Plato Cafe & Bistro (Mikiki)

呢間Cafe有幾間分店，今次喺新蒲崗MIKIKI商場一樓，裝修簡約得嚟幾有格調，坐得舒服唔會太逼，好適合同朋友傾偈或者情侶撐枱腳。服務都幾好，店員有禮貌，上菜速度掌握得啱啱好，可以將甜品同主菜分開上（落單時可以mark「叫起」），唔會擺到凍晒先食，抵讚！ 二人套餐👥1. 是日餐湯今日係南瓜湯飲落好creamy，微微甜加埋少少奶香，飲完成個胃暖笠笠~2. 蒜片白酒煮蜆蜆肉鮮甜大隻，蒜片爆得香脆，白酒汁好香，不過得幾隻真係唔夠喉啊⋯⋯ 3. 北海道帶子松露野菌意大利粉呢個真心正！帶子煎到外脆內嫩，松露醬超香但唔會膩，意粉煮得al dente，菇菌吸晒啲汁，食到lam lam脷～ 4. 炭燒紅西蘭肉眼牛扒（7成熟）牛扒生熟度剛剛好，切開粉紅色又多汁，炭燒味好香，配埋紅酒汁好夾，好大塊好滿足😌5. 牛角窩夫伴雪糕(+$18)窩夫熱辣辣外脆內軟，夾住凍冰冰嘅雲呢拿雪糕，一冷一熱口感好正！Oreo碎碎增加咗層次，甜度適中，大推！ 6. 是日精選甜品今日係芝士蛋糕，食完大餐之後用呢個完美作結~7. Oreo奶昔對我嚟講甜咗少少，不過口感豐富~評分4.5/5會唔會再嚟？：會！特別係紀念日想食餐

今日去咗新蒲崗Mikiki一間叫「Plato Cafe & Bistro」嘅餐廳食晚餐，我哋嗌咗精選二人套餐，只需$428就包晒餐湯、前菜、兩個主食同甜品，而且食物質素都幾高，絕對係性價比之選！餐廳採用簡約嘅裝修風格，座位闊落坐得舒服。🍊 是日餐湯今日嘅餐湯係南瓜湯，飲落去口感順滑，帶有少量嘅南瓜蓉；唔想飲湯嘅朋友可以另外選擇田園沙律🍊 白酒忌廉汁煮青口青口嘅份量唔少，每一粒嘅青口肉都飽滿鮮甜，配料有蘑菇片、蘆筍、青椒、黃椒、辣椒花、洋蔥同蒜片，唔同嘅材料同調味料令到青口下面嘅忌廉汁特別惹味，忌廉白汁有好重嘅奶油味，同青口係絕配🍊 龍蝦汁波士頓龍蝦意大利飯半隻波士頓龍蝦開邊煎香，加上一隻好大嘅龍蝦鉗，龍蝦膏非常重鮮味同鹹香，意大利燴飯吸收晒龍蝦汁同龍蝦膏嘅鮮味，燴飯中間有蕃茄仔、蘿蔔片、辣椒花等配料，為味道濃郁嘅燴飯解去油膩感🍊 炭燒紐西蘭肉眼牛扒非常驚喜嘅肉眼牛扒，尺寸好大，而且好厚身，用炭燒嘅方式去煮到牛扒充滿炭香味，入面充滿肉汁 ，口感鬆軟而牛味濃郁；配上蘑菇汁可以更加突顯肉味，配菜有焗西蘭花同焗原個薯仔 🍊 甜品是日精選甜品係芝士蛋糕，食落去芝士嘅味道超級濃郁，口感幼滑，旁邊配

交通：搭mtr去到啟德站，再經airside去到mikiki，同一層地產鋪斜對面就係，時間上就大約都係10分鐘路程左右。平日晚上8點左右都有大約一半入座率，可想而知食物及服務態度應該都ok。 入座後，店員會主動溫馨提示是日餐湯，提示可以用qr code落單及倒水，終於有種比人serve的感覺🙂‍↕️精選二人套餐，有前菜，Carbos，Main及甜品，簡單方便😋是日餐湯-蕃茄湯飲落不是茄膏的味道，可以飲到原生唔酸微甜的蕃茄味，開胃👍田園沙律新鮮的沙律菜，配有小蕃茄數粒風乾火腿伴哈蜜瓜沙律重點絕對是包住哈蜜瓜的火腿，火腿如相片所見，唔會有肥膏，朱古力醬、火腿及哈蜜瓜三者加埋的chemistry係幾正😆波士頓龍蝦龍蝦汁意大利飯堅有龍蝦，廚師處理得幾好，仲有埋個夾，食完蝦身食蝦爪都無問題。意大利飯不會過濕，有功架🫡西班牙黑毛豬胺有煎過豬胺都知道好難整熟得黎又唔燶，一口淡清香豬胺一口沙律醬薯蓉，portion也是剛好。開心果白朱古力心太軟配雪糕上次食好似無呢款，所以加少少錢試下而家大熱的開心果味產品。個心太軟即叫即焗，內裡濃濃的綠色開心果白朱古力一切就會流出來，配上已解凍的雪糕，暖暖的與冷冷的口感

呢日去開啟德行街 就行埋Mikiki 順便去揾下食今次嗌咗個二人餐 包咗是日餐湯 雜菜湯 前菜就揀咗西班牙風乾火腿伴哈密瓜沙律 哈密瓜加火腿幾時都係我既all-time favourite 甜甜鹹鹹加埋個加咗黑醋汁既沙律 就即刻打開咗個胃口Main Course 揀咗龍蝦汁波士頓龍蝦意大利飯 意大利飯加上龍蝦汁烹調後特別濃郁🤤而且飯粒軟硬度控制得十分好 唔會過硬 龍蝦肉係燒過但唔會乾 肉質都唔錯另外仲有炭燒紐西蘭肉眼牛扒(碟上）medium上枱就比佢賣相吸引住 切開見肉質依然非常tender 保留到肉汁 肉味濃郁 油脂都尚算豐富 整體滿意！  甜品方面其中一份升級咗自家製麻糬提拉米蘇 自家製麻糬十分有誠意 而且海绵蛋糕加入既咖啡同可可粉分量比例恰到好處 味道唔係一味死甜 值得升級 ⭐️ 另外冇升級既是日甜品係New York Cheese Cake 十分有驚喜 芝士味濃而不膩 食一件絕對唔夠喉去開呢邊行街或者幫啟德體育園睇show 都可以考慮行遠少少黎呢邊揾食 坐得舒服 整體來講係食得滿意既一餐

啟德居民覓食有時都會去到新蒲崗，今次依間西餐廳喺啟德站行過去個天橋就到，非常方便之餘有瓦遮頭唔洗淋雨。餐廳位於mikiki入面，喺新蒲崗好熱鬧嘅位置，環境很好，有好大個落地窗可以看風景，坐得幾舒服。服務都幾好！食物選擇算多，而且有西班牙海鮮飯😝😝！晚食套餐價錢都幾抵食，仲可以加幾十蚊換甜品。我地兩個人叫咗一個羊架一個西班牙海鮮飯，外加一個天婦羅魷魚，兩款甜品同飲品。質素總體來講都唔錯👍🏻羊架可以選擇幾成熟，我地要咗5成，又真係可以做到五成應有嘅嫩滑口感！份量都幾多，調味唔會太鹹，我喜歡！西班牙海鮮飯有別於我之前食過嘅海鮮飯，依款嘅飯底有係似risotto，粒粒分明嘅米有濃厚嘅湯汁包裹住，好入味！海鮮種類同份量都唔吝嗇，有帶子蝦青口魷魚，新鮮程度都唔錯甜品：開心果提拉米蘇同牛角雪糕窩夫個人比較喜歡後者，窩夫新鮮出爐仲係熱辣辣脆卜卜，配上凍冰冰嘅雪糕好有趣天婦羅魷魚天婦羅要炸得酥脆係基本啦，佢在此之上有卑到小小驚喜就係有加紫菜碎豐富咗味覺

新蒲崗Mikki向來多美食，今次黎左呢間cafe食飯～精選二人套餐是日餐湯（蘑菇忌廉湯)食到粒粒蘑菇🍄‍🟫口感幼滑creamy!法式蟹肉龍蝦湯濃郁的龍蝦🦞湯，喝下去鮮味十足！煙三文魚凱撒沙律🥗煙三文魚油香濃生菜🥬翠綠新鮮，再放上煙肉🥓粒+Caesar醬口感爽脆～波士頓龍蝦龍蝦汁意大利飯龍蝦🦞肉都幾彈牙，仲有好多橙紅嘅蟹膏，味道甘甜意大利飯黏黏地，每一口飯都有濃郁的龍蝦🦞汁味而且不會太膩～澳洲肉眼牛扒🥩（5成）牛扒🥩好juicy，5成的牛扒口感很嫩口，肉味濃郁！焗薯仔🥔口感很綿滑，再放上西蘭花🥦做配菜，食返啲蔬菜，可以中和一下肥膩感～開心果白朱古力心太軟配雪糕作為開心果控的我，呢碟甜品最適合不過表面放上超多粒粒開心果，非常滿足心太軟內放入開心果醬，旁邊再放上一球冷冰冰的雪糕🍧有冰火二重奏的享受！自家製麻糬提拉米蘇有微微的酒香味，中間有超彈牙的麻糬～整體口感好順滑creamy檸檬茶 (熱)前面吃多左野，當然要飲返杯熱茶解解膩！放入幾片檸檬🍋更有消滯作用

今晚同朋友喺Plato食晚餐，見到有精選二人套餐 $428，有餐湯、前菜、碳水、主菜同甜品，好圓滿，超抵食！首先，餐湯係羅宋湯，濃郁的味道加上鮮甜的番茄，令人食慾大開。前菜揀左蒜片白酒煮蜆，蜆肉鮮嫩，配上香濃嘅白酒，正！主菜方面，龍蝦汁波士頓龍蝦意大利飯，意大利飯粒粒分明，龍蝦汁濃厚，搭配新鮮的龍蝦，口感非常豐富。另外，西班牙黑毛豬鞍肉質滑嫩，肉香四溢，搭配一啲香草醬，讓整體味道更加提升。最後，是日精選甜品 係cheesecake，口感滑順，甜而不膩，完美作為結尾。飲品方面，可以享有半價，要左香蕉巧克力奶昔，濃郁的巧克力配上香甜的香蕉，口感十分豐富。整體而言，今次的用餐體驗相當滿意，值得推薦！

今日同朋友去食下午茶，去左之前係觀塘食過間cafe係新蒲崗原來有分店，呢間cafe真係平靚正之選。我地揀左幾個餐都好好食🩷🩷🩷🩷🩷再加配埋佢必食既甜品真係好正。我揀左西西里虎蝦意粉配沙律，(熱)玫瑰花洋甘菊茶。佢個意粉酸酸甜甜既茄汁好濃味再加埋啲配菜同大隻又彈牙既虎蝦，真係好足料。個花茶都好好飲，夠清香得黎又好抵飲勁大壺。同埋沙律都好爽甜，加埋酸酸汁好開胃。Bbq雞翼配沙律加凍檸茶，佢個bbq汁好正！甜酸辣既醬汁，係我中意食既醬，同埋隻雞翼炸得唔會太乾身配埋啲好開胃既沙律，杯凍檸茶都好夠茶香酸甜解滯。仲叫左芝士牛肉竹炭漢堡配薯條沙律同餐湯，凍檸茶。佢個漢堡包外脆內軟，同埋芝士味都好香濃，個牛肉扒好多汁之餘加埋啲配菜好fresh。再加配左我最鍾意食既自家製開心果麻糬提拉米蘇，好煙靭之餘滿滿既開心果味，岩曬我呢啲開心果愛好者。

😋 放工好餓，唔想煮就落樓下食西餐補返啲蛋白質，點知今次有驚喜喺度！本來諗住食得簡單啲，結果太餓叫咗佢哋嘅套餐再加沙律同雞翼，兩個人食都絕對夠飽。🌟 煙三文魚凱撒沙律三文魚唔會太鹹，配埋爽脆嘅生菜同香濃但冇過份膩嘅凱撒醬，開胃又清新，係個好開始。🌟 法式蟹肉龍蝦湯湯身好有層次，龍蝦同蟹味濃郁但唔搶味，質地滑順，溫度啱啱好，冬天或者落雨天飲一碗好暖胃。🌟 西班牙黑毛豬鞍肉質鮮嫩多汁，油脂分布好，有一啲微微嘅炭燒香，調味唔會蓋過豬肉本身嘅味道，配菜同醬汁都幫到手，整體好滿足。🌟 BBQ 醬雞翼外皮微脆，醬汁甜鹹適中，帶少少煙燻味，係條好下酒（或下梳打）嘅雞翼，份量足夠分享。🌟 青檸梳打解膩之選，青檸夠清新，氣泡感夠，幫整餐食緊保持清爽感。環境同服務都幾舒服，員工態度親切，上菜速度唔慢唔快啱啱好。價錢方面以套餐加小加配嚟講算合理，適合放工兩個人輕鬆share一餐。總括講，今次係一次愉快又有驚喜嘅晚餐體驗，會考慮再去試其他菜式。評分🌟 4.5/5

今日去了新蒲崗Mikiki食飯。我們點了露絲瑪粒香草燒羊架羊架外焦內嫩，香草醬料增添風味，肉質鮮美。 田園沙律新鮮蔬菜搭配清爽醬汁，口感清脆，健康又美味。忌廉南瓜餐湯濃郁的南瓜湯，滑順細膩，帶有淡淡的香甜味，暖心之選。日式天婦羅魷魚魷魚炸至金黃酥脆，外脆內嫩，搭配特製醬料更加美味。澳洲肉眼牛扒肉質鮮嫩多汁，烤至完美，搭配醬汁，風味絕佳。BBQ醬雞翼雞翼醃製入味，烤至香脆，BBQ醬的甜辣。日式芝士餅芝士濃郁，口感豐富，是完美的餐後甜點。

今次同朋友去咗 Plato Cafe & Bistro試佢哋嘅 精選二人套餐（$428），每道菜都很用心，性價比超高！餐廳環境舒適，服務又貼心，絕對係約會或聚會嘅好地方～💖 一齊睇吓有咩好食！👇 🍽️ 精選二人套餐 $446🌟#甘筍濃湯 🥕 濃郁香甜嘅甘筍湯，口感綿滑，暖胃又開胃！😋✨ 🌟#風乾火腿伴哈密蜜瓜沙律 🍈🍖 鹹香風乾火腿配清甜蜜瓜，完美平衡，沙律清新爽口！🥗💖 🌟#波士頓龍蝦龍蝦汁意大利飯 🦞🍚 龍蝦鮮味爆棚，意大利飯吸滿濃郁龍蝦汁，每一啖都奢華！😍🔥 🌟#炭燒澳洲肉眼牛扒 🥩🔥 7成熟剛剛好，肉質嫩滑多汁，炭燒香氣令人回味！🤤💯 🌟#牛角窩夫伴雪糕 🥐🍦 外脆內軟嘅牛角窩夫配冰涼雪糕，冷熱交融超滿足！😘❤️ 🌟#是日精選甜品芝士蛋糕 🍰🧀 芝士味濃郁，口感細膩，為晚餐畫上完美句號！🎉💕 呢個二人套餐真係抵食又高質！🥰 由頭盤到甜品都冇伏，尤其 龍蝦意大利飯同 炭燒牛扒絕對係必試之選！環境舒服，服務周到，下次一定會再encore～

前日同朋友在新蒲崗Mikiki嘅Plato Cafe & Bistro食咗個lunch，環境舒服，落地玻璃望到街景，叫左兩個lunch set～澳洲肉眼牛扒($148)煎得啱啱好，7成熟肉汁豐富，可揀薯菜/意粉/飯，加咗法式蟹肉龍蝦湯(+$38)，湯濃而不膩，飲品揀咗熱柚子蜜。蒜香蟹肉蜆肉炒意大利粉($72)蒜味香口，蜆肉鮮甜，意粉煮得彈牙，份量啱啱好，加咗泡沫咖啡(+$14)，奶泡厚實，咖啡順口。仲加左芝士蛋糕(+$28)滑溜，甜度適中！服務親切，上菜快，平日嚟輕鬆又抵食，推介同朋友嚟試試！📍 Plato Cafe & Bistro (新蒲崗)新蒲崗太子道東638號Mikiki 1樓116號舖#PlatoCafeBistro #新蒲崗 #香港美食 #西餐 #咖啡店 #牛扒 #意粉 #新蒲崗美食 #mikiki美食

今日嗌左：💛龍蝦汁波士頓龍蝦意大利飯每日返工超級攰 收工突然好想食龍蝦！！！！老老實實我第一次行入去叫龍蝦飯….☹️（請sponsor 禾地🥹！）但個龍蝦飯勁正！大大舊龍蝦擺係係眼前 正正😍唔好睇佢細細份 但其實都好飽龍蝦肉都好夠 不過剪殼呢啲我都係pass返俾做哈哈哈哈哈😬😬同埋個飯都好食粒粒分明 唔會變到一舊野咁好好食阿😋😋推介指數（5🩷最高）🩷🩷🩷🩷🩷大家有機會都可以去試吓🥰

今日去左Mikiki行街街，行過見到呢間餐廳嘅食物幾吸引，於是就決定响呢度食午餐。呢度係用QR code 落單，好方便。是日午餐：餐湯：蕃茄湯味道濃郁而且酸酸哋，好開胃。L10 澳洲肉眼扒（ 5成熟 ）配薯條 $148肉眼扒：肉味濃郁，油花分布均勻，口感軟嫩多汁且有嚼勁。炸薯條：炸到金黃色，外酥內軟，鹹香可口及帶有馬鈴薯嘅清甜味。抹茶鮮奶 $50 一上枱就好吸睛，上面有層軟滑奶香嘅忌廉，而抹茶嘅香氣帶有淡淡嘅海苔味，抹茶同香滑嘅鮮奶混合，就呈現咗醇厚同回甘味嘅口感，而且甜度適中，係好飲嘅。整體：環境優雅舒適，座位寬敞，店員服務態度好好，食物質素都算唔錯，下次再嚟會食埋甜品。

餐牌以西式餐點為主，有扒類、pizza,意粉等亦有小食同好啱打卡嘅甜品🍧選擇多元化晚市套餐包括餐湯或沙律🥗及餐飲亦有超豐富嘅二人套餐🎈西班牙黑毛豬鞍黑毛豬鞍配有蔬菜及焗薯豬鞍好厚身食得好有滿足感，邊位有少少油脂中間肉質唔會過肥，食落軟嫩有肉汁配上甜甜哋嘅蘋果蓉🍏令豬鞍多一份清新感食晒成件都唔會膩伴碟有焗薯🥔及蔬菜，焗薯口感軟綿簡單加上蛋黃醬已經好好味，飽肚得嚟無負擔，成個感覺好豐富🎈Espresso Tonic湯力水同濃縮咖啡按自己喜好添加儀式感滿滿