐廳咩? 好彩仍未點其他食物 (原本想多要一個意大利飯及意粉) 。 既然如比，算吧，坐得不舒服，吃了薄餅就立刻走人。

抵食意菜！其實疫情前都有去過當時已經唔錯，好開心再食都能保持水準。待應姐姐好熱情好好人! 唔記得叫左菜叫咩名。1。沙律 - 波菜葉好新鮮，好鍾意佢有橄欖而沙律油味清新。2。炸雞卷 - ok 好濃味，已經唔駛點松露醬。3。4cheese 意粉 - 好味，好cream濃芝士又唔太鹹，但好“漏”。4。 pizza - 火腿同芝士味都好分明但又夾，放左一陣先食pizza仍然脆卜卜。

尋晚（2/6）book左8點係依間意大利餐廳（透過openrice book)，係門口我正常地scan 安心出行code，而由於我2月尾中過covid , 再俾番個康復code佢scan , 點知佢話康復者code唔得，係都要我有第三針個針code🤬🤬🤬我都已經搵埋我打左兩針嘅record 俾門口果位南亞女仕睇，佢都仲係堅拒唔俾我入，一定要有第三針record先得！話係跟政府法例！但明明政府指引，話明打左兩針，康復者係有權利半年內免針，可以到餐廳堂食！但依間餐廳門口receptionist 就一再拒絕我！！我嘅同行者都有同佢再講清楚，但都係冇用！！我唔知道有冇其他康復者被同樣拒絕過，所以我希望可以通過依度留言告知大家依間餐廳如何拒康復者於門外！！太過份！！

好記得第一次食呢間係同朋友慶生，食完已經覺得好impressive，今次朋友係附近海旁打卡之後嚟食，果然都冇令我失望🥳 嚟得梗係要食個pizza啦🍕今次嗌嘅係Godfather (14” $176)，呢間嘅手工意式薄餅係石板烤焗，所以明顯見到成個pizza一上枱色澤好均勻，同埋因為好熱辣辣勁香咁上枱，朋友做手model個時係咁叫我影快啲，因為用手掂好辣手🤣🤣 咬落去餅底偏脆身🤤而且都幾cheesy，啲香腸係有肉汁的超肥美🐷同埋仲有啲牛肉搓成嘅肉丸仔，辣辣地幾過癮✨ 呢個真心大推‼️不過因為太大個所以最好4個人share😂除咗pizza，同朋友嗌咗一份spaghetti frutti di mare ($138)，其實就係白酒雜錦海鮮意粉，鍾意白酒同蒜香可以輕鬆吊出海鮮嘅鮮味😚 同埋啲蜆、蝦都新鮮，冇沙，肉質爽口彈牙，同朋友都好鍾意🥰見佢酒嘅定價都幾合理，同朋友一人嗌咗啲酒，朋友揀咗1 shot Jose Cuervo Tequila Gold ($45)，自己就嗌咗Mojito ($70)，感覺mojito 夠fresh，襯pizza呢啲膩少少嘅食物就啱晒🌿 上次係到慶生嗌咗蛋糕，今次都

Pizza係香港非常常見，大多以港式改版即係好似某連鎖店咁，其實都好好味不過有時就會想食返意大利風味，包括離唔開既手壓、薄皮、茄醬今次食既Pizzeria，係西環確實不時都會見到有人揸住，外賣自取快靚正上去拎時發現佢間舖好特別，有啲墨西哥風咁，仲可以望住個哥哥搓個pizza，幾正番茄水牛芝士手壓薄餅，簡單既材料，非常好既賣相，睇得出既手壓，薄皮型既pizza，火爐燒，個邊有啲位偏燶，有啲位太硬咬唔到，但絶大部分係好正既風味皮因夠薄都好脆，水牛芝士同番茄、茄醬就係好朋友番茄係同芝士合體既味道，平時唔太鍾意番茄都可以試下薄皮就算無乜toppings都會好正，味道算係中上，加埋啲芝士粉再濃啲仲正意大利傳統千層牛肉闊意粉，千層麵絶對係意大利菜代表食物之一一個裝滿成個食物盒咁大既千層麵，份量驚人，肉醬、茄醬、芝士都好多，賣相已經吸引左我先，食返啖，味道好好肉醬食得出係牛肉，濃濃肉味，同番茄都好夾，超厚身口感，又濃又豐富又好味食左一半已經開始飽最後係自製朱古力蛋糕，一件，少少熱，水𥚃好軟身，朱古力味都算濃，唔會太甜雖然好似唔係食咗好多樣野，但已經好夠好滿足，充滿意式風味幾正，如果可以堂食應該會更加

疫情下又唔可以成日堂食只好叫下外賣😝貪方便又唔太貴就叫pizza 啦加啲氣炸小食又一餐 😌😌揀選依間店勝在夠近 😛我每次都會叫capricciosa 佢有白菌 火腿 朝鮮薊菜(以前未食過🤓) 雞蛋 茄醬底朝鮮薊菜有啲酸酸哋 食落好開胃佢有會做到太陽蛋效果 可以沾啲蛋汁食😚😚正食落會好juicy🤤🤤🤤 我都有試過佢既其他pizza 都係依個較豐富配料 (貪心的我)又唔會太乾身最後都係揀返個款🤠(專一)依間我會用app叫 好似抵啲?!?!!? 大家食之前都望望啦

其實早起中學嘅時候，每逢考試完結，都會搵一間附近嘅西餐廳食返塊牛扒慶祝吓。咁啱大學完sem，於是決定同有人揀間屋企附近嘅西餐廳賀一賀佢。其實大部份中西區嘅西餐廳都有做lunch嘅set，價錢比夜晚相宜好多，所以不時都會見到啲中學生去食。咁啱聖誕就嚟到，喺餐廳都有一啲聖誕嘅裝飾。 午市套餐包括前菜主菜同埋甜品，其實都幾豐盛㗎。前菜可以揀餐湯或者係沙律，因為嗰日係西蘭花湯所以我哋冇揀到，於是我哋揀咗一個煙三文魚沙律同埋一個水牛芝士沙律。煙三文魚都唔算孤寒，比嘅份量都好，味道都唔錯，有淡淡的煙熏味，而魚身都有油光。沙律菜都好新鮮，整體來講都唔錯。主菜方面我哋揀咗牛扒配薯條，同埋當日限定嘅慢煮羊膝。西冷牛扒分量大概8安士左右，雖然我叫咗medium但係黎到就有啲過熟。最估唔到係牛扒都配有沙律菜，早知啱啱前菜就試吓個湯啦，聽到隔離枱對湯嘅評價都唔錯，但係綠色一碗真係麻麻哋好睇。薯條係幼身嗰隻，如果係粗身嘅就好了。唯一嘅優點就係即炸熱辣辣。一開始我哋以為呢個係羊架，點知嚟到嘅時候係羊膝。味道方面比較中東style，但係雖然係慢煮，但係啲肉質都比較乾，調味相都比較重，但都有蕃茄味嘅。至於甜品方面係意

worth for money ! warm environment, traditional and delicious food. 作為2022年嘅第一餐晚餐, 非常滿意! 低食, 好美, 坐得舒服!

31 dec call 咗外賣，明知會等久一點，個多小時也收不到，打電話去問，，她（賓婆）說唔関佢哋事，要跟外賣員聯絡，然後cut線！😡😡😡😡這種什麼態度，生意好些就了不起，以後不會幫櫬！

平日嘅晏晝嚟到呢度，諗住食個悠閒午餐，叫咗兩個set lunch試下。呢度嘅沙律好新鮮，食完覺得好開胃餐湯都好唔錯，幾足料Fish of the day係三文魚薯條，三文魚好似冇醃過，一啲味都冇，三文魚皮無趣口嘅感覺，魚煎得一般，薯條感覺係新鮮炸起，呢樣唔錯。Pizza正常好味，兩個人叫個細批啱啱好甜品都唔錯，唔會過甜最後有杯餐飲呢間餐廳開咗咁耐都係第一次食，覺得質素都唔錯，環境感覺都舒適悠閒，好多Staff都係菲律賓人，點餐同買單都叫咗幾次冇人嚟，呢點希望佢哋快啲改善。

閒日冇嘢做去開堅尼地城附近，諗唔到食咩......見到呢間門口寫下午茶(3:00pm開始)pizza半價，加埋有朋友食過，於是就去食。性價比高，而且即叫即做，又幾清靜，值得再來~

Have tried multiple dishes, from ribs to pizza to pasta. All are relatively good value for money in terms of portion and quality.The staff are very friendly and helpful.The decor and atmosphere are pleasant and spacious.Toilets are clean.