Pokka Cafe (荃灣千色匯II)

营业中

休息中

今日中午同朋友到千色店，隨意找了間看起來坐得舒服的餐廳Pokka。鐵板牛扒應該是必吃的，侍應主動推介俄國斯肉眼及和牛扒，所以各點了一份試試。服務態度十分好！侍應詳細解釋怎麼食鐵板，牛排的生熟靠自己掌控。牛扒質感真係有驚喜👍滴漏咖啡。超滿足的！埋單時侍應介紹買現金券,可即時使用$400，雖然聽落好抵，但我地不是住荃灣區，愛吃肉的人可以來試試

7/8 我和朋友四人,7點半到荃灣千色 Pokka cafe 同朋友食生日飯, Order 一個2人餐 - 龍蝦餐及他們推介的俄羅斯肉眼,龍蝦餐套餐真有打卡點,期間有位男職員主動同我地拍照(超專業),俄羅斯肉眼有牛味,淋身.龍蝦餐抵食,餐後職員主動推介他們自家製蛋糕,唔太甜真係超讚,超驚喜.他們還幫我地蛋糕插上蠟燭,最驚喜還播生日歌,男職員話聽到我地對話,所以知道我地有人生日,好細心.這餐生日飯超 Surprised.

當日夜晚約18:30我和嫲嫲去千色pokka 食牛扒，店員見我嫲嫲行動不方便，馬上安排了我們坐梳化，嫲嫲問他有咩好食，這男仔馬上介紹我地食澳洲和牛和介紹各牛排的分別，所以我地選擇了兩份澳洲和牛，期間他介紹現金券給我地，可即時使用，嫲嫲問他買$1000定$2000好啲，但他講不用心急，你食過啲排ok才決定，食物唔好食送多$1000都無用👍，牛排到後他見嫲嫲不方便煎，主動幫嫲嫲煎，十分貼心及誠懇👍最後我們選擇買了$2000,他真的很細心，叫我地留低電話，方便如市面有任何變動都有方法聯絡我地，如何使用，👍👍👍

好耐冇食過pokka cafe ，咁啱落去荃灣 ，千色匯裏面又有一間即管去試下。 首先 想講嘅係pokka cafe嘅裝修格調 ，同20年前一樣， 格調都keep到 ，但係食物嘅餐牌 ，比起二十年前嘅選擇少咗好多，而且餐牌非常簡單， 以前係一本 有釘裝嘅menu ，而且食物選擇仲有好多， 但現在嘅menu已經改為一張張散裝a4紙， 並用排板夾起， 感與店舖嘅格調 有些格格不入🤨。服務方面， 都尚算ok， 我去嘅時候不是高峰， 若果是繁忙時候就不知道了。今次落去係食午餐 ，我點咗一個焗雞扒飯， 味道同份量都唔錯， 特別想讚一讚佢杯餐飲咖啡， 要煮嗰隻 ，keep到真係好好味。

平日夜晚去食唔洗等位，都幾清靜，氣氛唔錯👍🏻我地order左個西冷，跟餐可以揀兩款小食、湯同野飲等等😬個扒好大塊，咬落都幾嫩，啲小食同湯就無乜特別，埋單大約百五蚊一位，非常飽肚，都值得再食👍🏻

成日經過都見到排曬隊😵今日有時間就跟住去試下☺️Cafe裡面雖然多人，但係氣氛好好😉見到啲waiter都好熱心😊見我吾知食邊款好，都會推薦我🤓今日都趕時間，如果吾係都想試下個二人龍蝦餐，好似幾抵食甘🤔但係個雜菌菠菜意大利飯同埋吉列咖哩豬排都好吸引🥰有機會再試埋其他

咁岩經過千色滙  見到呢間餐廳環境幾好.一入門口就有招呼。當時帶住兩個小朋友買左好多野.員工即刻主動說幫手我攞（諗都無諗過會咁主動）.然後安排左個大枱位置比我。幾貼心！然後就叫左個雞扒定食 。賣相唔錯.味道都岩岩好.不過值得一讚係員工見工我枱上水杯無水就會即刻幫忙加水.

在大街上走過，透過落地櫥窗，看到這餐廳環境不錯，而且有大量座位，就進去吃個下午茶。在餐廳入口等候入座，看到餐廳內原來有很多桌子都是食客已離開，但尚未收拾乾淨，所以等了好一陣子才能内進，看來餐廳在這方面的安排要改善一下了。點了兩客下午茶：辣肉腸胡麻鮮茄意粉這意粉的醬汁帶點甜味，把意粉和醬汁拌勻，試一口，好吃，辣肉腸也不少。煙三文魚牛油果墨西哥薄餅這薄餅上桌時，面層是沙律醬和沙律菜，移開沙律菜後，就見到薄餅的真貌。這墨西哥薄餅和平日常吃的意大利薄餅不同，餅底是軟的而不是脆的，是室溫的而不是熱騰騰的。我個人比較喜愛吃熱騰騰的意大利薄餅，不過這薄餅味道也不錯。飲品方面，我們都點了熱的皇牌特色咖啡，咖啡味道不錯，下次會再點。環境方面，這店座位寬闊，桌椅之間有適當距離，可以很悠閒地吃下午茶。服務方面，就有可以改進之處。除了上述所說，店員未能及時清潔桌子，以致要顧客等候入座之外，在用餐快完結之時，還發生了一件小插曲。我們的咖啡和牛奶送上時，奶瓶的牛奶上有浮有一條小小的衣服纖維。我告訴店員，請他更換，他雖有更換，但全程一言不發，若能說一句抱歉，那就更好了。

Situated inside Kolour Mall, that explains above average business.Overall experience is average.Lobster bisque - this is best tasting dish in this lunch. Rich flavourful with just the right amount of bitter aftertaste and bits of lobster.Fried seabass with scallops- very big portion. Good amount of vegetables.Tomato based sauce is ok, maybe they should not have covered the seabass with sauce so that you can taste seabass with crispy skin. Red velvet cake -looks nice but taste average as probably

睇餐牌同相都好唔錯，叫左個豬扒香草腸同一個雞扒lunch set ，💰130+同💰140+一個餐，一入去個時服務態度差入到去門口企左成十分鐘都無人黎帶入位，之後我地行去去問佢，佢又叫我企好係外面等住先，前前後後等左都好耐先安排到入坐，但餐廳又未滿。前菜叫左一個湯一個沙律，之後就上主菜，雞扒好大份，但中間出血唔熟，好彩佢地唔係直接熱番個份比我，個賣相都幾好，但兩個主菜食落個汁係一份，而且個豬扒好柴好乾😩到寫食評先發現原來佢哋冇上到個沙律俾我。唔推薦呢個餐廳唔會再去

不專業的侍應，態度奇差，好少見咁差的服務，重差過茶餐廳，不會再有下次了。叫埋單叫咗10分鐘都冇人理，每個侍應都話等陣先，等咗10分鐘都仲係冇人。侍應們可能要再接受專業培訓。睇落一定唔似專業培訓侍應，好似係黎玩遊戲咁，尤其是咀臉，說真的，食物還好，環境還好，但服務態度零分，咁大間餐廳，又係連鎖集團，係咪應該係呢方面做好啲，好耐冇去過啲服務態度咁差嘅餐廳，平時亦都唔會浪費咁多時間去打字，但係服務真的真的真的很差。

喜歡飲Pokka 杯咖啡，所以都試過唔同地點的Pokka Cafe. 但荃灣千色店呢間肯定服務態度係全港最差！特別係女侍應，試過問佢今日餐湯係乜，答案係：頭先咪同你講咗囉，仲問！問題係佢從來冇講過！結賬時，一句多謝都冇，仲黑口黑面同朋友講起，原來大家都試過類似情況，今時今日竟然仲可以咁嘅服務！？

今日陪小朋友驗完眼，就輪到考下我眼光嘅時候，由我發板食乜好。我們走進入坐落於千色店底座的PokkaCafe，菜單上的選擇琳琅滿目，令人花多眼亂。我的眼球被龍蝦吸住了，就點了深海龍蝦牛扒三重奏。深海龍蝦牛扒三重奏一上枱就聞到好香的燒烤龍蝦味，龍蝦係原隻澳龍，約八佰克，蝦肉新鮮彈牙，抵讚！侍應提示我地先食龍蝦後，牛扒變得過熟…另外還可以用$280追加龍蝦。豬軟骨洞庭烏冬及磯燒鮑魚另外點了洞庭烏冬及磯燒鮑魚，烏冬正常發揮，鮑魚唔算大隻，但有𡁻頭，整體水準唔錯。

Pokka Cafe 以往都係食意粉飲咖啡較出名。而最近Just Streak 都係Pokka Cafe 集團旗下餐廳。荃灣千色Pokka Cafe 更做埋Just Streak 扒餐，以相宜價錢吸引顧客。最近石燒牛扒的確大行其道。最重要都係睇性價比。一坐低，店員已經好hard sell 唔同質素肉既扒餐，當然平野未必唔係唔好，至少試左會知道佢餐廳肉類既質素去到邊度。紐西蘭肉眼扒當然要一試，由於鐵板上嘅關係而且佢不設熟成程度選擇，佢表示一般會以三成上碟，如果想食熟d 就要係鐵板上煎一會時間。但由於佢嘅鐵板太熱嘅關係基本上都合乎半成熟了。肉質豐富，牛味香濃。至於鮑魚肉質唔差，醬汁香濃。

又打到嚟啦！又一個風球呀！趁學校假期即刻同呀囡出去嘆個afternoon tea 先。路經荃灣Pokka Café ，見到新推出的二人下午茶，呀囡話「嘩！個架好高級咁呀！gogogo 」😂悠閒二人下午茶，共十款食物及兩杯飲品，$268，食咗先講❗️🌸松葉蟹肉牛油果蕃茄沙律蟹肉鮮甜，番茄沙律酸甜適中，好開胃。🌸黑毛豬火腿配蜜瓜蜜瓜配黑毛豬火腿，味道好夾。🌸鵝肝醬多士鵝肝味濃配多士剛好中和番。🌸日式芝麻雞翼芝麻雞翼，外脆內軟，唔油膩。🌸迷你雞肉漢堡牛角包牛角包鬆軟，配上車厘茄、沙律菜及雞肉漢堡，成個食晒都唔覺滯。🌸日式紅豆綠茶慕斯綠茶慕斯配上粒粒紅豆。🌸士多啤梨慕斯牛奶布甸牛奶布甸香甜，配上酸酸甜甜士多啤梨。🌸鮮果吉士撻一口一口的鬆脆。🌸日式焦糖拖肥芝士卷超級大的一個卷，焦糖加上拖肥本身以為會好甜，但原來三種味會夾埋一齊，加上蛋卷好滑，食多幾啖都唔膩。🌸甜蜜馬卡龍 一口馬卡龍分別係檸檬同朱古力味。🌸餐飲，我哋揀咗 ☕️金時姜檸檬柚子蜜 & 荔枝梳打🍹咁多款食物，我哋最鍾意係個 #日式芝麻雞翼 😂😂😂呀囡仲話要啜埋啲骨😂😂😂